اهداء لكل بنت بالمنتدى وخارج المنتدى

[المجرمه]

(( بسم الله الرحمن الرحيم ))


......قصيدة من شاعرة تحذر فيها البنات من الشباب......


يقول انا اعشقك ياشيخه الزين
ومهما ابكتب فيك ادري شويه

دنياي لاشفتك تزهـــر بساتين
وان غاب طيفك ذقت طعم المنيه

اذوب انا يابنت من نظره العين
وتذبح قليبي شفاهك النرجسيه

يقول انا وافــــــي وابيك توفين
ابيك انا ويــــــــاي صبح ومسيه

ويقول احبك حيل ويحب عشرين
ونفس الحكي قاله لــــهاذي وذيه

هذا ترا هو حال شبابنا الحين
يا للاْســـف ما عـــاد فيهم حمــيه

كثره فتن ولا هي قله الدين
ولا الــــبلا كله من ضعف البنيه

يـــابنت مابه حب في وقتنا الشين
والله يحــــبك لجل غايـــه دنيــه

لامن قضى يرميك وانتي تخسرين
ومحدن ترا غيرك يكون الضحيه

والله من حبي لك ابــي تعرفين
منهو يحــبك ما يجــي بالخــفيه

دوسي على قلبك ولا لا تبوحين
ولايضـــــعفك حكيه وخلك قويــه

وعوذي باسم ربك من الشياطين
والله يحفظك من كل زله وخطيه

وحبي هلك كان بــــ ودك تحبين
وربعك وناسك والوجيه الهنيه

والصاحب الصادق بالعسر واللين
ومنهو طلب ايدك بشمس ضويه

ذولا الــــذي من حبهم ماتملين
ومايلحقك من دربهم شر واذيه

نظمت لك حرفي من واقعٍ شين
وقتن ردي ونفوس جشعا رديه

لاتفكري قولي مجرد تخامين
ولامخــاوف بايته بصدر بدويه

ولاانا مالــــــي بدرب المحبين
ساقي كسرته لو وطى درب الخطيه

سمعتي تسوى في عيوني ملايين
والله ما ارخصها مادمت حيه


وترا الحكي مقصور على الرديين
و ادري به رجالٍ مارضت بالرديه


الله يحفظ الجميع ويستر على كل بنت
طبعا مو كل الشباب ..في شباب( الاقلية) فيهم الخير والبركه وصادقين من البدايه ..ورجولتهم رجوله بمعنى الكلمه ...
وفي شباب ( الاكثـــرية) يكذبون على البنت ويوعدونها ويرسمون لها اجمل الاحلام لكنهم بالحقيقه ذيابه وخاينين..ويكلم مليون غيرها ...ربي ينتقم منهم والدنيا دواره تدور عليهم في بيوتهم

اتمنى اختياري يعبجكم...

[سكر نبآت]

// نــآيس ..

المجررمهّ..عسـآج ع القوؤه ..

=)

[ωâяd âlјσσяŸ]

صح لسان كاتبتها .. وتسلم يمينج يالغلا ع هالاختيار ~

[lady of thin]

يعطيك العافيه ع الاختيار


يسلموووووو المجرمه

[خسران من تحداني]

صح لسان كاتبها وتسلم يمناج على هيك نقل

دمتي بووود

[المجرمه]

تسلمون ولاهنتو يلغالين على الرد

[Malak]

شكرا ع الطرح...المجرمة....

بس ان شا الله تحصل آذان صاغية

[منتهى الرقهـ]

هههههههههه

يعطييييج الف عافييه حبيبتي

تقبلي مروري


منتهى الرقهـ

[المجرمه]

تسلمون ولاهنتو على الرد

[متعبني فرقاهم]

يعطيج ربي الف عافية((_المجرمه_))لاهنتي((_متعبني فرقاهم_))