تويت
بِدَا صُبحِي وَ كـَ العَـادَه غَريب وَ مَيِّت و ذَبـلَان , ,
السلام عليكم ورحمة الله وبركاته
قصيدهـ رآقت لي بـ حييييل ..
وإن شاء اللهـ تنآل آعجآبكم..
.
.
.
.
.
سهيت , و غمضت عيني آفكر فيك يا الأحزان
و مالت فيـنـي الفرحه , و فـازت لمّـة أحزانـي
و عادت قصة أمجادي , تدور لـي و أنـا خجلان
و حولـي كل من يعرف طموحـاتي , و عنواني
كتـبت , و مـا كـتبت الا معاناتي و أنـا غـرقـان
آدور يد تحملـني على الشاطـي و ترعـانــي
بـعد قصـة تسليني , صدر من بعدها الديوان
مـليـت آخر حكـاياتـي على شاعــر تـبنــاني
تسلّيني بعد روحك حروفـ(ن) تحمل الألــوان
تشكل كلمة [ العوده ] على بابك و تنهـانـي
قضيت العمر فـ الفرقى وكان اللي مضى قد بان
كـتبته فـي قصيدي لــين مــل النـاس قيفــاني
يـمـر العمر مـا مـرت معـه ذكـراي فـ الأوطــان
و لا في موطـني مـرت معانـاتي لـ خــلانــي
تجمع يا قصيدي حيــل وآكتبني معك سلطان
و بعثر فـ الفضا طيفي , وخل الناس تقرانــي
بدا صبحي و كـ العـاده غريب و ميّت و ذبـلان
و مر النور بـ البسمه على جذعــي و غطّاني
إليـن الليل صوّت لي تعال .. وقمت له تـعـبان
تقرّب خـطوتـي يمّه و تـقـرب دونـــه ألحــانـي
وقفت وكانت الوقفه , دليل آني معك خسران
و قفت و ما وقف يمّي سوى صدقي و دفّـاني
رفيقي ما وقف يمي و جفني عقبها نعسان
لساني ما تكفّل بـي و لـا أهـلي و جيرانـي
وحيد بـ عقدي الثاني آقاسي لـوعة الهجران
أدور من يواسيني و جرحـي حيــل واســاني
دخيل الله يا خلّي تخيّلني معاك إنســان
تخيّل بس لو مره , بعدها حاول آنسـآني
تعبت و صارت أحوالي تسجلني معك ندمان
و حالي من تفارقنـا و هو متكدّر و عانــي
و لكنّي , و يا خلي ترى ما كان بي قد كان
و شيٍ فات خليته , و قلبي عنه ودّانــي
عزيز النفس ما ينظر لشخص بايع و خوّان
و أنا متمرّس العزّه , و راضيها و ترضانـي
تعليق