رۈآيــہ ~.*غــلا*.~ { قطريـه }

[Ǯyonk Dnyтe]

خالد تيبست ريله وفتح عينه وبصدمه : اناااااااااا؟

عمر لام نفسه شقاعد يقول؟ شهالخرابيط؟ اف والله ماقصدت والله

خالد ابتسم وهو منكسر : هـه ، والله وقدرت تهين .. تسلم حبيبـي
طلع الي بقلبك لاتخش ، قول كل اللي داخلك

عمر : اسف ياخالد اسف لاتلومني حالتي (صاح وطلع عنه )
راح داره وقعد يصيح يبي يفضفض لاخوه يقوم يجرحه ويهينه ويتهمه شقاعد اسوي
شكلي بديت اجن ..

بدبـــــــــــــــــــي ..

كانت الساعه (6) المغرب غلا بدارها ترتب الشنطه باجر اخر يوم
وبيقضونه طلعات ترويح يعني ومن اخر مجمع للمطار ..
كانت حاطه الهد فون وتسمع والله دنيــا ..

كاظم :

ظاقت علي كأنها تابوت
لكنما يأبى الرجاء يموت
ياصاحبي ان غبت عنك
مودعـــــاً
بعد الرحيل لاينفع
الياقــــــوتُ
عجل فقد سحق الزمان مشاعري
بركان شوقي هائـجٌ
مكبوت
تبكي وتندم في غدٍ
لكنمــــا..!
واضعيتاهُ
اذا الاوانُ يفوتُ
ياتعبنا ياسهرنا ياقهرنا
ياأربانا..
والله دنيــــــــــا..


قاعده تربع الملابس وتحطهم وتحط بالشناط ملابس جهازها ..

حطت العقود كلهم بشنه متوسطه قال لها عمها سعد بيشيلها بيده ..

طقت عليها عمتها تغريد ..

تغريد : ها غلا خلاص !!

غلا تبتسم : أكيد خلاص باجر اخر يوم ماراح يكون في وقت ..

تغريد : أي والله ، هاج عيل حطي بس هالبدلتين عندج لان شنطتي تعلن ان ماكو سبيس

غلا :تبتسم : هههههههه انشالله (تطالعهمم) وااي ياقلبي لعلاوي هاي ..

تغريد : هههه أي ،، وهذي لخلودي

غلا : واااااي بعد عمري والله راحو عن بالي كلش باجر اشتري لهم

تغريد : وي لا تكفين شريت اللي يكفي وزود

غلا تغمز لها : وانشالله نسيتي ابوهم

تغريد تبقق عينها وهي مفتشله : ههههههه وانتي شعليج

غلا : ههههههههههههههههههههههه ، ها عمتي

تغريد : يلا يلا حطي الملابس وكملي شغلج

غلا : هههه انشالله

طلعت عنها عمتها ورجعت الهد فون على اذنها ..

أتخيلك شاغل الجلسه
وو
قَمـــــــر
بين الحاضرين
تبتسم تظحك تغني
و داخلك جداً حزين
ودي أضمك ياحبيبي
ودي أبوسك ياحبيبي
ودي لكن ضاع ودي
وضعت من ايدك انا ..



عمر بهاللحظات زهق من حاله ماعرف شيسوي حس لو تم مع نفسه بعد

يمكن يموت يصير فيه شي ,,

دخل الحمام (وانتوا بكرامه) وتسبـــــح

طلع وهو منتعش وجسمه بارد وكوول وقلبه محترق نـــــــار ..

لبس وتم ببنطلون سبور بدون تيشيرت ولاشي وقافل الدار

متملل قعد على السرير وقرب الستاند الخشبي الصغير للرسم والمسجل

حطه على الراديو واشتغلت نفس اغنية غلا وهو كان يكمل على رسمه له قديمه حيل

كان راسم نهر ومنتثره عليه اوراق الشجر وبنت صغيره تقط الورد على النهر

والماي عاكس كل شي قعد يكملها لان الرسمه راسمها دقيييقه حيل كل شي مدقق فيه

ظحك وهو حزين على كاظم

ويكلم نفسه بصوت واطي وهو يرسم ويمسح بيده على الرسمه ..

عمر : هـهـه شفت عاد راحت مني غلا وتميت محد يرد على صوتي غيرك ..

كاظم :

انا وناري وذكرياتي

وصورتك بين الشموووع ..

عمر : آآخ والله مابقى لي من ذكراها غير طيفها ونسمي وصوتي ، هـه تحب صوتي وشكلي بذكرها كل ماسمعته

كاظم :
أغني لك ياحبيبـي
لكن انغامي دموع
ودي أضمك ياحبيبي
ودي أبوسك ياحبيبي
ودي لكن ضاع ودي
وضعت من ايدك انا ..

عمر ماقدر يستحمل مب قادر يجامل ويكابر حتى حذف روحه على السرير

وتم يصييييييييييييييييح ..

سعد كان فالمطعم قال لتغريد عنده كم شغله وبيرجع

اذا زهقتوا نزلوا بس مو بره الفندق ..

غلا وتغريد مابغو ولا شي غير العشا وقالو بينطرونه ..

سعد راح وكان يدور بالسياره

يفكر ..

(( والله حرام عليك ياسعود ، مو كفايه بنت اخوك منحرمه من الام والابو وحتى حظن الاهل
حرمتوها من كل شي وخليتوني بعينها ياهل مربط اليد قليل الحيله ، لايقدر يسوي شي ولايقول شي
خليتوني صفر بعين الكل رجال بو24 سنه مالي كلمـــــه! اففف
أرأف بحال ولدك اللي انقلبت حياته كلها موت ، خاف على ولدك ، وين تلقى اصلآ مثل عيالك ياسعود))

سعد قعدت تمر عليه كل المواقف كل اللحظات
عيد ميلاد غلا يوم كانت 5 سنين حادث اخوه ودمعت عينه بس حبسها
غلا بأول يوم مدرسه ،، يوم كان يلاعبها وهي ياهل بالدار
((والله اشوفها لين اليوم ياهل بعيني حتى عمرها ماتهنت فيه ))
تذكر لما قالوا لها ان امها وابوها ماتوا ولمن طاحت بنص الصاله ولمن وعت
شلون صاحت
ولمن راحو الكويت يجيبونها كانت بحظن خالتها وشالها سعد
وكانت تصييييح
كانت ياهل لكن دموعه لين هاليوم يحسها ذنب معلق فرقبته ..
كانت تصيح وتصرخ لين راح صوتها
اول اسبوع لها فقطر
كانت ماتكلم حد ولاتشوف حد أي حد يدخل عليها
تصيح ماتبيه

ظرب بريييييك قووووووي ونزل قعد على السيف

لقط له كم حصاه كانو بمدة ايده جمعهم وقعد يفرهم بالبحر

ويفضفض للبحر

تعب سعد تعب حيــــل من حاله

حس نفسه مكسور من داخل

شاف ساعته صارت 8 وربع

سعد : اوف والله تأخر مساكين يالله يمدي ارجع اعشيهم قبل زحمة الليل ..

رجع سعد الفندق وغلا كانت منسدحه بالصاله نايمه بحضن عمتها

سعد وهو يسكر باب الغرفه

سعد : Hay ladys I'm HoOoOoMe

تغريد من بعيد : اووووووووش ، ( تأشر على غلا)

سعد (يــه) : اوه (انتبه ان صوته علا) أسف ( يوووووه) كفخ جبينه

تغريد رفعت له حاجب وغلا لفت تعدل سدحتها وهي نايمه

قامت تغريد من على الكرسي بشوووويش وحطت مخده تحت راسها

سعد يصاصرها وهم فالمطبخ : شلووون جي؟ نامت بدون عشااااا! بروحها هزلانه من التمام

تغريد وهي عينها باللي تسويه وتكلمه وهي رافعه حواجبها كانها متنرفزه ..

تغريد : كانت تكلمني ونامت

سعد : عن وشو؟

تغريد : عرسها وو (طلعت من المطبخ)

سعد يمسك اخته من جتوفها ويهزها وخلاها قباله

سعد : كملي علي انتي بعد وقولي ، شقالت عني غلا

تغريد تخرعت : شفيك سعد؟ انا ماني ياهل عشان تكلمني جي

سعد هدها : آسف ماقصدت

تغريد حنت عليه : كانت تكلمني عن عرسها وعن اللي صار وانت عارف

سعد : اوف ياربي ..

تغريد : فيك الخير على اللي سويته ياخوي ، ومافي واحد بسنك يسوي اللي سويته

سعد : من صجج غلا خلاص صارت بنتي شنو فيني الخير هذا اسويه غصب علي

تغريد : جان سواه سعود

سعد نزل عينه : كفى ووفى سعود ، خيره دوم سابق

تغريد تظحك عليه

سعد : قعديها نتعشى وترجع تنام

تغريد : لاوالله !! وليش ماتقعدها انت

سعد : اوكييه ، اجل لبسي انتي على ماقعدها لاني خالص وتبقى هي ..

تغريد : انشالله ..

سعد راح وهو يقعدها بشويش

سعد : غلا ، غلا ، حبيبــــــي ، غلاي قومي .. غلا!

غلا وهي تفتح عينها بخمـــــول شديد : هلا عمي!

عمي :يلا عمري بنروح نتعشا

غلا وهي تلف عنه : بنام عممي

عمها يعدلها : يلا ياغلاا يلا بابا قومي

غلا : عمي جيب لنا العشا فوق عيزانه

سعد : ماكووو يلا ، بوديكم مطعم شعبي شرايكم

تغريد : لا عيووووووني ششعبيه! نبي نتعشى عشا سنع

سعد : لا والله وشفيه الشعبي بالله

غلا نامت ..

تغريد : ههه كل خير

سعد : بوديكــم قوديز مكيف على اكله الصراحه ..

تغريد : يلا بروح البس انا

سعد شاف غلا وهي ردت نامت

سعد عصب : غلوووووووووي قومي

غلا نطت : افففففففف زين عمي زين قمت

سعد : يلا لكم خمس دقايق لبسوا وانا بنطر هني

غلا وهي تلم شعرها : انشالله انشاااااااااااااالله ..

راحت غلا غسلت ولبست بنطلون جينز ومعاه بدي ابيض

كحلت عيونها وحطت روج ارونج وفوقه قلوس شفاف مايل على الذهبي الخفيييف ..

كملت لبسها ولبست عباتها كانت فيها ورود طباعه درجات الأحمر

ولبست شنطه حمرا وتعطرت وطلعت لهم

سعد : يلا مشينا؟

طلعت تغريد وهي تف شيلتها : أي يالله

راحو للمطعم وتعشوا ورجعـوا

.* ثانــي يوم.* ..

عمر كان من داره مسنتد على الدريشه وخالد كان زهقان حده

طلع يلعب كوره فالحديقه وحده مشتط يسوي دور لاعبين من زود الملل

ويناهت وهو يلعب من كثر ماكان مندمج بالكوره

خالد تعب وحس قلبه جاته نغزه وقعد على كرسي الحديقه شوي

وقام خذا غرشة الماي وكتها على راسه وشعره وهز راسه ورجع شعره على ورا

رفع عينه وهو مغمض وحده والماي يصب عليه من شعره ،، شاف عمر

خالد : ياروحي يامكيف ، انزل بارني شوط واحد !

عمر : لا حبيبي مصدع

خالد : يلا امش

عمر : وربي متكسر

خالد : Up To You يااااااااااااخي

عمر ظحك له وسكر دريشته

رجع راسه على الدريشه (اف غلا اليوم بتجي واكيد بيمرون هني يسلمون ، شبسوي! قعد يتذكر كل الاغاني الحزينه ،، شاف وجهه بالمنظره باااال شاحب حده وعيونه محمره مثل التفااح تخرع حيل على عينه)

راح لخالد وخالد لما شافه استغرب ..

خالد : بسم الله عليك ، (يتلمس جفنه) شفيها عينك؟

عمر : مادري خالد ، شفتها بالمنظره صايره جي!

خالد : اولـه من الزين محمره ، نروح الطواري؟

عمر : لالا احط عليها ثلج وكل شي يصير اوكي

خالد : الطواري يلا شنو ثلج

عمر شرد : لالا اول ثلج مانفع طوااري

خالد تنرفز وهز راسه ودخل يتسبح

غلا كانت قاعده تشوف أرض الدوحه وتحمد الله انهم وصلو بالسلامه ..
تغريد : ها ششعورج واحنا فقطر؟

سعد : شالسالفه تسوين لقاء سخيف

تغريد : انجب زين

سعد بلع لسانه

ونزلوا على درج الطياره ولداخل المطار

استقبلهم سعوود وكانت هاي الصدمه اللي ادهشتهم كلهم وخلتهم

ساكتين طول الطريق ..




ياااترى شاللي ناطر غلا لمن ترد ؟

وشمعنى العم سعود بذاته جا ياخذهم!!

وعمر شقصة عينه؟؟

ولطيفه وينها؟؟

[Ǯyonk Dnyтe]

سعود وهو يسوق

سعود : ها عيل شخبار السفره؟

تغريد تلطف الجو : والله استانسنا ، ماشالله عليها غلا فرت راسنا

غلا تقرص عمتها وتبتسم لما شافها عمها سعود

سعد كان طول الطريق معقد حواجبه ويفرك حنجه وساكت

سعود : شلونك ياسعد

مارد عليه سعد

سعود استغرب ،، لين الحين مانسى !!

تغريد : سعد شفيك سعود يكلمك

سعد : زين؟

تغريد : يقولك شلونك ( تنقزه بعينها )

سعد : انتوا ششايفين؟ طيب حمدلله

تغريد هزت راسها

تغريد : سعود وصلنا بيتنا وباجر انشالله نمر عليكم ..

سعود : مايصير البيت كله ينطركم

غلا عورها قلبها وايد أكيد عمر معاهم أكيد ناطرني

اففففف ياربي الله يعييني شبسوي شلون اقدر امسك نفسي؟

انا خلاص صايره كلش أي حد يدقرني اصيح يااااااااااااااااربي

عمتي ماااابي خنروح بيت ابوي مابي تكفين

تغريد كانت ولاتدري بغلا وتشوف وجهها بالمنظره

طلعت موبايلها وشافته مفظي سكرته ودعسته فالشنطه ..

انفتح باب الفيلا وغلا قلبها يدق يددق وكل مال دقاتته وهي تقوى تحس انه بيطيييح

سعد وتغريد لاقوا خالد وامه فالحديقه وغلا سلمت وقالت بتروح داخل شوي

هي ماكان غرضها تشوف عمر توقعته طالع او شي كانت تبي الـ W.c (هاهاهاها)

عمر كان قاط روحه على السرير وهو يشوف اغنية عبدالمجيد (ماريحوني) ..

سمع الباب ينفتح ماتوقعها غلا ..



الله واكـبـــر عليهم
ماريحوني في حبك
قالوا وعادوا فحكيهم
قسوا على قلبي قلبك


عمر شاف ان اللي دخل ماطلع منه صوت ولاحتى نصخ او شي استغرب

لف راسه بجمود وهدوء ..

شافهااااا !!

حبه اللي ظاااااع

رجع له

بس متى تأخرتـــــــــــــــي حيل غلا

بطيتي على ماجيتينيييي

غلا كانت بس عيونها تلمع

عمر بصوت يحن له الصخر : غـلا !!

غلا سكتت ونزلت راسها ..

عمر انتبه لنفسه : حمدلله على سلامتج ،، نورتـي الدوحه يابنت عمي

غلا رفعت عينه ودموعها على خدودها

كان عمر مثلها الدموع نفس الشي

غلا وعمر بوقت واحد :

غلا: عمر
عمر:غلا

سكتت غلا وسكت عمر ..

غلا: شكنت بتقول؟

عمر: شكنتي انتي بتقولين ، انا قلت واااااايد وايد ( بحرقة قلب) لكن محد سمعني ..

غلا طلع لصيحتها صوت

عمر يلف لها

عمر : شفيج غلاي؟

يادوبنا ماعشقنا واغليتني وانت
غالـــــــــــي
ياللأسف (افترقنا)
واحنا فأول ليالي
ماريحونــــــي..


عمر : آآآخ جد ياغلا ، محد ريحنيي كثرج ورحتي وخليتيني بروحي ماعندي غير همي يواسيني

انا ماسويت شي لهم بس هم ليش جي يجازوني! انا كنت دومي طيب معاهم ماضريت حد بحياتي


غلا: ماعاش من يقول انك ضريت حد ياولد عمي ، (تصيح) وانا مثلك ياعمر
تعبت وقلبي تعب ماقدر استحمل اكثر من جي حتى بسفري انت معاي

عمر : يااا ( يتذكر) ، غلطتي وانا اعترف ياغلا .. انسيني اذا يرييحج

فتح خالد الباب مع الكل ولف عليهم يطالعهم وهو يحك عند زوالفه منحرج ..

جنه دخل بوقت غلط ..

فيا تصدق حبيبي
وانا اللي معطيك
روحـــــــي
ان كان هذا نصيبي
عذب وزود جروحي
ماريحونـــــــي


خالد : هلا هلا ، حياكم .. (يطفي التلفزيون)

عمر مشى وراح للدرج يصعد لداره ..

لطيفه : سلم على عمك وعمتك ياعمر

عمر لف .. وشافهم

غلا توها انتبهت لعينه وجزت من حمرتها : آح

سعد : شفيج!

غلا : شفيها عيون عمر؟؟

سعد يطالع: أي والله ، شفيها عينك ؟

عمر : ولاشي

خالد : قلت له لكن عن اذنكم اوديه ونرجع ..

عمر : مابي خالد

خالد ياخذه وهو لامه ويمشون مايبي حد يسمعهم ..

خالد : عمر عشاني خلني اوديك اطمن قلبي

عمر حس من داخله قلبه يعتصر . خالد اللي جرحته بقلبه جذي يعاملني

عمر وقف ولم اخوه بقووو وتم يصيح ودموعه على ثوب خالد

خالد يمسح على شعره : ماعليه حبيبي ماعليه (خالد درى انه من شوفة غلا صار فيه جذي)

عمر : ماااااااقدر ياخالد ماقدر

خالد : اوش ماعليك طلع اللي فيك لاتكبته بقلبك مو زين لك

عمر صاح وبعدها راح صوته وتم يمسح دموعه



-----------------------------------------------------------------

[Ǯyonk Dnyтe]

خالد حس بضعف اخوه شلون جدامه

صغير وتعبان شبه ميت << بسم الله عليــــــــه

ضوى وجهه راح لمعة عينها اللي الكل يحسده عليها راحت

مابقى فيها غير الحمره اللي بدت تزيد

خالد : تكفى عمر شوف عينك يلا يلا

ركبه السياره وسيده للمستشفى

وهم طالعين من المستشفى

خالد : شفت شلون بالله عاجبك الحين

عمر ماسوى شي ولاقال شي خلى خالد يهزأه يمكن التهزيأ من اخوه يحفف عليه

ويغير اتجاه مشاعره من كل شي

الدكتور قال لهم ان من كثر الدموع صاد عينه مثل الجفااف الشديد اللي سبب حمرة عينه

وصار النظر عنده شبه ظعيف واذا تطورت المسائل أكثر ممكن يأدي للعمــــــى !!!!

خالد ماقال لعمر اللي قاله الدكتور عن العمى ماحب يخرعه

خالد : لازم تداوم على العلاج ياعمر واذا مانفع تكلم عشان نشوف لك حل

عمر سااكت وصاخ

خالد تنهد وولع زقارته

خلصها وطلع الثانيه

وقف عند (الخيام) << كافيه بقطر ..

طلب خالد بلاك كوفي وطلب لاخوه عصير برتقال طلباً من عمر ..

خالد : خلني اخذ لك شي تاكله

عمر بهدوء : مابي

خالد لمح دمعه طاحت بحظن عمر ،، رفع راسه من حنجه

خالد : حبيبي مو زين لك الصياح عشاني ،، (شاف ماكو فايده) ، زين عشانها (ابتسم خالد) عشانها هي

عمر ابتسم وصاح وبسرعه خالد مسح دموعه وسوى روحه معصب

خالد : شقلت لك انا مابي دموع No More Tears فاهم

عمر ظحك


خالد : فددددددددددديت هالظـحكه ماخلى منها يارب ..

عمر : ااخ من زمان ماظحكت ياخالد

خالد تجمد ..

خالد : هاي الدنيا يابعد عمررررري .. (وصل الطلب وقعوا يشربون وخالد يدخن)

عمر : فك روحك شوي من هالزقاير ..

خالد : شسوي غصب علي

عمر : اقول خالد

خالد : قلبه ، عمره ، روحه آمر يااااااابعد كل خالد..

عمر : انت شلون دخنت ؟ ماسألتك ولا مره

خالد : ماكو كنت اشوف ابوي يدخن ومره وانا طالع مع واحد من الربع عطاني اجربها

وصرت مدخن

عمر : ااااااااااها ، يعني ماكو وراها شي

خالد : نوو ماكو سر عميق لاتخاف

عمر : اها

خالد : ها يبا شي بعد؟ ولا نرد

عمر : لا نرجع تأخرنا ..

خالد : تااااااااااااامرني يابعد عمري .. بس تكفى افتح بتلاقي CD طلعه

عمر فتح الصندوق وطلع له السي دي وحطه خالد ..

كانت اغنية مغني جديد اسمه على مااظن (نايف البدر..)

الهدوء كان طول الطريق ماكو الا الاغنيه اللي تتكلم (هههه)


غبنا عن بعضنا سنيـن
انا ويني وهوا وين؟
انا ادري انا وياه
على هالحب
محسوديــن ..
تركني وانا محتاجه
عمري انطفى سراجه
قلبي بصده اتفاجى
بعد ماكنا احلى ثنين
محسوديـن محسودين..
ابي اعرف عن اسراره
وشنهي اخر اخباره
وشاللي يدور بأفكاره
بعد ماغاب عني سنين
محسوديـن محسودين
انا خايف لقى ثاني
نوى بالمره ينساني
حتى لو هو خلاني
ترى يبقى من الغاليين
محسوديـن محسودين


عمر كان قلبه يتبع مع الاغنيه ، آآآآآآآآآآخ شلون جي مستحيل

غلا تلقى غيري؟ وتنساني لالا

وصلوا للبيت وعمر ماحس الا بفتحة خالد لبابه

خالد : تفدل ..

عمر ابتسم ابتسامه منكسره حزين ويبتسم ..

نزل عمر مع اخوه

خالد كان لابس ثوب وغتره

عمر كان بس بثوب وشعره كان طولان مرجعه على ورا وشكله حلو طالع << اهم شي

دخل عمر وتفاجأ محد فالبيت ..

قعد ينادي ويدور عليهم وين راحو وخلونا؟؟؟؟؟؟؟؟؟؟؟؟؟؟؟

خالد :Dwana where is my mother?

الخدامه (دوانا) : She is up stairs but Your dad Is Out he will come again and take You , Madam Lotefa , MR. Omar Out pot dinner

خالد : ماقول الا مالت على المكسر ،، Ok go now

عمر: ليش بيطلعنا؟

خالد : والله مادري؟؟

عمر : مابي اطلع بروح انام

خالد مسكه بقو من يده

عمر:شفيك؟

خالد: بسك ياعمر وانت تتهرب منا ، خلاص انسى اللي صار

عمر نزل يد خالد : يوم اللي بتكون مكاني ياخالد ، مع اني ماتمناها لك ، بتعرف ..

خالد رفع حواجبه ونزل عينه ..

وقف خالد مكانه وهو يدور فالبيت ويدخن يفكر بكل شي

اليوم لمن شاف غلا كانت تهرب من اسأله الكل ولما دخلنا عليهم ماكانت تبي تطالعني

شفيها؟

قعد يمشي فالبيت وهو زهقان ..

خالد قدر يتغلب على نفسه مع الصراع اللي يواجهه اخوه

وقدر يروح عن نفسه لان عزيمته قويه ويمكن لانه مو بمثل حالة اخوه

او بمرحلته ، يتعلق بشي ومشاعره توها تمني ..

قعد يفكر عمره ماحب وحده ! وهزت له مشاعره كلها

تملل وقال دام ابوهم بيطلعهم يروح يبدل

لانه بملابس ردة المستشفى ..

تسبح بسرعــه ..

وطلع

لبس ثوب أبيض وحط الأزره كانت فرزاتشى هديه من امه قبل لايروحون فينا

طالعهم شالهم وحط ثنين شاريهم مع غلا مره .. << شقصدك بهالحركه؟؟؟؟؟؟؟

تهقون خالد بدى قلبه يدق لغلا؟

الله اعلــــــــــــــــم
































لا ماني منطرتكم لجزء جديد ( نياهاهاها)


المهم نكمل

تعطر خالد بعطر دنهل ولبس النعال اللي تسكيرتها مثل الصندل

كان شكلها كيوووت موت وطلع خالد مثل كل مره شيخ الكشيخين ..

شاف اظافره طولانين ومثل اظافر الصبيان سووووود

خالد : وعععععععععععععععع اظافر دراكولا

قعد يقصهم وخلص كان نص من ظفره طالع ماقصه شار بثوبه واشلع نص ظفره

خالد صرخ بكل قوته : آآآآآآآآآآآآآآآآآآآآآآآآآآآآآآآآآآآآآآآآآي

طالع الدم ينزف بقوووو من ظفره يحرررررررررقه حيل

راح لحمامه وترس المغسله ماي باارد حط يده وهو يقاوم البروده

شوي وقف النزيف طلع قعد يدور لقى غرشه مكتوب عليها

(كحول لتطهير الجروح )

تتوقعون خالد شربها؟؟


-----------------------------------------------------------------

[عشقي قطر مهما طال الزمن]

هههههههههههه لا طبعا ما شربها

يلا انطر الباجي يا حبوبه

[عشقي قطر مهما طال الزمن]

ههههههههههههههههههههه

لا طبعا ما شربها شو خبله هو

واحس انه امبلا بدا يحب غلا

والله تشويقج خطنطرررر يلا حبوبه انطر الباجي

أوه وووينج سنوبي لا يفوتج التشويق

[Ƨηυργ≈]

ههههه فديتتج عششوَقه <
يَ عييني وآلله شي تَططورآآت خخَ

بس نرققب آلبآرت آللي بعدووَ ههههههه < مصصريّه ع غفله خخ

[Ǯyonk Dnyтe]

تسلمووون لي ع المرررور

وكــآهوو البــآرت وصصصصصصصصصصصصل ياا حلووووووين

[Ǯyonk Dnyтe]

طلع قطنه وحط عليها المطهر وحطها على صبعه

غمض عيونه بقو وهو يقول آآي

لين ماحس ان الدم وقف والجرح تخدر ههه حط عليه لزقه ومالقى غير لزقه مايدري مالت من عليها

ديناصورات

خالد : والله حاله ، شهالمسخره

نادى على الخدامه وجته

خالد : I waint nother One

الخدامه : Oqay wait

خالد ظحك على لغتها راحت جابت له من لزقاتها ولفته له

خالد راح عنه ونسى الجرح

وقعد فالصاله ودخل ابوه

سعود : ها خالد برزت اشوفك

خالد : أي يبا مو بتطلعنا

سعود : بلا ، وينه عمر؟

خالد بلع لسانه ماعرف شيقول : مادري يمكن فوق

سعود : مالبس؟

خالد رفع جتوفه يجاوب ابوه بعلامة مااادري؟؟؟

راح الابو وشاف لطيفه قاعده تلبس

سعود : عمر بيروح ويانا ولا؟

لطيفه : امبلا وينه ؟

سعود : رحت له نايم

لطيفه : شلون نايم من قاله ؟

سعود : انا بروح اشوفه انتي خلج

راح له وشغل الابجوره اللي عند راسه ..

هزه شوي شوي لين مافتح عمر عينه كان عمر تعبان هالمره صج من فتره مانام ..

عمر : يبا؟

سعود : أي يبا قوم البس اطلع معانا

عمر : لايبا صج تعبان وبنام

سعود : قوم يا بابا يلا

عمر يلحف عمره : يبا تعبااااااااااااااااااان .. ونام

سعود هز راسه : مالي كلمه عليك ياعمر !!

عمر نط لابوه : لك كلمه وكلمتك تمشي علي يايبا واكبر دليل (يمثل بيده على كان شي راح) روحة غلا

ورد نام

سعود طلع من الدار وقاعد يفكر باللي سواااااه ..

عمر من صج ناام وحط كل همومه بالمخده

خالد تم يحاول مع ابوه قال طلعوا انتوا وانا اتم مع عمر لانه تعبان

بس لطيفه مارضت

خالد تنرفز موت على الحركه ( شفيها اميييييييي يه! )

وصلوا المطعم وتعشوا وخالد منطم طول العشا

ولما رد البيت راح لاخوه قعد على سريره بس عمر نايم وغرقان بالنومه


-----------------------------------------------------------------

[Ǯyonk Dnyтe]

.* ثانـــــــي يوم *.



عمر قعد على رنة تليفونه صرقعت المكان كله ..

عمر وهو نايم .: الوووه !

رفيجه (تركي) : عمور انت وينك؟

عمر : من .. هلا تركي

تركي : شحالك يالقاطع؟؟

عمر : الله يسلمك والله عايشين انت شمسوي؟

تركي : والله تمام ها مانويت تجينا؟ وينك عنا شهر يالقاطع

عمر : اسمح لي والله ظروف شنسوي بعد

تركي : اوكي خلاص اتصلي عيل

عمر : انشالله مع السلامه

تركي : الله وياك

وسكروووووووو ..

عمر قعد يمسح على راسه وهو منسدح

بال ربعي نسيتهم صج

زين تذكرت اسمه ولاجان زعل

دخل الحمام ونسى روحه وتم يغني ..

عمر :

لا تجرح المجروح
يكفيه جرحك
يكفيه من وقتك
لوعه وحرمان
عمره مع الاحزان
ماشاف فرحه
هذا قدر مكتوب
(يفارق الخلان)


طلع وفتح الستاره وهو لاف فوطه على وسطه فتح الكبت

طلع له بدله بنطلون بيج وتيشيرت اسود من GUESS والكلمه مكتوبه بالنمل ههههه

يعني نمل صغار مشكلين الكلمه

ويكمل يغني بصوت حزززززين مثل صوت خالد لما غنا لغلا بالسفر

الصوت المايل للبكا ..

والله ماكان الفراق اختياري
ولاعمري اخترت الوصال
ولقيتــــه..
وانا اعشقك(يمدها ويطول فيها)
عشق المطر للصحاري
مهما قسى وقتك على
ماجفيتــك ..


قعد عمر يفكر بغلا حزييين عليها حييييييييل

غلا بهاللحظات كانت توها قايمه بعد وتلبس

نزلت تحت لقت عمتها وفاطمه بنتها سلمت عليها وقعدت ..

تريقت وقعدت رفعت ريلها فوق الكرسي وسرحــــــــــــــــــــت ..

رن التليفون وشالته فاطمه ..

فاطمه : Oh hiiiii 3amyyyyy

تغريد : تحجي عدل لاااكفخج

فاطمه : يس عمي !

سعد : غلا قامت.؟

فاطمه: Yeah ،، تبيها؟

سعد : لا انا بسكر الحين لان المدير يبيني سمعيني فطيم .. اليوم يمكن يجي واحد من ربعي يتغدا ( انتبه من يلكم ) عطيني امج ولا غلا بسرعه

فاطمه قطت السماعه على امها

تغريد : هلا سعــــد ..

سعد : تغريد الشيخه واحد من الريع بيجي يتغدا اليوم تكفون سنعوا المجلس وتوصو فالغدا ..

تغريد : انشالله بس واحد

سعد : أي بس

تغريد : انشالله

سعد : يلا سلام ..

سكروا وقامت تغريد وراحت تسوي الغدا مع الخدم وسنعوا كل شي من وقت وجهزوا ..

غلا كانت سرحانه صج ولامعاهم كلش طرت عليها عاليه رفيجتها واتصلت لها ..

رن رن رن ..

شاله اخوها الصغير : الوووووووووووح مننن؟؟

غلا : هلا حبيبييييييييي جاااسم .. وين عاليه؟؟

راشد : هي انت تكلم من وتملق هات السماعه ،، ألووو !!

غلا تخرعت : الووو ، السلام عليكم ..

راشد : هلا الشيخه آسفين جاسم ماسك التليفون ويملق

غلا : لا عادي ،، موجوده عاليه؟؟

راشد : عاليه أي موجوده دقايق بس

راشد ينادي : عاااااااااااليه ،، ياعااااااااااااليه ،، ولييييييين وينها هذي

جاسم روح دورها وتموا ينادون وحاله

دخلت عاليه : ها ها شفيكم

جاسم : حااااي وحده تبيثثثثثثثثثث

راشد : غلا تبيج

عاليه لقت السماعه : هلا هلا هلا والله

غلا : وحشتينيييييييييي علوووووووووووووووووووووووووووووووووي

عاليه : وانتي اكثر يالخااااااااااايسه متى رديتي

غلا : امس بس مرينا بيت عمي وطولنا

عاليه : اها ،، شخبارج شمسويه شخبار التجيهزات

غلا : كل شي تمام حبي ، مري علي اليوم العصر وعقب المغرب عندي بروفا للفستان عفيييييييه ..

عاليه : انشالله انا بقول لامي وبتصل لج ..

غلا : اوكييييييييي

عاليه : هاا اخبار العروسه والعريس

غلا: جب

عاليه : تحجي

غلا : عاليه جب

عاليه : شفيج

غلا صاحت على التليفون

عاليه : حبيبتي غلا شفيج ليش تصيحين

غلا : اففففف مافيني شي

عاليه : يابعد عمري وسعي صدرج ياغلا كل شي يهون

غلا: تعبت علوي والله تعبت

عاليه : حبيبتي لاتقولين جي انشالله فيه الخير ماتدرين .!.

قعدوا يهذرون وتهدي فيها عاليه وسكروو

لطيفه كانت فجناحهم وقاعده تفجج شعرها ..

خالد : ها يمه ..

لطيفه : يلا يمه

خالد : يمه انا بروح الشاليهات مع ربعي ..

خالد : لا حبيبي ..

خالد : شنوووووووووو! ليش بالله؟

خالد : مرتك راده من السفر شلون تخليها؟

خالد : اعوذ بالله من الشيطان الرجيم ،، يمه تكفين ماله داعي هالأسلوب من الكلام خليني اروح الشاليهات

ولمن ارد يصير ستين الف خير ..

لطيفه : انا قلت لا يعني لا

خالد : يمه شفيييييييييييييج حرام عليج .. وطلع عنها ..

شافه عمر وهو مار بسرعه نادى عليه بس مارد خالد وطلع بره البيت وشغل السياره

وتم يسوق بسرعه وهو يدخن والتفكير كلى كل راااااااااااسه ومخه

كان يسوق ويدخن بسرعه جنوووونيه


شبيصير فخاااااااااااااالد؟؟

بيدعم؟؟؟

يموت؟؟؟؟؟؟؟
وشسالفة رفيج سعد ؟؟

جاي يخطب غلا؟؟

[Ǯyonk Dnyтe]

°¨*~¤¦ الفصل الثانـــــــي ¦¤*~¨°


خالد او ماطلع من البيت كان يسوق بسرعه جنووونيه ..

صاده الرادار وخفف من سرعته ..

ظاق عليه وسيـــــــــع هالكون كلــــــــــــــــه

متمللل زهقااان وده يطلع من ثيابه

(( اف اف اف كاااااابرت وسويت روحي بطل وشجاع واقدر على هالشي وانا ولااااااشي ولاشي ))

رن موبايله ورفعه من غير نفس

كان رقم رفيجه خليفه ..

خالد : الووو ، هلا

خليفه : هلاوين وينك يالشيخ؟ ساعه على مالقط خطك!

خالد : صج والله؟ مادري توني طالع ، ليش شالسالفه!

خليفه: ابد ربعنا من بوظبـــــي جووو اليوم ماتبي تسلم .!.

خاالد : اكييدين وينكم انتوا؟ (شافها فرصه يغير جوو) ..

خليفه : احنا الله يسلمك فالبيت توهم واصلين لكن باجر من الصبح بنمشي للشمال والخور وهلم مجره

خالد : ياكرهك لابديت تملق وتسوي روحك فصيح

خليفه : كل تبن

خالد : اموت على المأدب

خليفه : هههههههههههههههه آه يالنذل

خالد : ههههههههه يلا حبيبي سلام

خليفه : مالت عليك الشرهه علي

خالد : شررررررررطي جدامي ول

خليفه : سلاااام ..

وسكروا .. كلمها الشرطي له بمخالفتين غير الرادار ..

يسوق من غير حززام و يتكلم بالموبايل ..

خالد وايد انه خذهم جعمزهم وحذفهم فبوكس السياره

حرك سيارته بيرد البيت وحس انه مستانس اشتاق لطلعاته مع ربعه من الصبح ومايرد الا بالليل

حس انه صار دايما فالبيت لا طلعه ولاشي ..

.* اليــــــــــوم الثانــــــــي *.

خالد من زود الوناسه صلى الفجر وتم صاحي ..

رجع من المسجد ودار فالبيت ماكو مسلسل او فلم ييتابعه ..

شبك النت وتم يحوس ويحوس تملل وسكر اللاب توب ..

شاف الساعه لقاها خمس ..

نزل والخدامات توهم صاحين يسوون الريوق ويرتبون ويحس بنشاط واحساس روعه

قعد فالصاله مالت الحريم كان يحبها كلها قزاز واالوانها فريحيه ..

قعد يفكر بعمره ..

(( انا الحين خاطب ، متزوج ! يعني جريب عرسي وبكون لي عايله..
ياااه انا كفو ولا؟ اقدر اهني هاليتيمه ولا بظلمها؟ ))

الخدامه نطت وقطعت عليه خرعته : MR Do you want break fast?

خالد : بسم الله ،، حسبي الله عليج مابي .nut now

الخدامه : Ok

رجــــــــــع يفكر ويفكر ويفكر ..

راح ونزل للمسبح دخل غرف التبديل دور شورته دور عفس المكان ولقاه اخيراً

قط ملابسه ولبسه وطب فالبرجه الماي كان بااااارد

حتى لمن طب خالد صرخ آآآآآآآآآخ ،، أوووووف ,, أح

قعد يتسبح ويقوم يناقز ويبتكر حركات ..

ظرب الانتر كوم وردت الخدامه وقال لها تجيب الريوق المسبح ..

ييييييييه والله مرفه عن روحك

سوت له الريوق الي يحبه .

كان يحب التوست يحمصونه فالزبده ويدهنونه بالجام

مع البلاك كوفي فور شورر ..

حطت له قطعة كيك داخلها ايس كريم (يمي) ..

طلع من المسبح خالد ونشف روحه وقعد ياكل

خلص من الريوق بقت الكيكه ماكلها

رجع نفسه لورا وحط الزقاره .

تم يولع بالولاعه ماتشتغل تنرفز حذفها وحذف الزقاره من حلجه

خذ الكيكه وقعد ياكلها شاف انه خلصها فأقل من ثانيه

لبس روب وطلع بسرعه وراح لداخل الفيلا ..

صعد لداره وتسبح وتم يغني من داخل الحمام بهالشعور الرائع اللي عايشه اليوم ..


الزيين هذا حلو وزين
زاهي بلا عقد وقلايد
مزيون يسبي القلب والعين
فيه الحسن والزين زايد

قعد يغير ويغني بكيفه ..

اشتكي لوسادتي
ويشتكي لي موجعي
على خدودي دمعتي
حزين بعدك مسمعي

اهيء اهيء

طاااااالت مشاوير الألم
تعبت من جرح الندم
مليت من ليل السهر
والخبر نفس الخبر .!.


طلع من الحمام وكشخ بالثوب القطري والترمبـه ولبس النظاره عااكسه << يارووووووحي ..

تعطر وقعد يدور بدرجه لين ماحصل ولاعه حطها بمخباته وشاف ساعته

خالد : يوووه شفيه الوقت سنه لين مايمشي اف

راح لدار عمر لقى عمر شاري عود مايدري من متى عنده !!

خالد : اوه عندك عود !

عمر : من زمان بس ماعرف له

خالد : اهااا ، زين امش معاي اليوم بطلع

عمر : وين ؟

خالد : ربعنا من بوظبي جو الدوحه بنروح نطلعهم

عمر : لا مالي نفس

خالد : يلا عاد عمير

عمر : والله مالي خلق بروح بنكد عليك ساكت ومالي حس خلني فالبيت احسن ، يمكن يجيني واحد من ربعي اليوم

خالد : اللي تشوفه حبيبي قلبي ..

ظحك خالد لاخوه وحب راسه وطلع ..

خالد : اذا سالت عني امي قولو لها Call him

عمر : اههه انشالله ..

خالد ينزل النظاره وتبين عيونه كان شكلهم عذااااااااااااب وغمز لعمر : سلام

عمر يرفع يده : الله وياك

ركب سيارته وشغلها خلاها تحر وشغل المكيف عشان تبرد

طلع لبره الشارع كان قريب من فريجهم دكاان

راح وشرى قوطي جبريت صغير احتياط يحاتي الزقاير وشرى علبة زقاير وبيبسي

ركب السياره وهو يحس انه نشيط حده مسك تليفونه واتصل لغـلا

غلا كانت نايمه شافت رقم خالد تخلبصت شتسوي ترد ولا؟

قلبها تم يدق ..

سكت الموبايل ورجعت نامت

خالد : مع ويهي متصل هالحزه ههههههه صج اني اثول ..

فتح قوطي البيبسي وشرب شوي

قعد يدور على السيديات شافها بعيده عيزان يجيبها

شاف شريط عبدالمجيد ودعسه


ترا العقل نعمه
وذا عيبك انتي
غزالةٍ تسرح
على وين مايكون
ماعاد عندي
الا ماسمعتي
لوتصبرين شوي
يمكن يزيدون..


خالد : لاا والله احلف ..!

طلع الشريط وحط واحد هو مسويه ..


لعيـــــــــــــونها
بس لعيونها
قلبي ســـــــراب
بدوونـها
قلبي سرااااب
عيني سرااااب
ماقول اعشقها بعقل
مجنوووونها
مجنوووووووووووووووونها

خالد يغني معااه ..

تتوقعون شسالفة خالد؟

مركز هاليومين حيل على سالفة الحب ؟؟

ماعليناا

وصل لعند ربعه ولقاهم كلهم قاعدين ..

سلم وقعد معاهم شوي ..

خليفه : ها خويلد كم سياره نطلع ؟.

خالد : على راحتكم اشوف 2 احسن

خليفه قعد يحسبهم : واحد ، اثنين ، ثلاثه ، اربعه ، خمسه ،، لالا يبي لنا باص

خالد : ههههههههههههههههههه اذكر ربك

كانوا : ( خالد ، خليفه ، راشد ، سعيد ، ناصر ، محمد ، يوسف ، حسن ، قاسم < ينادونه جاسم ، عيد ، فهد )

خالد ركب معاه سعيد و جاسم وفهد و يوسف ..

وخليفه ركب راشد ناصر محمد حسن وعيد ..

مشوا وتموا يورونهم مناطق الدوحه كلها الزباره والشمال..

واذن عليهم العصر صلوها كلهم جماعه هناك ..

ومشوا الخور واظلم الوقت عليهم ..

قعدوا وشبوا الضوا وقعدوا المكان كان منور اصلآ فيه ليتات بس شبوا الضو

خالد : الا بنشدك فهد ..

فهد : لبيـه

خالد : لبى قلبك ، قوم يول انت وخليفه شوي

خليفه : ههههههههههههههههههههههههههههههه اخس عليك انا ايول شعرفني

خالد : الصراحه بدون تلميحات ههههههه علموني ايول

قاسم وعيد : ابشر ..

نبشوا بالسياره وطلعوا خيازرين

خالد : ههههههههههههههههههههههههههههههههههههه

عيد : شوبلاك تظحك علينا؟

خالد : من الحين عشان اذا غلطت ماتظحكون علي

ناصر : ههههههههه والله انك جنيت ياخالد

راشد : يلا بويه حطوا لنا شي نيول عِـليه ..

ناصر راح وحط لهم اغنية راشد الماجد وميحد (وصيت قلبي) ..

عيد : لالا غيرها الله يخليك ..

حط لهم اغنية الماجد (متكبر علينا) ..

خالد : ههههههههههههههههههه يالله بسم الله


"يعني يعني ماودك تجينا يعني
متكبر علينا يعني متكبر عليناااا" ..

يعني ماودك تجينا
يعني متكبر علينا
صرت متغير وقاسي
صرت حتى تشك فينا
مانسينا الماضي والله
و ع جفاك يعين الله
وان نسيتوا بشكي الله
وان هويتونا هوينا
حط نفسك في مكاني
كيف بتحمل زماني؟
جرب احساسك عشاني
قول والباقي علينا ..
صدق حبيتك ياغالي
واسهر عشانك ليالي
كيف انسى ذا محالي
ومن العواذل ماعلينا



قعدوا يعلمون خالد وكيف معاهم وصار ييييول واحسن منهم بعد

استانس وقعدوا

خليفه : ماتبون نرجع ؟

ناصر: أي والله ماحسبنا حساب الاكل

خالد : وانت همك بطنك

ناصر : يييييه

قعدوا يسولفون شوي وبيمشون

خالد قعد يدخن ورن موبايله شافه ( غـلا ) ..

قام وراح عنهم بعيد

خالد بصوته المبحوح : الووو ..

غلا: هلا خالــــــد

خالد : هلا والله ، شخبارج غلا؟

غلا: تمام انت شخبارك ؟

خالد : الله يسلمج وينج ها نايمه

غلا تظحك : هههههه

خالد ظحك بعد ..

غلا: وينك الحين !

خالد : والله طالع مع ربعي كنت بمر البيت العود الصبح بس مارديتي وطلعت

غلا : اهااا وين رحتوا؟

خالد : والله ماكو ربعنا من بوظبي ونمشيهم بقطر ..

غلا: اااهاا ، خلاص عيل اخليك معاهم ..

خالد بجديه : لالالا

غلا فتحت عينها (ها)! : ليش

خالد وعى لنفسه : ها لا ولاشي خلاص عيل اكلمج وقت ثاني انشالله ..

غلا : انشالله ..

خالد بصوت واطي: ديري بالج على نفسج

غلا اسسسسسسسستحت : =) انشالله وانت بعد

خالد : يلا مع السلامه

غلا: الله وياك

وسكروا خالد تم يطالع الموبايل ..

خليفه : أي أي بعد

خالد يحذف عليه حصى : هههههههههههههههههههههههههه انجب

خليفه يغمز له ..: في عيني اليمنى من الورد بستاان ،، وفعيني اليسرررى عجااج السنييين

خالد يكمل : تهزمني النجلا وانا ند فرسااااااااااان ، واخفي طعوني (يمسك قلبه) والمحببه تبيني

سعيد : شوبلاه هذا ؟

خليفه : ههههههههههههههههههه ماعليك مجنون

خالد : افا ياخلفوه انا صرت مجنون

بعدها بشوي ،، خالد : يلا يلا قومو مشيناااااااااااا يبا


وداهم خالد لجيليز وتعشوا فيه ..

عمر كان قاعد بداره ويدندن على العود

زهقاااااااااان ..



-----------------------------------------------------------------

[Ǯyonk Dnyтe]

.* ثانــي يوم *.



عمر كان قايم الصبح وهو شوي متناسي اللي صار ,,

يبي يروح عن روحه ..

طلع من الحمام واتصل لرفيجه عشان يطلعون ..

غلا قامت وطلعت مع عمتها وعاليه راحوا اللاند مارك ..

عمر كان توه طالع من هاقن-دار مع رفيجه

تجمد يوم شاف عمته @@ وغلااااااااا !

تدوده حده ماعرف شيسوي ..

تركي : شفيك ياعمر ؟؟

عمر : لا ولاشي خلاص خلنطلع ..

تركي :تونا يايبا

عمر : امش تركي

تركي : شصاير.؟؟

عمر : تمشي ولا اطلع بروحي؟

تركي : يلا يلا امش

طلع عمر وهو طول الوقت يمشي وعينه فالارض

طلعوا وركبوا السياره وهو مسند راسه ..

تركي : انت ماتقولي شفيك

عمر : مافيني شي

تركي : الا فيك تحجى

عمر : مافيني تركي خلني الحين

تركي هز راسه : وانت لين متى بتم جي

تسند عمر وقعد تركي يدور معاه بالشوارع


عمر : تركــــــــــــي

تركي : هلا

عمر : اف عيوني وايد تحرقني خنروح المستشفى

تركي: بسم الله عليك دقييقه بس

ووبسرعه ودوه للمستشفى ..

تم تركي ينطر ينطر ينطر صارت نص ساعه اففففف زهق شفيه عمر

اتصلت ام تركي تشوف ولدها وين قالها مع رفيجه وبيردون بعد شوي

صارت ساعه ..

طلع الدكتور ..

تركي : شفيه عمر يادكتور ؟؟

الدكتور : انت من اهله ؟؟

تركي : انا رفيجه ..

الدكتور : الجفاف زايد بعينه

تركي : ليش هو فيه جفاف اصلآ ؟

الدكتور : ممكن تلكم لنا احد من اهله يجي ؟؟

تركي : انشالله

قعد يدور رقم اخوه خالد وهو متوتر ويتنفس بسرعه ..

يرن يرن يرن

خالد : الوووووووووووووووووووووو

تركي : الو خااالد انا تركي

خالد : من تركي؟

تركي : انا تركي رفيج عمر

خالد : هلا تركي شخبارك ؟

تركي : انا تمام بسرعه تعال المستشفى

خالد : ها ليييش شالسالفه شصاير؟؟؟؟؟؟؟؟

تركي: عمر عينه حرقته ووديته والدكتور يبي حد من هله

خالد : جااااااايكم

جاهم خالد بسرعه حتى مابدل بالثوب بس

يراكض بسرعه ولقى تركي اخيرآ

خالد يهزه من جتوفه : شفيه عمرررررررررر

تركي تخرع : مادري روح للدكتور شفيك علي

خالد راح للدكتور ..

الدكتور: ولدكم الجفاف شوي زاد عنده وصار عنده مثل الحرقه بعينه وضعف بالنظر ..

خالد : شنو يعني شالحل؟

الدكتور : عادي فتره وبتعدي بس الجفاف احتمال يرجع وضعف النظر نلبسه نظاره

خالد : أي شي يادكتور أي شي بس اخوي مايصير فيه شي

الدكتور : لاتخاف مافي شي مستعصي علينا

خالد : اوف ........


اتصل خالد لابوه وجو تمو نص ساعه وطلعهم الدكتور ..



شبيواجه عمر وخالد وغلا بعد ؟؟

[Ǯyonk Dnyтe]

°¨*~¤¦ الفصل الثالــــــــث ¦¤*~¨°

خالد رجع مع عمر اخوه البيت بعد ماودعو (تركي) ..

رجع خالد البيت وهو لأول مره جي يصرخ ويزعق
وينفخ عليهم يتأفأف ، كان معصب حده مايعرف من شنو !!

خالد : يمممممممه مب رايح وقت اللي ابي اروح بروح ماتغصبوني
لطيفه : لا والله تكسر كلمتي وانا امك
خالد: ماكسرتها قلت لج متى مافظيت بروح لها مهي طايره وين بتروح يعني
لطيفه : قصر حسك ابوك هني لايسمع اللي تقوله
خالد يروح يوقف عند الدرج

خالد : ياااااااريته يسمع ياريت يسمع اني مابي انا مابي ياناااااااس تعبت والله تعبت
لطيفه : هين ياخويلد هين ، انا امك تكلمني بهالطريقه تصرخ وتعلي صوتك علي والله وعرفت اربي
خالد : يمممه ربيتي رجاجيل تهز المكان لكن ماعلمتيهم شلون يثبتون كلمتهم ورايهم

لطيفه رفعت حاجب وقالت له بعصبيه : جـــــــــــــــــــــــــــب !

خـآلد فتتتح عيييينـــه !!
لمعت عينه وابتسم

خالد : حاضر يمه ، آســــف ..

راح لداره وقعد متظايق طلع زقايره وقعد يدخن
الباكيت كان توه خذ منه 3 وكمل اللي بقو

احتشرت داره بريحة دخان الزقاير ..
طفى المكيف وفتح الدرايش ..
قعد يسوي الستاره وشاف القمر ..
حط راسه عليها وقعد يطالع ..
اف شلون جي حالة الواحد بين يوم وليلـــه تنقلب حالته !
توني متونس مع ربعي والحين ودي اطلع من ثيابي
يالله يارب انك تزيح عني هالهم
شاف صبي طالع من المسيد
دخل الحمام وتسبح ، طلع ..
لبس ثوب وحط قحفيته وراح للمسيد
قعد يصلي ويدعي الله ويقرا قرآن
فكل سجده يدعي الله يسهل عليه حياته وينور درب عمر
سند راسه على اسطوانه فالمسجد وهو يطرقع صبع رجله حس صدره تعبان
رفع ساعته شافها 11 ..!

طلع من المسيد وكان هو بروحه اللي طالع
حس براحه مب طبيعيه فيه
يحس كل شي بااااارد وهادي
قعد يمشي وصل البيت وراح داره

قط عمره على سريره

خالد : آآآآآخ .. والله تعب
مد يده وتناول موبايله شاف مسد كول من ( غـلا ) ..

خالد : اوف هاي غلا ، شفيها!! بووه انا قلت برد اتصل ماتصلت ، معقوله!!!

اتصل خالد

رن

رن رن

رن رن رن

غلا بصوتها الناعم : الـــو !
خالد : هلا والله ..
غلا : أهليييين هلا خالد
خالد : هلا بغلا ، شخبارج؟
غلا : الله يسلمك بخير انتوا شمسوين؟
خالد : والله بخير دام سمعنا صوتج
غلا ظحكت ..
خالد : اقوول سميي شلونه
غلا استغربت خالد رجع مثل قبل شصاير؟؟
غلا: ههههه تمااام قام يحبي
خالد : لا والله !
غلا : ههه أي والله
خالد : باجر خميس ويمكن يجونكم لازم اشوووفه
غلا : هههههههههههههه هوو بس!
خالد (آخ ياقلبـي) : لا مو بس
غلا ظحكت
خالد : أكيد أبي أشوفج
غلا انصدمت قالتها صج صج عن غشمره تحس الكلمه سكتتها
ماعرفت شتقول وارتبكت ظحكت
تمو يسولفون ويخربطون وبعدها غلا سكرت منه وهو بعد ..
ارتاح خاااااااااااالد حيل
لبس بجامه شورت اسود وتيشيرت ابيض عليه (TazZz) ..
حط راسه على المخده وناااااااااام

غلا كانت نازله من على الددرج وتحاجي عمتها تغريد
وعمها سعد صوت : غلا !! تعالي شوفي خلودي
غلا شافته واستااانست حيل
نزلت له بسرعه
مادرت وشارت ريلها بالفستان
تبي تمسك بحدود الدرج بس بعاد عنها
تقررررررربست
وطاحت من الدري على رخااامه
ورن راسها على حدوده وانفتح
تم الدم يصــــــــب وغرقوا
سعد كان يرفعها يبي يشيلها بس الدم يغرقه ومايقدر

تغريد كانت تصرخ هي وسعد

ماكو أمل غلا راحت من بين يدهم والدليل الدم اللي غرقهم

وخلى ثوب عمها مزرق ومحمر من بعد ماكان أبيض !!!!!










































































صحى خالد بسررررررعه وهو متخرع من نومته

خالد : اوووووووف شهالحلم الخراااااااااا اعوذ بالله

-----------------------------------------------------------------

[Ǯyonk Dnyтe]

¨*~¤¦ الفصل الرابـــــــع ¦¤*~¨°



.* مر على هالكلام 3 أشهر *.


فتحت تغريد الباب وهي شايله طقم خفيف فعلبته لغلا

غلا كانو يحطون لها الميك اب داخل وهم مسوين لها جو ريلاكس على الآخر

مايبونها تحس بأي توووتر نهائي

حاطين سلو ميوزك ومساج ليدها وريلها ويمكيوجنها ..

غلا كانت هاديه وتحس انها ماتحس بولاشي

ميته حيـل لافرحانه ولاحزينه ولاكارهه شي بس ماتحس كلش

مكيوجها وطلعت قمر ..

خلصوا كل شي لها وطلعوا

دخلت تغريد : الللللله شهالزين غلوووي شحلاتتج

غلا ابتسمت

غلا : عمتي ماتحسين وايد المكياج ؟

مكياجها كان مناسب حيل هادي ولعمرها فريحيه الوانها

تغريد : امبلا يبي له كفين ويتعدل

غلا :ههههههههههههههههههههههههههههههههههه

دخلت عاليه وهي لابسه فستان عنااابي ومسويه شعرها ويفي والقذله طايحه على عينها

كانت طالعه فتانه بهاليوم عاليه ..

وفاطمه كانت لابسه الفيروزي والأخضر طالعه كيوووووووت

تغريد لابسه أحمر وفوشي مولعه من التماااااااااام

عليا خطيبة سعد << باركتوا لهم ؟؟؟

كانت لابسه فستان فوشي حرير ومن جدام فيه نفس القطعه كلها كرستال

طالعه نعوووووووومه حدها ..

حشرة القاعه والناس كلها هدت لما وطو على الليتات وركزوا على باب القاعه

بدت القلوب تدق شوي شوي

زفتها كانت مكتوبه لها وألحانها حلوه وهاديه ترووي القلوووب بعذوبة كلماتها ..

انفتح الباب وشع نور غلا عليهم

غلا قبل لايفتحون الباب كانت تبي الروع يوخر عنها بدت تنكت لعاليه

غلا : برفع فستاني وبشرد مثل اللي بالفلم

عاليه : ههههههه ذكري ربج

غلا : ولا بسوي مثل محبوبه بخالتي قماشه

عاليه : لا والله استخفت غلوي

غلا : بطرش حد غيري ،،

بعد صمت

خايفه عالييييييييييييييييييه

عاليه : اوش حبيبي

فتحوه وكل العيون توجهت عليه ..

العيون بدت تاكلها من كثر مايطالعونها

وهي تنشر ابتسامتها بخوووف تحس انها ظعييفه

كانت الفلوس والورد يطير فالجو ويحل عليهم

عيونها كانت طالعه شي عجيييب فهاليوم سوود ويلمعوووووووون

القاعه كانت على التصميم الملكي ..

نفس البطاقه مسوين كوشتها كلها ورد احمر والقاعه يشغلها الاحمر ..

بس دخلت غلا شغوا مكاين تطلع روايح ياسمين وينزل عليهم مثل الـ Snow

الستيج كان طويل لانهم ماخذين قاعه كامله وكانت كبيره

وكان شفاف وحاطين فيه ماي وورود حمر وشموع ..

غلا كانت ميته خوف وتقول انا متيه بكسر الستيح وبطيح فالماي

هههههههههههههههههههههههههههههه

تخيلوووووووووووو !! اماااااااااا

قعدت غلا وتمو الناس تجيها تسلم وتبارك

ركزوا الكام عليها وحطوا صورها ..

عاليه تصاصرها : مالت عليج شحلوج

غلا ابتسمت

غلا : ترا انا الصيحه فبلعومي

عاليه : مااااسمع

غلا تمت تعيد بس ماسمعتها

قعدوا يصورون غلا وياخذون لها صور وطالعه تجنن

مستحيه ، صغيره ، ناعمه

وايد حلوه

بياض جسمها كان طالع فناااااااان


تغطوا الحريم ودخل وسيم العاااااااااااااايله

خالد بن سعود

كان طالع مب طبيعي اليوم يجنن يجنن يجنن حلوووووو << اللي يقول شايفته خخخ

عاليه وفاطمه شبصوا فبعض يطالعونه هههههههه

كان لابس ثوب دق خفيف على الرقبه وبشت اسود ودخل معاه

عمر اخوه

يزف اخوه على حبه اللي ضاع

باااااال تخيلوا

عمر كاان منغص ومبين عليه عيونه تلمع ومبين عليه حزين

خالد كان شحلاته محلق ومحدد زلفه والقفل اسوووووووود وعيونه جنهم مكحلات من غلض الرموش

عمر كانت حدة ملامحه ذبحت البنات ولا عيونه كانت طالعه حلوه ولو انها حزينه

خالد كان يمشي مع ابوه واخوه وعمه ..

كانو يكتون عليه الفلوس والمشموووم والشكل رووعه

دخلوا شباااب لعايله حتى شوي

واستنزلو

رزيف وحاله بس ماطولو كشهم سعد هههههههه

عمر يحس قلبه طار من بين ضلوووعه

اففففففف ماقدر والله احس بموت ياربي شسوي ياربي عيني

وصلوا وقربوا لغلا

وقفوا وسلم على اخوه وخالد شاف دموع عمر وباس جبينه

عمر بصوت حزين : مبروك يابنت عمي

غلا فتحت عينها (عمر!!!!! انت هني؟؟ شجاي تسوي؟ الله يخليكم بسسسسسسسسسسسسس)

سلموا على بعض ووقفه خالد وصور معاه صوره

وبعدها طلع

لمح عاليه تكلم امه بس مشى طنش وراح

حس انه قلبه هناك يبي يرد ياخذه ويطلع

اففففففففففففففففففف شاسوي ياربي

شهالحااااااااااااااااله

الله يعيييييييييييييييييييني

قعد خالد فكراسي بره القاعه كلش

قعد يفكر وهو حزين

تدرون من شافه ..؟

راشد اخو عاليه نزل اخته وقعد بره بنفس المكان متملل

راشد كان طبعه حنوون

مايقدر يشوف حد متظايق ويسكت

راح له

راشد : ممكن اقعد ؟

عمر استغرب : أي تفضل ، استريح !!

قعد راشد : قطري الشيخ؟

عمر : أي وانت

راشد : انا راشد ومن قطر ..

عمر : عاشت الاسامي والله ، انا عمر

راشد : عاشت ايامك ..

قعدوا شوي وعمر خجلان

راشد : ماتقولي ياخوك ليش متظايق؟

عمر : مادري والله

راشد : باين عليك مهمووم وحزين وماقدر اشوفك جذي واخليك

عمر : تسلم لي والله لا ماعليك شوي واطخ

راشد : اشوى طمنتني ، خلاص يالشيخ مانطول عليك استأذن انا

عمر : وين تو الناس ماعرفناك

راشد : الجايات اكثر ، تحمل بروحك

وطلع وراح راشد وتم عمر وهو يهوس على راسه

يحس روحه خلصت

تعبااااااان يحس لو قام بينهد حيله

طلب قهوه وكيك وقعد ياكلهم

يسمع صوت الاغاني وقلبه يعوره حييييييييييييييييل

دمعت عينه ونزل غترته على جنب عشان محد يشوفها

قعد يمسح دموعه وحرقته عينه زود

راح الحممام وحط ماي بارد خفوا شوي

خالد رفع طرحة غلا

خالد ( اااااه ياربي انا قلبي رهيف )

قرب منها وحب راسها

خالد : الف مبروك

غلا وهي منزله عينها وخدودها حمررررررررررررررررررررررر

غلا : يبارك فيك

قربوا 2 شايلين باقه كبيييييييييييييييييييييييييييييييييييييييييييييييي ييييييييره

وسطها عقد غلا اللي مسوينه لها فصخوها الطقم العادي ولبسوها الطقم الثجيل

غلا تفاجأت لما شافته وشافت الاسم عجبها التصميييم

كان روووعه قعد خالد يلبسها ومعاه تغريد ..

لما خلص حب راسها مره ثانيه وقعدوا


-----------------------------------------------------------------

[Ǯyonk Dnyтe]

ركزوا عليهم وحطوهم على الشاشه ثنينهم

وحطوا صورهم لما كانو صغار وخالد فقع ظحك على صوره له

كان لابس حمالات حمر وحاطين له خشم مهرج وهو يشهق

غلا ظحكت وحطوا صورها

وحطوا صورهم لما كبروا

كانت في صوره فناااااااااانه لخالد

مصور بالشدو بس نص جسمه وهم مخلين شعره جنه متسبح وبس لابس بنطلون

هو افتشل من قلب وين لقوا هالصور؟؟ هو خاشهم

وصوره لغلا لابسه فستان احمممممممممر طالعه روعه فالصوره

وصورها وهي صغيرره

العيون كلها كانت عليهم ويطالعونهممم

خالد كل شوي يكلم غلا ويظحكها

كان شكلهم حلو موت على الكوشه

مناسبين لبعض شكلاً بس مضموناً ؟؟

محد يدري

خالد بيحب غلا ؟

بيكرهها؟؟

يجاملها بس ؟؟



محد يدري

غلا كانت متخرررررعه حيل لان الناس بدت شوي شوي تجي تسلم

وتطلع

جابو لهم كيييكه كبيره 5 طوابق

وفوق عليها صوره لغلا وخالد مع بعض هم مدخلينها

خالد حط يده فوق يد غلا وقصوها ..

خالد كلش مابغى ياكل ولا يأكلها استتتتتتتحى

خالد كان شكله فظييع هو وغلا

الاضاءه مطلعه عيونهم روعه

يعني اللي يشوفهم ينتبه لوسع عيونهم جذااااابه فيها كلام حلووو

القاعه شوي شوي تخف الناس منها

جات عاليه وسلمت عليها وصيحت غلا وطلعت عنها وهي بعد تنشف دموعها

صار الوقت اللي غلا خايفه منه

بتروح هي وخالد بسسسسسسسسس

دار وحده

مكان واحد

والباب مقفول عليهم

هيييييييييييييييييي ياويلي والله بموت

غلا دمعت عينها

وينج يمه ؟

احلى ايام البنت فترة عرسها ومع امها

ااااخ يايييمه لو انتي وياي بس


قطه تفكيرها



خالد : يلا غلا مشينا !

غلا تطالع بعيونها وهو انكفخ (ماشالله على هالعيون ياناس) : يلا هاتي يدج

قامت غلا وهي ماسكه فيد خالد والبوكيه صوب ثاني

راحوا مع بعض ومعاهم اهلهم

وصلوا لباب الغرفه وغلا ميييييييييته متخرعه

ماتبي تتم تبي تروح وياهم

غلا قعدت تقرا المعوذات وهي متخرعه ..

قلبها يدق يدق يدق يدق

دخلت ودخل خالد وراها

وهي متخلبصه من الزين ..

قعدت على طرف السرير قط خالد بشته وعدل غترته وقعد قبال غلا

يدقق فيها لاول مره

خالد بمكر : مبروك عليج ياعروس

غلا بخجل ونعومه : يبارك فيك

خالد قعد يطقطق اصابعه وغلا مرتبكه حدها تلعب فالباقه

وقف شالت ذيل الفستان وحطته على السرير والباقه فوقه ..

خالد : ماتبين تبدلين ؟؟

غلا بخجل : بلا ، ابي

خالد : خلاص عيل انا بدخل الحمام

غلا نزلت عينها : اوكيــــــه ..

فقل خالد الباب وغلا صكت عينها ( واااااااااااااي ياربي لالالالا ماقدر فشله وربي )

شالت طرحتها وفتحت التسريحه البسيطه وانفل شعرها وانكت على جتوفها

وفستانها الحرير ..

رفعت عينها وتمت تناظر العقد

مب طبيعي حلووووووووووو

تقرا غلا خالد

ياه ياخالد صج انا غلاك ؟؟

اف والله انا ماعرف ماعرف ماعرف ..

بدلت ملابسها غلا ولبست قميص نوم عنابي وشالت مكياجها خفففته حيييييييييييييييييييل

وفصخت الطقم

رشت عطر وطلع خالد كان لابس بجاما بيضا وطالعه روعه عليه

توه محلق وجي فرش والبجامه كووووووووووووول عليه حدها



( نياهاهاها ) ..


خالد ظحك لها وحط ملابسه وقعد معاها على السوفا ...

خالد كان يبي يحاورها وتصارحه بكل شي اليوم والليله عن كل شي فقلبها ..

قرب منها خالد وصار مايفصل بينهم غير ركبهم ..

تتوقعووون شبيقووول لهــآ !؟
آو هيييي شبتقوووول !!
------------------------------------------------------------------------------

[Ǯyonk Dnyтe]

خالد : غلا !

غلا : هلا ؟

خالد : غلا خنصارح بعض شرايج؟

غلا : شلون يعني ، عن شنو تقصد ؟

خالد : كل اللي في قلبج طلعيه لي وقوليه لاتخشين علي

اعتبري انج تكلمين روحج ، منظرتج وقولي اللي تبين تقولينه ..

غلا : مااعرف خالد ، اسالني زين وبجاوبك

خالد : غلا حبيبتي سمعي ، انا علاقتج مع عمر ماكنت ابي اقطعها كلش لان انا مثلي مثلكم اللي صار ماكان لي أي ذنب فيه والله يشهد على كل كلمه تطلع مني فهاليوم ياغلا اذا كانت صج ولا ..
انا عمر لما قالي عنكم كنت فرحان لأن اخوي اخيرآ طلع من عقده وصار يعيش قصة حب
كان يكلمني عنها وانا لاشعوريآ احسده احسه اكثر واحد قلبه ينبض مع من يحبه
انا لمن قالي كنت ابي اسعي وياه واوفق بينكم لكن ياغلا كل شي صار واحنا ماندري عنه
انا صدقيني انا انسان بتلقين فيه شلال مشااعر ماقولج هذا وانا افاخر بعمري
بس انا طبعي جذي ،، من الصعب احل محل عمر (يتنهد ) لان عمر كان فيوم ،،،، حبيبج ..
وانا ماعرفتج مثله عشان احبج ، كل مشاعري لج كانت اخوه وموده يابنت عمي ..
بس انتي ياغلا صرتي مرتي ، لـي . فاهمتني .!

غلا كانت تبلع ريجها وعيونها تدمع وقلبها يدق ترجف : أي

خالد بمرح : ماقلتي لي عن الل فقلبج انا خلصت كلام الدنيا كله ههه
غلا : ههه ، من عقب كلامك ياخالد مافي كلام ..
رفعت عينها بعينها وخالد انصدم من الي شافه
ناعمممه مووووووت وحلوه ماتوقع غلا بنت عمه جذيه فيوم !

غلا : انا صج حبيت عمر وتمنينا نكون لبعض بس كل هاي ياخالد ماضي
وانت قلت انا خلاص صرت على ذمتك .. يعني

خالد يمسك يدها : الله يخليج لي ياغلا
غلا استحت ولمت خالد بقو وصاااااحت ماتدري ليش

خالد : افا يالغلا ليش تصيحين
غلا ماترد عليه .. خالد عدلها
خالد : ليش هالدموع ؟ انا واحد ماحب الدموع اكرهها

غلا : انا ياخالد حظي حلو لكنه شين

خالد فهم كلامها
وبس حاول يهديها

خالد : انتي حظج ولاالف بنت تتمناه ، ماشالله عليج جمال وكمال والكمال لله كل شي تبينه
رهن اشارة صبعج

غلا استحت منه خالد قربها وحطت راسها عليه ونااامت هههه

خالد تم يظحك عليها حسها بريئـــــه حيل مسح على شعرها وشالها

حطها على السرير وتم يشوف ويهها تشبه امها بس هي عيونها كبار

قرب من ويهها حييييييييل وباس جبينها بشويش


غطاها وتم يظحك على سالفته تنام عنه بليلة عرسهم ، بسسس ..

نام جنبها وهو مرتاااااح


حس بكلام كان يسمعه وايد صار صج

ان غلا صارت نصه مو نصه نصه جزء من نصه ..


نام خالد ..



الصبح ..

قام خالد قبلها كانت توها الشمس تطلع ..

راح الحمام غسل وطلع فتح البلكونه وقعد يطالع الدنيا وهو يقرم تفاح

قامت غلا بعده ودخلت الحمام غسلت وطلعت عدلت شكلها شوي وتعطرت وعدلت شعرها بيدها وطلعت

غلا طلعت لخالد فالبلكونه وهي راده جسمها على الباب

خالد اول مره يشوف غلا جي

حلييييييييييييلها قصيرونه وضعيفونه لكن حلوه ههههههه

خالد بابتسامته العذبه : صبــاح الخيـر

غلا بحمرة خدودها : صباح النور خالد

راحت وقفت حذاه ومسك يدها ..

غلا استحت وايييييييييييد وايد تبي تشيل يدها بس هو .. .. ..

خالد : اليوم سفرتنا غلا ..

غلا : متى ؟

خالد : الساعه 12

غلا : الظهر !

خالد : Yup

غلا : ههه ..

خالد ابتسم لها ..

غلا : خلاص عيل اروح اسوي الاغراض على شان نطلع من هني للبيت العود والمطار

خالد : تامرين امر ..

غلا استحت وابتسمت وشردت من خالد

خالد : وييييييين انشالله

غلا بدلع : خالـــــــــد

خالد انصدم (الملعووونه شهالدلع ) : هههههه تشردين ها بجي وياج

غلا : شبتسوي يعني ترتب معاي

خالد : مو مرتي؟ اتعبج يعني؟

غلا سكتت بلعت ريجها ماكانت اشيا وايد

سوو كل شوي وغلا كل شوي تشوف خالد ولمن يرفع عينها تشيلهم

كان طالع وسيم حيـل

بدلت ولبست تنوره جينز فيها شيفون احمر معاها قميص احمر ظيج

كحلت عيونها ماحطت روج احمر حطت قلوس خفيف وطلع شكلها نااااااااااااااااااااعم موت

رفعت نص شعرها وجابته على جنب ،، لبست شغابه الماس فيها الالماس ابيض واحمر
مع السلسله واالخاتم واسوارته ..

طلعت وشافت خالد وهو يسكر ساعته

خالد : ياسلاااام ، شهالزين

غلا افتششششششلت اكيد يتطنز

خالد : مايصير جي بعدين يقولون وحده حلوه متوهقه فجيكر

غلا عصبت صج شنو جيكر اذا هو جيكر من الحلو واللللله !

غلاا : لا عاد

خالد ينطرها تكمل

غلا : تأأأأخرنا

خالد خبث عليها : ماااااشي يلا البوي بيجي يشيل الشناط وهو شال شنطه فيها طقم غلا

وطلعوا بعد ماتريقوا فالدار ,,

ركبوا السياره وكانت الساعه تسع ..

راح خالد البيت العود وكان معدل ومزين

دخلوا البيت وكانت ريحة البخور تهب عليهم والحشره اهلهم كلهم موجودين

خالد يتنحنح وغلا وراه قطت غشوتها ..

طلعت لهم فاطمه بدون شيله مادرت انه خالد وردت بسرعه

خالد ظحك عليها وغلا بعد

علي : الله الله خاااااااااااااااالد انت هنيييييييييييييييييي

خالد شاله : هههههه هلا هلا حبيب قلبي وينهم عيل

علي : منااااااااااكي

خالد : مناكي هاا ، روح شوف اذا في حريم

علي : مناكيييييييييي اهمااااا

خالد : انا احاجي من بالله ، تعالي غلا ..

تنحنح ودخل للصاله اللي فيها الحشره

وكانو كلهم اهلم من الكويت وعمته وريلها وعيالها وامه وابوه و ( عمر ) بس ماكان فالصاله ..

سعد : أي يبا شعليك عرست وخلصت ، آخ علي وقف حظي

عليا كانت تسمعه وتبي تكفخه هههه

خالد : هههههههههههههههه عينك عينك يالحسودي

غلا حست ان خالد يحبها واييييييد ماتدري صج ولا؟ يجامل !

غلا كانت قاعده حذا عمها سسعد هي فالنص خالد يسارها وعمها يمينها ههه وعليه ..

والله انا مكانها اصيح خخخ

المهم كانت منزله عينها تلعب بصبعها على حواف الكوب

شمت عطر عمر ولفت يمينها ورفعت عينها كان واقف يبارك لخالد وكلهم وافقين الا هي

حست ريلها ماتقدر تقومها ماتقدر بتطيح لو قامت

وقف جدامها عمر وعيونه حمر وتلمع

عمر : مبروك ياغلا ألف مبروك ( بحزن)

غلا: الله يبارك فيك

سلم على الباقي وقعد وياهم شوي ..

ماقدر يستحمل وقام وهم بنص السالفه بسرعه وطلع

غلا رفعت عينها للسقف على انها يأست وخالد تنهد

خالد : خلاص عيل احنا نستأذن مابقى شي على طيارتنا

سعد : أي يبااااااا شعليك ..

خالد : لا اله الا الله لايصير فينا شي ترا والله من عينك يالحسودي انت عم

سعد يلمه : هههه ياشينك والله الدوحه ولاشي من دونكم

غلا وخرت خالد ولمت عمها وصاحت

خالد : يييييييييه! والله شي

راح وباس راس امه ومسك يدها : سامحينا يمه

امه كانت فداخلها الف نااار والف ذنب تحسهم مولعين فيها ويحترقون بس ماتعرف شتسوي

خالد خلاص شكلها غلا دشت مزاجه !!!!!!!!!!!!!!!!!!!!!!!!!!!!!!!!!!!!

سلموا على الكل وصيحوا غلا بعد

عطاها خالد كلينكس وهي تمش دموعها وخالد يتحلطم على سعد

وهي تصيح وتظحك

راحوا للحديقه يدرون عمر هناك فالكوخ الخشب

وراحوا له

وقفها خالد ..

خالد : حبيبي ، انتي دخلي له هالمره عشان تنهون كل شي

غلا ماتت من كلمة حبيبي استحت صج ( يحلوك والله )

غلا : انشالله

تشجعت غلا واتنفست وادخلت له

عمر وقف على طوله لما شافها وهو ظعفااااااااااااااااااااااااااااااااااااااااااان

غلا : اقعد عمر

عمر : قعدنا

غلا : ياعمر ياولد عمي، انا صرت على ذمة واحد اللي هو اخوك
ياعمر الظروف وحكم اللي اكبر منا ماوفقنا مع بعضنا
الله يخليك اذا تعز بنت عمك ريح بالك
خلاص اننسى حبنا ولو انها صعبه
ياعمر انا ماجسي عليك بس خلاص انا صرت على ذمة واحد
وقلبي له كلي له روحي له انا لــــــه

عمر : الله يهنيكم ياغلا هذي دعوتي والله وانا عارف هالكلام اكثر منج

غلا : هذا هوو ولد عمي

ابتسم لها عمر ووصاها على اخوه

مشت غلا بعد ماودعته

تدرون شسووووى ؟؟

داس على طرف عباتها وهي طاحت دمعتها ومسحتها

ظحكت

غلا : هه هلاا عمر

عمر : لاتنسون صوغتي

غلا : هـهـه بدون لاتوصي

طلع معاها عمر وراح لاخوه وسلم عليه وودعه

لمه خالد لصدره بقووووو ..

مشى خالد مع غلا للسياره وهم يمشون طلع نظارته

ولبسها ،، شكله كان يجنن ..