تويت
اعيش على ذكراك لو هي أليمه...ماهمني اشوف زولك واحاكيك
((مســاااء / صبـــــااااح ** الخيــــر ))
اعيش على ذكراك لو هي أليمه............ماهمني اشوف زولك واحاكيك
حدتني طعونن في قلبي صميمه...........اصبر على بعدك وعيني تناديك
تسهر وحلو النوم حارمها حريمه............خلاص انا عزمت ابنسى واخليك
من فعلن فعلته بي كبر الجريمه............هذا وانا معطي ومخلص وموفيك
ياما نصحت ومديت ايدن كريمه.............مافاد عذري كثر ماعذرك واعطيك
زدت في تماديك وشفت الظليمه...........كيف من غطى عيونك مايقديك
كيف ماتلتفت للسنين الحميمه............مشيت ورا ناسن عني تغطيك
كنك عما ماتشوف غير العتيمه............تاخذك متاهاتك عن شمسن تذريك
.
وتركب جليد الحب بنفسن عديمه.........حكمت على حبي لك بالتهاليك
ونسفت من بيننا خطوه قديمه.............وطفيت كل الشموع اللي توديك
تحسب اني بصبر ونفسي حليمه.........سلامتك ماتسلم الجره في يديك
تطيح وتنكسر ونفسي حشيمه...........من عزتي اغيب عنك ولا اباليك
عودت نفسي ماترضخ بالعزيمه............خل من رسم لك بكره يواسيك
وخل الفراغ يذوقك من جحيمه..............واذكر نعيم جنتن كانت تهليك
ماينفع الحسره و جاتك وخيمه............ذوق من شوكن قنيته الله يوريك
واذكر سنين الرخا وايضا نعيمه.............وابك بدال الدمع دم الله لايقديك
من تاه عني وانا ضلوعي سليمه.........على وضح النقا بالعشره مصافيك
ماقبلت غيرك وطعناتك هشيمه.............كسرت العظم لاتنتظر اني اجيك
لاتظن من عقب هذي بعد شيمه.............لاني بشايم بك ونفسي تهبيك
لا بارك الله بالنفوس السقيمه..............من اولن اهواك بالحيل وابغيك
ولافكرت ابد غير قربك غنيمه.............واليوم غنيمتي شفها وانا مابيك
اعيش على ذكراك لوهي أليمه...........ماهمني اشوف زولك واحاكيك
تعليق