تويت
السلام عليكم ورحمة الله وبركاته
هذي طبعا قصه وقصيده.؟
سمعتها وقرأتها في احدى المنتديات وجبتها لاحلى اعضاء..
يقول فيه واحد على وقت العقيلات كان شغوف بحب وحده ولعله مامعه الماده الي يقدر من خلاله
انه يفتح بيت .... المهم طرح عليه بعض اصدقائه ان يذهب مع العقيلات ويسترزق ويعود بالمال
لكي يكون بامكانه ان يتزوج على من حبها قلبه .....
...
مضت ثمان سنوات وهو هناك يعمل ويكد ويجمع المال ورقه ورقه ...
وحانت ساعة الرجوع .........
وتهللت اساريره وظهرت على وجهه الابتسامه فرحن بمقابلة معشوقته....
وصلت القافله التي كان بها....... ودخل قريته .. ومن حسن حظ هذا الشخص انه كان في القريه مناسبه جماعيه مثل العرس وماشابهه....
فدخل عليهم وابتهجوا به وسلموا عليه ..المهم ..
وهو جالس مر من امامه طفل فناده احد الجالسين وقال له سلم على
(( عمك افلان ))
المهم سلم عليه الطفل .... فتعجب الشخص منه وقال ابن من هذا ؟؟؟؟؟
قالوا له ( هذا ولد فلانه ) معشوقته والتي من أجلها تكبد الصعاب ..
ففاضت عيناه وضم الابن ضمه خشي عليه ان يموت الطفل بين ذراعيه
وقال هذه القصيده ::::
غبت ثمان سنين حل وترحال & غبت ثمان كلها مدلهمـــــــــــــــه
قضيتها بالشوق والحب رحال & وحب تحدى كل ياس وهمــــــــــــــــــــه
سالت عنها سنين وشهور وليال& ولافيه فج غير وجهت يمــــــــــــــــــــه
عقب الثمان الي تعبها برا الحال & جاب الزمان الكارثه والمطـــــــــــــمه
جاني ولدها يبتسم بين الاطفال & ومن بسمته ذكرت انا بسمت امــــــــــــه
شفته وصاحت داخلي كل الامال& بصوت عجزت لكتم الانفاس لمــــــــــه
عند هذا الحد قلب القافيه ..وهذا يبين مدى قوة الشاعر وصدق حبــه
ومن كثر شوقي قمت بالحيل اضمه & ولحظة حضنته والطفل في يدي مال
وشميت ريحتها على اطراف كمه & وستلهمت نفسي مقادير الاهــــــــــوال
وتم الضياع واكدت لي متمه & واليوم بنت الناس في بيت رجــــــــــــــــال
وحب على غير الشرف لي مذمه & ليت الغياب الي شغل غربتي طــــــــال
ولادور العاشق على طر دمه & مجبور اعود واشتكي كل الامــــــــــــــيال
[وبعد ان قال هذه الابيات رجع قافلاً إلى غربته وأنيسه الجديد
وغنى القصيده بشار السرحان
دمتمـ بكل خير
الســــــــــماوي
تعليق