أحبك موت ياعيوني

[السكرتيره]

أحبك موت ياعيوني


أدري أنك تحبني موت وأدري أنك علي تمون
أنا يالغالي حبيتك حشى والله ما أخونك

أدري أنك مولع بي وأنا مثلك وبك مجنون
أحبك حب يا عيوني فلا أقوى أنا دونك

حبيبي يا شقا عمري ترى مثلك أنا مفتون
وحبك ساطي بدمي ترى العالم يحسدونك

سعيده بعيشتي قربك وفي بعدك أنا محزون
أحس بايامي معدوده تريث بي على هونك

وحبني مثلما أحبك وحبك داخلي مخزون
حبيبي يا أمل عمري تحب اللي يحبونك


سلامي لك تحياتي ومبعث شوقي المكنون
وعطرٍ فاحت رياحينه أرسله لخاطر عيونك



وسلامتكم

بقلم السكرتيره

[اسيرقطر]

السكرتيره

صح لسانج يالغلاا

قصيده رووووووعه وكلماتها ارووووووع

طرحتي وابدعتي تسلم لنا هاي الايادي الي خطت اعذب الكلمات

صديقتي الله لايحرمنا من ابدعاتج وحروفج وكلماتج وقصائدج

صديقتي الله يعطيج العافيه يالغاليه

تحيااااتي لج صديقج

اسيرقطر

[الفجـر البعـيد]

صح لسانج و علا شانج

تسلم يمينج وفي انتظار كل جديد

ودي ^^

[السكرتيره]

اسير قطر

اسعدني مرورك صديقي

لا خلاني الرحمن من تصفحك الذوق

دوم مخجلني بكلامك الذرب الله يعطيك العافيه

تقديري لشخصك الغالي

[السكرتيره]

الفجر البعيد

مرورج ع راسي صديقتي الحلووه

لا خلا ولا عدم من تصفحج وردج العسل

[السعو بنت دية]

سعيده بعيشتي قربك وفي بعدك أنا محزون
أحس بايامي معدوده تريث بي على هونك

وووووووووووووووه السكرتيره
ابيآآآآآآآآآآآآآت ولااحلى وخاااااااصه هذي
اتمنى اكوووووووون شااااااعره مثلك
يااااااااحظ اللى تحبينه ههههههه وكتبتي الابيااات فيه
ممكن اسئلك لاني فضوليه شوي موكثير مره
1اي وقت تكتبين القصايد فيه ؟
2ومين من الشعراء تحبين تقرأين له؟
3ومين اول شخص اذاكتبتي قصيدة تعرضينها عليه وتاخذين رايه فيها؟
4اول قصيده كتبتيها كم كان عمرك
5تعرفين مجله حياه للفتياة لانه تهتم في البنات الموهبات
وتحط مسابقات للخواطر والشعر والمجله فازت في البحرين بجائزه الاعلام الهادف؟

[السكرتيره]

ممكن اسئلك لاني فضوليه شوي موكثير مره
ههههه عادي فديت قلبج اخذي راحتج عسل ع قلبي


1اي وقت تكتبين القصايد فيه ؟
اكثر وقت احب اكتب فيه لين اكون بروحي ومزاجي حلو وساعات حسب الظرف اللي انا موجوده فيه


2ومين من الشعراء تحبين تقرأين له؟
اهم شي اقراء حق امي وحق خالي الله يطول عمرهم وثاني شي شعراء وايد احبهم خاص اللي يكتبون نبط
هذي الشعر احبه وافهم عليه سلس يدخل القلب

3ومين اول شخص اذاكتبتي قصيدة تعرضينها عليه وتاخذين رايه فيها؟

امي طبعا فديت قلبها اهيه اللي تشجعني وتعلمني اذا اغلط

4اول قصيده كتبتيها كم كان عمرك

كان عمري 13 سنه كنت اكتب خواطر في المدرسه
وكانت المدرسه تشجعني وكتبت قصيد موزون وعدل يوم رحت الثنويه عرفت بحور الشعر والوزن والقافيه
والبركه في الوالده فديت قلبها

5تعرفين مجله حياه للفتياة لانه تهتم في البنات الموهبات
وتحط مسابقات للخواطر والشعر والمجله فازت في البحرين بجائزه الاعلام الهادف؟

اي سمعت عنها بس ماشاركة فيها لان امي بروحها تشاركني بمسابقات شعريه وكم مره فازيت بسك عاد فضحتيني الكل عرفني الحين ههههههههههه تسلمين عنوني ع مرورج الحلووو متميززه بردودج وذوق بكلامج لاتحرمينه من تصفحج الراقي


وهذي لعيونج مني هديه فديت عنونج الحلووه

بنت السعوديه لي طلت علي بطروحي
قلبي وقلمي ينزف من فرحتي بمرورج


اسلوب ومعاني وذوق وكلام يرد روحي
وفضول مثل العسل ينزف من سطورج

أهديج باقة ورد تكريم لج ياروحي
لا خلاني الرحمن من روعة حضورج

السكرتيره

[السعو بنت دية]

بنت السعوديه لي طلت علي بطروحي
قلبي وقلمي ينزف من فرحتي بمرورج


اسلوب ومعاني وذوق وكلام يرد روحي
وفضول مثل العسل ينزف من سطورج

أهديج باقة ورد تكريم لج ياروحي
لا خلاني الرحمن من روعة حضورج

السكرتيره
السكرتيره ليه احرجتيني
بربي لحتفظ بالابيات هذي لويصير عمري
99اغلى ابيات تلقيتها في حياتي
يااغلا انساااااااانه احس اني اكتب فيه
شيء في قلبي عجزت اوصله
اسمحيلي ياالغاليه الكلمات لاتفيك حقك
تقبلي خالص محبتي

[السكرتيره]

بنت السعوديه صديقتي الحلوه

تسلمين ياقلبي وتستاهلين اكثر يارب اسوي لج قصيدة عرسج

قولي امين الله يبلغنا في جميع بنات المنتدى ههههههه باعرسكم كلكم

خطابة حشه هههههههه منوره فديتج

[بنت الدلع]

واووو رووووعه صح السانج وعلا شانج حبوبه

قصيده جميله والاجمل اليد اللي خطة القصيده

تسلمين ويدوم لنا قصيدج الجميل لا تحرمينه

من جديدج حبوبه

[السكرتيره]

بنت الدلع

منوره عنوني صح بدنج غلاي

دوم متميززه بمرورج الذوق

فديت مرورج انا بس

باقة ورد لعيونج الحلوووه

[{ احساسي يكفيني }]

صح السانج ع القصيده الروعه

تسلم يدج ياحلوه ويدوم لنا قلمج الذوق

الله لا يحرمنه جديدج

احساسي يكفيني