[[ اكـتـب اجـمـل ! وأروع ! بـيـت شـعـر مـر عـليـك ]]

[kًٌλŁƒ ĀĹṦ₩ẪЯ]

[mark=FF3333]لا فراقك خلأ تـودهـ وتغليهـ -_-_-_-_-_- اصبر ولابد الياليـ تجيبهـ[/mark]

[العنيـــده]

عيونك آخر آمالي وليلي اطول من اليم
كيف ألقى كلامٍ عذب يوصف دافي احساسي

[راضـ نمله ـخ]

مــادرى الـــى الـيــوم ولا الـزمــان أنــســاك ,, يــا قلـبـهـا .. قـلـبـى مــادرى الـــى الـيــوم


طـولـه عـلـى مضـنـاك ؟ولا انـتـهــى حــبــى ؟ ,, ياقـايـد الـريـم ذكـــراك ما اغيبت عن خاطـرى ساعـه


الروح لك يا ساكن الروح نزاعه متـى الـوصـل ؟ قــول ,, باجيـك واسـابـق السـاعـه يالـلـى عـلــى الـبـــال


كم شمس غابت وانـا اشوفـك شمس الضحى اللـى تبارينـى واذا منـع جيـتـك خـوفـك ,, نورك فلا غـاب عـن عينـى


الحـب تـدرى مهـو بـيـدى سيدك تـراه الهـوا و سيـدى أبـيـك تـبـدا مـواعـيـدك ,, و ألا أبـبـدا مـواعـيـدى يالـلـى عـلــى الـبــال

[!عـشـقـي عـيـونـك!]

هلا بالطيب الغالي ؛؛؛ عزيز وشوفتك منوه
ترى ماجى على بالي ؛؛؛ اشوف اعيونك الحلوه

هلا يا مطول الغيبه ؛؛؛ من اقليبي أهلي به
يطير الطير بالعالي ؛؛؛ ومرد القدره إتجيبه

رقص من شوفتك قلبي ؛؛؛ بصدفه ساقها ربي
بلى ميعاد يا حبي ؛؛؛ تلاقى قلبك وقلبي

ومن شفتك تناظرني ؛؛؛ تغير كل ما فيني
لا عاد اكثر تحيرني ؛؛؛ ترى ما فيني يكفيني

صغير وخله يدلل ؛؛؛ احبه ولازم أتحمل
يقول أنه يخاصمني ؛؛؛ وينوي القول ولا يفعل

ولا يخفى عليك خافي ؛؛؛ احبك يا ذهب صافي
ولو تأمر على روحي ؛؛؛ ترى بحقك ما هو كافي

[راضـ نمله ـخ]

الصبر ... مالي انا الا الصبر
الغدر .. وشلون جاء منها الغدر
ياقلب ابي منك العذر
انا ما هقيت ان الفجر يقدر يخون وقت الفجر
وان السنين تقدر تمر ابلا عمر
لا ماهقيت ان الوفا في قلبها ماله قدر
واني انا محتاج يوم مني الصبر
ياقلب ابي منك العذر .. وان مارضيت مالي جدى كود الصبر
ياجرحي في كل الدهر فارقت انا الدنيا
يا طعنةٍ وسط الظهر .. لابد انا انساك
بنسى انا كل اللي راح .. بنسى الفرح لجل الجراح
بنسى قصيدي والشعر .. بنسى سنيني والعمر
مع الهجر يمكن في يوم اسلى
وان ماسليت او ما نسيت
منك العذر .. مالي جدوى كود الصبر
ياللي خذلتي مدمعي .. ان كان ودك ترجعي
عندي طلب .. لاترجعي
ياللي خذلتي مدمعي .. ان كان ودك ترجعي
شرطي صعب ! ..
لو تجمعي آهات قلبي اللي انجرح
وتنسي السعادة والفرح
وتتعذبي
وبعد العذاب تتعذري

[!عـشـقـي عـيـونـك!]

نــــاس فـــي قلبـــي بنــو أعلــى محــل
بالوفـــا والطيبـــه والطبــــع الحسيــــن

والجمـــال اللــي بالاوصــاف اكتمـــــل
ميّــزه بالحســــــن رب العالميـــــــــــن

غــــــادروا والانــــس مــن عيني رحـل
واحتــــواني هـــــم واوجـــــاع الحنيــن

عيشتـي مــن بعدهــــم ضيــــق اوملــل
ابتســـم للنـــاس والخاطـــر حزيــــــــن

[قلبي وحيد]

احلا ابيات شعر قريتها اهي:



يانبض قلبي لا تضايقت قلي...
عشان احس بضيقتك واتضايق...
يكفي تلمح لي وانا اجيك كلي...
اضيق من شانك ولو كنت رايق...
احنا اتفقنا نشكي لبعض ياللي؟!!
تخفي ورى ضحكة عـــــــــــــيونك

(حقايــــــــــــــــــــــــــــــــــــــــــــق )


شرايكم فيها تجنن صح؟

[راضـ نمله ـخ]

الصراحه كلمات مفجره و مالها حل




.................................................. .................................................. ...........................





لاتقول انك تحب ..... وينك وين المحبه ....


لاتقول انك وفي ...... الوفاء ضيعت دربه


المحب مهما تصبر ..... دايم شوقه يغلبه


الوفي يانور عيني .... مايخون اللي يحبه


اه وجرح بقلبي .... وين بلقى اليوم طبه


بعت محبوبك ياغالي .... الوليف ارخصت قربه


مارحمت دموع عينه ..... والونين اللي بقلبه


اسالك بلي خلقنا ... داعي الاشواق لبه


او تسهل باختيارك ... خل محبوبك لربه

[قلبي وحيد]

اجل شرايك في هالابيات



خلاص مااحبك ولا عادي اشتاق
خلاص انا ماعادني الاولاني
صبرت بس الصبر ما عاد ينطاق
لين انهدم بيت الغلا بالمحاني
حب وسهر واحزان وافكار وارهاق
محد شفعلك بينهم ياالاناني
ياما تمنيتك على لهفة عناق
وياما نطرتك وانت في خط ثاني
وياما حرقتك باتصالاتي احراق
وياما بكوك دموع عيني عشـــــــــــاني
كسرت خاطر نفسي بكثر الاشواق
وانته ولا حسيت باللي وزاني
مليت من كثر القصايد والاوراق
وهذا هو اخر بيت لك يازماني
بس انتهينا يازمن اكتب فـــــــــــــــــــــراق
وببكي ولا احد يقولي وش بلاني

[راضـ نمله ـخ]

الصراحه مسكته ,,, كلمات ولا اروع

بس انتهينا يازمن اكتب فـــــــــــــــــــــراق
وببكي ولا احد يقولي وش بلاني << شبلاج ؟؟ ههه


.................................................. .................................................. ..........................



اتصدقي ... ما اخترت أنا أحبك ... ما احدٍ يحب اللي يبي ...

يا حبي المّر العذب 00 سكنتي جروحي غصب ...

ليت الهوى وانتي ... كذب ... كان اعتذرلك عن هواي ...

ما أقول أنا ... كوني معاي ... ان ضايقك اني على بابك أمرّ ...

في ليلة ألم ... واني على دربك مشيت عمري وأنا ... قلبي القدم ...

ابعتذر ... ابعتذر ... كلي ندم ... عن كل شيء ... إلا الهوى ...

ماللهوى عندي عذر ...الله كريم .. حبك ... يكون ...همي القديم ...

وجرحي القديم ...والله عليم ... يا أحلى العيون ...

ان الفراق ... جزا الفراق ... وابوعدك ... كان الطريق بيبعدك ...

بامشي بطريق ... وكان الجحود بيسعدك ... مالي رفيق ...

ابجمع أوراق السنين ... وأودعك ... كان الفراق اللي تبين ... الله معك ...

[قلبي وحيد]

صراحه مبدع يا راضخ
اصعب سؤال اللي جوابه مثله سؤال
ما هو تفلسف الا موقف صار واسمع ثاني بيت
البارحه يومه سأل وش ذكرك ذيك الليال
كان الجواب بكل بساطه(من متى اصلاً نسيت)
ادري بأن جمع الصعوبه والبساطه شي محال
لكنها صارت كذا واللي اهم اني
دريت ان الحياه في بعد احبابك
اذا جف الوصال تعيشها لو تقتنع
انك خلاص اصبحت ميت

[العنيـــده]

اشعنده ؟؟؟


إسهر معي ليلة
حاول تحس بلوعتي ليلة
عد النجوم شكثرها.. ياللي بقلبي كثرها
ونام .. القمر بوسادتك نام
ليتك تغير عادتك
خل القمر ليلة.. يسهر معي ليلة

و آه .. آه

أنا حروفي في غيابك
لا هي حكي ولا هي قصيد
أكتب الظلمة وأعيد
وأنت يالفجر البعيد.. نامت عيونك

[راضـ نمله ـخ]

وداعة الله يا هلي سامحوني ,,, وادعو لي الرحمه إلى قيل رحال
على فراش الموت تبكي عيوني ,,, عساه تكفير الشقا لي والأهوال
والله عجب كيف الحبايب نسوني ,,, دنياً تقلّب كل يومٍ على حال
لا يا مجاريح السهر ساهروني ,,, كلي عذاب وحزن مع ضيقة البال
على جسور الحب تصرخ شجوني ,,, لاني خلي ظروف ولا فيني هبال
بالله يااهل الخير لا تسألوني ,,, قصة ألم صارت تناقلها الأجيال
وصيتي في حيّهم ادفنوني ,,, خلوه يبكي عند قبري الى انهال
وداعة الله للأبد سامحوني ,,, هذي النهايه ما بقى شي ينقال

[قلبي وحيد]

هاي

وصباح الخير لكل الموجودين"

أذا قصرت معاك بشي
او جرحتك وجاك بيوم جفا مني؟!!
ابيك تخفف عني اللوم واذا اخطيت سامحني
وتذكر ان مصيري في يوم
>>كفن ابيض يغطيني>>
>> وقبر صغير يحويني>>
ودمعه ابيها من>عيونك>
تودعني وتبكيني...

[راضـ نمله ـخ]

صباح النور



كلٍ يقول ان البكى فيه راحه ,,, و أنا بكيت اليوم لعلي ارتاح
بكيت من قلبٍ تزايد جراحه ,,, بكيت بكي اللي بكى يوم الأفراح
حتى رفع دمعي لعيني سلاحه ,,, و أنا احسب إن الدمع لعيوني سلاح
في ليلي اللي ما ظهر لي صباحه ,,, و همومي اللي عيّت اليوم تنزاح
عمري محطه للعنا و استراحه ,,, دنياي عتمه كلها بعيني اشباح
كني غريقٍ ما يجيد السباحه ,,, يصرخ و لا حوله من الناس سباح
يشوف موته ما يفيده صياحه ,,, في غابـّةٍ تلعب بها الريح لى طاح