رۈآيــہ ~.*غــلا*.~ { قطريـه }

[Ǯyonk Dnyтe]

عمر وربعه خلصو عشاهم وشالو الأكل يحطونه فالمكان المخصص لـه ..

عمر وهو يسولف مع رفيجه يطالع ،،

شاف ريمـا ( شفيها ذي؟؟ ) ..

عمر : انزين ، اقولك بس والله ومن يومها ولا شفتـه

جاسم : ياراجل

عمر : ههه والله العظيم

جاسم : اتصل له عيل

عمر : بتصل والله بس الحين الشسمه ، كرتي الرصيد بيبـاي

جاسم : ااف جان تحجيت هني وين نلاقي حد يبيعهم

عمر : لا عادي بروح اسالهم انا وبرد لك

جاسم : اوووكي

تسند جاسم وقعد يشرب كولا وهو يطالع غاليــه ..

جاسم : شيهانـــــــــــه واللللله

لفو عليه ربعه وردو كملو سالفتهم ..

سأل عمر واحد من المدرسين وقال له بيلقى بس لازم يمشي شوي

قعد يتمشى ولقى مثل المنتجع ..

دخله وشكله كان حيـل محترم بينهم ..

عمر استحـى من المناظر اللي شافها وطول الوقت عينه فالارض ..

دور على نفس الكشك اللي قال له عنه المدرس وراح عنده ..

ريما بهاللحظات زهقت من سوالف رفيجاتها وطلعت تتمشى بروحها

شافت حد جاي من بعيد كان عمر ..

قعد تراقبه لين وصل

عمر ماحس لصخره صغيره بس هزته وطيحت نظارته

عمر ( اوووووف مو وقتها كلش ، وين راحت ذي ؟؟؟؟ ) عمر يتلمس الارض

يدور نظارته وشكله كان يقطع القلـــب

ريما كانت تمشي له بسرعه وعيونها متروسه دموع

شكل عمر اعجز عن تعبيره

شاب توه فأول عمره هذي حالته

موطي وهو مغمض على عيونه يدور نظارته على الارض ..

ريما : كاهي كاهي ..

عمر خذها ولبسها ونفض يده من الغبار

شافها ورفع حاجب : شكرآ ماتقصرين

وراح عمر عنها ..

ريما ( ياربــــــــي احبه والله العظيم احبه يجنن هاوشني وبعد احبه ))


قعد عمر وسط ربعه واستأذن منهم

وطلع قعد على كرسي خشب صغير يحاجي رفيجه تركـي ..

عمر : الوووووو !!

تركي : هلا والله حــي هالصووووووووووووووووووووووت

عمر : بك زووووووود يالغااااااااااالي ولهناا عليك شخبارك شمسوي ؟

تركي : الله يسلمممك والله انا والربع كلنا مشتاقين للــك

تم عمر يسولف معاه وريما منخشه بس تتسمع عليـه

قربت اكثر لقت صوته انقطع ..

طلت لقته محد وماحست الا بقبضـة يد قوووووويه على جتفها ..

شهقـــت وطالعت كانت عاشه

ريما :افففف بسم الله خرعتيني شتبين انتي

عاشه : شتسوين

ريما :ماسوي شي قاعده عادي

عاشه : علينا زين يلا امشي

ريما: ليش

عاشه : شيقعدج بروحج ريموه ردي داخل ويانا

ريما : شوي وبرد زين

عاشه : بنرزح انطرج ترا

ريما :ههه اوكي

دخلت عاشه وتلفتت تدور عمر

لقته بعد شوي

تمت مكانها وعمر مشى لين رد لمكانه وصار السمع واضح لها ..

سرحت وهي تسمعه وتلعب فاصابعهـا ..

عمر : ممكن اعرف شتسوين ؟؟

ريما فتحت عيونها أكيد حلم : شنو؟؟

عمر : شمقعدج هني؟

شكلها كان واظح انها تتسمع عليه لانها قاعده فمكان مو للقعده ..

ريما : كنت ،، انا ، قاعده انطر رفيجتي

عمر : ريما كبري عقلج هالحركات مب للبنات مب هم اللي يقطوون روحهم ترا ها ..

ريما : وانا اقط روحي على من؟

عمر : سألي نفسج بتلقين الاجابه صدقيني

ريما : انت مستحيل يكون بقلبك ذرة احساس

عمر مندهش : انـــــــــا؟

ريما :أي انت

عمر : انا شسويت عشان اتجرد من الاحساس بالله !

ريما : انت لو تحس ماعاملت بنت بهالطريقه

عمر : والله انا اعامل كل بنت بالطريقه اللي تناسبها ، ولعلمج انا اكثر واحد فنان بالتعامل

خصوصآ مع البنات

ريما : وبنت عمك الدليل هدتك وخذت غيرك ..

عمر رفع يده

وانتبه لنفسه

ثووووووووووووور عليها عصب حده

عمر : وانتي من عشان تكلميني ولا تتجرأين وتجيبين طاري بنت عمي اللي تسواج على لسانج؟؟

هذي مره صدقيني وان عدتيها اعلمج طاري من اللي تطرينه

ريما : بتمد يدك بعد

عمر : لمثل اشكالج اللي ماعرفوو السنع وشلون يعاملون الرجال

ريما خلته ودخلت

وهي متخرررررررررررررررررررعه

ريما : خلاص خنرد الغرف انا بنام

غاليه :أي والله اخذيني وياج ..

وراحو وريما تمشي بسرعه..

اول مافتحوا الغرفه دخلت الحمام تتسبح وتصيييح

انا شسويت شسوييييييييييييييييييييييييييييييييت

عمر دخل على ربعه وهو متنرفز محد قدر حتى يسأله شفيك ولا يغير جوه ..


.*.*.*.*.*.*.*.*.*.*.*.*.*.*.*.*.*.*.*.

يلا نبي ردووود حلووووه <<< طراره و تتشرط

--------------------

[آسيــر آنســآن]

يعطيج العافية على المجهود والرواية اللي شكلها حلو

توني باول جزء

تحياتي

[Ƨηυργ≈]

وآآآآآآآآو حبييييت آلببآرت حيي حيلآتوو
بس حرآآم جي يعآمل ريمآ ؛ بس هم ريمآ تستآهل خخ !!

ننططططططر آلتکممممله

[عشقي قطر مهما طال الزمن]

يااااااااااااسلام ع البارت الاول والثاني واااايد نااايس والله

بس الثاني احلى

بس بصراحه وواااايد بالغ عمر مع ريما يحليلها هب ع كيفه يرفع ايده عليها غمضتني بصراحه

هي صح دفشه بس يعني هب لهدرجه يوصل( وواااايد متأثره هههههههههههه)
المهم يلا حبيبتي ننطر الي بعده.......

[Ǯyonk Dnyтe]

تسلمون لي ع المرور الحـــلووو

وانتظروني ف البارت اليـــآآي .. مب مطوووله

[Ǯyonk Dnyтe]

.* بعد مرور اسبوعيــن *.


خالد وغلا كانو قاعدين ،، غلا فهالفتره مرت فحالات نفسيه كسيفه اذا صح التعبير. .

بسببين موتة عمها ، وحمالها ..

وكانت دايمآ تحط اللوم على خالد

وخالد يسكت يخليها تطلع اللي فيها فيه

لدرجة انها تضرب بس مو ضرب قوي

لمن تصيح تطقه وتدزه لبره الدار ..

خالد ماقال لها أي شي بالعكس

كان يلمها ويخليها تطلع كل اللي يجيش بصدرها . .

خالد كان قاعد بالدوام ويفكـر بأي شي ينسي غلا اللي هي فيه

غلا لما تكون مستانسه احس كل شي كامل فالدنيا

لكن من يصيدها أي شي تظيق علي هالدنيا شسوي ياربي

انا ابتليت فهالصغيره مادري صج احبها ولا بس ......

قعد يفكر وحط آخر حل انه يستشير دكتور نفسـي

شاللي يسعدج ياغلا ؟

ياريت لو اقدر اسالج وتردين

لكن ادري مستحيل يطلع منج هالشي

فكر خالد ورسى على حـل

" انا ليش ماكلم خوالي وهلي ونرد مثل قبل ، يمكن اذا رضوا تتغير نفسية غلا

بالجمعه ومع بنات خالي ، تلهى معاهم شوي وتنسى .. ! "

اقتنع خالد بالفكره وعلى طووووووووووووووووووووووووووووول رفع السماعـه

كلم خواله وخالاته وتغريد وريلها وأكيد على تغريد لان غلا ترتاح لها مع انها اكبر منها ،،،

أكد عليهم خالد ان باجر الخميس يتجمعون

والجمعه الغدا فالبيت الكبير واللي بعده عندهم وبعدها عند خاله وجذي

وماتوقع ان خواله بيرحبون بهالفكره ..

استانس خالد وارتاح ،،

اتصل لها خالد وردت غلا

غلا : تووك تفتكر فيني وتتصل ؟؟

خالد : خل العتب واسمع لروحٍ تناديك وان ماسمعت اقرى فعييني اشتياقي

غلا : صـج

خالد : صجين ولهان عليج حددددددي

غلا : متى بترجع ؟

خالد : امممم يقولون قلب المره دليلها

غلا : هههههه من صجي خالد

خالد : لا بسويها مفاجأه

غلا : زين

خالد : يلا عمري تحملي بعمرج

غلا : انشالله ، لاتتأخررر

خالد : لالا يرن الجرس قصدي يخلص الدوام وانا طاير للبيت

غلا : هههههههههههههههههه

خالد : فمان الله

غلا : مع السلامه


.*.*.*.*.*.*.*.*.*.*.*.*.*.*.*.*.*.*.*.*.


عليا خطيبة سعد من الجهه الثانيه من كثر حنة امها عليها انها تاخذ ولد خالتها

قررت تذبح عمرها ..

فتحت باب حمامها (وانتوا بكرامه) ..

طلعت حبوب وخذتهم كلهم ورا بعض ..

حست بشي فظيييييييع فراسها ثقلت ماتقدر تمشي

طلعت من الحمام وووو




خواتها كانو رادين من السوق يدورونها مالقوها ..

قالت لهم امهم انها نايمـه ..





.*.*.*.*.*.*.*.*.*.*.*.*.*.*.*.*.*.

خالد رجع من الشغل للبيت دور غلا مالقاها ..

صعد للدار ولقاها ..

خالد : هلا واللللللللللللله

غلا تظحك : اهليين عمري ..

خالد : انتي وينج ادوررج

غلا : يه كاني

خالد : لا وينج

غلا : ههههههه خالد

خالد : عيووون خالد انتي

غلا : يلا ماتبي تتغدى

خالد : امبلاااااااااااااااااااا من قال مابي

غلا تفرصه : عيل بدل وانزل

خالد يرفع حاجب : انزييين

غلا : مو تتأخر

دخل خالد غسل وبدل ملابسه وغلا كانت تسكر باب الكبت

بطنـها لين الحين ماكبر ولاشي ولا جنها حامل ..

خالد : وينه بطنج

غلا افتشلت من قلب : وينه ؟ كاهو

خالد : عيالي وينهم ليش جذي صغار

غلا تدز يده : خااااااااااااالد

خالد : غـلا خالـد انتـي

غلا ماعلقت ومشت قبله

شوي الا حد طاير فيها لين اخر الدرج ..

نزلها خالد ..

غلا : لين متى يعني

خالد : كيف كيفـــــــي

غلا قعدت على الطاوله وحطت راسها على يداتها وهي شابكتهم ..

رفعت حاجب وهي تطالعـه ..

قعد خالد وتم يطالعها

تطالع ويطالعها ،، غلا ماسكه ظحكتها وخالد كلششش جامد

غلا ماتقدر تمسكها بعد

خالد نظراته تقوى وهو يرقص حواجبه ..

غلا انفجرت ظحك : خلااااااااص عاد

قعدوا يتغدون وغلا مالها نفس للأكل ..

خالد : اليوم معزومين

غلا : ويـن ؟

خالد : البيت العود

غلا وطت راسها ولفته الصوب الثاني ..

خالد يهد الشوكه من يده ويلف وجهها : طالعيني غلا

غلا ترفع عينها و هي تبرق من الدموع اللي حابستهم ..

خالد : لييش ياغلا ؟ بعد دموع شقلنا احنا

غلا : انشالله ..

خالد تنرفز كل مانست رجعت تذكر شسوي بعمري

غلا تبي تغير الجو الي خربته : من عازمنا ؟

خالد استانس : كلنا بنتجمع اليوم ..

غلا : والله ، زيين حلو

خالد : عاد هااا راويهم مرت خالد شلووووون احلاهمممممممم وتسواهمممم

غلا : هههه انشالله ..

خلصوا وطلعوا لغرفتهم ..

انسدح خالــد على السرير وهو يطالع غلا

كانت تطالع عمرها بالمنظره ..

بعدها فتحت الكبت تشوف شي تلبسه ..

جاها خالد من وراها ..

غلا لفت عليـه : شفيك ؟؟

خالد :


قولـي حبيبي قولي

قولي اني اتنفس هواك

قولي نديمك قولي

قولي افراحي معــاك



غلا تمسك يده وشفايفها مبتسمه بخجـل ..

خالد يقعد على ركبه ..


اعرفي اني مانسجت الحلم واحساسي

اعرف اني ماطلبت الصبر في ياسـي


يقرب يدها ويبوسهااااااااا ..

خالد سحبهاوقعدوا على السرير ..

غلا : شنو بعد ؟

خالد : غلا ، حياتي ، اذا رحنا ادري صعبه عليج تنسين اللي صار بس ,,

انا قد ماقدر بحاول اطلعج من اللي انتي فيه بس ابيج تساعديني ..

جامليهم على الاقل ..

غلا : انشالله .

خالد : وعــد ؟

غلا تغمض له عيونها على انها موافقه ..

نام خالد وغلا حذاه بس هي مانامت ..

اليوم عمها سعد طرى عليها وايد ..

شلون بقدر اجاملهم ؟؟

افففف الله يعيني والله ماقدر ..

طلعت ملابس تلبسهم وطلعت ملابس لخالد بعد ..

طلعت فستان اسود كمه طويل

ومن فوق فيه فراشه لماعـه بالفيروزي ..

طلعت لها معاهم اشيا تلبسهم ..

شافت نفسها تعبت وارتاحت لها شوي ..

قام خالد وراح يصلي العصـر ..

رجع لقى غلا نايمه ماقعدها وخلاها ..

فتح البلكونه وقعد يدخـن . .

غلا قامت على ريحة الزقاير وصرخت

غلا : خاااااااااااااالد

--------------------

[Ǯyonk Dnyтe]

خالد تصرقع : هلاا !

غلا : اطلع

خالد : لا تكفين ردينا !

غلا : بره دخن بررررررررررره

خالد طفى زقارته : لا مابي خلاص

غلا : اففففف لاتدخن فمكان انا فيه الريحه ماطيقها

خالد : انشالله انشالله

سكتت غلا ودخلت الحمام ..

خالد تنرفز ( صج اني بايخ ) ..

بعد المغرب غلا كانت تمشط شعرها وخالد يتكشخ ..

خالد جر المشط من يدها ..

غلا : خالد عطنيييييييييي

خالد يسوي روحه مايسمع

غلا : الله يخليييييييييك خالد بنتأخر

خالد شال غترته وقعد يمشط شعره اونه كلش متحدر لين ركبه ..

غلا انقهرت : الله يخليييك تكفى خالد

خالد : أي أي بعد ترجيني

غلا : اففففففففففففففففففففففف خاااااااااااااااااااالد هاته

خالد عطاها المشط وهو سكران ظحك عصبت من صجها ..

خالد : زين يلا

غلا : زين

خالد : هههههه فديت المعصب

غلا : خالد اسكت عني

خالد : يه احبج

غلا : يووووووه ..

خالد : هههه زين زين لاتشنين حرب علينا

طلع خالد بره الغرفه ينتظر ..

طلعت غلا وطالعته

خالد : شدعوى يبا ، حني علينا

غلا ماتقدر على كلامه : شتبي؟

خالد : ابيج انتي شبي بعد

غلا : لا والله ، يلا يلا لانتأخر ..

خالد : صج عاد

غلا : خااااااااااااااااااااالد

خالد يشيلها : عيووووووووووووووونه انتي

غلا : ياربي الله يخليك خلني

خالد : نوو

غلا ماقالت شي

خالد : طحنا طحنا غلا

غلا : ههههههه خاااااااااااااااااااااااااالد

خالد : وئعت

نزلها خالد ..

غلا : وئعت !

خالد : هههههههه يس

غلا : هههه يلا حبيبي لانتأخر عليهم ..

ركبوا السياره وخالد صار كل مايطلع مع غلا يشتري لها شي ..

شرت غلا هالمره بس شغابه كان فيها حجر فيروزي ..

لبستها فالسياره ..

وصلوا للبيت وغلا تبلع ريجهـا

تبي تحبس دموعها لآخر درجـه ،،

وصلوا للبيت ونزلوو ..

كانت سابقتهم بدقيقه عمتهم تغريد وريلها وعيالهم ..

سلمو عليهم وغلا دار راسها البيت ممتلي بالنـاس

رجال وحريم حتى من الدوخه كانت بتسلم على ولد خالة خالد لانه فوسط امه وخالته ..

انتبهت لعمرها وقعدت حذا فاطمه ..

قعدت شوي تلقط نفسها ..

غلا : شلونج فطامي ؟؟

فاطمه : اووكي ، انتي شخبارج ؟ شخبار البيبي !

غلا : هههه تمااام

تجمعوا كلهم فالصاله الكبيره ..

والبنات فصاله مسكره داخل ..

الشباب فالمجلس ..

وبعضهم فالصاله اللي فيها الكبار خوالهم وخالاتهم تغريد و سعود والبقيـه ..

غلا كانت تشوف مكان عمهـا سعد مبيـن والجَمعـه كريهه بدونه ..

غلا كانت تدور شي بعيونها تشوف الدرج

كل باب تطيح عليه عينها تنتظر شي ..

خالد كان يطالعها وهو مستانس ..

تكلمها غاده وبنات خالته وهي تظحك وتسولف معاهم

شكلها غيــر غلا وهي مستاانسه

" روعـــــــــــه " ..

غلا اخيراً طاحت عينها فعين خالد ،، على طول ماعطل عمره خالد وغمـز

غلا استحت لان غاده شافته ..

راحت غلا عند خاله لما ناداها ..

بعدها بشـوي ..

تغريد : يلا تفضلوا على العشـا . .

خالد : عاد ها توصو فمرتـي

تغريد : هههههه انشالله بدون ماتقول

خالد : أي لحد ياكل قبلها نطروها تخلص بعدين انتوا اكلووو ..

غلا استحت منه موووووووت يعني يقول لها هالكلام بصوت واطي

اهون من مايقوله على مسممممممممممممعهم كلهم << عاش التعبييير

جاسم : يعني تحرنا لاتحدني باجر اتزوج

خالد : محد ماسكك روح تزووج

جاسم يكلم بنت خاله نوف الصغيره : يلا نوفو باجر بتزوجج

نوف تقط عليه اللعبه وتشرد لحظن خالها ..

خالد : اوه خجوله بنت الخال ..

خاله وهو لامها : أي سكتوا عنها

تغريد : زين يلا خلصونا بيبرد العشااااا

خالد : يلا قومو قبل لايشنونها علينا حرب

تغريد : منو

خالد يستعبط : الجنس الناعم ..

والصاله كلها انفجرت ظحك ..

تغريد تكلم بنتها : روحي نادي البنيات عشان تتعشون

فاطمـه : اوكي

تجمعوا البنات على الطاوله

والباقي على الارض ..

البنات كانو بسن فاطمه واكبر واصغر يعني مراهقات .. (ينفعون لبعض )

بعد العشـا ..

الشباب طلعوا يلعبون كوره

جاسم جمع اليهال وقعد يلعبهم فآخر الصالـه

البنات كلهم تسبهوا على خالد وهو يغازل غلا ..

استانسوووووووووووو

هههههههههههههههههههه

حلييييييييلهم لوووول

خالد كان يكلمها ونظارته خبيثه وهي مسكينه شابه فمكانها ..

من شكلها مبين مستحيه ..

الشباب الباقين راحوا للمجلس مع خوالهم ..

خالد وخاله تموا ..

لطيفه : وليش مارحت معاهم

خالد : تكفييييين ياام خلود ، اعاف هالقمر واروح للمجلس شبي فيهممممممم

غلا خلااااااااااااص لفت ويهههها ماتقدر استحت صج ..

تغريد : الله شهالحب

لطيفه : شفتي يختي

تغريد : الله يهنيهم ..

خالد خذ غلا وراحوا يتمشون فالحديقه بره ..

البنات كلهم يدابجون على الدرج لدار غلا

عشان يطالعونهم من البلكووووونه ..


الجـو كان روووعـه ..

هوا حلووو والحديقه توسع الصدر ..

كان خالد ولد تغريد مع نوف الصغيره يلعبون بكـل هدووء ..

فارشين لهم مفرش يهال لونه برتقالي فاتح وعليه رسمات

ومقعدينهم وناثرين الالعاب ..

غلا تطالعهم وتتبسم ..

خالد قعد على الارض وهو رافع جسمه ومسك يد غـلا ..

غلا لفت عليه وطاحت شيلتها ..

غلا تمت تطالعه وتفكر شبيقول ترا ان جاب طاري عمي اقلبها نوح وصياح ..

خالد من كل قلبـه :

ليـــت الحـزن تنساه
عيونك معـي
وضيم الليالي يفارق مدمعي ..
ابنتظر لحظـه تهنينا سوى
بارق امـل يشاع في ليلـك
ضــــــــوى


غلا تقرب منه وهي ماسكه فيده ..

الله يخلــيك ياأعـز انســان
الله يخليـك يااااني بولهـان ..

خالد : شكثر ولهتي ؟ مستحييل كثري ! ولهت لغلا اللي من تظحك انسى كل التعب

انسى كل شي صار لي كل ظيقه وهم ساكني ..

انا ماقدر ياغلا صدقيني اني اشوف دمعه من عينج واسكت

ترا انا وانتي واحد وان تكدرتي انا بعد يمسني اللي يمسج ..

غلا ماعرفت شتقول ولمت خالد وحبست دموعها بس خانتها هالمره

خالد : شقلنا ياام فيصل شقلنا ؟؟

غلا تظحك وهي تمش دموعها : لاتقولي ام فيصل

خالد : نعم ؟ ليش بالله

غلا : ياسلام تكبررني

خالد : صــج وولدي وين احطه

غلا : مادري

خالد : بدينا خيانه ماتبين تعترفين بالولد

غلا : ههههه ماقلت شي انا

خالد قطع كلامه معاها موبايله

خالد : اوووه هذا عمير ،،، هلا ومرحبااااااااا

غلا خلته يسولف وراحت عند خالد اللي دخلو عنه نوف

شالته وشافها خالد جاها وهو يكلم عمر

خالد : أي أي ، انزين "يحاجي عمر" /،/ يشيل خالد الصغير من يدها وينزله ..

غلا تتخصر له وهو يأشر لها "جب"

غلا تدووس ريله

البنات فوق استخفوووووو ..

فاطمه : ياااااااي يحظهم

البنات : الللللللله

ههههههههههههههه صج مراهقات ذكروني بناس

سكر خالد من عمر ورد لغلا اللي وقفت عند البحيره الصغييره كانو مسوينها شكل بس

خالد : الحلو وين راح ؟؟

غلا تظحك له : معـاك ..

خالد : بقلبي؟؟

غلا : امممممم مادري !

خالد يحط يده على قلبه : آه قلبي ،، لالا تشكين بغلاج يالغلا هذي طعنه

غلا : بسم الله عليك ، خااااااااالد

خالد كالعاده بالتمثيل احسن واحد : طعنه بالورررررريد ياغلا ، مش آدر ..

غلا : هههههههههههههههه

خالد : عندج حل عشان يوقف النزيف

غلا : شنو هو ؟

خالد : حلين

غلا : أي شنو هم زين

خالد : ياانج تبوسيني ياانج تعطيني ووح

غلا : لا يعني فرقو عن بعض

خالد : شوفي عاد ترا انزف عليج الحين بسرعه

غلا تبوس خده بخفييف

خالد : لين الحين ينزف

غلا تبوس غمازته

خالد يمثل جنه تعبان : غـــلا

غلا : عيووون غلا

خالد : ياويلييييييي تعبت تعبت مش آدر صج هالمره

غلا : ليش عمري شفيك

خالد : احبجججج هاي كل اللي فيني

جاسم جاهم معاه عمر بوعين زايغه

جاسم: انت متى بتفك بنت الناس

خالد : وانت شعليك ياخي مرتي وكيفي ، يلا يلا

جاسم : ياخي البنت جات تتشكى لي تقول ماتقدر قاعد على قلبها تبي تتنفس

لطيفه اللي كانت قاعده مع مرت اخوها فالبلكونه نادت خالد تساله

وغلا تنتظره فالحديقه مع جاسم وعمـر ..

عمر : حسافه ماعندج خوات ..

غلا : ليش يعني !

عمر : جان بيطلع فيهم شبه منج وخذت وحده منهم

غلا ظحكت : ياسلام

عمر : أي تطلع وحده حلوه عليج

غلا : لاا والله !

عمر : أي والله

جاسم : انت هيه والله يسمعك خويلد يدفنك هني

عمر : لا عادي هي اكبر مني وانا اصغر

وصل خالد

جاسم : هاا اعلممم

خالد وهو مرفع حواجبه : عـن !

جاسم : لا ولاشي بس عمور أذى غلا

خالد عصب : نعممممممممممممممممم

عمر : لالالالالالالالالالالا

جاسم : هاهاها اتغشمر يلا يلا عمور امش

عمر : يلا

خالد يكلم غلا لما راحو عنهم : صج غلا ، قال لج شي ؟

غلا : لا والله

خالد : قال لج كلمه ظايقتج

غلا : لا حبيبي والله ماقال شي

خالد : اكيد عمري

غلا : اكيد حياتي ..

قعدوا يسولفون وغلا تظحك ..

خالد وهو متسند على الكرسي وغلا قامت تتمشى وترد .

خالد : شحلاتهمم ياناس ، كاشخين بالاسود بعد

غلا : ههههه شفت شلون

خالد : شقطع قلبي انا غير هالفراشه انا

غلا : ههههههههههههههههههههههههههههههههههههههه

خالد يقص ورده : هاج ورده لها مايصير بروحها لااهل ولاشي

غلا : ههههههههههه ياسلام ..

خالد : أي نعم ..

غلا مسكت الورده

غلا : خلاص خلندخل خالد

خالد : ليش عمري؟

غلا : ظهري عورني بدخل ارتاح شوي .

خالد فز من كرسيه : يلا يلا

شالها ودخلها من باب من ورا يدخل على غرفة يدتهم ..

غلا : بس خالد تكفى نزلني

خالد : يااااخي انا اللي شايلج مو انتي

غلا : يشوفنا حد مو حلوه

خالد : مرتي و على ك ي ف ك ي ف ي ،، زين !

غلا تحط شيلتها : زين

دخلوا وراحت غلا لدار ثانيه لان يدتهم ماتحب حد يتم بدارها ..

دخلت غلا وخالد تنرفز مسكه ريل تغريد يتسأل عن الشغل ومادري شنو

غلا قطت شيلتها وانسدحت

(( اففففف ياربي شهالعوار بموووووووت ))

--------------------

[Ǯyonk Dnyтe]

غلا كانت تحس ظهرها شوي وينقص من التعب

ماقدرت تتحمل بعد وصاحت دخلت عليها غاده اللي دخلت تحط ولدها اللي نام

غاده : بسم الله عليج شفيج غلا ؟

غلا : ظهري ياغاده بمووت

غاده تعدل سدحتها : ماعليه حبيبتي لازم انتي توج ، عودج بعده ماقسى

غلا وهي مب متحمله العوار : افففف شسوي الله يخليج

غاده : ارتاحي ولاتتحركين كلش ..

غلا شوي شوي لهت بكلام غاده ونست العوار وخف عليها شوي ..

غاده : ها احسن الحين

غلا : أي ، ماتقصررين حبيبتي

غاده : ولايهمج شدعوى ، وحده من خواتي انتي ياغلا ..

غلا عورها قلبها على كلام غـاده

وايد طيبه معاها ..

غاده تسولف معاها : وشقررتي تسمينه

غلا : خل نعرف شنو بنت ولا ولد

غاده : لين الحين ماعرفتوو

غلا : لا موعدنا بعد اسبوعيـن

غاده : اها عاد تصدقين احسج بتجيبن ولد

غلا : شمعنى ؟

غاده : حمال الولد يتعب اكثر من البنت

غلا :والله ؟

غاده : وه سأليني كنت اتعذب وانا حامل بهالهيس

غلا : هههههههههههههههههههههههههه

غاده : تخيلي جاتني فتره انتفخت ، ههههههههههههههه ، اول مره حملت حتى خواتمي متدش باصابعي

غلا : لااا الله يستر انا كفايه جذي

غاده : الله يستر من شنو الله يخليييج متني ترا ان كبر بطنج ماراح يبين غيره

غلا : ااااهههههههههههههههههههههههههه شدعوووووووووووووووووووووووووووووى

غاده : ههههههههههههه

قعدوو يسولفوون وغلا حبت غاده اكثر عن اول مره ..

نست شوي سالفة سعد وبعدها غاده راحت لبيتهم هي وريلها ووولدها ..

دخلت عليها لطيفه تاخذ عباتها وغلا ساااكته ولاتكلمت ولا قالت شي ..

لطيفه : شدعوى اشوفج طاقتها سالفه ويااغاده وانا يوم دخلت حتى شلونج ماقلتي

غلا : انا خالتي؟

لطيفه : لا يمه انا ، نامي ارتاحي مب زين لولدج التعب

غلا تنرفزززززززززززززززززززززززززت

طلعت لطيفه وغلا انقهرت من قلبها

زين انا ماقلت شي لاسبيت ولاقلت أي شي لازم كل ماتشوفني تغثني

شدعوى مستحيل هاي انسانه

اعووذ بالله

بعدها بشوي دخل خالد

خالد : ها حبيبي نايم !!

غلا : لا بس اريـح

خالد : شلونج حياتي احسن الحين ؟؟

غلا : أي حمدلله ، يحليلها غاده تجنن

خالد : ايي غاده وايد طيبه يحليلها

خالد : ايي يحليلها شكثر كانت تدرسني وانا فالثنويه وانا تيس

غلا : ههههههههههههههههههههه

خالد : يلا حياتي قومي ..

غلا : بنروح

خالد : يس يس ..


قامت غلا عشان تلبس عباتها

خالد وهو على السرير ويلعب فموبايله يقطه ويشيله : ترا بنوصل عمتي

غلا : اوكــي !

خالد ظحك لها وغمازاته بينت عــدل


غلا استخفت .


طلعت غلا من الدار هي وخالد وظحكتهم ترن فالمكان ..

لطيفه : لا والله وتظحكون بعد ، عمتكم لاعت جبدها وهي تنظركم ..

خالد يحب راس عمته : اسمحي لي يالعمممممممه

لطيفه : امش خلصها وصلها

تغريد كانت مبققه عيونها على لطيفه وتسكتها وهي ولاتسمع لها ..

خالد عصب وطالع غلا

غلا تربرب على جتوفه وهو محتر

تهزأه جدام عمته وعيال خاله هذي صج صج قويــه ..

ركبوا السياره وغلا ركبت ورا ..

وخالد ساكت ولا قال كلمه ..

طلع زقاره بيدخنها

غلا تحط يدها على جتفه : حبيبــــــــــــي !

خالد : اوه نسيييت ..


وصلوها للبيت ونزلت ..

خالد : يلا تعالي جدام دورج ..

غلا : مايصير اتم ورا ؟

خالد : ياحلاوه ،، يلا يلا بسرعه

غلا تسوي روحها ماسمعت

نزل خالد وفتح بابها وشالها فتح الباب ودخلها وسكره ..

ركب السياره وقفل بابها

غلا : ههههههه ليش بعد

خالد : تشردين

غلا : هههههههه

طلعوا من البيت وراحو يتمشون فالسياره ..

غلا ( مسكين خالد على كثر ماتهزأه أمه
مايبي ينكد علـي
وانا على اقل شي اعفس عيشته..
ياربـــي ) ..


عمر كان متجمع مع ربعه فبيت رفيجهم (محمد) ...

جاسم بعيد عن حشرة المكان قرب لعمر اللي فاتح الدريشه وحاط كرسي ويطالع وهو سرحان ..

جاسم : عميـر !!

عمر : .... (مانتبه له) .

جاسم هزه : عمر ! !

عمر انتبه ولف له : ها هلا

جاسم : وين سرحت ! فالريمممم

عمر قام من على كرسيه
عمر : تنجلللللللللع ، مابقى الا هي

جاسم : اف اف شفيك اعصابك علينا

عمر : مالي خلقك جسوم تكفى

جاسم : افا ليش

عمر عيونه غرقت

جاسم يهزه : شفيك

عمر : مشـــــــتاق جسوم

جاسم : لمنو !

عمر : لهلي ، الدوحه ربعي الكل

جاسم : ماعليه ياعمير ، كلها جم شهر ونركض للدوحه

عمر : مب قادر اصبـر ..

جاسم : شنسوي ياعمير ماتقدر تسافر هالفتره ناسي ان الحين الامتحانات

عمر مارد عليه وجاسم قعد يترس مخه من هالكلام وهو يسمع من هني يطلع من هني ..

عمر : جويسم انا برد الشقـه ..

جاسم : افا ليش ؟ حد يعوف هاليمعه ..

عمر : ماعليه متظايق شوي ..

جاسم : اللي تشوفه ، تبيني اوصلك !

عمر :لا برجع بروحي

طلع عمر للصاله وسلم عليهم من بعيد وطلع ..

عمر خذ تاكسي و قال له ينزله قبل عمارته بشارع يبي يتمشى ..

نزله وشاف كشك يبيع تفاح مغمس بالعسل

عمر حسه ثقيــــــــــــل وشاف اليهال وايد مستانسين عليه

راح صف قال اخذ وحده اجربها ،، وخذ معاها كولا .

مافتحها عمر وخلاها مقرطسـه ..

فتح الكولا وتم يشربها فالطريـج ..

عمر ..

آخ ياغـلا شسوي بعمري ..
تعبتينــــــــــي حرام عليج
جاي انساج مو اطريج شالحل شالحللل !
شلونج مع خالد ؟ اكيد متهنيه ..
يالله حامـل ماصدق ..
اللي كنت احبها ومتصورها لـي

يشوت حصاه واجهته ،، شافها ظربت فواحد بسرررررررررعه لف

تم يظحك على عمره وماشاف عمره الا داخل العماره ..

جدامه مريومه الصغيره وناصر اللي بادلته المفاتيـح ..

عمر : ياهلا والله بمريووووووومه ..

مريم : عمــــــــــل ، انت ويييييييين

عمر : انا هني ، هاج هذي لج

مريم : ثج شريتها لي !

عمر : اي ثريتها لج

ناصر : وانا ؟

عمر (هاه؟؟) عمر يبتسم بخوف لان ناصر شكله بيصيح .

عمر : انت ، هديتك داااااااخل

ناصر بلهجه سريعه : وين و شنو

فتح عمر الشقه وحذف عليه كوره ..

ناصر : ييييس ، مشكور

ريمـا افتحت الباب وانصدمت ان عمر فالممر ..

دخل عمر على طول

ريما : وووه

عمر سمعها وطنش ..


عمر تسبح وطلع ..

شغل اللاب توب مع انه مايحب شي اسمه انترنت .!.!.

بس يسمع اغاني ولايشوف ايميله وجم موقع ويطلع ..

قعد يسمع اغنية فيـن حبيبـي ؟؟


ياليـلي واحشنـي حبيبـي
ناديلو وئولوو حـرام ،،
بآلي ليالي ياغالي
بدوووب
حب
شوء
و
غرام
……………………

عمـر انسدح وهو يسمع الاغنيه ويطقق حنجه بصبعه …

--------------------

[Ǯyonk Dnyтe]

.* اليوم الثانـي *.



خالد رجع من صلاة العصـر وخذ غلا وراحوا لبيت خالهم عشان الغـدا ..

غلا لبست جلابيه حرير بيج عليها رسم او النقش الفارسي ومعاه مشلـح من الستان الاحمر

وعلى الرقيه نحاس على شكل عقد ظعييف حيل ..

كحلت عينها وبـس ماحطت اشيا اكثررر ..

كملت لبس ونزلت لخالد

ركبوا السياره وراحوا لبيت خالهم ..

غلا قطت عباتها وتمت بالشيله ..

كان شكلـها شيوخي خخخ ..

كانت تمشي مع غاده وشيلتها نص ملفوفه ..

وولد خالتهم الكبير نازل من على الدرج

كان وسيــــم حيـل فيه شبه من عمر بالعيون والجبين وعرض الجتوف ..

غلا شافته ونسيت عمرها ..

طالعته بس بسرعه شالت عينها

هو بعد كان اول مره ينتبه لغلا ..

حلوووووووووووووووووه ..

مشوا عنه ..

غلا : من هاي ؟

غاده : ولد خالتي ..

غلا : اي خاله اول مره اشوفه

غاده : خالتي بس من ام ثانيه

غلا : اهاا ، يشبه عمر ولد عمي وايددد

غاده : صج ، يحليله عمير من زمان عنه ..

غلا ابتسمت ونزلت عينـها ..

( عمي وينـــــــــــك ؟ )

مرت خالهم : يلاااااااااا الغدا ينطركممممممممم ياصبيان

طلعوا الصبيان كلهم من الصاله اللي انفقصوا فيها

وغلا وغاده مشوا وياهم وولد الخاله ورا غلا بالظبط ..


محمد : شلونج يامرت خالد ؟

غلا شافته : الله يسلمك ..

محمد : مبروك مبروك وينه ريلج ماباركنا له ..

غلا تبتسم له : بالصاله يمكن !

محمد : خلاص اروح له انا

وراح عنها

غلا (مستحييييييل هذا اكيد توأم عمرررر ) .. تجمعوا كلهم على السفره الكبيره

الي انفرشت على الارض ..

القعده كانت شوي صعبه على غلا ..

قعدت على جنب وريلها لامتها ..


قعدوا بعدها بالصاله يشربون جاي

وغلا سرحانه بألف عاااااااااااااااالم

ولدها

خالد

شبيه عمر

خالتها

عمها سعــــــــد

عاليه

اشيااا وايد ..


بعد صلاة العصر خالد وغلا راحو

ومن بعدها طلعوا كلهم ...

وبجذي انتهى هالاسبوووع والكل مستانس ..

رجعوا مثل قبل واحسن

--------------------

[Ƨηυργ≈]

آهم ششي ردوآ ششرآت قبل
(= . . شي حلوْ


؛
و نننطططر الببارت شش?له بي?ون عجييب

[Ǯyonk Dnyтe]

.* بعد مرور 3 أشهــر *.

غلا صارت بالشهر الخامس وحامل بتوأم صبينا

وأخيراً صار لها بطن كان مو كبير وايد بس يبين ..

امتلت شوي ..

وخالد مستاااانس حييل ،، غلا تغيرت نفسيتها للأحسن وايييييد ..

صارت تحب تطلع ودايماً تظحك .

كانت فهاليوم طالعه مع خالد يشترون ملابس للبيبيييييييييز هيهيهييي

غلا : ههههههههههههههههه شجاااااااايب ياخالد

خالد : تظحكيييييييين بعد

غلا : حبيبي مو هالكثر شارين من قبل

خالد : ولدي ولا ولدج

غلا : ياسلام ، بالعقل ياخالد كم واحد جايب

خالد وهو شاق حلجه : خمسه

غلا : ههههههههههههههه ياعمري وايد والله وايد ..

خالد : غلا شتبين الله يخليج انا باخذهم لولدي زين

غلا : يه

خالد : والله ولدي وبدلعه

غلا ظحكت ومشت عنه

خالد حط الاغراض اللي خذهم على الاغراض اللي هفهم من قبل على الكاشير

وراح عند غلا : شتسوين

غلا : ولاشي اشوف شنو هني ..

خالد : شنو هاي ؟؟

غلا تطالعه : هذا مثل الكبوس لليهال

خالد : حق ولدي

غلا : هههههههههههههههههههههه (تشيله من يده) بسك

خالد يجره : هاتي

غلا : لااا انت صار فيك شي اكيد

خالد : أي خلاص انفجرت حب

تسند على العلاقات

غلا تمسكه لانه كان بيطييح : بس ياخالد خل نطلع ..

خالد : انشالله ماحاسب اشرد يعني؟

غلا : وااااااي خلاص روح حاسب وانا بنتظر ..

راح خالد يحاسب وغلا تطالع فالاشيا .

لقت وحده من رفيجاتها سلمت عليها وتمت تسولف معاها شوي لين شافهم خالد ..

غلا : خلاص اخليج مع السلامه .

رفيجتها : الله وياج

خالد : ها حبيبيييييي ها عمرررررررري ها روووووووووحي

غلا : بس بس قصر صوتك خالد


.*.*.*.*.*.*.*.*.*.*.*.*.*.*.*.*.*.*.



نروح لعمـر بن سعود شـوي ..

تذكرون كلام الدكتور لابوه !.!.!

لما قال له ولدك شوي شوي بيفقد البصـر !

عمر كان قاعد بالدوام وعيونه تحرقه ..

سمى بسم الله وفصخ النظاره وقعد يحكهم ..

عمر يصاصر جاسم : جسوم والله ماشوف

جاسم : مب وقتك عمور

عمر والله ماجذب عليك

جاسم : شفيك من شنو

عمر : مادري

جاسم : زين مابقى شي انطر

عمر صرخ : اقولك ماااااااااااااااااااااااااااااااااشوف

القاعه كلها صخت والاجانب على وجيهم علامة استفهام ( ؟ ) ..

جاسم : اسكت بس فظحتنا ، خلاص بطلعك

استأذن من الاستاذ وطلعـه ..

عمر : ااااااااااااااااي والله ماشوف جسوووووم عيوني حااااااااااره

جاسم : بسم الله عليك ياعمير شفيك .. !

عمر : مااااادري الله يخلييييييييك لاتخليني

جاسم : افا ياعمير

سنده جاسم عليه ووداه للعياده اللي فالجامعه انقلوه للمستشفى ..

وقالو لجاسم ان عمر صار من المكفوفين

هزه الخبر كيانه كلــــــــه ..

قعد جاسم على الكرسي وهو منصدم

عمر!! عمر يصير جذي؟ ليش شفيه من شنو

معقوله من بنت عمه؟؟

دخل عليه جاسم

عمر : لاتقول شي انا ادري

جاسم حط ويهه فيدين رفيجه وتم يصييييييييح

عمر يهزه : لا جسوم لاتصيح هاي قدر ومكتوب ليش تصيح انا اللي مبتلي مب انت

انا ماعادت تفرق وياي ياجاسم لو اخسر روحي صدقني خسرت اللي اغلى منهم ،

ماتفرق ياخوي ماتفرق ..

جاسم صار يشهق فكفوف رفيجه

جاسم : والله ياعمور انا حبيتك حبيييييييتك واغليتك وكانك تبي عيوني وراسك ماتغلى

عمر : والله من طيبك ياجاسم بس انا كنت حاس ، خلاص انا باجر بنزل قطر

جاسم : لا ياعمر ودراستك

عمر : مب هادها بس هذا التيرم الثاني باعطل وبرد ، مشتاق والله خلني انزل قطر

دامني حي ، اليوم عيوني يمكن روحي باجر

جاسم : بعييد الشر ياعمير لاتقول جذي



على المغرب نزل جاسم وحجز تذكره له ولعمر للدوحـه ..

جاسم صار لزيم عمر من هالحادثه وين مايروح وياه ..

مايخليه دقيقه وحده ..

بعدها باسبوع جاسم كان يطلع لعمر ملابسه عشان يلبسون وينزلون لقطر ..

عمر : جسوم طلع لي ملابس سودا ..

جاسم : ليش

عمر : بس ابي اسود

جاسم : انشالله

طلع له بنطلون اسود وقميص اسود

لبسهم عمر وعطره جاسم ومشط له شعره

جاسم كان قلبه معوره على رفيجه

عمور اللي امس يشوف ويطالع ويكاسر بعينه

الله يالدنياااااااااا ..

لبس عمر نظاره سودا ومسك فرفيجه ونزلوو ..

وصلوا للمطار وخلصوا الاجرائات اللازمه ..

--------------------

[Ǯyonk Dnyтe]

فقطـر خالد كان مستانس حده اخوه بيوصل الساعه 7 الصبـح وهو بيروح يجيبه ..


مسكين خالد مايدري باللطمه اللي بتجيه ..

محد منهم فكر بهالشـي ..

عمر (خساره ياغلا كان ودي عيوني تغمض وصورة آخر شخص منطبعه فيها أنتي )

غلا (ياربي انا آخاف عمر يسوي شي ويصير شي كبير بينه وبين اخوه بسبتي)

عمر (ولهانه علي؟ نستني؟ تفكر فيني؟ مطنشه؟ )

غلا (عمر حب وحده بغربته! نساني.؟ )



ثاني يوم ..

خالد قام الصبح

غلا وهي غرقانه نوم : وين بتروح

خالد : بجيب خالد حياتي، انتي ارتاحــــي ..

غلا ماقالت شي وردت نامت .

وصل خالد للمطار وقعد فالانتظار واحد من معارفه دخله داخل ..

تم ربع ساعه

وشاف اخوه ..

انصدم ! ليش لابس جذي

شافه متكي على رفيجه وقلبه طاح ..

سلم عليهم وحضن اخوه بقووووووووه

خالد يطالع جاسم بعينه (شفيه) .. جاسم نزل عينه ..

ركبوا السياره وخالد فهم ..


خالد كان متخرع على اخوه ..

عمر : شخبارك ياخالد ؟

خالد : والله طيبين كلنا انتوا شخباركم شخبار امريكا والشقر ؟؟

عمر :اذا علي ترا انا صرت ماشوف ..

خالد ماقال شي وجاسم بعد ..

جاسم : بس والله الدراسه هدت حيلنا

خالد : الله يعافيكم انشالله قدها وقدود صح يابوعمير

عمر : انا اذا علي اذا رجعت بدخل بقسم المكفوفين

جاسم ( ابي اكحلها عميتها !! ) ..

خالد : جاسم تبي اوصلك ولا تجي معانا؟

جاسم : لا خلاص زهق عمير مني اكيد ، بيتنا والله ان درت امي اني وصلت قطر وماجيتهم

ترجعني امريكا بمدفع

خالد : ههههههههههههههههههههههه الله يخليها انشالله ، دلني البيت بس

قعد يدليه جاسم

وعمر يشم ريحة غلا بالسياره ..

وصلوا لبيت جاسم سلم على خالد بيده وحب راس عمر

عمر يبي يقول شي بس لسانه انربط فهاللحظه ..

ودعوه ومشوا ..

خالد كان كاشخ بشكل خطييييييييييير

ناسف الغتره على جنب ومن الجنب الثاني لافها ولابس نظاره عاكسه ومسوي ديرتي خفيفه ..

خالد : يحلييله والله خوش رجال ..

عمر : أي والله تصدق يوم قالو له اني انعميت تم يصيح علي

خالد : يحليله

خالد ماكان يبي يبين له انه حزنان على هالشي ..

خالد : ها وين تبي تروح .

عمر : البيت !

خالد : أي بيت فيهم

عمر : بيتنا ؟

خالد : هههه خبرك عتييج

عمر : افا ليش

خالد : بيتنا اللي كنا فيه صار بيت بالشراكه بيني وبينك وانا وام فيصل فبيت بروحنا

وامي وابوي فالبيت العود مع امي العوده .ز

عمر : والله وانا اخر من يعلم ..

خالد : مفاجأه يالغاااااااالي

عمر ظحك له ..

خالد : وين تبي اوديك ؟؟

عمر : بس بشرط تنفذ اللي ابيه منك وكانه عيوني معاي زين !

خالد : افا ياعمير مو هالكلام اللي تقوله لي وانا بو فصيييييييل

عمر : فدييتك والله ،، نزلني بيتنا القديم وخلني وتعالي عقب ساعه ..

خالد : بس انت ، محد فالبيت !!

عمر : ماعليك البيت حافظه حتى اقدر امشي فيه وانا مغمض وهالمره بمشي فيه وانا مغمض صج

خالد : بـس ..

عمر: تكفى

خالد : اللي تشوفه بس انا بنتظرك

عمر : لا تنتظرني ابي اقعد بروحي فهالبيت ياخالد

خالد : ماني نازل زين بوقف انا وسيارتي اخر الفريج زين

عمر : وعد ! ولاتوطي البيت لين اطلع ممكن !

خالد : على هالخشم ..

وداه خالد لبيت ونزله ..

عمر ففصخ نظارته بشوييش وهو يتلمس الاشيا ..

قعد يتذكر هني شنو وعرف

مشى بهونه على الدرج وفتح باب داره وطاح على الارض يصيييح

عمر : لييييييييييييييييييييييييييش ياغلاااااااااااااااا لييييييييييييش

صاح عمر من كل قلبه وصراخه يرن فالبيت الفاضـي ..

طلع من الغرفه وراح لدارها فتحها وتم يمشي ريله تخبط باشيا وايد كراسي طاولات

اخيرآ وصل لسريرها ،، رفع مخدتها وشمها ..

لمها ودموعه طبعت على المخده ..

تم عمر ربع ساعه بدارها ..


عمر بصوت واطي :

اللي نبيه ماعاد به موجوود
يالعبون هذا منزله خالــي
ماهو بقصده يوم راح صدود
لاشك هذي دبرة الوالـي



تم عمر يجول فالمكان بروحه ودموعه تصب من عينه ..

بعد ساعه جاه خالد وفتح باب الصاله ماعتب البيت

وصرخ : عمــــــــــر ياعمييييييير

عمر : كاني ياخالد بس تعال نزلني

راح له خالد وحط يده على جتوفه ونزله ..

ركبه السياره وقفل البيت ..

خالد : الحين بوديك البيت العود والعشا كلنا بنتجمع ..

عمر : بس انا ابي حد يتم معاي

خالد : .... ( البيت فيه غلا شلون جذي)

عمر : اذا متوهق فيني خلني فهالبيت

خالد : افا ياعمير ، فعيوني انت ، بخليك عندنا ولايهمك ..

عمر : وام فيصل؟ (يالله)

خالد : شفيها ؟

عمر : بظيق عليكم

خالد : لاتقول هالحجي لا كف

عمر : ههههه

وصلوا لبيت خالد والخدم نزلوا الشنط ..

قعده خالد بدار تحتيه ..

على العصر غلا نزلت ولقت خالد يشرب البلاك كوفي

راحت قعدت حذاه وهي مبتسمه باست خده وقعدت ..

خالد : هلا والله هلا بنور عيوووووووووووووني

غلا : ولهت علييييييييييييييك

خالد : صج شصاير اليوم

غلا : شصاير ؟

خالد : تحبيني (يطلع لها لسانه)

غلا تفرص خده عند غمازته : وجذي

خالد : هههههههه اححح يدج يابنيه

غلا ظحكت

خالد : ها اكلتي ولدي

غلا : أي كلت لاتخاف

خالد : عبالي بعد ، يالله عااد لاعت جبدي وانا انطررررر

غلا : هاهاها بعدناا تو الناس

خالد : يالله بعد ليش انتي ياغلا خمسه بس عليج

غلا : لاا والللللللللللللللللللللللللله

خالد : هههههههههههههه فديتح انتي قعدي قعدي

غلا قامت عنه وخالد شالها : متنانه يالملعوونه

غلا : وخر عنيي

خالد : سكتي سكتي

غلا : شيل يدددددددددك

خالد : غلوه

غلا : لاتقول هالاسمممممممممممممممممممممممم

خالد : ترا عمر اخوي هني

غلا الظحكه شردت من وجهها ملامح الخرعه والفرح والصدمه كلها سكنت وجهها: هنــي؟

خالد يقلدها : أي هني

غلا : من متى

خالد : غلا سكتي عمير انعمى

غلا عيونها انترست دموع وقعدت على الكرسي: شتقووووووووووول !

خالد : صار مايشوف وانا ظايق خلقي والله بس ماعرف شسوي

غلا : شلون ومتى ومن شنو

خالد : ماقدرت اسأله ولايبي يقول لنا شي

غلا : يالله عمر يصير فيه جذي

خالد : والله معور قلبي مايبي يروح البيت العود لان محد عنده يعاونه

غلا صاحت

خالد : ليش تصيحين غلا؟ ( افييييييين )

غلا : لا ولاشي

خالد :مو منج لاتخافين

غلا : لا انا مافكرت جذي بس سالفته عورت قلبـي ولد عمي ويعز علــي ..

عمر كان يفتح الباب وغلا حطت الشيله على راسها ..!!!!!!!

خالد استغرب (زين هو مايشوفج! )

غلا تدري انه مايشوف بس ماتدري تحس شكلها غلط ..

خالد : نوم العوافي يابوسعود ..

عمر : ههه الله يعافيك

غلا : حمدلله على السلامه ياولد عمـي ..


عمر (غــلا! انتي هني جدامي ، يالله ياريت عيوني تفتح دقيقه وحده ..

انتي اول وحده اشتقت لها ياغلا اول وحده بس شوقي ضايع .. )

خالد : عمر ، غلا تقولك حمدلله على السلامه ..

عمر : اسف ، الله يسلمج ياام فيصل، شلونج عساج طيبه !

غلا : الله يسلمك نسأل عنـك

عمر ( من متى الحجي بينا رسمي ياغلا ) عمر ابتسم بكل حزن بقلبه وقعد ..

تموا يسولفون ويظحكون وعمر صار همه بس يسمع ظحكة غلا اللي تنور عيونه المظلمـه ..



على المغرب عمر كشخه خالد بالثوب ونسف له الغتره وطلعوا للبيت العود

عمر كان خايف حيـــــــل وصارحهم بهالشي

خاف امه تسوي له سالفه او يكرهونه وهو عمي

وصلوا للبيت ونزلو

دخلوا والهيله كلها قامت وكلهم اعفدوا على عمر يسلمون ويحبونه ويلمونه ..

عمر الثاني : شملبسك نظاره فالليل ..

خالد زرد عمر فالطوفه : عدل اسلوبك فاااااااااااااهم

تغريد تنزل عمر من يد خالد : بس خالد شفيك عليه

خالد كان مطنقر حدده ومادرى بهالتصرف اللي سواه ..

غلا تفاجأت من تصرف خالـد ..

قعدوا كلهم وهم متعجبين من حالة عمر

ولطيفه تصييييييييييح على حالة ولدها

عمر : لاتصيحين يمه اللي صار فيني مب فيج وانا راضي

غاده : فديتك ياولد عمتي ، في واحد يبي يسلم عليك (حطت ولدها فحظنه )

عمر : ياااااااااااااربي(كانه يتذكر شي) هذا ولدج عدل

غاده : ايي امتنكم

عمر : ياربي يسلمه تم عمر يحبه وشكله يكسر الخااااااااطر

خالد ماقدر يقعد معاهم وطلع وهو متنرفز للحديقه ..

غلا لحقته ووصلت له ..

راحت له بدون لايحس وحبت راسه .. وحطت حنجها على راسه ويداتها على جتوفه

خالد : غلاي؟
غلا : حبيبي ليش قاعد بروحك ؟؟





يـــتـــبــــع ....

--------------------

[Ǯyonk Dnyтe]

خالد : مب قادر اتحمل بعد غلا خلاص تعبببببت

غلا : شفيك ، شصاير ؟

خالد : وتسألين شفيني ! ماشفتي اخوي ؟

غلا نزلت راسها : شنسوي ياخالد هذا اللي الله كاتبه .. شنقدر نسوي على حكمة ربك ؟

خالد : ونعم بالله انا ماقلت شي ، بس متظايق ياغلا خلااص ماقدر اقعد معاه

غلا : انت شتقول اذكر ربك بتعافه يعني وانت اللي له .. تدري انه من طلعت وهو يسأل وينك

خالد : يابعد عمري ياخوي والله ماقدر غلا بنفجر وانا رجال

غلا : ماعليه حبيبي مو عشاني عشان فصيل

خالد يظحك وهو نص متظايق : اااخ ،، تامرين انتي ..

غلا : يلا حبيبي مو حلوه قعدتنا بروحنا وهم متجمعين داخل ..

خالد :انشالله ..

راح خالد وسوو له مكان حذا اخوه حط يده على جتف عمر

خالد : ها بوعمييييييييير

عمر : خويلد انت وين

خالد : طلعت اتكشت

عمر : ههههههههه ماعلمتني جان رحت وياك

خالد : شارد عنكم تجوني والله حاله

غلا كانت واقفه بعيد وتطالعهم وتظحك لهم

خلتهم وراحت تتمشى بروحها فالبيت .

(( شكبره بطني هههه انفجرت لحول ، صاجه تغريد المتن شين )) لفت ولقت لطيفه

لطيفه : مو عاجبتج قعدتنا جنه

غلا : لا حشى خالتي من قال ؟

لطيفه : عيل ليش مخليتنا

غلا : ماقدر اقعد وايد لازم امشي تـد .... (تقاطعها)

لطيفه : زين زين

غلا فتحت عيونها (شفيها ذي )



اليـوم الثانـي ..

عمر قرر انه يتم فبيت اخوه مايبي يقعد فالبيت العود لان محد عنده

طلب من خالد يوديه لربعه وخالد ماقال له لا وقال له لاتمر على ربعي بيوصلوني

خالد تطمن لان شغله اليوم مطووول ..



تركـي : انت جنيت رايح تنساها شوف شصار فيك ارتحت؟؟؟

عمر : أي مرتاح اصلآ والله والله ماني متظايق وزعلان مثلكم صج انا ماشوفكم

بس احسكم ، ادري انكم متظايقين من اللي صار لي بس انا مب فارقه عندي

خسرت اللي اغلى من عيوني ، خسرت اللي كانت عيووني

تركي : عمير بسك من هالكلام المره على ذمة اخوك وحامل منه مايجوز اللي تقوله

عمر : خلني اطلع اللي فقلبي ياتركي ، انا ظنيت اني بقدر انساها بس ماقدر اجذب على روحي ..

تركي : تعوذ من ابليييس ياعمير ..

عمر : اعووووذ بالله منه الف مره ..

عمر المسكين ظن ان الحب وهو بعيد من اللي يحبه ممكن يتلاشى !!

مادرى انه بالشوووق يــزيد ..

ظن انه اذا سافر نبـع حبه لغلا بيجف ،، بس صار العكس

نبع حبها تفجر ، شكثر يحبها بس حسافه هي مو لـه ،،

عمر كان منسدح وقاط النظاره وربعه يلعبون ويسولفون وياه

وواحد مستعبط قاعد يلعب فراس عمر .

عمر : احمدوه هد شعري

احمد : الله يخليك لالا انا احوشه عن عيونك الله يسلمك عشان مايخرب الشوف

الشباب كلهم التفتو على احمد ووجهوا له نظرات يلومونه على كلامه

شهالقنبله اللي قطها

احمد حط يده على حلجـه

احمد : آسف عمير والله ماقصد

عمر :

كيـــف اشوف .!.
وانا يلبسنـــي العمـــى ؟؟
حيره وخوووف !!

احمد يبي يغير الجو .. :

كيف اشوف
والهوى قيدي وسجاني الظروووف ..؟


عمر : لا هذي لبوتريك هو بيفهمها حبيب قلبـي

تركي : شنو هي ؟؟

عمر :

أمووووووت أنا في حبهـم
(يمسك عيونه)
وارخص انا عيوني لهـم

تركـي : والله ماقول الا بختهم .


عمر : زين يلا من بيردني البيت

تركي : حناااااااا لهاااااااا ههههههههههههههههه

عمر : هههههههههههههههههههههههه يلا فز

تركي : شوفو يالخياس بخليكم وبرد ان عسعستوا ولا سويتو شي اجلفعكم بره

الشباب : يجي منك ا ك ث ر

تركي : شلون م ل ق ي ن

عمر : هههههههههههههههههههههههههههههههههه

ركب تركي عمر السياره وسكر الباب

ركب ومشوا شروا عصير على الدرب من المعصره وهم يسولفون ويظحكوون

تركي : وعايش مع خالد ومرته يعني ماتبي تحول

عمر : لا والله ، جم اسبوع وبرد

تركي : لاا شدعوى

عمر : والله شسوي ابي اكمل الكورس كله

تركي : يالله بالتوفيق يالغالي بس لاتقطعنا

عمر : لا افا عليك فبالي لو ماسألت شدعوى ..

تركي : الله يخلييك

وصلواا للبيت ونزله تركي ..

رنوا الجرس وفتحت الخدامه الباب

وصله تركي للصاله وغلا كانت فوق شافتهم مانزلت ..

خلاه تركي فالصاله وودعه وراحو

عمر : منو فالبيت ؟؟

الخدامه : MR. Khalid Not here

عمر : فطينه عيني عليج بارده اسأل منو فالبيت تقولين خالد محد والباقي وينهم ..

غلا وهي نازله من على الدرج : هلا عمـــر

عمر انتشــــــى قلبه من زمان كل مايسمع اسمه على لسانها

يحس النبض بقلبه يتلخبط ويعور قلبه: اأأا،،،،،هلين هلا ببنت عمي

غلا قعدت : شخبارك ؟؟

عمر : الله يسلمج انتي شحالج

غلا : طيبه الله يسلمك

عمر : وينه خالد

غلا : خالد فالشغل

عمر : ومتى يخلص شغله ؟؟

غلا : لا مطول ،، على الخمس ونص ،، ست ، يخلص

عمر : اهـــا ..

غلا تبي تشيل التوتر من الجو قبل لايزل لسان حد منهم

عمر : شـلونج غلا؟؟

غلا(ها!) : طيبـه ..

عمر : شخبارج انتي وخالد

غلا : حمدلله مافي احسن منه بوفيصل ..

عمر قلبه عوره ، ليش ياربي اللي يصير فيني انا ماسويت شي فدنياي ضر غيري

عمر : الله يهنيكم انشالله ، ع البركه يقولون 2

غلا : هههه الله يبارك فيك

عمر : غلا تدرين اني تعبااان

غلا : سلامتك ياولد عمي ، من شنو تعبان ؟

عمر : ظنيت اني لو سافرت بنسى ، بس مادريت ان بعد هالمره تفكيري خاب مثل اللي قبله

غلا عرفت شيقصد وماعلقت ..

غلا : عمر ، ياولد عمي ، احنا كنا صغار بوقتها ، واللي يعافيك خلني اطلع من اللي انا فيه

انا قبل لاتجي اسأل الكل عني ، حالتي متدهوره من موتة عمي

كفايه موته وحده لاتغثني باالاكبر منهاااااا

عمر : لاتقولين جي يالغلا ، عمري ماغثيتج ولا ابيلج الغثا ، لكن انتي الوحيده اللي قلبي لها ينشرح

اقولج كل شي جني اكلم عمري سمعيني وطنشيني يمكن اذا طلعت اللي فيني ارتااح

كفايه عيوني راحة لج

غلا نزلت عيونها وهي تدمع ..

غلا :خلاص ياعمر اذا انت تشوف ان الذنب ذنبي الله يسامحني ، بس من الله مايجوز للي تسويه بعمرك

وبحياتك وبدنياك ، انا صرت لغيرك ، اسمعها ، لغيـــــرك تكفىىىىىىىىىىىى افهممم

اذا تعبان مره انا مليووووووووون مره ، تعبت ومت لكن شفت ولاشي بينفعني

انا جذي انكد على عمري وانكد على غيري قاعده اذبح روحي بالحيااا ، لييش؟

ان ذبحت عمري شي بيرد مثل قبل؟ لو اشوف روحي تطلع ماشي بيرجع اللي كااان

لو دموع عيني ترجع اللي راحو جان شفت امي وابوي عندي

لو ماااااي عيني هذا يرد الغالين جان عمي ويااااي مافارقني

لو و لو لكن اللي فبالنا اصعب من الحجي السهـــل

،، انت طول عمرك تسمع لكلامي ..

لاتردني بهالشي انساني ، وان كانت صعبه عليك ، اعتبرنـي ........ ،، ا ، اختك ..

عمر مسك قلبه منصدم : اختي؟؟؟؟؟؟!

غلا : أي اختك وانا حاظره باللي تبيه

عمر : بس انااا ، انتي اول وحده اول بنت اشوفها تحبها عيني

تسكن قلبـي ، انتي حبي الاول

غلا قطعت كلامه وهي متنرفزه

غلا : انا كنت فيوم وخلاص انا ماقدر اكمل اللي بينا ياعمر خلااص الله يخليك

عمر ظااااااقت فيه الدنيـا : الله ، والله دنيـا ..

غلا ماعلقت على الموضوع وقعدت على الكرسي ودموعها تطيح

( غلا و عمر صغار ومشاعرهم لين الحين مو مصقوله مثل مشاعر خالد

مشاعرهم توها تكبر توها تحب .. ماعرفت شي من الحياه ..

كل شي يجربونه اول مره بحلاوته وبصعوووبته ..

غلا قدرت انها تتجاوز هالشي بسهوله لان خالد وياها

لكن المسكين عمر من معاه؟؟؟

لا اخ ولا اخت ولا ام حتى .!. )



سكتوا و كل منهم سارررح بدنيـا

دخل خالد وغلا بسرررررررررعه غيرت مودها وكل شي ..

ابتسمت له وخالد فرح حيـــل من شكل غلا ..

غير عن كل يوم ..

لابسه فاتح هدت الاسود

لابسه وررردي شحلاته وعيونها مكحلـــــــه

خالد دخل البيت وهو جايب معاه عشاا

حطه على الطاوله

خالد : شخبارك حبيب قلبي؟

عمر : الله يسلمك شمسوي

خالد : طيب ياخلف هلي ، شلونكم شمسوين ؟؟

غلا وو عمر : طيبييين !

يقرب لغلا : ماذبحني غير هالوردي

غلا : هههههههههههه

خالد : ها عمير شخبار ربعك ؟

عمر :والله طيبين

غلا : انا بروح اشوف العشا

خالد : تعالي قعدي تتعبين عيالي

عمر استحى منهم وتمنى لو ماكان بينهم ..

غلا تنقزه بعينها

خالد : زين زين

غلا راحت تشرف على العشـا بس ..

ماتتحرك ولا تسوي شـي تسمع ظحكة خالد وعمر من الصالـه ..


بعد لحظــات 000

غلا : يلا خالـد ، العشا جاهز ، تفضل عمر ..

--------------------

[Ǯyonk Dnyтe]

خالد : يلا حياااااااااك بو سّعود

قام عمر وماسكه خالد ..

قعدوا على الطاوله يتعشون وعمر يقول لهم شصار وياه فامريكا

وخايف لايزل لسانه عن سالفة ريمـا ..

عقب العشـا قعدوا فالصاله شوي ..

غلا : انا بروح ارتاح تبون شي؟

خالد : وين تو الناس

غلا : تعبانه شوي ..

عمر : تصبحين علـى خيـر

غلا : وانت من اهله

خالد يصاصر عمر : دقيقه وبرد

غلا ماتدري مشت

خالد جاها من وراها : حليلج بتركبين الدرج بروحج ! بطله ؟؟

غلا تظحك وتدزه : ههههههههه انت شفيك شفيك علي

خالد : شفيني ؟ مستخف ، مستخبببل ، متخبل ، منجن ، متعئد .. بكل لغات العالم بعد

غلا : الله يشافيك

خالد : دام جنوني منج ، ياحلاته من خبال ، (يرفع كفوفه) الله لا يشافيني

غلا ظحكت وتوها بتخطي رفعها خالد ..

غلا : لاحول ولا قوة الا بالله ..

خالد : المدام بتصلي؟

غلا تضربه : خااااااااااااااالد

خالد : روح خلود انتي

غلا سكتت ماقالت شي ، تعبت من كثر ماتتكلم افف ..

وصلها خالد لطابقهم ووقف جنه بيتم وياها

غلا مشت وانتبهت له ولفت عليه : نعم اخوي؟

خالد : لا الشيخه بس بغيت اجي وياج

غلا : ارتاح وانزل لعمـر

خالد : انزين (وهو واقف) ..

غلا : انززززززل

خالد : انزيييييييييييييييييييييييييييييين

مشى خالد ونزل على الدرج وغلا تطالعه وهي تبتسم لـه و تظحك على حركااته

( أ حــ ـــبــــ ــــكـ ) .. !


نزل خالد للصاله ورفع عيوووونه الوســـــــــاع وشاف اخوه

قاط الغتره وكل شي منسدح خنقته العبره وهو واقف على شكل اخووه

يعور القلـــب ،، امس عمر اللي كان يتغشمر وياه

يظحك وياه

يسولف وياه

يشوف وياه

خالد (ااااخ ياخوي والله لو تبي عيوني ماتغلى عليك بس ماشوفك متكدر) ..

عمر حس ان حد موجود : من خالد؟؟

خالد وهو يحاول يخفي نبرة الحزن بصوتـه : سممممممم يالغااااالي

عمر : ليش بعاد عني ، تعال حذاي

خالد انكسر خاطره وراح قعد على الارض وحط يد اخوه على راسه : قول حبيبي اسمعك ..

عمر : لا ولاشي بس اذا تبي تقعد ويامرتك عادي بس ودني داري

خالد : افا والله افا اخوووووي عندي واروح للمره

عمر : ههههههه ، هي اولى ، بنت عمك و مرتك

خالد : فدييتهم اللي يصفون الحجي

عمر : اههههههههههه ، منو انا ها

خالد : أي انت ههههه شسوت فيك امريكا عفستك وردتك

عمر (لوتدري عن امريكا واللي فيها بس !! ، يظحك من غير نفس : هـهـه

خالد : شعندها سالي ؟

عمر انفجر ظحك : هههههههههه منو سالي يالهيس

خالد : انت تظحك بنعومه بعد ، هـهـه راد لنا مب متوازي شصادك

عمر ماقدر يمسك نفسه يظحك بشكل مب طبيعي : هههههههههههههههههههههههههههههههههه

ههههههههههههههههههههههههههههههههههههههه

خالد : ماشالله ، قاط نكته الشيخ خالد ؟

عمر : تكفى بس هههههههههههههههههههههههههههههههههههههههههههههههههه هههههههههههه

خالد : أي اظحك شحلاة الظحك والله انت مبوز وبنت العم مبوزه شكله جدلكم يحكككككم

عمر : فيني حساسيييييه هههههههههههههههه لازم انطق فالاسبوع مرتين

خالد : متى و متى

عمر : مره الصبح وفاللليل وبعد الوجبه

خالد وهو ماسك ظحكته : خخ زين قلت لي عيل عشان اخذ حذرررررررررري

عمر : أي لاتنسى ،،، ..


غلا كانت قاعده فزاوية التونـز اللي سووها بالدار ..

غرفتهم كانت اكبر الغرف فالبيت لأنها الغرفه الرئيسيه ..

سوو لهم على جنب زاويه لليهال ..

فيها سررين وعليهم الشيفوون وشغل عــدل ..

غلا كانت على السرير وتربع الملابس الجداد ..

خلصت وشالتهم صفتهم بكبت فصيــل

وبعدها كبت سعــد ..

غلا ( اممممم شناقص بعد ، كل شي موجود ، الملابس ، الـجواتي الـ.... 'يقطع كلامها

رنة التليفوون' ،، يووه من متصل الحيين ، مب راده اخلص اللي فيدي بعدين اشوف من وارد اتصل

يالله مب ناوي يسكرررررر ؟ ) ...

راحت شالته

غلا بصوتها الناعــم : الوووو ؟

عاليه : هلالالالالا ردت الخايسه

غلا: هههههههههههه ياحماره احترميني بصير ام وانتي تسبين

عاليه : ام على عيالج وابوهم ، انا لاااا والف لا

غلا : اعووذ بالله من ابلييييييييس ، تعرفين ابليس

عاليه : أي كل يوم يسير الحلو

غلا : هههههههههه ،، الله يقطع ابليسـج ,, شخبارج ؟

عاليه : تماام عمري انتي شخبارج وشخبار ريلج وعيالج ؟

غلا : خطر خطر مب عليوه ، كلنا بخير ..

عاليه : هههههههههههههههههه

تمت غلا تسولف معاها وسالفه ورا الثانيه ..

خالد تم مع عمر يسولفون ويتظحكووون ..

بعدها عمر قال لخالد انه تعبان ويبي ينام

وصله خالد لداره وخلاه على السرير وفج كبته ..

خالد : تبي أي بجامه ؟

عمر : لالا عطني جلابية البيت

خالد : الحرير (يستعبط) ، اوه قصدي أي وحده هيهيهيهي

عمر : هههههههههههههه يعني اشوف عشان تخيرني

خالد سكت و كره عمره على الي قاله هو يستعبط بس عمر طلع حسااااااس اكثر من قبل

طلع له وحده كحليه

عمر : عطني اياها

عطاه خالد : اوصلك للحمام ؟

عمر : لا ادل

خالد حس ان الجو كهرب شوي من اللي قاله ..

خالد حب راس اخوه : خلاص حبيبي تصبح على خير ،، تبي شي مني؟

عمر : لا مشكور ، تصبح على خير

خالد ابتسم له وكان وده اخوه يشوفه وهو يظحك له بس ...

طلع خالد وعمر بدل ملابسه و تحرك بهونه للحمام

دخل ولما طلع نسى ان الحمام له رفعه طلع وطاح على الارض

خالد كان لين الحين واقف لانه يخاف على اخوه اكثر من قبـــل عشان عيونه

فتح خالد الباب بسرررررررررررعه

وشااااف !!


شتتوقعون شاف خالد ؟؟





























































خالد : تعوررررررررررررررررررررت عمر؟ صار فيك شي؟

عمر : لالا مافيني

رفعه خالد عن الارض .. كان طايح بس ريوله تعورت شوي عوار طيحه مو جايد ..

خالد : تعوريك ريلك ؟

عمر : لالا خلاص انت روح نام عشان انا بنام بعد

خالد : اوكـــي حبيبي ، مع ان ودي انام وياك بس انت تبي تجلفعني مادري ليش

عمر : ههههههههه مب اليوم باجر انشالله سكرنا اليوم يلا

خالد : هههههه يلا حبيبي ، go0d night

طلع خالد ووطى على الليتات وسكر الباب ..

عمر انسدح وتل الغطا معاه ..

ثاني يوم الصبـح غلا قامت اولهم من الساعه 7 ونص وهي قايمه الاخت

شبعانه نوم تغصب روحها تنام مافي كلش النوم نساااها ..

تسبحت وطلعت

شافت الوقت طووووويل عندها وايد

فتحت الكبت تشوف شتلبس

طاحت عينها على الفستان اللي لبسته مره لما راحو لعمها سعد بالليل ..

عورها قلبهاااا ولمت الفستان و صاحت بدون لاتدري ..

غلا ( يااربي لا ، لازم امسك نفسي ، لايقوم خالد ويشوفني ،بيزعل وهو مايستاهل) ..

تمسح دموعها وتسبق مسحتها دمعتها الثانيه

طلعت جلابيه لونها سماوي وعليها شغل بالفضي الخيوط كانها اسلاك من بعيد

بس ملمسها ناااعم ..

تكحلت و نشفت شعرها مسحت عليه كله بيدها وردته على جنب

قربته لعينها تشوفه ..

(( يالله شلون نسيت عمري جذي ، شعري شلون صار وانا لازم الحق نفسي خخخ ))

لبست نعال عليها مثل الزخرف البكستاني ، بيضا والزخرف فضي كعبها اوطى من الواطي

تعدلت ونزلت تدور فالبيت ..

نادت الخدامات وغيرت شوي فديكور البيت تمللت منه ..

الساعه 10 وربع قام خالد ونزل ببجامته جنه ياهل يدور امه

نزل على الدرج وهو شكله فظييييييييييع طالع

بجامته سوده ومبهدله القميص منعلج خخ ومتصارع مع الازره

والشعر شوي منكـش وكان محلق وشكله فظييييييع القفل اسوووووووود جنان

خالد وهو فيه النوم يفرك عيونه على الدرج وهو نازل : غلاااااااااااااااااااااااااااا؟ غلاا !!

غلا : كاني هنـــي حبيبييي

خالد يسحب عمره لها وقعد على الارض وهي على الكرسي وراسه بحظنها

والخدامات مستخفين عليه خخخخخخخخخخخخخخخخخخخخ

خالد شوي وينام : وين رحتي ؟؟ ( يشم عطرها ويغمض عينه )

غلا يدها على راسه : هني حبيبي تحت ، قمت ومافيني نوم بعد شسوي

خالد : انا فتحت عيوني وماشفتج جان اتخرررررع

غلا : هههههههه حيااااتي والله خلاص مره ثانيه ماانزل عنك

خالد : عفيه على مرتي (ونام) لوووول

قعدت غلا تقولهم يشيلون هذا يحطونه هناك ويرفعون ووو .. الخ

خالد نام وغلا نملت ريلها عليهااااااا فوق الساعه على حظنها تبي تعدله تتحرك ماتقدر تقعد بعد

غلا تهزه بخفيف : خالد حبيبي،،، خاااالد قوم

خالد فتح عيونه : بنااام

غلا : حبيبي الساعه 1 قووم بسك نوم

خالد : غلا تكفين

غلا : قووم ياعمري مايصير جذي ، من قالك تسهر مع اخوك يلا يلا قووم

خالد : غلوووووووووووووووووووووووي

غلا تدزه عن حظنها : يلااااااااااااا

خالد : انزيييييين اراويج فيييج خير انتي وعيالج نامو بدار فهالبيت

غلا : لاا والله ليش شبتسوي

خالد : بجنننننننكم صبري علييييييي مردووووووووووده

غلا : ههههههههههههههه ، روح بدل ملابسك وقعد اخوك عشان تتريقون

خالد : نتريق الغدا ، انشالله ..

راح خالد وطق على عمر

خالد : يلا قوم عمييييير

عمر : قايم قايم

عمر كان قايم من قبل لا خالد يقوم بس قعد بالدار وصلى وقعد فيها ماطلع

لين الحين مايدل البيت وماعنده حد يدليه !_!


تسبح خالد وقعد بالدار فتح البلكوونه وقعد يدخن ..

يدخن ويطالع الدنيا ويفكرررررررر

اشيا وايد صارت له

زواجه من بنت عمي ام الـ17 سنه والحين هي مرتي وحامل مني

موتة عمـي

امي ، وامي هذي اكبر شي فحياتي ، شاللي غيرها علينا جذي؟

عمر اخوي واللي صار فيييه

يالله ،،

قعد خالد ربع ساعه بس يدخن ويفكر

سحب الباكيت يدور زقاره بعد ، لقاه مخلص

خالد عصب :افففففففففففف وقتتتتتتتها ذي

فتح الكبت يدور اكيد في واحد

ياللللله مخلصين بعد

ويرضخ الكبت

غلا فتحت الباب على رضخته : شفيك شفيك ؟

خالد : ولاشي ولاااااشي

غلا : ليش معصبت

خالد : قلت لج مافيني شي

غلا اذا حد ناحسها تتنرفز وتناحس اكثر : كيفك ، قعد اخوك والاكل ينطركم

خالد : مابي آكل

غلا : خل اخوك ياكل

خالد (صصصصج) : يصير خير

نزل خالد لاخوه

طق الباب وعمر قافل

طق مره

مرتين

ثلاث

خالد : افتح عميييييير انا خالد

محد يرد !!

خالد : عمر ان مافتحت بكسر البااااب

بعد محد رد

خالد تخررع

يحرك مسكة الباب بقوه وهو يطق : عمررر افتح

تنعز خالد على ورا

وشات الباب برجله مرررررره

الثانيه

ومع الثالثه فتح الباب ويااااه

خالد انهد حيله من اللي شافه


عمر !!!!!!

عمر اخوووي جذي؟؟؟؟؟؟؟؟؟؟؟؟؟؟؟؟؟؟؟؟؟؟؟

ليييييييييش ياربي

لييييييييييش

استغفر الله ،، ياااااربي اعووووووووووووووووذ بالله من ابليييييييس

شنو هاااااااااااااااااااي











شنو شاف خااالد بدار عمر ؟؟؟؟؟؟؟؟



تبون تعرفون شصااار ,!,!,!

انتظروووووووووووووووووووووونيي

--------------------

[Ƨηυργ≈]

@.@
اوووووو يلاا عااااااد لا تسسوين هالحركاات هههه
و من غيير تششويق > اننننننن
:(
و اترييا البااارت بسسورعاه بلييز