تويت
قصيدة وصف للجيب ال Vxr وصورة ....!!!!!
بسم الله الرحمن الرحيم
سلام الله عليكم يااهل الفكس اراااااااااااااااااااااااااات ....:
بعض الناس ماادري وش حبه في السيارات وتضبيطها وتزيينها ...!!!
هنا نقول ان فيه عشق بين السيارة وصاحبها..!!!!!
لكن السيارة اللي تجي مزينه مكملة مااادري وش نقول عنها ..!!!!
Vxr موتر كتب في عدة قصائد ويستاهل اخونا وحبيب الملايين !!!!!
عموما مقدمة ترفع الضعط لكن ما ابي اوصله ....
ودي انكم تتفاعلون معي في طرح قصائد Vxr للامتاع والتسلية ...
بس يستاهل......
قصيدة وصف للجيب ال Vxr
للشاعر مرير بن عبدالمحسن الحبيل العتيبي...
ما حـلا الفـكس أر لا منه تعـدل واسـتـدار
و ارتـكى من فـوق خـط مـستـعـدا يسحبي
يسحب ثقال المواتر بالصحاري والـقـفار
لا اعـتزى من فـوق طعس هايب ومهـيبي
أبـيـض لـونه كمـا ثـلـج تـبـيـن فـي نـهار
واضـح كـــنه صـفاة فـوق ضـلع مـحــدبي
كامل فيه الوصايف لا اشتغل يقدح شرار
وان مـسـك خـط الرياض ووجهته لبوظبي
ضامنينه بالـوكالة دون فحـص واخـتبار
يوم قـالـوا في صـفـاته قـلـت هـذا مـطـلبي
مطلبي في موترا يعـطي ولا يصدر قرار
وان دخـل لـه فـي نفـودا لـفـها مـثـل الظبي
او كما طـير تعـلى واعـتـدل فـيه المسار
يوم شـاف الخـرب وجه وانحـدر لا يهـربي
ابـيض لا شع نوره يقـلب الصحرا جهار
أو كـما بـرق تــشعـشع من سـحاب مجنبي
المهم اني شريته ولا يخيب من استشار
واحـتـمـيت بـذكـر ربي وقـلـت خـير يكـتبـي
والصراحة من ملكـته صابني بأ لانبهار
قـلـت هاللي صمـمه وأنـتجـه ما هــو غـبي
صممه ملعون ترس وحمله فوق اقتدار
لااسـتوى فـوق النفود وصار صوته يطربي
وان لمحـته ما لمحت ألا شهاب بنحدار
لا اعـتلى فوق الجـبال ولا انحدر ما يخـتبي
صانعينه للـشـيـوخ اللي تحـلوا بالوقار
ومن غــلاته والشريطي في امتلاكه يرغبي
ويرغـبه ناس تولع بالقــنص والابتكار
ويرغبه راعي الحلال ولا سـرح به يضربي
يضرب فياض تحلت بالخزامى والزهار
اشــهـدا انه للـبراري فـي وعــرها مـدربي
واشهد انه لا وطى له خبة بأرض عوار
يـسـتـوي مـا بـيـن ضـلع في قـفـار مـرعـبي
وارجع اردد كلامي واذكره لو بأختصار
غـير هالفـكس أر مـرضى فـي بديـله مركبي
كل ما عندي ذكرته ولا حدن منكم يغار
والخــتــم للي سـمعـــني يــذكــر الله والـنبي
تعليق