تويت
يـآآ شبيـه صؤؤيحبـي حسسبي علييـك =’(
بعد طول غيـاب مـرت وأعتزيـت
قلت هـذا مـن تـرك خلـه دريـك
جيت له ثم قلت .. وشفيـك أختفيـت
يوم أنا من جد محتاجـك وأبيـك !!
وقلت له وشفيـك صديـت وجفيـت
وليه بعـت اللـي بعمـره يشتريـك
وليه غبت ووين رحت وويـن جيـت
وكيف تنسـى مـن بحبـه يرتجيـك
هي غصيبه .. أو ظروفك .. أو نسيت
ماأعتقد تنسى وعـد الأيـام ذيـك !!
تـدري أنـي لـلأوادم مأشتكـيـت
وأن صدري صار للعبـره شريـك !
وتـدري أنـي مـت وألا مادريـت
لعنبـوك أرحـم محـب مـات فيـك
وتدري أني كـل مانمـت وصحيـت
شفتـك بجفنـي وعينـي تحتـريـك
في غيابك صار كيت وصـار كيـت
وجعل ماجـا فـي خفوقـي مايجيـك
أشهـد أنـي فـي محبتـك أبتليـت
حظ من تغليـه حـظ أمـك وأبيـك
هلـت دموعـه وكلمنـي رضـيـت
يوم سالـت دمعتـي منـك .. عليـك
قلت بدري .. قال صـدري ماقويـت
قلت وش بك .. قـال جعلـه يلتقيـك
قلت من هو؟ .. قال خلك .. وأستحيت
وصـد.. وأخـر قولـه الله يهـديـك
ماحكيت ورحـت أردد شطـر بيـت
[ ياشبيه صويحبي حسبـي عليـك ]
تعليق