تويت
{نفخر نقول حنا على الصد قاوين..!!
نزعل و نتكبّر وحنا من الطين..
والكل منا صد لا أقبل خويّه..
نفخر نقول حنا على الصد قاوين..
وهي علينا في الحقيقه قويه..
نشفق على الطيبه و كسب الكريمين..
وهذي بنا لاشك فعله رديه..
ننسى نهايتنا وعلى وين ماشين !!
و ننسى الزمان اللي جمعنا سويه !!
المشكلة ماهي بحاجه لتخمين..
ولا هي بعد يا ناس صعبه القضيه..
دق الرقم : كيفك ؟؟ هلا فيك..و أهلين..
( أنا الخوي اللي مزعّل خويه ) ..
قلّه : تغيب و صورتك داخل العين !!
و يبقى ( لحبك ) في خفوقي بقيه..
( نبقى أخوان حتى لو يجي بينا شين )..
وما نفترق دام المحبه ( نديه )..
خلك قوي لا تحتكرك الشياطين :
قبل الفوات و قبل وقت ( المنيه )..
كلّم خويك بأطيب الهرج و اللين..
و أعرف جميل الهرج ( يمسح رديه )..
هذي هي الدنيا من الحين للحين..
لابد بين الناس تحصل خطيه..
ومن لا يقدّر محبة أحبابه الحين :
يقرأ حروفي و يعتبرها ( هديه )..
باكر تمر سنين و سنين و سنين..
و الكل يرحل في الدروب المديه..
صدقني تندم و أذكر حروفي زين..
تندم على خلك إذا غاب ( ضيه )..
دنيا غريبه و أكثر الناس ماشين !!!!
و واحد يبكي يقول :
كم صاحبٍ والله ( دفنته بيديه )..
مما راق لي ..
تعليق