تويت
خلاص الوقت علمني ..
السلام عليكم
..
.
أبكتب لك مـع ابياتـي كـلام مشفـرٍ تشفيـر ...
لعلـك تفهـم المعنـى ورمـزٍ صاغـه السـانـي
انا اللي عاشقه خلٍ عشق غيـري بـلا تقديـر ...
تمنيتـه وهـو ناسـي واحسـب انــه تمنـانـي
سقاني كاس بيدينه طلع كاس الهـوى تخديـر ...
احسبـي مالكـه قلبـه وهـو مـع واحـدٍ ثـانـي
انا نفسي على الذله تعاف الزين لو هـو غيـر ..
وابـاطـا قلـبـي برجـلـي إذا إنــه تحـدانـي
أنا أبنسى عنا الماضـي وأبرحـل دونمـا تبريـر
عسـى الله يسعـد أيـام العزيـز اللـي تمنـانـي
تبي تدري وش القصه , وش المعنى , وش التفسير
وش اللي سهّر عيونـي وخـلا النـوم مـا جانـي
وش اللي كسّر الخاطر كسور(ن) ما لهـن تجبيـر
وش اللي أرخص دموعـي بجـوف الليـل بكانـي
أبرسل لك مع ابياتـي علامـات(ن) بهـن تبصيـر
وابوصف لك معالم جـرح ينـزف وسـط وجدانـي
ابرسـم لـك شظايـا خافـقٍ متكـسـرٍ تكسـيـر
وابنظم لـك قوافـي شعـر فيهـا قصـة احزانـي
وابكتب قصتي معهـا عـذر وارفـع لـك التقريـر
انـا المظلـوم لكنـي بمفهومـك انــا الجـانـي
أنا شفتك على دربي ومن اجلـك عكسـت السيـر
وانا مـدري وش اللـي يـم ذاك الـدرب ودانـي
لمحت اسمك مثل نجم(ن) على نوره يطيـر الطيـر
وانا من يوم شفت اسمك فرحت وجيت لـك عانـي
تقابلنـا انـا وانتـه علـى صفحـه بهـا تسطيـر
تهلـي بـي مـن اولهـا وبآخـر سطـر تجفانـي
لقيتـك تنتظـر غيـري حقيقـه مابهـا تـزويـر
وانا اللي كنت اظن انـك علـى الصفحـه تحرانـي
تعيش الحلم مع صوره علـى التصغيـر والتكبيـر
تعـزي قلبـك العاشـق وفيـك القلـب عـزانـي
سبحت بداخـل اعماقـك وغصـت بغبـة التفكيـر
ولاتحسـب هواجيسـك مـع اللـي راح تخفـانـي
حملت المسك باليمنـى وباليسـرى نفخـت الكيـر
تـداوي جـرحٍ بقلبـي وتفتـق جـرحٍ أشقـانـي
أنا يا صاحبي بمشـي وسامحنـي علـى التقصيـر
واظـن ماشافتـه عينـي مـن النكـران كفـانـي
بخفـي جرحـك الدامـي وابدفـن سرنـا بالبيـر
وابنثـر ذكرياتـك شـعـر للهاجــس تغشـانـي
وان نادمـت هاجوسـي ابذكـر عشرتـك بالخيـر
وابدعي لك إذا هـب الجنـوب وهيـض اشجانـي
عسى دوم(ن) معك يمشي رفيـق بدربـك التيسيـر
وأنـا ماضيـع مـن بعـدك ولـي رب تـولانـي
أنا يا صاحبي برحـل وسامحنـي عـن التقصيـر
أنا نفسـي تعـاف الزيـن إذا مـا كـان يبغانـي
وتبي أفرز لك المعنى علـى الصافـي بـلا تكثيـر
واسّبِـك صافـي المعنـى بقالـب بيـت وحدانـي
خلاص الوقت علمنـي حفظـت الـدرس بالتكريـر
نصيحه لا تجي وان جيت تـرا مـا اظـن تلقانـي
وسلامتكم
..
.
أبكتب لك مـع ابياتـي كـلام مشفـرٍ تشفيـر ...
لعلـك تفهـم المعنـى ورمـزٍ صاغـه السـانـي
انا اللي عاشقه خلٍ عشق غيـري بـلا تقديـر ...
تمنيتـه وهـو ناسـي واحسـب انــه تمنـانـي
سقاني كاس بيدينه طلع كاس الهـوى تخديـر ...
احسبـي مالكـه قلبـه وهـو مـع واحـدٍ ثـانـي
انا نفسي على الذله تعاف الزين لو هـو غيـر ..
وابـاطـا قلـبـي برجـلـي إذا إنــه تحـدانـي
أنا أبنسى عنا الماضـي وأبرحـل دونمـا تبريـر
عسـى الله يسعـد أيـام العزيـز اللـي تمنـانـي
تبي تدري وش القصه , وش المعنى , وش التفسير
وش اللي سهّر عيونـي وخـلا النـوم مـا جانـي
وش اللي كسّر الخاطر كسور(ن) ما لهـن تجبيـر
وش اللي أرخص دموعـي بجـوف الليـل بكانـي
أبرسل لك مع ابياتـي علامـات(ن) بهـن تبصيـر
وابوصف لك معالم جـرح ينـزف وسـط وجدانـي
ابرسـم لـك شظايـا خافـقٍ متكـسـرٍ تكسـيـر
وابنظم لـك قوافـي شعـر فيهـا قصـة احزانـي
وابكتب قصتي معهـا عـذر وارفـع لـك التقريـر
انـا المظلـوم لكنـي بمفهومـك انــا الجـانـي
أنا شفتك على دربي ومن اجلـك عكسـت السيـر
وانا مـدري وش اللـي يـم ذاك الـدرب ودانـي
لمحت اسمك مثل نجم(ن) على نوره يطيـر الطيـر
وانا من يوم شفت اسمك فرحت وجيت لـك عانـي
تقابلنـا انـا وانتـه علـى صفحـه بهـا تسطيـر
تهلـي بـي مـن اولهـا وبآخـر سطـر تجفانـي
لقيتـك تنتظـر غيـري حقيقـه مابهـا تـزويـر
وانا اللي كنت اظن انـك علـى الصفحـه تحرانـي
تعيش الحلم مع صوره علـى التصغيـر والتكبيـر
تعـزي قلبـك العاشـق وفيـك القلـب عـزانـي
سبحت بداخـل اعماقـك وغصـت بغبـة التفكيـر
ولاتحسـب هواجيسـك مـع اللـي راح تخفـانـي
حملت المسك باليمنـى وباليسـرى نفخـت الكيـر
تـداوي جـرحٍ بقلبـي وتفتـق جـرحٍ أشقـانـي
أنا يا صاحبي بمشـي وسامحنـي علـى التقصيـر
واظـن ماشافتـه عينـي مـن النكـران كفـانـي
بخفـي جرحـك الدامـي وابدفـن سرنـا بالبيـر
وابنثـر ذكرياتـك شـعـر للهاجــس تغشـانـي
وان نادمـت هاجوسـي ابذكـر عشرتـك بالخيـر
وابدعي لك إذا هـب الجنـوب وهيـض اشجانـي
عسى دوم(ن) معك يمشي رفيـق بدربـك التيسيـر
وأنـا ماضيـع مـن بعـدك ولـي رب تـولانـي
أنا يا صاحبي برحـل وسامحنـي عـن التقصيـر
أنا نفسـي تعـاف الزيـن إذا مـا كـان يبغانـي
وتبي أفرز لك المعنى علـى الصافـي بـلا تكثيـر
واسّبِـك صافـي المعنـى بقالـب بيـت وحدانـي
خلاص الوقت علمنـي حفظـت الـدرس بالتكريـر
نصيحه لا تجي وان جيت تـرا مـا اظـن تلقانـي
وسلامتكم
تعليق