تويت
وش تســــووي ,,
وش تسوي لو عشقت انسان ماهو من نصيبك
لا لك بهالوضع يد .. و لا له بهالوضع سبه !!
وشهو ذنبك لو غدى من بين خلق الله حبيبك
تعرف إن قربه محال .. و قلبك مصمم يحبه ؟!
و انته متأكد و عارف يب يجي يوم و يسيبـك
يعني متوقع بأي لحظه يغيب و تغتـرب بـه!!
كل دربٍ يرحل بطيفه .. على وجهك يجيبك
كل حرفٍ يُكتب لغيره .. تحسه منكتب به !!
كن كل عيون خلق الله عيـون ٍ لـه تذيبـك
تنثر احساسك جمر ملح وْعلى جرحك تصبـه
و اللي كاسر ظهر قلبك و بشقا الدنيا مصيبك
عارفٍ بانّك تحب .. و ما يعَرْف انّـك تحبـه
ساكن ٍ بأصغر تفاصيلك و قلبه ما دري بـك
ماكن ٍ بأقصى معاليق الكيان اللي لعـب بـه
وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!
وش تسوي؟ ذا سؤالك..بس منهو لي يجيبك؟
والسؤال اصعب مدام الحب في قلبك ولبّه
والجواب ان كان منّي : صاحبي الله حسيبك
شكوتك له من حبيب(ن) طاح فالقلب ولعب به
من كثر مـ( اغليت) قلبه بان لك فالراس شيبك
ومن كثر مـا صد وابعد ..نارك ابصدرك تشبّه
كل حد(ن) ملتهي بدنياه وانته من يثيبك ؟
من على ليلاه يبكي؟ ولا ّ من حظه يسبّه؟
القدر مكتـــوب وامره شرّه وخيره يصيبك
انكتب له مايحبـــك..وانكتب لك مـرّ حبّــه
ليش تتعب في هوى من تعتقد انّه حبيبك ؟
لا عطاك الحب خالص..ولاهنيت العمر قربه
دام تعرِف ياحبيبي ان ماهو من نصيبك
وش تبي في حب زايف؟ خلّه بحاله وطبّه
تعليق