ادخل وستمتع

[الـمـسـتـشـار]

خل الشعـر يـا رابـط القـاف بالشـاش
دامك قليل المعرفـه ومـا تـدرك أوزانـه
وش حاجتك في كيمره ما تضـرب فـلاش
وكل الصور مـن وقعهـا جـات عدمانـه
و وش تحتري من مخطر ٍ في غرفة إنعاش
غير إن ربـه يقبلـه بالعفـو وإحسانـه
الشعر معنى وما يجـي بسـلاح رشـاش
ولكن يجـي للطفـل فـي لحظـة ختانـه
والذيب ما يقلط علـى عرجـات لكبـاش
ولو يقتله جوعـه يهـاود حـدة أسنانـه
والفارس القرم الشجـاع إيعقـب القـاش
ولا يعيبـه كـود زلـه قالـهـا لسـانـه
ورسالتي للـي يصاحـب غلمـة خبـاش
ظلوا طريق الحـق فـي شعـره وقيفانـه
خلك رفيق العز وجنـب صحبـة الـلاش
تـراك مخطـي وقصيـدك فاقـد أوزانـه
والشعر ما يشراء مـن الميـدان بالكـاش
وأنا على قولـي بـذب الحـق وإرهانـه
والبنت ما تكتب قصيـده تحمـل إدهـاش
ولكـن إيجمـل شعرهـا قولـة فـلانـه
وياليـت حاكـم ديـرة القطري حشـاش
والله مـا يكتـب قصيـده ضيـق إبطانـه
ولكن عسى الله يـروي الأرض بطشـاش
زخات من وبل السمـاء تنبـت أغصانـه
ويجلـي مـن الساحـة محبيـن فشفـاش
صغار مـا تفطـن مـن البيـت عنوانـه
الشعـر قيمـة يـا رجاجيـل وإعــراش
وما يقضبـه كـود الـذي وازن أطنانـه
والله يعيـن العيـن مـن شوفـة المـاش
وإيرجـع أنصـاب الشعـر فـي زمانـه



وسلامتكم جميع .....

[عازف الاوتار]

صح اللسانك عز الله ان شاعر
ويعطيك الف عافيه يا تيمون ع القصيده الروعه
تحيااتي عازف الاوتار

[الـمـسـتـشـار]

الله يعافيك وصح الله البدنك وما عليك زود يالغالي منور صفحتي ومرورك الروعه
تيموووون