خاطرتي الأولى معاكم

[عيناويvip]

هذي خاطره كتبتها قبل كم يوم بمناسبة مرور عام على قصة حب جميله وانشالله تعيبكم :
----------------------------------------------------------------------------------



كل عام وانتي...
...
...
...
حبيبتي

بمناسبة مرور عام..على حكاية حب رائعه..
جمعتني مع غلاج..

في خاطري أشياء كثيره أحب اني أقدمها لج..
خاطري أكافئج ع الأيام الحلوه..وع الليالي الرائعه..
اللي قضيتها وما زلت أقضيها معاج..

خاطري أكتب قصتي الجميله معاج..
من البدايه إلى النهايه بحروف من ذهب..

خاطري أدوّن مغامراتي وياج وأسجّل كل صغيره وكبيره
مرت علينا خلال عام كامل..

خاطري أنقش اسمج على قلبي..وأسكّنج في سواد عيني..

حياتي ..عمري..

عام من الشوق والوله والولع..عام من الوناسه والمتعه..
قضيتها في رحاب حبج..

الصراحه احترت فيج!! شلون اكافئج؟!!
شلون ارد الجميل؟!! شو اقدر اهديج؟!!

أهديج روحي؟!!

قليل..

أهديج عمري؟

قليل؟!!

شو بقدر اهديج وانتي أغلى من كل الهدايا؟

شلون ارد الجميل..

وكل لحظه قضيتها معاج تسوى الدنيا وما فيها؟!!

في النهايه برد واقول:

كل عام وانتي..
...
...
...
حبيبتي

مع تحيات عيناويvip

[البرنس]

يسلم لي هالأحساس

ياعيناوي

وماأجمل الحب عندما يدووووم

البرنس

[رجـاوي]

تشكر على هذا الاحساس الراقي

والله يديم الحب بينك وبين محبوبتك للأبد

[عيناويvip]

يسلمووووو ع المرور الحلو

[قطوه شيرآزيه]

يسلموووو عيناوي وانشاء الله تدوم صداقتك بينك وبين محبوبتك للابد

[عيناويvip]

مشكوره الغاليه على مرورج الرائع