تويت
كل يوم لك صاحب وكل يوم محبوب••
كل يوم لك صاحب وكل يوم محبوب
هوايتك جمع الرسايل والارقام
بأسلوب تتميز واذا جيت بأسلوب
تمشي معاك الخلق وتقول قدااام
ما دري متى تعقل ولاادري متى اتّوب ..؟!
هذا وانا توي معك مالي ايام
قلبك خضر واحبابك قروب وقروب
تسهر عيون الناس وعيونك تنام
وانا احب بصدق واحلامي تذوب
والا انت والله ماورى وجهك احلام
مرتاح بالدنيا ولاعشت مغصوب
ماعشت مثلي عيشة ٍ كلها آلآم
يادوب تلقاني مع الناس يادوب
تبين بسماتي من العام للعام
وان طالت القالات والجرح معطوب
شوف انت عاد اشلون تأثير الالهام
ياتيك تعبيري من الحزن مكتوب
عن جرحي الدامي تحاكيك الاقلام
لاصرت تتغلا عشان انت رعبوب
خاف الولي فيني الى جيت منضام
ماني بناقص هم والعدل مطلوب
وان دام لك فرحك ترى الوقت مادام
حتى من حقوقي بعد صرت مسلوب
هذا ويجمعني معك دين الاسلام
نوب ٍ تجاملني وتغتابني نوب
عيّشتني في عالم ٍ كله اوهام
ما ادري ؟ احس انك مع الناس حبّوب
الا معي ناسي وقاسي ولوّام
كنك تبي تمشّي علي كم ملعوب
دايم تسوي لي حكايات وافلام
بأسلوب تاتيهم واذا جيت بأسلوب
تذوب خلق الله ماهي بتنلام
تعليق