-
-
وفي الختام اشكر الشاعر و ضيفنا الذي امتعنا
بما الديه من اشعار جميله واحساس راقي وصوت عذب
ومشاعر فياضه من كلمات وابيات جزله محمد بن فطيس المري
نتمنى لك الامزيد من التالق في مجال الشعر والقوافي ولاهنت علي هاذي
الاستضافه الاكثر من راعه
تعليق
-
وفي نهاية اللقاء..
نطلب قصائدة ختامية من شاعرنا الكبيــــر
قصائد ختـــامية
إضحك وفـلّ حجاجـك اشفيـك محـزون
.........دنـيـاك ماتـسـوى وخـذهــا نصـيـحـه..
مــادام مـالـك مـيـت ولا انــت مـديــون
.........ارم الهـمـوم وخــل نـفـسـك مـريـحـه..
لـو كانـوا اصحابـك يضـاهـون ملـيـون
.........نــق الكـفـو منـهـم وخــل السطيـحـه..
ولا تشتـكـي للـنـاس لوكـنـت مطـعـون
.........(والـذم مـن بـعـض الخـلايـق مديـحـه)..
ولا تنـحـنـي للهم وتـعـيــش مـغـبــون
.........تـرا المريـح اهـل العقـول الصحيـحـه..
لاصـرت صـادق قالـوا النـاس مجنـون
.........مايـمـدحـون الا الـنـفـوس القـبـيـحـه..
وخلـك صـمـود بـوجـه الايــام و موزون
.........ومـــا حـــرم الله إثـــم لا تستـبـيـحـه..
والكـبـر لــو بــه فـايـده فــاد فـرعــون
.........ومــن ذاع ســرّه بـشّـره بالفضـيـحـه..
والله لــو يعـطـون لـــك مـــال قـــارون
.........ماشـفـت نفـسـك بالغـنـى مستريـحـه..
انفـض همـوم القلـب وابليـس ملـعـون
.........وان ضاق صدرك ارض ربي فسيحه
.........................................
اهوجــــــــــــس
إي والله أهوجـس ولانـى بمرتـاح
والحزن فى حوش الحنايـا بفـاروع
أمسيت من وصل المواليـف مـزاح
وأصبحت من فرقى المواليف مفجوع
البارحه فى غبـة الوصـل سبـاح
واليوم من عرش المواصيل مخلـوع
ياصاحبى صرح الهوى والوفى طاح
والقلب كنه مـن عراويـه مقشـوع
كان أحسب إن لحبنا عشـرة أرواح
إلين شفت الحبـل بيديـه مقطـوع
واليوم خمس سنين والهـم مـازاح
هم الفراق اللى بلا عـذر مشـروع
أستغفرالله تسعـة شهـور ياصـاح
فى غيبته قمت احسب اليوم بإسبوع!
العام خلي يسمـع القلـب لا صـاح
واليوم مهما صاح ماهـو بمسمـوع
ضاع الحساب وشفت برق الجفا لاح
وأيست لولا إن الرجا فـي مـزروع
وحالي نحل والحال مهوب منسـاح
من كثر ماأظمأ للمواصيـل وأجـوع
بليت في من دونه سيـوف ورمـاح
وغدا علي وصله مثل حبـة الكـوع
له مني إن سره على الناس مابـاح
ولي منه إن الصد غصبٍ بلا طـوع
#####################
وهذي قصيدة ظريفة..
قبل ما حظي معا خلي يجمد
ما احسب يومي ولا احس بمروره
يوم كان اسمي محيميد أتحمد
كان مسموح انظره وارقى لسوره
احذف الكوره على بيته اتعمد
لجل اجي واقول محد شاف كوره؟
واستلذ بشوفته توي واكمد
بالوصال جروح فالصدر محكوره
وقت واحرقه الزمان لين رمد
ما يعوده لو يدور ألفين دوره
راح من عمري وقدني ذا محمد
صعب حتى شوفته في وسط صوره
\\\\\\\\\\\\
يتبــــــــــــــــع>>
ـــــــــــــــــــــــــــــــــــــــــــــــــ
خَلآص الحين يادنيآ اظَن مَالي َمعآك حسَآب
وآظْن َمآ في آبدْ مَانع تصَافيِني ِنصير آصَحاب..
تعليق
-
تايع..قصـائد ختـــامية..
قصيدة تالي عصير..
.. تالي عصير ..،؛،
الضيقة اللي دايمٍ تالي عصير ..
.. وش حيلتي وأردها لا تجيني
لا طال ظل العود حزة عشا الطير ..
.. كنها على سجن الحديد تحديني
يضيق صدري كل ما جات وأسير ..
.. ولا يخفف سوج رجلي حنيني
لا حولنا مشراف ولا اقدر أطير ..
.. يالله قسمة خير لا تبتليني
وعقارب الساعة توقف عن السير ..
.. ولاكن في الدوحة سواتي حزيني
والعبرة اللي تاصل الحلق وتحير ..
.. يا قربها لو قيل لي يا عويني
أمل شوف الناس ورد ومصادير ..
.. واللي يقول أشفيك كنه يهجيني
يعني على ما قيل من باب تصوير ..
.. )لاحدٍ أبي قربه ولا أحدٍ يبيني)
أروح أدور خط مابه دواوير ..
.. وأدور اللي هادها تهتديني
وآخذ مع الهاجوس سجة وتفكير ..
.. وأراجع اللي فات بيني وبيني
وأحسب ذنوبي وأدور التكفير ..
.. عساي ما قصرت في والديني
وعساي ما قارنت من ينفخ الكير ..
.. واللي يحمل المسك جعله قريني
ويطري علي يوم الحشر وأطلب مجير ..
.. ما أعطى كتابي في شقيقة يميني
ويطري علي صدقان كثر الدنانير ..
.. اللي اتعاديني إلا كثر ديني
وراعي الهروج اللي سوات المناشير ..
.. أصد عنه وأدري انه يعنيني
الله حسيبه يوم عرض القواوير ..
.. والله حسبي من صواب مكيني
وإلا طرالي واحد كانه اصغير ..
.. أم أصغر بيومين ولا سنيني
دريت وش قومي وعينت تفسير ..
.. للضيقة اللي من زمن تعتليني
حبه بصدري سالفة سر في بير ..
.. وكن الفواد يقول هذا زبيني
أشفق على علمٍ يجي منه من غير ..
.. لا يسمع اللي سولفوا به ونيني
يا كثرهم غيرهم ولكن خبر خير ..
.. ما غير شوفه في الوجود يهنيني
رايي كذا يا عاشقين الغنادير ..
.. ماله على وجه البسيطه وزيني
العام أجيهم من حساب المسايير ..
.. واليوم حال عداي وينه وويني
خطاي تعليق الأمل في المدابير ..
.. الين راح وشفت حقري بعيني
صبرٍ جميل وخابر إنه مقادير ..
.. والله على تخفيف حزني عويني
ذي حالتي لين اتغبا الشمس واصير ..
.. معطى سراحي عقب مانا سجيني
واذا امتلى جوف الشجر بالعصافير ..
.. طلبت من رب العباد يهديني
يعتقني المذن عقب ضيقة عصير ..
.. اللي على سجن الفراق تحديني
..
يا هيه,
, ياهيه إلتفت لي وإسمع دعاي لك يـا هيـه
ترى عادتك تشبـع مـن البعـد واتواجـه
دعيتك بصوتٍ ياصلـك ليـه مـا توحيـه
وأنا أسمع ضلوعك من صدى الصوت لجاجه
عليـك الفـؤاد إخلاجـه مصمـخ راعيـه
خف الله في راعيـه مـا تسمـع إخلاجـه
ترى العفو قد جـاك أولـه وإغتنـم تاليـه
وترى الحلم بحرٍ غيـر لا تامـن أمواجـه
وترى الـود ليـلٍ مظلـمٍ جيت لـك ساريـه
سراجه وصالـك والجفـا ينفـخ سراجـه
وترى قصرنا اللي كم سنة نجمـع ونبنيـه
هوى العذل طيـح بابـه العـود وسياجـه
لي أيام مـدري ويـن دارك ولا أدري ليـه
وأنا خابـر إنـي بـاب شفـك ومزلاجـه
غيـابٍ بـلا سبـة هجـادٍ بــلا تنبـيـه
وجفا أغلى العرب نارٍ على الكبـد وهاجـة
نضج قلبي من البعـد وش حاجتـك تكويـه
جفاك الجمر والصبر فـي بعـدك الصاجـه
وطبع حبـك بقلبـي والأيـام مـا تمحيـه
هـذا هجـرك يحـاول يموجـه ولا ماجـه
يموت الأمـل لكـن ظنـون الغـلا تحييـه
وعروق الوفـا فالـروح والقلـب وجاجـة
خبرتوا حدٍ يبكـي علـى واحـدٍ يبكيـه؟؟!!
وخبرتوا حدٍ مسجون ما يبقـي إفراجـه؟؟!!
أحبـه ولا أبغضتـه علـى شـيٍ يسويـه
ولا زالـت رقـاب الرجـا فيـه منعـاجـة
عسى منزلٍ ضمه حقـوق الوسـم تسقيـه
وتضحك له الدنيا وهـو يضحـك حجاجـه
فقد خاطـري شـي مـن الضيقـة مسليـه
وغدت روحي من النـاس والليـل هجاجـة
أروح لمكـانٍ خابـره .. خابـره ياتـيـه
أسوق القدم صوبـه وهـي مالهـا حاجـة
مكـانٍ نزيـه وأول مواجهـي لـه فـيـه
وأنـا خابـرٍ مـا رجـل مثلـه بـدواجـة
لعل وعسـى مـا حدنـي للمجـي يدعيـه
وأشوفه وأنـا مـا ودي أسبـب إحراجـه
يحب الجريح آخـر دروب اللقـى ويجيـه
وتحـب القـدم جيـة مكـان أول مواجـه
,,,,,,,,,,,,,,,,,,,,,,,,,,,,,
يا شين طبع فيكـ
يا شين طبع فيك.. يا زين الأطباع
....................... لولا الرجاء.. ما كان خليته.. يفوت
سنع.. يشوه لا تذكرته.. أسناع
....................... مثل الحصاة.. اللي وسط عقد ياقوت
تخفي هيامك.. وإنت ميت وملتاع
....................... ما تدري إنه في ملامحك.. منحوت
ويبخل لسانك.. وإنت للسمع.. طماع
....................... والبخل.. في سلم المحبين.. ممقوت
الحكي.. قوت السمع / وأسامعي جياع
....................... ومسامعي ماتت من الجوع.. للقوت
وحكي الغزل في صدرك أشكال وأنواع
....................... لكن صمتك.. حول الصدر.. تابوت
إلا طلبتك وصل.. صعبت الأوضاع
....................... مدري.. من اللي درسك جعله يموت
تصد.. ما كنك من الصد.. مرتاع
....................... وإن قلت : يا القاطع.. تلفت مبهوت
أقطع ب درب مواصلك في الشهر.. باع
....................... وإلا إنت تقطع للوصل ف السنة.. فوت
طعني.. وطاوع واحد فيك.. ما طاع
........................ ناس ضعاف عقول / وأشوار / وبخوت
وإلطف بحال اللي نحل حاله.. و راع..
........................ قلب جروحه.. تنزف أفكار.. وبيوت
قلبي.. إلا منه شرى قلب.. ما باع
........................ وإنت هالله هالله فيه.. والعمر موقوت
اسمع أشعاري في الهوى وارخ الأسماع
......................... ياللي غلاك ب تربة القلب.. مكتوت
لا.. للفراق.. و لا .. لتجديد الأوجاع
........................ ونعم.. نعم للوصل.. لو كان بالصوت
تـــــــــــــــــــــــــــم,,
ـــــــــــــــــــــــــــــــــــــــــــــــــ
خَلآص الحين يادنيآ اظَن مَالي َمعآك حسَآب
وآظْن َمآ في آبدْ مَانع تصَافيِني ِنصير آصَحاب..
تعليق
-
الف شكــــــــــر لكـ همس على تلبيه الطلب..
والسموحة اذا تاخرت بمشاركتي^^
ـــــــــــــــــــــــــــــــــــــــــــــــــ
خَلآص الحين يادنيآ اظَن مَالي َمعآك حسَآب
وآظْن َمآ في آبدْ مَانع تصَافيِني ِنصير آصَحاب..
تعليق
-
تسلمين يالغلا ع المجهود الروعه
استمري بالتوفيق انا من متابعينج
تقديري واحترامي لج فديت قلبج
تعليق
-
مجهود واضح ومتعوب عليه
الله يعطيج مليون عافيه , تقبلي مروري لاهنتي
بوابراهيم
تعليق
-
روووووووووووووووعه الفكرهتعليق
-
تسلمين همس المشاعر على الموضوع
ويستحق التثبيت يا الغلا
والشعراء اللي استضفتيهم
محمد بن جارالله & حامد زيد ولد بلادي محمد بن فطيس
شعراء بمعنى الكلمة واثبتوا وجودهم في الساحة
وآتمنى تستضيفين شاعري المفضل محمد الشهري
ولك ودي
نور قطرتعليق
-
تسلمين همس المشاعر على الموضوع
ويستحق التثبيت يا الغلا
والشعراء اللي استضفتيهم
محمد بن جارالله & حامد زيد ولد بلادي محمد بن فطيس
شعراء بمعنى الكلمة واثبتوا وجودهم في الساحة
وآتمنى تستضيفين شاعري المفضل محمد الشهري
ولك ودي
نور قطرتعليق
-
يسلموو عالموضوعتعليق
-
يعطيج العافيه اختي عالاستضافهتعليق
تويت
تعليق