ياقلب خل الحب خل احكاك له

[جروح شاعر]

ملاحظه >>كل القصايد المتواضعه اخطها بقلمي ولا اقتبسها من موقع او من شاعر
واتشرف بكم يامنتديات قطري
(فيصل محمد العنزي )



ياقلب درب الحب وش وداك له
خلك عن العشاق دايم معتلي

وشهو حصدت من الغلا ووفاك له
جبت الحزن ثم جبت بعده مقتلي

منك السبب مشاعري متواكله
حالي مرير ومن بعاده منصلي

ياما نخاك وغثته مشاكله
حليتها له ثم قفى كالطلي

ياقلب خل الحب خل احكاك له
شوف الفكر كيفه يعزز منزلي

نهاية الي يحب مثل الشاكله
لا بد من حب المصالح ينبلي


وسلامتكم ...

[رئيس قسم]

الله عليك ياشاعرنا بصراحه مبدع في طرحك

وفكرك وفي شعرك .

واتمنى لك التوفيق وبس ياريت توضح لي بعض الكلمات

كانت بصراحه غير واضحه لي وهي :
وشهو حصدت من الغلا ووفاك له
جبت الحزن ثم جبت بعده مقتلي

جبت بعده مقتلي !!! ماهو معناها ؟؟

منك السبب مشاعري متواكله
حالي مرير ومن بعاده منصلي

منصلي = ماذا تعني هذه الكلمه ؟؟

ياما نخاك وغثته مشاكله
حليتها له ثم قفى كالطلي

من الي نخا من ؟؟ هل القلب المقصود ام الشاعر

كلمة : كالطلي !! مامعناها ؟؟

ثم مامعنى كلمه : الشاكله + ينبلي ؟؟؟

ولك مني جزيل الشكر والامتنان ويله نبي همتك وسو فيني قصيده

مدح مب ذم هههههههه

تحياتي لك وتقبل مروري

[جروح شاعر]

صح بدنك يارئيس القسم

جبت بعده مقتلي >>>>يعني الانسان لاحب وفارق يحس ان حلمه انقتل غدى مذبوح
منصلي<<<يعني قاعدن على نار من شدة الفرقا
ياما نخاك وغثته مشاكله >>>>يعني في بعض حبايب يمشون معك لمصلحه او مشكله ولا حليتها له بعد عنك

الطلي >>>رح سوق سوق الغنم وقل له ابي طلي زين وسوه واعزم ربعك وبتدعيلي

اتمنى اوصلت المعلومه مع ان القصيده سهله وسلسه لكن واجبي اوضحها لك


وبيض الله وجهك على الرد

[ضامية]

صح السانك

وتسلم اناملك

ابدعت بالقصيده ونزفت لنا جروحك
بيض الله وجهك

بنتظار جديدك

تستاهل تقييم
كل الود

[جروح شاعر]

صح بدنتس ضاميه