لا تحـتـزم بـالـردي ، ولا تحـطـه صحـيـب

[كل وجهاتي ضياع]

قصيــدة أعجبتنــي أتمنــى أن تنــآل أعجابكمـ ..

....

إنشـد مجـرب وخـذ رأيـه ولا تنشـد طبيـب
الـلــي زمـانــه بـنـيـران الـتـجـارب كـــواه

خذهـا نصيحـة صـدوق لكـل قـلـب ٍ لبـيـب
نتيجـة الـواقـع الـلـي شــاف والـلـي لـقـاه

لا تحـتـزم بـالـردي ، ولا تحـطـه صحـيـب
لأنـه ردي والـردي غيـر الـردى وش وراه

الـنـذل مهـمـا تطـيـب بلحيـتـه مــا يطـيـب
إذا طبـت بالنـذل جــازاك بــردى مــن رداه

جمـالـة ٍ فـيـه تـقـل تطـشـهـا فـــي قـلـيـب
لا كاسب ٍ منه خير ولا أنت كاسـب رضـاه

وترى الردى من ردي الساس ماهو غريب
هــاذي هــي القـاعـده والعـفـن هــذا مــداه

بعـد جميـلـك بوجـهـه ينقـلـب لــك طلـيـب
وهـذا ثوابـك عـلـى طيـبـك ، وهــذا جــزاه

مـا يفهـم اللـي يقولـون الرجاجـيـل عـيـب
وجهـه لحـم ميـر كنـك ناحتـه مــن صـفـاه

دايـم وهـو لاويــن زقـمـه ووجـهـه كئـيـب
تقـول مضـروب مـن بـيـن العـيـون بقـنـاه

لـو تمدحـه ضـاق بـه ثوبـه ردي النصيـب
لو قلـت يـا زيـن وجهـك ضيـق الله فضـاه

إذا بغـى منـك مطلـب جـاك يـهـذب هـذيـب
وإذا بغيـتـه عـطـاك بغـيـر وجـهــك قـفــاه

وتـرى الـردي عادتـه مـن كـل شـر ٍ قريـب
مـا ينتهـي عـن رفيقـه ليـن يبـحـث خـفـاه

وإذا تـكـلـم كـلامــه حـــادر ٍ لـــه شـعـيـب
ودك تسـكـر فـمـه قـبــل الـكــلام بـحـصـاه

الله ياجعـلـه بشلـفـاً مـثــل شـلـفـا شـبـيـب
أو طلـقـة ٍ مــادرى جتـلـه مــن أي إتـجـاه

إذا شفت الأشكال ذي أضرب عليها صليب
لا تلتفـت فــي وجيـهـن مــا وراهــا غـنـاه

عليـك بالنشـمـي الـلـي يجتـلـد تـقـل ذيــب
لو حدته عـن هـوى نفسـه ظـروف الحيـاه

الـلـي يـسـرك وجــوده بالنـهـار الصعـيـب
إذا نـزل مسـتـوى الهـابـي طـلـع مسـتـواه

إذا قلت : تكفـى وقـف باللازمـه مـا يهيـب
لأنـه وفـي مـا يعـرف إلاّ الوفـاء مـن وفـاه

تـخـب فـيــه المـشـاعـر للـعـلالـي خـبـيـب
مــا فـيـه سـلِّـم يــؤدي لـلـعـلا مـــا رقـــاه

المرجـلـه مـهـرة ٍ تحـتـه تـشــع السـبـيـب
والطيـب مركـب غرامـه والمـراجـل هــواه

صـارت لـه المرجلـه مثـل الذلـول الأديــب
الـلـي تـوجــه براكـبـهـا بـأشــارة عـصــاه

طـلـق المحـيـا إذا قابـلـك وجـهـن حـبـيـب
وإذا توجـهـت بــه حـصّـلـت جـــاه وجـــاه

قبالـه أحلـى ، وألـذ مـن العـسـل بالحلـيـب
زود ٍ زِيـــــن خـلــقــه زيَّـــــن الله نـــبـــاه

واسـع بنايـد معـك مـا هـو قرِّيـب حضيـب
ما يضيق لين المحيط يضيق بالسفـن مـاه

يضحك إحجاجه إذا شافـك وصـدره رحيـب
مـا هـو ضعـيـف ٍ إذا قابـلـك وجـهـه لــواه

مـن ظـن فيـه الظنـون الطيبـه مــا يخـيـب
الـلـي هقـابـه يـبـي يلـقـى ورى مــا هـقـاه

هـذا هـو اللـي يثيبـك ، والـردي مـا يثـيـب
يـا مبعـد الفـرق ! مابـيـن الثنـيـن إشتـبـاه

عنـدي مثـل حاضـر ٍ بالـذاكـره مــا يغـيـب
قال المثل كل إناء ٍ ينضح حسـب ماحتـواه

وجـه السـعـد لا تسـاوونـه بطـافـي لهـيـب
بالله يـا نـاس أخيـر النـوم وإلاّ الـصـلاه !!

للشاعر سالم بن مهاوش المخلفي

[منـي خـذوكـ]

صح السان قايلها وتسلم يد ناقلها

الـنـذل مهـمـا تطـيـب بلحيـتـه مــا يطـيـب
إذا طبـت بالنـذل جــازاك بــردى مــن رداه

ابداع وربي

ودي لج

[كل وجهاتي ضياع]

صح السان قايلها وتسلم يد ناقلها

الـنـذل مهـمـا تطـيـب بلحيـتـه مــا يطـيـب
إذا طبـت بالنـذل جــازاك بــردى مــن رداه

ابداع وربي

ودي لج

صح بدنك اخووي
لاهنت
اسعدني مرورك

[الفجـر البعـيد]

وجـه السـعـد لا تسـاوونـه بطـافـي لهـيـب
بالله يـا نـاس أخيـر النـوم وإلاّ الـصـلاه !!

الصلاه طال عمرج ^^

اختيار راائع في قمة الجمال

عساج ع القوه

ودي

[كل وجهاتي ضياع]

وجـه السـعـد لا تسـاوونـه بطـافـي لهـيـب

بالله يـا نـاس أخيـر النـوم وإلاّ الـصـلاه !!

الصلاه طال عمرج ^^

اختيار راائع في قمة الجمال

عساج ع القوه

ودي

وعمرج ياقلبي
يسلملي مرورج وحضورج
الله لا يحرمني
تحياتي ومودتي

[انثى الحب]

مشاركة أكثر من رائعة..

سلمت يداكِ فراقك غير احوالي ..

شكـــــــــــــــــرا..

[متعبني فرقاهم]

المرجـلـه مـهـرة ٍ تحـتـه تـشــع السـبـيـب والطيـب مركـب غرامـه والمـراجـل هــواه,,,,,,تسلمين فرقاك غير احوالي ع الطرح لاتحرمينا م جديدج تقبلي مروري