العبــــره.....؟

[عذبة المعاني]

السلامـ عليكمـ ورحمة الله وبركاته

حبيت انقل هالقصيدة لاحلى أعضاء وان شاالله تعجبكمـ ^ ^
للشاعر الاكثر من مبدع **سعد علوش **


اتقول..

الجهل بيني وبينك طايح سوره
من مر الايام صارت عندنا خبره..

ومدام عينك من اللي صار مكسورة
اجمع شموخك وخفف حدة النظرة..

لاشفت وجهك ليا غيرته الفورة
واشوف قلبي ليا من مل من صبره..

يا اخر مبالاة قلبي وأول شعوره
شف لي سنع في غلاك وشوف لي دبره..

خليت نفسي من الايام مقهورة
وخليت حالي لمن لا يعتبر عبرة..

غديت في دنيتك مهدي الثورة
في روضة خريم مثل مضيع الابرة..

خلصت ماعدت اقاوم صدك وجوره
القلب قد هو بيموت وغيبتك قبره..

فراقك العام تكفى لا يجي دوره
صرت احسب له وافكر فيه واعتبره..

ماني بناسي هذاك الطيش وغروره
يوم انك اخلفت ظن فيك وش كبره..

واذاك ناسي.. تراها عندي الصورة
اقفيت تضحك وانا غصتني العبره..


وصح لسان الشاعر ..

[حكومه بن دبي]

تــــسلـــمــيـــن ع النــــقـــل

[عذبة المعاني]

تسلمين حبوبة لانج عبرتيني

لاخلا ولا عدم

[شموخ عزي]

تسلمين كلج ذوق

[المحــرٍومـ]

تسلمين اختي على الكلمات الروعة

تقبلي مروري

[عذبة المعاني]

تسلموون الغوالي ع المروور الطيب..........

لاخلااا ولا عدم..

[حكومه بن دبي]

تسلمين حبوبة لانج عبرتيني

لاخلا ولا عدم

لا افا عليج هذا واجب يا الغاليه

[miss coc]

مشكورة اختي على النقل
وصح لسان الشاعر
ولاهنتي
اختج miss coc