درس رسم الكحل اسفل العين ْ~

[فودافون]

أولاً الأدوات المستخدمة لهذا اللوك:



آيلاينر من لانكوم و هو المفضل عندي .. سواده فاحم و جميل ..



كيك الحواجب من كرولاين ,,أفضله بصراحه أكثر من مكب تاتو الحواجب من فور ايفر يعطي لوك طبيعي اكثر عند رسم الحاجب..



ستيك من كرولاين..استخدمي الدرجة اللي اتناسب بشرتج..



لوس بودر بلمعه من فور ايفر..



آي شدو ساتان من فور ايفر ,, اللون الوردي و البرونزاج..




رموش بالحبات من محلات سيفورا,, بأحجام مختلفه..




فرشة من ماك رقم 239 حبيتها لانها تلقط الشدو ^_^ بطريقه حلوة..




ماسكرا من ماك ,,




قلم تركواز لداخل العين من برجوا ,, و الاسود من سمايلنج..

خطوات العمــــل بالتفصيل الممل ^_^ :

(1)



في البداية انوزع الفاونديشن على البشرة و كل وحده اتحط الفاونديشن اللي يطلعها بلوك طبيعي عن نفسي استخدم بودرة كانبو و اوزعه بفرشاة البلاشر ,, و فوقه انحط اللوس بودر من فور ايفر ، و عقب انوزع الاستيك على كامل العين..و انهيأها بهل الطريقة..


(2)



نرسم من بداية العين بالآيلاينــر خط مائل يبتدي من دمعة العين بهل الطريقه لتحت لحد مستوى حدود العين من الاسفل عسب بنرسم بالآيلاينر عقب خط مستقيم من تحت العين,,

(3)



و عقب نرسم خط من نهاية الآيلاينر المائل و لحد نهاية العين بهل الطريقة ,, و نمدة للزاوية الخارجيه شوي ،،


(4)



اهني نبدي نملي الفراغات من داخل و برى العين و نرسم بالكحل الاسود داخل العين و انمرر فوقه الكحل التركواز عسب يعطينا نضرة حلوة ,, و بصبعنا انموه الكحل في الزاوية الخارجيه لبرى بطريقو السحب بشكل خفيف..

(5)



نبدي انوزع الشدو على الجفن المتحرك من العين و اذا بغيتي اللون أقوى بللي الفرشة بنقطـة ماي و ابتدي وزعي,,

(6)



و عقب انوزع الشدو البرونز على الزاوية الخارجية من العين..بنفس الفرشه..

(7)



نركب الرموش اللي بالحبات عن طريق الملقط و نغمسة بشوية صمغ و النتيجة .. صار شكل العين أكبر و أحلى و مبين طبيعي بعد..(( لاحظو شكل العين من غير مسكرة ))

(8)



في النهاية عقب ماننتظر 8 دقايق عسب ينشف الصمغ,,انحط المسكرة عالرموش بطريقة الطبطبة مب السحب عسب لاتطيح الرموش اللي ركبناها,,



و هذا شكل العين من زاوية أخرى,,طبعا اللوك بالطبيعه واايد أحلى ..ممممم صح و بالاخير بالفرشاه الخاصه لرسم الحواجب من كرولاين نبللها بماي و نبدي نرسم الحاجب,,





منقوول

[لـ ع ـيونـہـآ..}~]

تسلمين على تعلييم

ولاهنتي على الموضوع

[The One]

درس حلووووو يسلموووووووووووووووو

[طيبتـي خطـاي]

تسلمـيين حبـوبهـ ع آلشـرح

يعطيييج آلف عـآإفييـه..

[اتـ ع ـبني غلاهـ ~]

يسلموو

[فودافون]

منوريين

:)

[نجمة الكون]

رووووووووووووووعه
يسلمووو

[جـدايـل]

تسلمين على النقل

يعطيج العافيه وننتظر الجديد دايما

[~ دلوووعهـ موووت ~]

يسلمـــــــوو غلآآآي ^^

[أصل الغرور]

يسلمووو وربي يعطيك 1000 عافيه

لاهنتي

[الـولـهـانـه]