مبتلي بك وادري اني مبتلي بك

[الفجـر البعـيد]

هذي قصيدة للشاعر طارق المحياس
عيبتني واايد وحبت أني أقدمها لكم لتسمعونها ,, وأن شاء الله تعجبكم

تقول::

كيف ما تبغيني بس أزعل عليك..الا بزعل وأقلب الدنيا عليك..
هالدقيقة الحين اما انك تجيني..او قسم بالله بخربها واجيك

كيفك اتصرف ابا اشوفك تعال..بحضنك بتنفسك بلمس يديك..
عاد انا دقت في راسي اني اشوفك..بلتقيك الحين يعني بلتقيك

حس فيني ما بقت فيني مشاعر..حس فيني الله يرحم والديك..
لو تبيني ارتجيك او آتوسل..والله بتوسلك ووالله برتجيك

ماشي يا عمي انا ارجووووك تكفى..كان لي عندك قدر قول احتريك..
بأي طريقة اليوم انا ودي اشوفك..ما بقى فيني صبر افهم ابيك

وانته تتغلا وتشكي لي ظروفك..حتى انا عندي ظروف الله يهديك
كيف ابصبر وانت في كل الزوايا..وين ما اطالع خيالي بس فيك..

من هنا وهناك وفي كل الاماكن..لعنبوك القلب ذايب مهتويك
يا معيشني ما بين اصبر ويمكن..وانته تدري مالك بقلبي شريك..

يا رجاي وسوء ظني واعتقادي..لا تردني عاد دامي مشتريك
مبتلي بك ادري اني مبتلي بك..وادعي الله مثلي انه يبتليك..

لا إتتعذر غير مقبول اعتذارك..بلتقيك اليوم يعني بلتقيك..
يا تجيني الحين دامه باختيارك..او قسم بالله بخربها واجيك..


أتمنى تنال إعجابكم

للأستماع علي القصيده ,.

http://www.ma7room.com/music/song_listen_11875_1

[بنت العز]

.

كـفيتيْ وْوفـيتي ..

قصيده روْعــهْ

تـسلمْ آيدجْ ..

[اسيرقطر]

لا إتتعذر غير مقبول اعتذارك..بلتقيك اليوم يعني بلتقيك..
يا تجيني الحين دامه باختيارك..او قسم بالله بخربها واجيك..



صح لسان شاعرها وناقلها

قصيدة روووووووووووووعه احسنتي الاختيار

الفجرالبعيد الله يعطيج العافيه يالغاليه

تحياااتي لج اخوووووك
اسيرقطر

[الفجـر البعـيد]

صح بدنكم ..


منورين بالطله لا حرمت روعتها


لكم ودي ^^

[Malak]

يعطيكـ العافية فجر..
وتسلم ايدكـ ع النقل ..

[الفجـر البعـيد]

الله يعافيج

شاكره مرورج و تواصلج الطيب

ودي ^^

[السكرتيره]

صح السانج غلاي وصح السان شاعرها

لا تحرمينه من جديد ذوقج بتنقي القصيد

الف شكر وتقدير لعيونج الحلووووه

[الفجـر البعـيد]

صح بدنج حبوبه منوره بالطله

عوااافي ^^

[بنت الاحساء]

صح لسانك ولسان شاعرك


ما اروع واجمل هذي الكلمات


يعطيك الف عافيه ع الموضوع الراقي والمميز

تقبلي مروري

[الفجـر البعـيد]

منوره بطلتج الغاويه


لا خلا ولا عدم

ودي^^