قصيدة معايير الزمن.. للشاعر خليل بن هدلان

[الجرناس]

البارحـه بيـن السهـر والتفاكيـر ... كلن رقد وانا اصبح الصبـح واعـي
هموم قلبـي مثـل وردٍ علـى بيـر ... يدعي لهـا بيـن المعاليـق داعـي
واسبابهـا وقـتٍ يضيـم المناعيـر ... عـز الجبـان وذل فيـه الشجاعـي
دار الفلـك واتغـيـرن المعايـيـر ... وصار الهجومي في مكـان الدفاعـي
وقتٍ يخلي مـن براسـه صعاطيـر ... يطيع سوقٍ من عصى فيـه طاعـي
ويصبر على جور الدهـر والمقاديـر... مثل المكبـل ، لـو عيونـه تراعـي
لو كان مثل ذيـاب وكليـب والزيـر ... ويقدم اليا صكـت عليـه السباعـي
فاتت على اللي ينطحـون الطوابيـر...وراحوا من حساب الضعوف الرعاعي
وصار الظفر والجود جمـع الدنانيـر ... واللي ما يملك لـه دنانيـر ضاعـي



الجرناس

[راعي عزام]

صح لسان الشاعر خليل بن هدلان


ومشكوووور اخوي الجرناس علي القصيدة الجميلة

[الرصاصي]

صح اللسان خليل بن هذال

وسلمت الايادي اللي نقلتها

في انتظار جديدك أخي الغالي الجرناس

تحياتي لك

الرصاصي

[البرنس]

واسبابهـا وقـتٍ يضيـم المناعيـر ... عـز الجبـان وذل فيـه الشجاعـي

يعطيك العافيه أخوي

وصح ألسان الشاعر

قصيده تعبر عن واقعنا اليوم


فلوسك تعزك فقط


برنس سعودي