مُآِ تُدِريُ اِنُكٍ فِيُ قًلًبْيٍ .. وٍمُنِسُكٍبً حٌوْلِهٌ ~

[آنسة هيونه]

السلام عليكم ورحمة الله وبركاته

آول شي انا مبتدئة في كتابة القصص ,, وحبيت انكم تشاركوني روايتي المتواضعه

نبدأ بإسم الله



فتحت عيونها العسيلة البريئة
نزلت من فراشها مصدومه وبسرعه نزلت من سريرها الصغير وركضت عن باب غرفتها
عركت عينها وابعدت شعرها الكستنائي عن وجهها : يمممه ... يمممممه ..
طلت برع غرفتها ببرائه وشافت الشغالة : جاتي .. جـآآآآآتيييي.. وين امي ؟
جاتي (الشغالة): ماما مافي .. شنو يبي ؟
اقتربت الشغالة من باب غرفة جواهر ..
جواهر : لااااا .. ابي امي .. انتي روحي روحي ما ابيج ..
الشغالة بعناد: جواهر شنو في؟؟
جواهر بصراخ اعلى: جاتي روووحي .. ما ابيج انا ابي امي ..

(( اوهـ .. نسيت اعرفكم على جواهر .. امممم .. جواهر بنوته صغنونه عمرها 8 سنوات .. دلوعه الماما والبابا .. عندها اخت وحده واخوان 2 اكبر منها ..))

جواهر تصرخ اكثر : خلااااص جاتي روحي .. مابيج تدخلين غرفتي ..
وجاتي كانت تعاند تبي تعرف شنو سوت هالصغنونه ..

في غرفة ثانية كانت ريم تشوف التلفزيون بعصبية وملانه
انتبهت لصراخ جواهر مع الشغالة ابتسمت بخبث ونزلت وبيدها بنوته صغنونه وصلت لغرفة جواهر : جــوآآآآآآهــــر
جواهر امتلت عينها بالدموع من الصوت
التفتت ريم على الشغاله وبعصبية : انتي روحي خلصي شغلج بالمطبخ
ركضت الشغالة بسرعه عشان ما تعصب عليها ريم
ريم بصراخها اللي تعودت عليه جدران هالبيت : جواهر شفيج مع جاتي ؟
جواهر والدموع بعينها : اقول لها روحي .. ماتبي تروح ..
ريم: ليش ما تخلينها تدخل غرفتج؟؟
جواهر: انا ابي امي
ريم تندفع عند ريم: خليني ادخل
جواهر تدفع الباب بقوه : لاااااا
ريم تدخل غصب عن جواهر وبعصبية تدور على الشي اللي مخبيته جواهر ..
حطت يدها على البطانيه ورفعتها وصرخت بصوتها الجبار: جوآآآآآآآهر ...
مسكت شعر جواهر وصرخت بأعلى صوتها : يا حيوانه عمرج 8 سنوات وللحين تبللين فراشج؟
جواهر تحاول تبعد يد ريم : هديني .. خلاص خلاص .. يعورني ..
ريم تسحب جواهر لحد السرير وتمسح وجهها بالبطانيه : هذا عشان تتأدبين وما تبللين فراشج مره ثانيه ..
ركضت جواهر الحمام وغسلت وجهها بالصابون وهي تصيح..


وبعد دقايق وصلت والدة جواهر : حبيبتي جواهر شفيج؟
جواهر: ريم طقتني لاني بللت فراشي
نزلت ريم بغرور بيدها بنتها نوف : في شي يا ام خالد ؟
دخلت حنان البيت وسمعت ريم تكلم امها وهي رافعه خشمها ..
حنان: السلام عليكم .. شفيكم ؟
جواهر تصيح وتعرك عينها : ريم طقتني وحطت البطانه اللي فيها بول في ويهي
حنان عصبت على ريم: يا حيوانة انتي ليش تسوين جذي ؟ تحطين راسج براس وحده عمرها 8 سنوات ؟؟
ريم بغرور: يا حلوة .. انا مو حيوانة .. انا عمتج .. فاهمه ؟؟
حنان: تخسين ما باقي الا الملعونه تصير عمتي
ريم نزلت من الادراج بسرعه وحطت بنتها على الكرسي وانقضت على حنان نفس النمر ..
حنان: هييي انتي ؟ هديني
ريم: بعلمج من هي الملعونه .. والله اربيج ..
وكل وحده منهم يدها بشعر الثانيه وتستقبل ضرب من عدوتها ..
ام خالد: خلااااص .. عيب كل وحده متزوجه وعندها ضنا وعقولكم عقول يهال ..

دخل خالد البيت بسرعه يبي يعرف شاللي صاير ..
خالد: شفيكم ..
ريم رخت يدها : حنان ليش تطقيني انا شسويت لج ؟ هديني خلاص ..
خالد سحب حنان وحذفها على الكرسي: متى بتعقلين انتي؟
حنان: مرتك الكلبه ترفع صوتها على امي وتطق جواهر ..
خالد: سمعي انتي اذا في شي امي تعرف تكلمني لا تقعدين تسوين المشاكل مع مرتي .. وجواهر اكيد انها سوت شي والا معقوله ريم بتحط بالها وبال ياهل؟
ام خالد: خالد خلاص خلاص خذ مرتك وروح ..
ريم بزعل: مشكورة مشكورة ياعمتي اقول لج يودي بنتي نوف ابي اطلع مع اختي ساعه وبرجع تخلين بنتج ترفع يدها علي ..
خالد شاف امه بنظره قهر ومسح على راس ريم : خلاص حبيبتي روحي جهزي روحج وامي بتخلي نوف عندها ..
ريم بدلع: اوكي حبيبي
ركبت ريم الدرج وانتبهت لنظرات الشر من عيون حنان .. وابتسمت بخبث وعطتها اشارة بيدها بمعنى هين انا اراويج يا حنان ..
وكلها دقايق ونزلت ريم بخبثها وحطت بنتها عند ام خالد وطلعت عشان تتسوق مع اختها ..


طبعـآآ هذا مو بارت ..
هذي مجرد مقدمة عشان تعرفون حياة ابطالنا اليومية ..
لو عجبكم راح اكمل وانزل البارت الاول ..
ولو ما عجبكم اتمنى تفيدوني بإنتقاداتكم ..

بإنتظار آرآآءكم ..

[آنسة هيونه]

ما عجبتكم البدايه ؟؟؟؟

[السكرتيره]

جميله القصه وايد حلوه

يسلمووو حبيبتي ع الطرح المميز

لا تحرمينه من ذوقج وقلمج