صدر الحزين

[رمز الوفا]

صدر الحزين يطاوع الضيق .. و يضيق
. . . . . . . . .من كل صوب .. و تصبح العين ديمـه

ينزل مطر .. و يلوح براق .. و تفيـق
. . . . . . . . كل الجـروح .. المبطيـات .. القديمــــه

و أنا .. علـى الدنيـا قليـل التوافيـق
. . . . . . . . . ما غيـر أساوقهـا بـراي و عزيمـه

يا فـوح قلبـي مثـل فـوح الاباريـق
. . . . . . . . . .عليـك ياللـي لـك عروقـي محيمـه

أقبلت لي و الحـب .. حـظ و توافيـق
. . . . . . . . .و أقفيت عنـي .. و النتايـج وخيمـه

علقـت نفسـك فـي زوايـا المعاليـق
. . . . . . . . و حطيت لك بيـن الحنايـا .. وسيمـه

و أصبحت عندي فوق كـل المخاليـق
. . . . . . . . .تخطي و لا لك غيـر قـدر و حشيمـه

و انا و ربـي مـا نقضـت المواثيـق
. . . . . . . .لا زلت أشوفـك راس مـال و غنيمـه

دونك سحاب الدمع و مشـارق الريـق
. . . . . . و عقبك ضياع و جرح قلب و هزيمـه

فأن بعتنـي فالسـوق بيـع الصناديـق
. . . . . . .عـز الله انـك بعتـنـي دون قيـــــــــمـه

ليتك تشـوف ابـواب قلبـي مغاليـق
. . . . . . . . ما هيـب لا و الله .. و عـادة حليمـه

ما همنـي و النـاس جمـع و تفاريـق
. . . . . . . . . ما دمـت منتـب فيـه روحـي يتيمـه

يا صاحبـي تبكـي عليـك الطواريـق
. . . . . . . . جزل البيوت .. الفـاردات .. العديمـه

أرحل .. و طيبك فوق روس الشواهيق
. . . . . . . . . . لا تلتفـت لـي يـا قـوي الشكيـمـه

و أنا علـى خبـرك وريـث المطاليـق
. . . . . . . .راعي مواجيـب و شجاعـه و شيمـه

مثل الجبل و أقرب مثل عندك .. طويق
. . . . . . . . .شامخ .. لو ان الريح تنحـت صميمـه

يالله عسـى فالـك معـزه و توفـيـق
. . . . . . . . . .ياللي جعلت أهـداف عمـري عظيمـه

عقبك لي الله ثـم شمـس المشاريـق
. . . . . . . . . و الشرقـي و هبّـة هـواه و نسيمـه

و الشوق و هموم الجـروح المفاتيـق
. . . . . . . . .و البرد و الحـزن و شـوارع رحيمـه

يالغالـي اللـي كنـك بقلبـي اتـويـق
. . . . . . . . . .جرحـك كريـم .. و ذكرياتـك كريمـه

أنت و انا .. نشبه حضارات الأغريـق
. . . . . . . . . القوم راحـوا .. و الحضـاره مقيمـه

[منـي خـذوكـ]

صٌحٌ أًلُسّأًنَ أِلُقِأًيَلُ



وّتِسِلَمَ يَدٌ أُلِنّأًقَلٌ

قًوُأٌڳّ أًلٌلّهّ



تّقّبّلُ مًرٌوِرِيّ

[همس المشاعر]

يالله عسـى فالـك معـزه و توفـيـق
. . . . . . . . . .ياللي جعلت أهـداف عمـري عظيمـه



صح السانك وعلا شانك

قصيده رائعه واختيار راقي

المزيد من التميز والابدااع

[ღ جـــــــــولــــــــــي ღ]

صح لسانك يالغالي

ولاهنت على الابيات الحلوه

ودي لك

[خـفـوٍقـيْ عــآإف دقـآإتـه]

يالغالـي اللـي كنـك بقلبـي اتـويـق
. . . . . . . . . .جرحـك كريـم .. و ذكرياتـك كريمـه


^

نآإيسسسس

صصح لسسآن قآيلهآ وتسسلم يمينك
ع آلآنتقآء المميز ^^
لآعدمنآك
تحيآتي لك

[【ضحية صمت ⊱ا•]

أنت و انا .. نشبه حضارات الأغريـق
. . . . . . . . . القوم راحـوا .. و الحضـاره مقيمـه


اووووووووب صح لساانك
وتسلم يمينك ع الطرح

[رمز الوفا]

اشكركم ياالغاليين على المرور الكريم


لاخلا ولاعدم

[ماعآد بدري]

صح لسسانك

ويسسلموؤو ع الموووضوع الرائع

تحيآتي

[رمز الوفا]

ماعاد بدري


لاهنت على المرور طال عمرك