تويت
السلام عليكم
اشحالكم اخواني وخواتي اعضاء المنتدى
مشاركتي هالمرة قصه من تأليفي واتمنى انها تعجبكم
ابغي رايكم فيها بصرااحه...واذا ماعجبتكم ماراح اكملها
والحين بنزل اول جزئين
************************************************** ***********************
الجزء الأول
الساعة الحين 12 بعد نص الليل, ومثل العادة خلصت واجباتها وذاكرت دروسها حق باجر, وصار الوقت إنها تتصفح الإنترنت شوي, بس في البداية لازم اتشيك على الإيميل, هذي كانت عادة ( شما ) في كل ليلة, مع انه عمرها 18 سنة وبعدها في الثانوية بس تعشق الإنترنت بجنون, لكن حبها للإنترنت ما أثر على دراستها ولا نزل من مستواها الدراسي.
بعد ما شيكت على الإيميل, قامت تتصفح المنتدى واتشوف شو هي آخر المواضيع المطروحة, وهي تشوف المواضيع المطروحة جذبها موضوع بعنوان ( فتيات الإنترنت ), تمت تقرا الموضوع والصراحة انصدمت من اللي قرته, كان اللي كاتب الموضوع واااايد متحامل على البنات وما خلى شي ما قاله, ( شما ) ما عجبها الموضوع وفكرت انها اترد عليه, بس بعدين غيرت رايها, تأخر الوقت وكان لازم اتقوم عسب اتنام لأن عندها مدرسة باجر, بس ( شما ) ماقدرت انها ترقد, كانت اتفكر في الموضوع اللي قرته, حاولت انها تنسى أو انها ما اتفكر في الموضوع, بس غصبن عنها,,, في اليوم الثاني وفي نفس الوقت قامت ( شما ) وقرت الموضوع مرة ومرتين وثلاث, وقررت انها اترد عليه, كان ردها قوي بس كان في منتهى الأدب والاحترام, وهذا اللي خلى كاتب الموضوع ينصدم من اللي قراه, وفكر انه يرد عليها بس بعدين قرر انه يطرش لها رسالة, وكتب في رسالته انه انصدم من اللي قراه وانه اول مرة يشوف وحده بهذي الجرأة والصراحة, وختم الرسالة بأنه حاب يتعرف عليها أكثر, لأنه الصراحة انعجب بشخصيتها واللي لاحظ من كلامها انها عاقلة ومب مثل بنات هذي الأيام.
كانت صدمت ( شما ) كبيرة لما قرت الرسالة, والصراحة اللي صدمها أكثر كلامه بأنه يبغي يتعرف عليها أكثر, استغربت من هذا الشخص, وتمت اتفكر.."الحين هذا أمس حاط على البنات حط واليوم يبي يتعرف علي, شو هذا التناقض, بس ليش أحسه مب مثل شباب هالأيام, حتى كلامه أحسه غير, يا ربي أنا ليش أفكر فيه, ليش مب رايمة اني امحيه من تفكيري..اوووه أنا اروح ارقد ابرك لي, وراي مدرسة باجر وأخاف اتحير..أرقد أحسن "...
بعد ثلاثة أيام لقت ( شما ) في بريدها الخاص رسالة من شخص ما اتعرفه, قرت الرسالة وانصدمت من اللي قرته, كان هو نفسه اللي كاتب الموضوع,,, بس اللي امحيرني انه من وين يااب بريدي الخاص, وبعدين هذا شو يبغي مني, أنا لازم أعرف كل شي منه, وطرشت ( شما ) الرسالة وكانت تتريا الرد على نااااار, تبغي اتعرف شو بتكون ردة فعله على رسالتها, تمت تتريا يومين وفي اليوم الثالث لقت رسالة من نفس الشخص بس هالمرة يطلب منها انها اتضيفه على الماسنجر مالها, في البداية اترددت بس الفضول خلاها اتوافق, كانت تبغي اتعرف شو يبغي منها, وفي نفس الوقت حست انها منجذبة له, حست انها تبغي تتعرف عليه أكثر, تتعرف على شخصيته, طريقة تفكيره, والأهم عندها انها تعرف ليش هو متحامل على البنات وشو اللي خلاه يكتب الموضوع.
طرشت ( شما ) الرسالة وكتبت فيها انها ما عندها مانع انها اتضيفه عالماسنجر, بعدها بيوم ولما كانت ( شما ) تتصفح الإنترنت, خطر في بالها انها اتشيك على الماسنجر, وكانت المفاجأة, لقته
Online, في البداية ارتبكت ما كانت عارفة شو اتقول, بس بعدين قالت في خاطرها: خلني على طبيعتي أحسن, وبعدين ليش أرتبك لا هو راح ياكلني ولا شي يعني ما له داعي هالخوف, فكرت إنها تبدأ بالسلام بس بعدين قالت: خلني اتريا احسن, إذا هو ما سلم أنا راح اسلم, ما صارت خمس دقايق إلا ولقته يسلم عليها
؟؟: السلام عليج والرحمة
شما: وعليك السلام والرحمة
؟؟: كيف الحال؟!
شما: يسرك الحال, ومن صوبك؟؟
؟؟: الحمد لله, بخير يعلج الخير
شما: تسلم الشيخ
؟؟: اممممم
شما: شوبلاك؟؟!! جنك تبغي اتقول شي
؟؟: الصراحة مب عارف شو اقول, بس فالبداية اسمحيلي اشكرج لأنج ضفتيني عالماسنجر عندج..الصراحة توقعت انج بترفضين!!
شما: وليش اتقول جيه..انا ما أنكر اني في البداية كنت مترددة, بس مادري ليش بعدين وافقت
؟؟: هذا من حسن حظي
شما: ليش من حسن حظك؟؟!!
؟؟: الصراحة ,, أنا من يوم ذاك الموضوع والرد اللي وصلني منج وانا في خاطري اتعرف عليج, مادري ليش حسيتج غير عن بنات هالأيام, احسج عاقلة ورزينة....صج بسألج إذا مافيها إحراج
شما: تفضل إسأل
؟؟: امممم .. إنتي جم عمرج؟!؟ الصراحة من ردج ومن جلامج احسج مب صغيره
شما: طيب انت جم تعطيني
؟؟: الصراحة
شما: أكيـــــــــــــــــــــــــــد
؟؟: انا اعطيج 24 او 25 مب أكثر
شما: هههههه
؟؟: افااا وليش الضحك ,, قلت شي يضحك
شما: لالا السموحة منك
؟؟: مسموحة يالغالية
شما: الصراحة وبكل وضوح .. انا عمري 18 سنة
؟؟: صج !! اخاف بس اتقصين عليّ
شما: لا صج وبعدين ليش اجذب عليك
؟؟: السموحة والله, بس أنا من جلامج ومن اسلوبج قلت انج تعديتي العشرين
شما: الشيخ, مب كل اللي كملوا العشرين عقولهم توزن بلد ولا اللي أقل من العشرين عقولهم عقول يهاااال
؟؟: في هذي صدقتي يالغالية .. وعلى جيه عيل انتي الحين ثانوية عامة
شما: هيه
؟؟: طيب انتي علمي ولا أدبي
شما: انا علمي
؟؟: ايي الله يعينج .. الصراحة انا شردت من العلمي والسبة الرياضيات والفزياء
شما: هاا, شكلك كنت كاره الدراسة..عيل جيه انت كل سنه خذتها في سنتين
؟؟: لا حرام عليج..تقدرين اتقولين انه مستواي كان متوسط
شما: اهاا, طيب وانت الحين في أي جامعة تدرس؟!
؟؟: انا يالغالية أدرس علوم طيران بس مب هنيه
شما: هاا عيل وين ؟؟
؟؟: في بريطانيا
شما: اهاا, الله يوفقك ان شاء الله
؟؟: وياج يالغالية
شما: تسلم الشيخ..وانت الحين هنيه في البلاد ولا برع؟!
؟؟: لالا انا حاليا مب في البلاد, بس بعد 3 أشهر عندي أجازة وراح ايي الإمارات
شما: توصل بالسلامة إن شاء الله
؟؟: الله يسلمج من كل شر
شما: وياااااااااك
؟؟: اتصدقين إني إشتقت للبلاد
شما: تشتاقلك العافيه,,الله يردك بالسلامة
؟؟: على طاري البلاد,,انتي من أي إماره؟؟
شما: وليش تسأل؟؟
؟؟: ماشي بس حبيت اعرف, اذا ما تبين اتقولين براحتج
شما: أنا من دار الزين
؟؟: صج..يعني احنا أهل
شما: هاا,,زين زين والله
؟؟: تعرفين..احس اني اعرفج من زمان
شما: هذا من ذوقك
؟؟: إنتي اللي ذوق والله
شما: السموحة منك الشيخ,,بس تأخر الوقت وصار لازم ارقد, ومثل ما انت عارف وراي مدرسة باجر
؟؟: لا لاتقولين انج بتظهرين الحين, تو الناس ماقعدنا معاج
شما: خلها مرة ثانية, مافيّ اتحير على المدرسة باجر
؟؟: خلاص يالغالية براحتج..بس ممكن طلب قبل لا تظهرين
شما: تفضل
؟؟: امممم ,, ممكن اعرف اسمج؟!؟
شما: اسمي؟؟!!؟؟ اسمي ( ريم )
؟؟: عاشت الأسامي..وأنا اسمي ( راشد )
شما: عاشت الأسامي
؟؟: عاشت أيامج
شما: يالله ,, تصبح على خير
؟؟: وإنتي من أهله
ما كانت ( شما ) تبغي تظهر, كانت حاسة انه في شي يجذبها لهذا الإنسان, حست انها تعرفه من زمان, كانت حاسة انه قريب منها,,,,"يا ربي جيف هالإنسان حشيم ومؤدب, ما كنت أعرف انه محترم جيه, الصراحة اللي يقرا موضوعاته ويسولف معاه يقول انهم مستحيل شخص واحد, جني كنت ماخذه فكرة غلط عنه, الله يرده بالسلامة إن شاء الله..اوووه انا ليش شاغله نفسي وافكر فيه, ارقد ابرك لي, عندي مدرسة ومافيّ اتحير".
يا ترى ليش كانت ( شما ) اتفكر في ( راشد ) وااايد ومهتمة فيه؟؟
وهل ممكن انه العلاقة من بينهم تتطور أكثر وأكثر؟؟!!؟؟
تابعونا في الجزء الثاني
يتبع.....
اشحالكم اخواني وخواتي اعضاء المنتدى
مشاركتي هالمرة قصه من تأليفي واتمنى انها تعجبكم
ابغي رايكم فيها بصرااحه...واذا ماعجبتكم ماراح اكملها
والحين بنزل اول جزئين
************************************************** ***********************
الجزء الأول
الساعة الحين 12 بعد نص الليل, ومثل العادة خلصت واجباتها وذاكرت دروسها حق باجر, وصار الوقت إنها تتصفح الإنترنت شوي, بس في البداية لازم اتشيك على الإيميل, هذي كانت عادة ( شما ) في كل ليلة, مع انه عمرها 18 سنة وبعدها في الثانوية بس تعشق الإنترنت بجنون, لكن حبها للإنترنت ما أثر على دراستها ولا نزل من مستواها الدراسي.
بعد ما شيكت على الإيميل, قامت تتصفح المنتدى واتشوف شو هي آخر المواضيع المطروحة, وهي تشوف المواضيع المطروحة جذبها موضوع بعنوان ( فتيات الإنترنت ), تمت تقرا الموضوع والصراحة انصدمت من اللي قرته, كان اللي كاتب الموضوع واااايد متحامل على البنات وما خلى شي ما قاله, ( شما ) ما عجبها الموضوع وفكرت انها اترد عليه, بس بعدين غيرت رايها, تأخر الوقت وكان لازم اتقوم عسب اتنام لأن عندها مدرسة باجر, بس ( شما ) ماقدرت انها ترقد, كانت اتفكر في الموضوع اللي قرته, حاولت انها تنسى أو انها ما اتفكر في الموضوع, بس غصبن عنها,,, في اليوم الثاني وفي نفس الوقت قامت ( شما ) وقرت الموضوع مرة ومرتين وثلاث, وقررت انها اترد عليه, كان ردها قوي بس كان في منتهى الأدب والاحترام, وهذا اللي خلى كاتب الموضوع ينصدم من اللي قراه, وفكر انه يرد عليها بس بعدين قرر انه يطرش لها رسالة, وكتب في رسالته انه انصدم من اللي قراه وانه اول مرة يشوف وحده بهذي الجرأة والصراحة, وختم الرسالة بأنه حاب يتعرف عليها أكثر, لأنه الصراحة انعجب بشخصيتها واللي لاحظ من كلامها انها عاقلة ومب مثل بنات هذي الأيام.
كانت صدمت ( شما ) كبيرة لما قرت الرسالة, والصراحة اللي صدمها أكثر كلامه بأنه يبغي يتعرف عليها أكثر, استغربت من هذا الشخص, وتمت اتفكر.."الحين هذا أمس حاط على البنات حط واليوم يبي يتعرف علي, شو هذا التناقض, بس ليش أحسه مب مثل شباب هالأيام, حتى كلامه أحسه غير, يا ربي أنا ليش أفكر فيه, ليش مب رايمة اني امحيه من تفكيري..اوووه أنا اروح ارقد ابرك لي, وراي مدرسة باجر وأخاف اتحير..أرقد أحسن "...
بعد ثلاثة أيام لقت ( شما ) في بريدها الخاص رسالة من شخص ما اتعرفه, قرت الرسالة وانصدمت من اللي قرته, كان هو نفسه اللي كاتب الموضوع,,, بس اللي امحيرني انه من وين يااب بريدي الخاص, وبعدين هذا شو يبغي مني, أنا لازم أعرف كل شي منه, وطرشت ( شما ) الرسالة وكانت تتريا الرد على نااااار, تبغي اتعرف شو بتكون ردة فعله على رسالتها, تمت تتريا يومين وفي اليوم الثالث لقت رسالة من نفس الشخص بس هالمرة يطلب منها انها اتضيفه على الماسنجر مالها, في البداية اترددت بس الفضول خلاها اتوافق, كانت تبغي اتعرف شو يبغي منها, وفي نفس الوقت حست انها منجذبة له, حست انها تبغي تتعرف عليه أكثر, تتعرف على شخصيته, طريقة تفكيره, والأهم عندها انها تعرف ليش هو متحامل على البنات وشو اللي خلاه يكتب الموضوع.
طرشت ( شما ) الرسالة وكتبت فيها انها ما عندها مانع انها اتضيفه عالماسنجر, بعدها بيوم ولما كانت ( شما ) تتصفح الإنترنت, خطر في بالها انها اتشيك على الماسنجر, وكانت المفاجأة, لقته
Online, في البداية ارتبكت ما كانت عارفة شو اتقول, بس بعدين قالت في خاطرها: خلني على طبيعتي أحسن, وبعدين ليش أرتبك لا هو راح ياكلني ولا شي يعني ما له داعي هالخوف, فكرت إنها تبدأ بالسلام بس بعدين قالت: خلني اتريا احسن, إذا هو ما سلم أنا راح اسلم, ما صارت خمس دقايق إلا ولقته يسلم عليها
؟؟: السلام عليج والرحمة
شما: وعليك السلام والرحمة
؟؟: كيف الحال؟!
شما: يسرك الحال, ومن صوبك؟؟
؟؟: الحمد لله, بخير يعلج الخير
شما: تسلم الشيخ
؟؟: اممممم
شما: شوبلاك؟؟!! جنك تبغي اتقول شي
؟؟: الصراحة مب عارف شو اقول, بس فالبداية اسمحيلي اشكرج لأنج ضفتيني عالماسنجر عندج..الصراحة توقعت انج بترفضين!!
شما: وليش اتقول جيه..انا ما أنكر اني في البداية كنت مترددة, بس مادري ليش بعدين وافقت
؟؟: هذا من حسن حظي
شما: ليش من حسن حظك؟؟!!
؟؟: الصراحة ,, أنا من يوم ذاك الموضوع والرد اللي وصلني منج وانا في خاطري اتعرف عليج, مادري ليش حسيتج غير عن بنات هالأيام, احسج عاقلة ورزينة....صج بسألج إذا مافيها إحراج
شما: تفضل إسأل
؟؟: امممم .. إنتي جم عمرج؟!؟ الصراحة من ردج ومن جلامج احسج مب صغيره
شما: طيب انت جم تعطيني
؟؟: الصراحة
شما: أكيـــــــــــــــــــــــــــد
؟؟: انا اعطيج 24 او 25 مب أكثر
شما: هههههه
؟؟: افااا وليش الضحك ,, قلت شي يضحك
شما: لالا السموحة منك
؟؟: مسموحة يالغالية
شما: الصراحة وبكل وضوح .. انا عمري 18 سنة
؟؟: صج !! اخاف بس اتقصين عليّ
شما: لا صج وبعدين ليش اجذب عليك
؟؟: السموحة والله, بس أنا من جلامج ومن اسلوبج قلت انج تعديتي العشرين
شما: الشيخ, مب كل اللي كملوا العشرين عقولهم توزن بلد ولا اللي أقل من العشرين عقولهم عقول يهاااال
؟؟: في هذي صدقتي يالغالية .. وعلى جيه عيل انتي الحين ثانوية عامة
شما: هيه
؟؟: طيب انتي علمي ولا أدبي
شما: انا علمي
؟؟: ايي الله يعينج .. الصراحة انا شردت من العلمي والسبة الرياضيات والفزياء
شما: هاا, شكلك كنت كاره الدراسة..عيل جيه انت كل سنه خذتها في سنتين
؟؟: لا حرام عليج..تقدرين اتقولين انه مستواي كان متوسط
شما: اهاا, طيب وانت الحين في أي جامعة تدرس؟!
؟؟: انا يالغالية أدرس علوم طيران بس مب هنيه
شما: هاا عيل وين ؟؟
؟؟: في بريطانيا
شما: اهاا, الله يوفقك ان شاء الله
؟؟: وياج يالغالية
شما: تسلم الشيخ..وانت الحين هنيه في البلاد ولا برع؟!
؟؟: لالا انا حاليا مب في البلاد, بس بعد 3 أشهر عندي أجازة وراح ايي الإمارات
شما: توصل بالسلامة إن شاء الله
؟؟: الله يسلمج من كل شر
شما: وياااااااااك
؟؟: اتصدقين إني إشتقت للبلاد
شما: تشتاقلك العافيه,,الله يردك بالسلامة
؟؟: على طاري البلاد,,انتي من أي إماره؟؟
شما: وليش تسأل؟؟
؟؟: ماشي بس حبيت اعرف, اذا ما تبين اتقولين براحتج
شما: أنا من دار الزين
؟؟: صج..يعني احنا أهل
شما: هاا,,زين زين والله
؟؟: تعرفين..احس اني اعرفج من زمان
شما: هذا من ذوقك
؟؟: إنتي اللي ذوق والله
شما: السموحة منك الشيخ,,بس تأخر الوقت وصار لازم ارقد, ومثل ما انت عارف وراي مدرسة باجر
؟؟: لا لاتقولين انج بتظهرين الحين, تو الناس ماقعدنا معاج
شما: خلها مرة ثانية, مافيّ اتحير على المدرسة باجر
؟؟: خلاص يالغالية براحتج..بس ممكن طلب قبل لا تظهرين
شما: تفضل
؟؟: امممم ,, ممكن اعرف اسمج؟!؟
شما: اسمي؟؟!!؟؟ اسمي ( ريم )
؟؟: عاشت الأسامي..وأنا اسمي ( راشد )
شما: عاشت الأسامي
؟؟: عاشت أيامج
شما: يالله ,, تصبح على خير
؟؟: وإنتي من أهله
ما كانت ( شما ) تبغي تظهر, كانت حاسة انه في شي يجذبها لهذا الإنسان, حست انها تعرفه من زمان, كانت حاسة انه قريب منها,,,,"يا ربي جيف هالإنسان حشيم ومؤدب, ما كنت أعرف انه محترم جيه, الصراحة اللي يقرا موضوعاته ويسولف معاه يقول انهم مستحيل شخص واحد, جني كنت ماخذه فكرة غلط عنه, الله يرده بالسلامة إن شاء الله..اوووه انا ليش شاغله نفسي وافكر فيه, ارقد ابرك لي, عندي مدرسة ومافيّ اتحير".
يا ترى ليش كانت ( شما ) اتفكر في ( راشد ) وااايد ومهتمة فيه؟؟
وهل ممكن انه العلاقة من بينهم تتطور أكثر وأكثر؟؟!!؟؟
تابعونا في الجزء الثاني
يتبع.....
تعليق