دايم السيف ..... لا مانتهيت

[الذاهبه]

شــــــــعر لدايم السيــــــــف ( لا ...ما انتهيت)
خالد الفيصل
لا ...ما انتهيت
توي معك ...يا أجمل العمر ابتديت
توي عرفت إن السهر نشوة هوى
توي عرفت إن الهوى عند الحبايب له دوا
توي أسجل مولدي يا موعدي بعد الضياع
توي نسجت الثوب من هدب الشعاع
توي اكتشفت الليل وأسرار النجوم
توي ركبت الخيل من فوق الغيوم
لا...ما انتهيت
توي معك ...يا أجمل العمر ابتديت
***
ياما اشتهيت أدفا على النور البعيد
ياما رحلت اشكي على متن القصيد
أبحث عن الأمل الخيال
أصور الحلم المحال
يا مجهولي الغالي أيبك
يا أحلى أحلامي أبيك
يا مطر من غير سحاب
يا هواي اللي حضر من بعد الغياب
لا... ما انتهيت
توي معك ...يا أجمل العمر ابتديت
***
معك...هزمت المستحيل
لمست النور
حبست الظل
لونت الهوا
طاولت النخيل
معك ...جرحت الليل وغنيته
لثمت الصبح وبكيته
معك...ناديت
معك ...رديت
يا صوت الورد...يا ريح القصيد
يا ضحكة الماضي الجديد
يا انت ...يا عمري أنا
لا...ما انتهيت
توي معك ...يا أجمل العمر ابتديت

[ظبياني حليو]

صح اللسانه ومشكوورة على النقل يا الغالية


ظبياني حليوو..

[الذاهبه]

تسلم اخوي ظبياني على المرور