::: يـاعــــيــــن :::

[وعــــــــد]

ياعيـن رفّـي وباللقـى بشـّرينـي
وريّـحي قلب ٍ من البعـد منصـاب

رفــّي ورفــّي .. ليـن مـا تسعدينـي
بشوف الحبيبه من بعد طول الغياب

في كل لحظه طيفهـا لـي يجينـي
ويجدد الجرح الـذي مابعـد طـاب

جرح ٍ من أسباب الفـراق اللعينـي
جرح ٍ كأنه موت في عـز الشـّبـاب

هي دنيتي .. هي لهفتي ونور عيني
بغيابها كل المـلا عنـدي أغـراب

ما اقدر أوصـّـف حالة الحزن فينـي
من زود لوعة بــُعدهـا خافقـي ذاب

متى يزين الحـظ معهـا ياعينـي
والله بعد فراقهـا صـرت مرتـاب

يكفي سهر هالليل ويكفـي أنينـي
يكفي دموع ٍ غّرقت جفن وأهـداب

ياعين .. والله ذكرهـا محتوينـي
من فارقتني ما انفتح للفـرح بـاب

أنـا دخيلـك .. رفــّـي وطمــّنينـي
وريــّحي قلب ٍ من البعـد منصـاب

[رجـاوي]

مشكوره اختي على القصيده الرائعه

والاختيار الاروع

[الرصاصي]

[align=center]صح السانج اختي وعد الكلمات حلوه

بس ياليت تكتبين القصيده لمن لحفظ الحقوق

تحياتي لج

الرصاصي[/align]

[راعي عزام]

قصيدة رائعة مشكورة اخت وعد

وصح لسان قايلها

[جـدايـل]

اشكرج اختي على القصيده ويعطيج العافيه

وياريت تكتبين من كاتب القصيده

[نسمة ليل]

[align=center][grade="00008B FF6347 008000 4B0082"]

جرح ٍ من أسباب الفـراق اللعينـي
جرح ٍ كأنه موت في عـز الشـّبـاب




قصيده ولا أروع... يعطيك العافيه على هالقصيده....





اختك..
نسمة ليل[/grade][/align]