ستارتي المجروره لــ محمد بن فطيس..

[ӡтнάβ]

لاجـاء المطـر وستارتـي مـجـروره ..

وشفت الغيـوم وصحصـح استرخائـي !!


وأصبح مداج الرجـل يغلـب شـوره ..
وتسابـقـت الآراء قـبـل ادلائــي !!


وروّحت صـوب الرجـم لأجـل آزوره ..
بأشـوف قريتنـا وأجــرّ غنـائـي !!


ياكثر مـا آجـي الحـارة المهجـوره ..
لااميّلـت قبـلـه وثـقـل ردائــي !!


أجـي لهـا لأجـل استعيـد الصـوره ..
وأشاهـد البـاب القديـم المـائـي !!


هـذا المكـان وذي دريشـة نـوره ..
وهذا الممّر اللّـي بـدأ بـه دائـي !!


والمدرسـه وألـواح قـول الكـوره ..
والمسجد اللي كااان عنـدي نائـي !!


وهـذا مكـان الصّـف والسـبّـوره ..
ودرج عليـه كتابـتـي وامضـائـي !!


مـع بيتنـا المتـواضـع بديـكـوره ..
وسـراجـه المتهـالـك الحربـائـي !!


وذي غرفتي وأشياااائـي المنثـوره ..
والدفتر اللّـي بـه ضعيـف املائـي !!


وهذا الزّمان اللـي مضـى بشهـوره ..
يهـدم وكّنـه بالنـشـاط مـرائـي !!


وهـذي تضاريـس الـزمـان ودوره ..
تنحت وكنهـا فـي صميـم أحشائـي !!


اشتقـت ياريـف العمـر وزهــوره ..
ياراحـتـي يامخـتـزل ضـوضـائـي !!


اشتقـت لأعــذاره وزود قـصـوره ..
وتمريـري التقصـيـر باستغبـائـي !!


وسوست من طـول الفـراق وجـوره ..
مابيـن قاسـي صحوتـي واغمـائـي !!


رتّلت فـي القـرآآن سـوره سـوره ..
ابغـي بذكـر الله يـزول اغـوائـي !!


يخزي العـذول والالسـن المأجـوره ..
لامن حكوا بك زااااااد فيك اطرائي !!


في زعلتـك فـي ضحكتـك أمّـوره ..
حتى الزعـل منـك يزيـد اغرائـي !!


أحـب روغـة عيـنـك المشـهـوره ..
وافهااائتـك واسلوبـك التلقـاائـي !!


مـن كـلّ شـيّ فيـك نـار ونـوره ..
ياضيقـتـي لاجــاات يافيـحـائـي !!


ماكـنـك الا بـقـعـة مـمـطـوره ..
صباحهـا غـيـم طـغـى بأرجـائـي !!


زهـر الرّمـال وعنـدب الجـافـوره ..
شكـل وطعـم والعـود سامـرّائـي !!


ثقـل الشّيـوخ ونخـبـة المقـصـوره ..
نجـدي الطبايـع والدلـع تيمـائـي !!


يا انعم مـن الديبـاج يااااديجـوره ..
ياااااخلّـي المـذكـور ياعنقـاائـي !!


يميـن وصلـك بالعطـاء مقـصـوره ..
أمـا الحكـي كنـك حفيـدة طائـي !!


انتـي الغـرام البكـر والبـاكـوره ..
وانتي الغلا من الألـف حتـى يائـي !!


مستقبـلـي وروايـتـي المـأثـوره ..
حبيـت لـكـن حـبـك استثنـائـي !!


الشووووق عندي لك تفـوح قـدوره ..
ريـح اشتياقـك بعثـرت أشيااائـي !!


ياااااحـي زولـك يالغـلا الأسطـوره ..
مشـتـاااااق لمنـاجـاك ياغنّـائـي !!


حبك زعيـم فـي الحشـاء لـه ثـوره ..
شعب اشتياقي لـك نـوى باقصائـي !!


اشتقت عنـد البـاب اناجـي نـوره ..
الازرق اللـي صـار لـونـه مـائـي !!








//













لـ/ شآعرهآ:
.. محمد آبن فطيس

[اسيرقطر]

صح لسان شاعرها وتسلم ايدناقلها

تسلمين يالغاليه ع قصيدة


الله يعطيج العافيه يالغاليه

تحياتي اسيرقطر

[الـولـهـانـه]

..[ صح اللســآنـه بن فطيــس ,, ابــدع بالكلمآت الحلــوة ومـآقصـر ,, ويسلموو ع النقــل الطيــب ]..

[؏ ــيـؤטּ قــطــر [♥] ~]

صح لسـآآن شاعرنـآ دوم مميز ماشاء الله عليه

وتسلم يمنـآآج غلآتي

يعطيج العافيه ^^

[ӡтнάβ]

اسير قطر

يسلمووو خيي ع المرور العطر
عطرت صفحتي بتواجدك

[ӡтнάβ]

الولهانه

يسلموووو ع المرور
منوره الصفحه

[ӡтнάβ]

عيون قطر
الله يسلمج ويعافيج
مشكوره حبوبه ع المرور الرائع
عطرتي صفحتي