تويت
أمحق لحى وامحق شباب
في زحمة الكون الفسيح الواسـع
دنيـا العنـا تدريسهـا مجانـا
طريقنـا فيهـا طريـق مـوادع
نتعـب ونشقـى ليه؟وشـدرّانـا
ندري عن الدرب الصحيح القاطع
ونجنبـه ونتيـه فـي طغيـانـا
نسوقها مـع الطريـق الضايـع
ويالله تحفـظـنـا ولاتـبـلانـا
لكن انا عن تيه رجلـي راجـع
صوب الطريق اللي عليه دوانـا
بيني وبين الناس فـرق ٍ شاسـع
فـآرائنـا وافكارنـا واهـوانـا
من فضل ربي ماخلقنـي تابـع
مالله خلـق عبـدٍ يعبـد انسانـا
الى خطا المخطي عرفت الرادع
من دون جرح فـلان والا فلانـا
وان عفت طبع في رفيقي طابـع
ونصحته وخاطـره منـي شانـا
جنّبت عن خوتـه دون مـوادع
لاهـوب لاكــرهٍ ولاحقـرانـا
مانيب في درب الخطايا طامـع
الى متـى واخطائنـا برضانـا
والى متى نحلـم بزيـن الطالـع
وعيوننا تقـرا الخطـر بخطانـا
لو ان فـي قلـب البنـادم وازع
كان انقضى عمره على السلوانـا
ياكثر مانِنصـح ولا بـه سامـع
دون النصايـح نقفـل الآذانــا
في كل عام يطيـح نجـمٍ لامـع
فـأصحابنا والا مـن الآخوانـا
إحزن ثلاث ايـام عقبـه تابـع
على حيـاة الشيـن والعصيانـا
والقدس بيديـن العـدو الطامـع
مقاومتهـا رضّــع وشيبـانـا
تدهك محارمهـم وحنّـا نتابـع
ولاتحـرّك شـعـرة بلحـانـا
امحق لحى..وامحق شباب وطالع
يالله تحفـظـنـا ولاتـبـلانـا
تعليق