تذكرني حبيبي

[اسيرقطر]

..تذكر يوم أقولك جسد يحتوي روحين..

.. وأوعدك ما أخليك وتوعدني ما تخليني..

..أذكر يومها أشوف بالدنيا بس اثنـين ..!

.. قلبي اللي يحبك وقلبك اللي يحويني ..

..بعدها بأيام شفت ايدك تحتضن ايدين ..

.. وانصدمت يوم شفت إنها غير ايديني ..

..سكت لجل خاطرك وقلت مرحبا بالزين ..

.. مرحبا باللي القلب لجلـه حيل كاويني ..

..مر يوم واسبوع وشهر وبعدها بشهرين ..

.. وهو لازال مايدري بإني شفته بعيني ..

..وأخاف إني أقوله له خاين وينجرح بعدين ..

.. وأخاف أسكت وبسكوتي صمتي حيل يشقيني ..

..واجهته وأنا أبكي والعين تحتضن العين ..

.. سألته : ليه تنسـاني ؟ ولى ماكنت تغليني ؟؟

..سكت ولفّ عني وخبى وجهه بالإيدين ..

.. اللي كانت تحضني وغيرها ما تدفيني ..

..سحبت أيدينه و مسحت الدمع على الخدين ..

.. وقلت له والله أحبك ولو إنك تخليني ..!

..سكت فتره وقال لي : لازلتي تحبيني ؟؟

.. بعد اللي تشوفينه لا زلتي تحبيني ؟؟

..ابتسمت وقلت أنت ماعرفت للحين ..

.. إني أحبك حيل واللي يرضيك يرضيني ..

..سكت فتره وأنا أعاود فرحة بقت لسنين ..

.. وتركته وتركت حبه اللي بقى فيني ..

..وصارت الدمعـة إذا هلّت أقول أهلين ..

.. والبسمة هجرتني ونست دربها فيني ..

..بعدها بـأيام سمعت خبر والله شين ..

.. سمعت إنه مـااااااااااات وهو يطلب يلاقيني ..

.. ويوم إني رحت .. وصيته لي بورقتين ..
.. الأولى فيها اسمي كتب بدمه يغليني ..

والثانيه يقول فيها: أبي أوضحلك شيئين ..

.. الأول أحبك حيل وماسكن غيرك شراييني ..

..والثاني أمانه لا جيتي لأهلي تعزيّن ..

.. لا تنزل دموعك لي طلبتك لاتَبْكِينِي ..

..كل اللي أبيه إنك بالخير لي تدعين ..

.. وإنك بالشهر مره بقبري تزوريني ..

..واللي أبيك تعرفيه ومهم إنك تعرفين ..

.. اللي شفتيها معي كانت بموتي تبشّرني ..

..انا اللي خليتك من كيفي عني تبعدين ..

.. لجل ما ينجرح قلبك بلحظة موت تحويني ..

..تكفين لا تظنين إني خنتك ياالغلا تكفين ..

.. وإذا لازلتي تحبيني دايم بـالخير ذكريني ..

..سكت وقلت : ياليتني ظليت معك يازين ..

.. وشفت الموت ياخذك مني ولاكذا تخليني ..

..تظنون إني نسيت أو الدمع جف بالعين ؟!

.. لا والله إلين اليوم وهو معي يخاويني ..

..لو تدور الدنيـا ولو تمر بعدها سنين ..

.. ما نسيته لو أشوف أحفـااادي حواليني

تحياااااتي لكم اخوووووكم

اسيرقطر

[~ دلوووعهـ موووت ~]

..تظنون إني نسيت أو الدمع جف بالعين ؟!

.. لا والله إلين اليوم وهو معي يخاويني ..

..لو تدور الدنيـا ولو تمر بعدها سنين ..

.. ما نسيته لو أشوف أحفـااادي حواليني



روووووووووووووعهـ ^^

يعطيــكـ آلـــف عـآفيــــهـ ..

[السكرتيره]

صح السان شاعرها وناقلها

تسلم ايدك اسير قطر ع النقل الموفق

قصيده جزله ومرتبه ولها معاني كثيره

لا تحرمنه من جديدك المميززز يالغلا

[اسيرقطر]

تسلمين يالغلااا مروررج الارووووع

يالغلا اسعدني تواجدج

دلوووعهـ موووت الله يعطيج العافيه يالغاليه

تحيااااتي لج اخووووك
اسيرقطر

[اسيرقطر]

تسلمين يالغلااا مروررج الارووووع

يالغلا اسعدني تواجدج

السكرتيره الله يعطيج العافيه يالغاليه

تحيااااتي لج اخووووك
اسيرقطر