قــالـت:ظـلـيـمـه!!

[لين شافوني أوقفوا]

السلام عليكم ورحمة الله وبركاته :

قالت:أحبك !! قلت:كذابة أنتي..
قالت:وربي !! قلت:آمنت باللّه..

قالت:وقعت !! قلت:كان انتبهتي..
قالت:قليبي !! قلت:أتحمل خطاه..

قالت:جروحي !! قلت:زين انجرحتي..
قالت:صدودي !! قلت:قلبي وماجاه..

قالت:عذابي !! قلت:يومك كذبتي..
قالت:ظروفي !! قلت:كلن وليلاه..

قالت:توادع !! قلت:كانك سمحتي..
قالت:ترخصنا !! قلت:غالي ومغلاه..

قالت:بهجرك !! قلت:كأنك اقتنعتي..
قالت:وحبي !! قلت:يوم كنت سلواه..

قالت:معاند !! قلت:توك عرفتي..
قالت:بتخسر !! قلت:وش اللي كسبناه..

قالت:مخادع !! قلت:لا ماصدقتي..
قالت:اناني !! قلت:مبدأ رفضناه..

قالت:كتبت !! قلت:وش كتبتي..
قالت:فراقك !! قلت:وقّعت أدناه..

قالت:ظليمه !! قلت:قاضي وحكمتي..
قالت:ظلمتك !! قلت:الحمد للّه..

[Malak]

يعطيكـ العافية ..لي شافوني اوقفوا..

وتسلم الايادي على النقل..
وبنتظار الجديد..
بس هذا قاسي..حرام عليه يعني..

[قلب الـ ع ـنا]

لاهنتي على الطرح

^^

[Miss MoOn]

.. صح الله السانك والسان كاتبها ..

لاهنت ،،

[راعية معاني]

قالت:ظلمتك !! قلت:الحمد للّه..


صح الله لسان شاعرها

كلمااات حلوه

تسلم أخوي على هالنقل

[لين شافوني أوقفوا]

الله يعااافيج أختى ملووك

على المرور الكشخه

ومافي شي قاسي

[لين شافوني أوقفوا]

ولاانتى أختى مريووم

ترى انا رجال يابوج أخبر مكتوب ذكر

وتسلمين لي على المرور

[لين شافوني أوقفوا]

صـح بـدنـج أخـتـى ميسس

والله يعطيج الف عااافيه

على المرور النااايس

[لين شافوني أوقفوا]

صـح بـدنـج أختى راعـيـة الـمـعـانـي

الـحـلـو مـرورج أختـى منـوره الـصـفـحه

[السكرتيره]

ياعيني قصيده جزله تستاهل التميزز

ذوقك عجبني باختيار القصيده

لا تحرمنه من تميزك بالاختيار الذوق

صح السانك والسان شاعرها

تقديري واحترامي لشخصك

[لين شافوني أوقفوا]

صــح بــدنــج أختـى الـسـكـرتـيره

الـمـمـيـز مرورج خـيـتو يـاذوق

مـــنــوره