(... ثلاث الحمام ..!!! ... ) / حمد السعيد

[بنت الذيب]

[align=center]بسم الله الرحمن الرحيم

السلام عليكم ورحمة الله وبركاته



ثلاث الحمام .. للشاعر/ حمد السعيد

ثلاث الحمام اللي تعـدّن علّـي عصيـر
مصادير واليمّـه علـي حـروة الجهـرا


عراض الثنادي كلهـن والجنـاح قصيـر
أنا أقول(زاجل)قول وأهل الحمام أدرى


عليهن طيارٍ لو يشوفه زبـون(الجيـر)
قضب سبق طيره قولته عرضـةٍ قشـرى


ثواني وقفّن تقل قرطـاس فـي معصيـر
وراهن جمعت الشوف بالعين ليـن أزرى


تمنيت لـو مرسـل سـلامٍ مـع التقديـر
معاهن علي اللي وين مارحت له ذكـرى


أبي ياصلنّه قبـل تـدرج مسـاء الخيـر
أنـا خابـره ذي حزّتـه لابغـي يقـرى


معاهـن ثلاثتهـن أبـا طـرش التعبيـر
أبي لانست وحده تصلّـح لهـا الأخـرى


أبي قولة إن فلان لو صار وضعـه غيـر
بقت لك رسومٍ فيه مـن ليلـة المسـرى


تحت عينـه اليمنـي بـدا للسهـر تأثيـر
وتمكن سواده من تحـت عينـه اليسـرى


عسي لاوصله العلـم ويستأنـف التفكيـر
أبي ينشغل فكره من الحيـن لـي بكـرى


تمنيـت وصلـه بالفكـر ماطلبـت كثيـر
أبا اطري علي باله مثل ماعلّـي يطـرى


ألا ياعيون اللـي تنهـض وتـل السيـر
لمحها بعينه يـوم زالـت مـع المجـرى


عديمٍ اليا من حـل طاريـه قالـوا طيـر
تعلّم عليهن (فرخ) من يومهـا وأضـرى


عقب ماوصل طلعه تحدّر دلو فـي بيـر
عليه الله أكبر لاضـرب مخلبـه يفـرى


ضربها وغرّت منـه مابالسوالـف خيـر
وترقّا بأثرهـا مونـسٍ ضيعتـه وأحـرى


غدا مثل ضيعة ذايع الصيت طير (سمير)
سبـب دعـوةٍ لأمـه ولا دونهـا مـذرى


وعقب ضيعته جاب العوض فيه فاعل خير
عطيّة كريـم أطبـاع مـادوّر المشـرى


أثر لاغدا لك طيـر تلقـي بدالـه طيـر
فلا شك جرح مضيّـع الولـف مايبـرى

أتمنى تعجبكم

دمتم بخير..،[/align]

[مطاره ماي]

روووووووعه القصيده
تسلمين بنت الذيب
ع النقل الجميل
وووصح لسانج ولسان من قال

[ام عبادي]

صح لسانج ولسان قايلها اختي
ومشكوره على القصيده الحلوه

[ولد الذيب]

تسلمين بنت الذيب على القصيده

ويعطيج الف عافيه

[بنت الذيب]

مطارة ماي - هبله وتستهبل - ولد الذيب

أشكر لكم مروركم وصح بدنكم

دمتم بخير..،