دمعة الضحكة على حالٍ مثالي

[كاتم عبرتي]

اسكتي يا دمعتي لا تفضحيني
دام كل لاهي عنك وسالي
لا تزيدي بالمواجع تتعبيني
ولا تضيقي بالصدر والقلب خالي
أعرف ان مجراك فوق الخد شيني
لا يشوفك عاذل ويعلم بحالي
وان قدرتي يا دموعي تستكيني
برفع الهامة واقول الراس عالي
وبا ضحك بصوتي إلى انك تشرقيني
لجل أقول ان الدمع هذا خيالي
وانه من الضحك ماهو من كنيني
دمعة الضحكة على حالٍ مثالي
ارحميني يا دموعي واستكيني
دام كل لاهي عنك وسالي

[اسيرقطر]

صح لسانك يالغالي

الله يعطيك العافيه


تحياااااااااتي لك اخوووك

اسيرقطر

[السكرتيره]

صح السانك وعلا شانك اخوي

ع القصيده الجزله تبارك الله كلام ماعليه

تسلم يمناك ويديم لنا قلمك

بنتظار جديد قصيدك وكلامك الحلوووو

تقديري لشخصك