تويت
يـآللـي دفـنـتـو جـثـتـه ليــــه تبـكـوٍن؟؟؟
ياللي دفنتـوا جثتـه ليـه تبكـون
لولا الحيا لأقـول معكـم خذونـي
منه انحرمت وكنت انا عنه مسجون
ما أذكر لمحته غير مـره بعيونـي
شفته وكانت فرحتي مالهـا لـون
عجزت لأوصف من لمحته شجوني
ياليتني كنت الكفـن يـوم تمشـون
أبقى معـه بالقبـر ثـم تدفنونـي
أو ليتني من خلفكم كنـت مجنـون
أتبع خطاكم والعذر هـو جنونـي
أبكي وراكم وأدعي ان كان تدعون
ما يكفي انه عاش عمـره بدونـي
تكفون هاكم عمري اليـوم تكفـون
برخص حياتي دام خابت ظنونـي
ما فادني صبري ولا فادني عـون
ولا فادني دمع(ن) حرق لي جفوني
يا ما بكيته والبكي يحـرق عيـون
ميت أو انه حي دمعـي بعيونـي
العام كان بفرحته يعـزف لحـون
واليوم ؛ تحت الأرض ماهو بكوني
لكن أنا في فرحتـه كنـت مدفـون
فوق الثرى واليوم موته سجونـي
سميت قلبي عقـب فرقـاه ملعـون
هو و الليالي عن هنـاه امنعونـي
ياليتني ماعشت لحظـه بهالكـون
ياليت ربعي في سكـات اذبحونـي
وياليتكم عن همّي اليـوم تـدرون
منه انحرمت ومن عزاه احرموني
حتى بوفاته يوم أنا طحت مطعون
أخفيت طعناتـي قبـل يفضحونـي
بكيت لكـن ماتظاهـرت بالهـون
أبكي وأقول الموت سبـة طعونـي
مـنـقـوٍلـ
وسلامتــــــــــــــــكم ،،
تعليق