علموه أني ذكرته بأول العام الجديد,,تكفون من يقدر عقب ماغاب لي يرجعه

[السكرتيره]

كـلعام يمرنـي وأنته عن عيوني بعيد
بالحزن..!؟ (أستقبله) و(أصافحه) و(أودعه)..!؟

**

وكل عام (أترجم أحساسي) من فراقك قصيد
وأقول ياليت القصيد اللي كتبته( تسمعه)

**

عل وعسى تشتاق لي .. والشوق في قلبك يزيد
لادريت أن الجروح بقلب (مغليك) موجعه..!!

**

ياكثر من قال (خله) والمحبه ماتفيد
وياكثر ماقلت (أحبه) من يجيه ويقنعه..!؟

**

علموه أني ذكرته بأول العام الجديد
تكفون من يقدر عقب ماغاب .. لي يرجعه

**

أشتاق له كثر أشتياق (الجد) لعناق (الحفيد)
وأتحمله كثر أحتمال (السد) موج ٍ يدفعه

**

وأحتاج له كثر أحتياج القلب دايم للوريد
وأنفعه مثل العشير اللي عشيره ينفعه

**

ذاب قلبي في غيابه مثل ماذاب الحديد
يوم ولعني وخلا نار قلبي مولعه

**

أشهد أنه مارحمني يوم خلاني وحيد
طاوعه قلبه يغيب .. وكيف قلبه طاوعه

**

ماسمعت .. ألا .. شطر .. ويحـّرك شعور البليد
(ضاقت الدنيا بشاعر طيب قلبه ضيعه)

**

آتمنــاه .. وأريـــده (والله يفعل مايريد)
وكان مكتوب الغياب..!؟ شحيلتي..؟ وكيف أمنعه..؟؟

**

علموه أني (فقدتــه) ياعسى عامه سعيد
وعلموه أن (القصايد) فـــي غيابــه تتبعـــه

**

كل عام يمرني .. يالأسف .. مامن جديد
بالحزن (أستقبله) و(أصافحه) و(أودعه)..!؟

[mario0om]

صح لسان قاااااايلها

[الفجـر البعـيد]

صح لسااان القايل و يد الناقل

كلج ذوووق

^^

[نبض المشاعر 3]

صح لسااان القايل .. وفديييييييت الناقل ^^

يسلموووووووووووووووووووو ^^

[السكرتيره]

صح بدنكم يابنات فديتكم وفديت طلتكم العسل

نورتوني بتصفحكم لطرحي ربي يديمكم ع راسي

تقديري واحترامي لعيونكم فديت عنونكم انا

[اسيرقطر]

علموه أني (فقدتــه) ياعسى عامه سعيد
وعلموه أن (القصايد) فـــي غيابــه تتبعـــه



صح لسان قايلها وناقلها

سكرتيرتنا ماقول الا الله يعطيج العافيه

والله انتي ابداع وحساسك شعر في شعر


الله يحفظج ان شاءالله

تحيااااااااااتي لج اخووووك

اسيرقطر

[السكرتيره]

يسلموووووووو اسير ع مرورك وذوقك في الرد الجميل

صح الله بدنك وماعليك زود يالشيخ انت بعد احساسك

شعر تسلم وادوم ع راسي اخوي الغالي

[اسيرقطر]

تسلمين لي والله