شاعر في ضيافة منتديات قطري

[همس المشاعر]

[frame="7 80"]السلام عليكم ورحمه الله وبركاته [/frame]
[frame="7 80"]

بصراحه جات في بالي فكره هذا الموضوع وحبيت انكم اتشاركوني فيه

موضوعي يتحدث عن شعراء لهم برق لامع ونجم ساطع في سما الخليج

ولهم قصائد في قمه الروعه تغني بكلماتهاا العديد من نجوم المطربين ورددها

السنه معجبين فيهم سوفي اقتحم حياتهم الخاصه من خلاال الحديث عنهم وذلك با نبذه

عنهم وطرح عدد من قصائدهم منهاا المقروئه ومسموعه وذلك صور خاصه فيهم

وياليت يتم تثبيت الموضوع وانشاء الله ما يطلع مكرر

ملاحظة هامه : راح كل اسبوع استضيف شاعر

ولي حاب يستضيف شاعر معين يبشر بسعده يرسلي علي الخاص

اسم الشاعر ومراح يكون خاطره الاطيب

[/frame]

[همس المشاعر]

السلام عليكم ورحمة الله وبركاته

تحية تملأا الكون ورودا

وتعانق السماء إحتفالا

بقدوم نجم يضيء سماءنا

زوار جينا نمد لك زهور

ونشعل في ظلام الليل البخور

وانت طريق النور

والليله الليله 0000مطر !!

واعيون سوداء من بحر

واجي انا كلي شعور

اصافح الكف 000الحنون

وأبدى هلا وكل الغلا

ولك الغلا يصبح جنون

الليله الليله 0000 مطر

شاعرنا في هذه الاستضافه المختلفه ...

شاعر حقق في تسعة اشهر ماعجز اخرين عن تحقيقه في سنين

الاشاده مني لن تزيده شيئا .. ولكن الاشاده جأته من احد عمالقة الشعر

اشاد بشاعريته الشاعر العملاق طلال السعيد وقال
( [glow1=#d9aec6]لاتكتب الشعر لين اعتزل [/glow1])

لانه يدرك انه سيسحب البساط بشاعريته الفذه

احيى عدد من الامسيات ولعل ابرزها امسية هلا فبراير

بجوار سعد بن علوش ونصار الظفيري ونهى النبيل

بإختصار هو بحر من الشعر لا قرار له

اهلا وسهلا بالشاعر الداهيه

([glow1=#e6aae2] محمد بن جار الله السهلي [/glow1])

[همس المشاعر]

اترك المكرفوون للشاعر للحديث عن نفسه

ويسقينا من بحر اشعاره تفضل يا محمد جارالله السهلي المكرفوون لك






في البدايه احب اشكر الاخت همس المشاعر00


علي هاذا المقدمه الرائعه والكلمات الجميله والترحيب العذب





تبوون اتعرفون من محمد جارالله السهلي انشاءالله تامرون علي



محمد جارالله السهلي
شاعر كويتي
من مواليد 7/10/1982
كان طالب في جامعة الكويت كلية العلوم التقنيه ويعمل حالياً مدرس
بدأ كتابة الشعر في حدود عام 2000 تقريبا والنشر الصحفي في حدود 2003
شارك بالعديد من مهرجانات الشعريه الخليجيه الكبرى واجرى له عدد
من اللقاءات الصحفيه والتلفزيونيه والأذاعيه
وهو عضو في ديوانية شعراء النبط الكويتيه
وله ديوان((اصعب سؤال))

[همس المشاعر]

من ارووع قصائدي

لاصرت بايعني اشوفك على خير ...مع السلامه دام مابه سلامه


قلت انتهينه قلتلك خير يا طير .... ماني اول شخص يخسر غرامه


امحذرك من قبلها الف تحذير ....لعفتني بيعف قلبي هيامه


ماني بميت لا ولا احتاج تبرير....صح الله لسانك ووفر كلامه


بسمعك حبكه وفكره وتصوري...وافهم عدل يامدعي بالفهامه


وجه الشعر ابيض ويحتاج تبرير ...ودي تزينها القصيده علامه


ماضيك الاسود بذكره دون تقصير...كذا يكون بخده الشعر شامه


يصدق معي تعبير ويخون تعبير...ياضيعت الشاعر بوقت انسجامه


يمكن خطى دونك بالشعر مير....لو ماحترمتك للغرام احترامه


ماكان حبك غير بس طعنتك غير...علمتني معنى الندم والندامه


ماجاك مني اي زله وتقصير ....كل ما خطيت اعاتبك ببتسامه


حسبي على الذكره اذا هبت عصير ....ماعاد تنفع شرهتي والملامه


البال ظامي وقتها والحزن بير...خسرتك وهمي كسبت اهتمامه


ولين فازعلك كذا جاني مغير....ظلمتي واكثر طلمني ظلامه


لقبل علي اوحيت صوت المسايير....وفزيت كل ظيف يقوم بمقامه


وليا عزم هالليل ضيقه وتفكير...قلي بربك كيف اقدر انمه


مافي داعي للعتب والمعاذير...الغدر خان الجرح واطيب عمامه


اما يجيب الله مطر تالي وخير ..ولا السلامه ماشي مامن سلامه




وسلامتكم....

[همس المشاعر]

الحب .. طفل ٍ سكن شعري وهوجاسي

وفي ظلوعي العـوج ربيتـه وكبّرتـه

خذاني من .. الوطن والناس وانعاسي

وابـلا قناعـه .. تقبّلتـه و بـرّرتـه

سلمت أمري إليه وطحـت متواسـي

إلين ماصار شـي ٍ مـا تصوّرتـه !!

حبيبتي .. كيف اكذّب حزني وياسـي

لو العذر يعـذرك قبلـك تعذّرتـه !!

الله يسامحك .. ما قدّرتـي احساسـي

وانا على شانك .. الاحسـاس قدّرتـه

نسّاني الهم .. غالـي ربعـي وناسـي

وذكرت ربي .. وقلبي فيـك ذكّرتـه

ودوّرتي اسهل طريق .. لضيقة انفاسي

ماكن درب الفرح .. لرضاك دوّرتـه

يـا سيّـدة خافقـي ومحطمّـة باسـي

كـم مـرة ٍ لمـت خفّاقـك وحذّرتـه

صحيح احبك .. وآخاف فراقك القاسي

وخطاك .. يامـا تجاهلتـه ومرّرتـه

لكنّـي اليـوم لا ذاكـر ولا نـاسـي

ودّعتك الله .. وقلبـي عنـك صبّرتـه

عساني الموت .. كان بينحني راسـي

ويا جعلي الضيم .. لو مبداي غيّرتـه

[همس المشاعر]

ليّـن العـود مـال وميّـل ظلالـه




وايق بصدر شاعـره وقفـل بيتـه



فـوق قلبـي تركـيمنـاه وشمالـه




واسبـل الدمـع وابكانـي وبكيتـه



كنه يقول : شي ٍرحـت مـا قالـه




وكني اقول: لا توّصيـه وصيتـه!!



وان تنهت من الفرقـا علـى فالـه




كنها: رماااح في صـدري تناهيتـه



قلت له : والظروف اقوى من آماله




اعتبـر حبّنـا موقـف وعديتـه!!



عيش دنياكـوانسى الحـب وهبالـه




وانا بنسـاك !! وازعلتـه وخليتـه



عندي اني : اليا ضايقتـه اشوالـه




وعنـده انـي : تنكـرت وتناسينـه



ويعلم الله .. مانـي سالـي ودالـه




ماخبـر يـوم مـرّ .. ولاتمنيـتـه



احلم فيه .. واصحى .. وتهيى لـه




كـم تخيّلتـه وزانـي وناديـتـه؟!



مايس القد صالبني على اطلالـه!!




مـن تركتـه مكانـي مـا تعديتـه



ما اقدر انساه وانسى (وفرة خصاله)




اقسـم بربـي اغليـتـه وحبيـتـه



من تقهـواه عشـق وهـز فنجالـه




جعله يموت قبـل يشـوف ذريتـه



والله انـي حزيـن وحالتـي حالـه




كل مـا يُمكـن اسويـه سويتـه !!



ليتني اقدر اعرف وشهي احوالـه؟؟




ولا عن حالتي عقبه درى ليتـه !!



وليتني كل مـا مريـت فـي بالـه




ادري انـي علـى بالـه ومريتـه



يكفى احساسي بوصله عن وصالـه




بشعر بجيّتيه لـو كـان مـا جيتـه



وليتنـي قبـل مـا اخليـه بلحالـه




بست راسـه وودعتـه وخليتـه !!

[همس المشاعر]

بنت القصيـد/ العيطمـوس / الـدرّه




صفت لها روحـي وهـي صافتهـا



آفة حسن .. عشره و جسم و غـرّه




و أنـا عليـل .. وعلـتـي آفتـهـا



عنقا خـذت خيـر الجمـال وشـرّه




تزعل مرايتهـا .. اليـا جافتهـا !!



كنهـا بدايـات الشفـق .. محمـرّه




وأحلى درجـات الضيّـا .. خافتهـا



أرقـاب خلـق الله لهـا .. مفـتـرّه




وقلوبهـم برموشهـا .. حافتـهـا !!



ما يوجد.. أزيّـن منهـا ..بـالمـرّه




وعيونـي الثنتيـن .. مـن شافتهـا:



صارت لهـا حلـم و متـاع و قـرّه




وثلاثـة أربـاع البنـي .. عافتهـا



لا عذربوني .. ماتـت مـن الحـرّه




كـأن : فرصـة عمرهـا طافتـهـا



وان مدحونـي .. جاتنـي مغـتـرّه




غرور ( مريّم ) في ( فهد عافتها ) !!



عن زينهـا .. قـد انشدتنـي مـرّه




وإجابتـي مـن دهشتـي .. خافتهـا



قلت اللي مثلك .. يالعيـوف الحـرّه




لـو للمنيـة عـيـن .. ماوافتـهـا



مـن العيـوب .. يجـوز فيهـا ذرّه




بس كم ميزة للحسـن .. ضافتهـا ؟!

[همس المشاعر]

( اصعب سؤال ) اللي جوابه للأسف مثله ( سؤال ) !!

...................... ما هو تفلسف !! الا موقف صار واسمع " ثاني بيت" :


البارحه يومه سأل : ( وش ذكرك ذيك الليال ؟ )


.................. كان الجواب بكل بساطه : ( من متى اصلا نسيت ؟ )


ادري بان جمع ( الصعوبه والبساطه ) شي محال !!


.................. لكنها صارت كذا ! واللي (( اهم )) اني دريت :


ان الحياه فبعد احبابك اذا جف الوصال


................. اتعيشها لو تقتنع انك خلااص اصبحت ( ميت !!)


يا صاحبي لو كل شي يمر بالخاطر يقال


................. ما كانت العبره تــــولجني اليامنك طريت ؟!


شفني قدرت احبس دموعي بس ( دمع القاف ) سال


...................... ويا كبرها ساكت ولكن داخل اوراقي بكيت !!


عمر الحكي ما كان دافي لاابتدى بقولة تعال


.................... لجل اتجاهل رجفة حروفي اليامني حكيت ..


الحال في بعدك قسم بالله ما اسميه حال


............... انوي على الضحكه واحس كلي خطا لاني نويت ؟!


اتصور انك من رحلت اشوفك لجسمي ظلال


.................... لا شفته امشي ببتعد واثره معي مهما مشيت !!


مدام يعني في بحرك لفرحتي مليون جال


............... وش فيه موجك ما ركد ؟ قربت اموووت وما رسيت ..


يرضيك ما عادت معي تفرق اذا جالك مجال


.................. لاني اقتنعت انك نهايه واني ببطي ما بديت !!


صرت ( اعقد حجاجي ) اذا جابوك باطراف الجدال


...................... وانا قبل لاقالوا اسمك كني : ميت ثم حييت ..


تعبت اعيش الدور وافتح للمعاذير الخيال


................... واتخيل اني جيت في بالك وبانك استحيت ..


وتردلي كلك (( وله )) وتقول : ( كن البعد طال ؟ )


............... ومن الفرح ما عاتبك واقول : ( ياخي مابغيت ! )


حتى وانا تخيل حشمتك ! لن قلبي لا يزال


................. يكرر اسمك داخل اعماقي بنبضه لا سهيت ..


قلي شسوي فيك ؟ وانت بداخلي اصدق مثال


............... للحب واحساس القصيد ان عانق الليل وسريت ..


ربي يصبرني على الفرقا مدام الحظ مال


............... وانت بيجيلك يوم تعرف ليه في بعدك شكيت ..


واذا بلاك الله وعذبك اشتياقك (( بس تعال ))


.............. واقرى القصايد في غيابك كلبوها بيـــت ... بيـــت ..


بتدرى ان ( اصعب سؤال ) اللي يجي رده ( سؤال )


................ لا قلتلي ( وش ذكرك ؟ ) ثم قلتلك ( متى نسيت ؟ )






وسلامتكم

[همس المشاعر]

http://www.youtube.com/watch?v=HiC9TIbw4GU&feature=player_embedded

http://www.youtube.com/watch?v=89b2Brk5CiA&feature=player_embedded

[همس المشاعر]

http://www.youtube.com/watch?v=ilfkrWzhylE&feature=player_embedded

http://www.youtube.com/watch?v=jhgdvVFawIc&feature=player_embedded

[همس المشاعر]

http://www.youtube.com/watch?v=Hi_QKYZlhZo&feature=player_embedded

http://www.youtube.com/watch?v=JMhj_V9xmPg&feature=player_embedded

[همس المشاعر]

وسلامتكم وانشاالله اني قدرت اقدم لكم كل مايرضيكم

صح السانك يا الشاعر ولاهنت علي هاذي الاستضافه الرائعه

كاروعه حضورك الكريم بجد امتعتنا واستمتعنا بما الديك من امسيات واشعار معبره

ومني ومن كل اعضاء المنتدى وعلي راسهم اداره المنتدى اجمل باقه ورد معطره لقبولك دعوتي المتواضعه

[اسيرقطر]

صح لسان الشاعر الكبير في كلشي

تسلمين همس المشاعر على المجهود الحلوو

وان شاءالله بيتثبت موضووعج الصراحه روووعه

الله يعطيج العافيه يالغاليه

تحياااتي اسيرقطر

[منـي خـذوكـ]

مجهود تشكرين عليه حبوبه

ابدعتي الصراحه

وتسلم يدج

الله لايحرمنا من جديدج

[Malak]

طَـرُحٌ رآآآآقٍيْ,,
مبدعة ...
وان شاء الله القادم..اجمل..