تويت
صارحني بحبك
قصتي الأولى اتمنى تعجبكم
انشاءالله كل جمعة بنزل جزء جديد اذا شفت تشجيع منكم
ساره: مت من الحر .. خل ادخل ارتاح في غرفتي ماتسوى علينا هالجامعه
ام ساره : تغديتي ؟
ساره: اي كلت في الجامعة بروح انام ميته من التعب والعصر بمر على مريوم بيتهم
الساعة 5 يرن المنبه : ماحس اني شبعت نوم بس بقوم اغسل وجهي عشان اصحصح واروح حق مريوم لو عندي اخت اقعد معاها جان ماتمللت جذي مافي الا انا مجابله الطوف ومن عقب ماسافر أحمد امريكا وعقب زواج عبدالعزيز صار البيت فاضي اصلا من قبل والبيت ملل شلون الحين .. خل اقوم ابدل احسن لي عشان ماتأخر
في الصالة تحت ام ساره وابوها شيخه وفهد: وين ساره للحين نايمه اي رجعت تعبانه ونامت وبتمر على مريوم
شيخه" كل هالكشخه عشان بتروحين حق مريوم
ساره : تدرين اني ماعرف اطلع من البيت بدون مااكشخ يما وين الخدامة يالله تأخرت على مريوم
فهد : الدريول طالع انا قلت له يروح الجراج
ساره : لحوووووول شاسوي انا الحين
ساره:يبا تقدر توصلني
فهد: انا مواعد رجال الحين انتظري شوي بيجيب لي الاوراق وبوصلج
ساره: شهالحاله كل مابي اطلع الدريول طالع خلوني اسوق وفكوني والله تمللت
شيخه: بسج دلع ..شوي وبيوصلج خلاص عاد لاتحنين
ساره : كل البنات يسوقون خلوني اجرب
فهد : انتي خلصي هالكورس وبخليج تتعلمين في الاجازة
شيخه : محد مخربها غيرك
ساره : خلاص مابقى شئ كلها كم يوم وبخلص
بعد نص ساعة راحت ساره بيت مريم واول ما افتحت الباب:
حشا حشا يامريوم ماتشبعين من هالنت ومن هالشات شتسوين انتي ماتملين تكلمين الناس بالكتابة شنو الوناسه في الموضوع
مريم: صبري علي خل اسبه هالحمار قليل الأدب
ساره : بعد يسبون لوووووول شتبين تدخلين عيل
مريم : وناسه والله تضيعين الملل
ساره : انا افكر اقول حق ابوي يحط لي نت عاد تصدقين ماعرف شئ فشيلة سنة اولى جامعة ولاحتى عندي ايميل
مريم : شوي شوي بتتعلمين والله ساروه بتستانسين احسن من الملل الي انتي عايشة فيه كله بروحج على الاقل تتسلين
ساره : اي والله على قولتج احس اني خلاص بنفجر خصوصا مع ضغط الامتحانات
ساره :مريوم الساعة 9 يالله انا بروح بتصل في الدريول يجيني
مريم:ساروه عاد لاتروحين قعدي
ساره :تبين امي تسندرني خلاص بروح بعد عندي بحث ابي اقدمه حق الدكتور عقب اسبوع بروح اشتغل عليه ..اخس شئ عندي الطباعة لاني بطيئة بس انتي ماشاءالله عليج اصابعج يلعبون على الكيبورد كأنج تعزفين بيانوا
مريم:تف تف لاتحسديني
ساره :انا مب حسوده .. بتصل الحين . الووو أمير تعال الحين بيت مريم بسرعة
أمير : اوكي
مريم : انزين اتعشي وبعدين روحي
ساره : لا بروح قلت لج عندي بحث الحين وراي سهره طويله
مريم : كيفج .. امي بتهاوشج اذا رحتي بدون عشا
ساره : ماعليه مره ثانيه
ساره: شوفي شاشة جهازج صارت كلها صفرة ..كلهم يبون يكلمونج على الخاص
مريم: تعالي شوفي هذا شكاتب
السنافي: انتي على شنو شايفه عمرج يالجيكرة
البطة السودة : انت شتبي يالله انجلع قبل لا اصكك ببلوك
السنافي : يالله روحي زين
الفارس الحزين : السلام عليكم يابطوطه
البطة السودة : وعليكم السلام
شفتي هذا محترم
ساره : شعنده المؤدب
الفارس الحزين : كم عمرج
البطة السودة : 21
ساره : ليش تقولين له عمرج الصجي .. شفيج انتي
مريم : شدعوة الحين عرفني
ويرن جوال ساره : هاي الدريول يالله انا بروح مع السلامة
مريم : مع السلامة سي يو
ساره: سي يو
بعد مارجعت سارة البيت وخلصت البحث وهي قاعده فكرت تجرب تشبك النت وجابت التيلفون وبدت اول محاولة لها لدخول هذا العالم الغريب بالنسبة لها
اوووووه اخيرا شبك الحين شاسوي..وين ادخل اي موقع .. خل اشوف المنتديات شفيها
بسجل في هذا المنتدى شكله حلو وفيه اعضاء وايد .. ماشاءالله عليهم كل واحد اسلوبه احلى من الثاني انا ماعرف ارد بهذه الطريقة صج الواحد يستفيد من هالمنتديات كان المفروض من زمان استخدم النت
وبعد ساعة ...
مليت شاسوي الحين ؟؟ بدخل موقع الشات الي دخلته مريوم : بشوف شنهي الوناسه الي هي محصلتها في هالشات ..الحمدالله والشكر كله سب وهواش
بس تعبت من القعدة عالكرسي بروح اجيب لي اسكريم اتسلى فيه وانا سهرانه وباجر محاضرتي 12 يعني اقدر اسهر
امممم يجنن هالاسكريم . الحين شختار اسم اممممم ابي اسم قوي كل من يشوفه يدخل يكلمني لقيتها حلوة وقمر
خل اقصر على المكيف ثلجت
الحين مستعدة لكم
بوكشه : مرحبا مساء الفل
الأسمر : هلا والله بأحلى بنوته
وحيد قطر : شعنده القمر منوررررررررر الشات
شرشبيل : ممكن نتعرف
المهاجر: اشكره جيكره ومصدقه روحها بعد ..اشكر الثقه
عاشقة راشد الماجد: اهلين
شنو هاااااااي الشاشة كلها صفراء صج النك قوي وجاب مفعوله
مهاجر في فرنسا: مساء النور
حلوة وقمر : مساء النور
مهاجر في فرنسا : ممكن نتعرف
حلوة وقمر : ممكن بس في حدود الأدب
مهاجر في فرنسا : افا عليج يابنت بلادي
كم عمرج ؟؟
حلوة وقمر : 19
مهاجر في فرنسا : العمر كله يعني انتي في اي صف
حلوة وقمر : اي صف ؟؟؟؟؟؟؟
انا في الجامعة سنة ثانية
مهاجر في فرنسا: سوري ماحسبتها عدل
حلوة وقمر : وانت كم عمرك ؟؟
مهاجر في فرنسا : 30 هههههههههههه الحين بتشردين
حلوة وقمر : عادي ليش اشرد عشانك اكبر مني
المهم طريقة التفكير مو العمر
مهاجر في فرنسا : اي صدقتي
كم صار لج في الشات
حلوة وقمر : صار لي شهر
مهاجر في فرنسا : يعني للحين جديده
حلوة وقمر : اي تقدر تقول جذي
معقولة صارت الساعة 2
استأذن انا بروح انام وراي دوام بكره
مهاجر في فرنسا : اوكي متى تدخلين بكره
حلوة وقمر : ماادري مالي موعد محدد
مهاجر في فرنسا : انا ادخل عالساعه 7 في الليل اذا حبيتي تكلميني بتلقيني موجود
حلوة وقمر : اوكي اتفقنا .. مع السلامة
مهاجر في فرنسا : مع السلامة .. في حفظ الله
.................................................
الساعه 10 : يرن المنبه
للحين ماشبعت نوم بس لازم اقوم البس وابدل انا بروحي يبيلي ساعتين لين اتكشخ واوصل الجامعة
في الطريق ..أمير : شغل الراديو
وتسرح ساره في امتحاناتها
باقي لي 5 ايام ويخلص هالكورس واستانس في الاجازة اهم شي اسافر
اوغير جو واهم شي ال shopping
في البيت : شيخه توها راجعه من الدوام
شيخه: فهد عبدالعزيزبيجي اليوم مع زوجته وتفصخ عبايتها وتقعد على الكرسي
لاتقو ل ماقلت لك ..تقريبا المغرب
فهد : خلاص مابنسا
شيخه : انا بركب فوق اصلي قول حق الخدامات يحطون الغداء
فهد : وساره ماببتغدا معانا
شيخه : وهي تصعد عالدرج من دخلت الجامعة وهي ماتتغدا معانا
وبعد الغدا ارجعت ساره من الجامعة دايخه وتعبانه ..
ماشافت حد في الصالة وركبت غرفتها على طول بدلت .. وحاولت تنام ماجاها نوم وراحت تشغل الكمبيوتر
بدخل الشات .. شنو كان نكي حلوة وعسل لالالا حلوة وقمر
ماشاءالله مليان هههههههههههه
شرشبيل : هلا والله عطونا وجه شدعوة
حلوة وقمر : اهلين
شرشبيل : كم عمرج
حلوة وقمر : شدعوة على طول كم عمرج
شرشبيل : عشان اصيدج قبل ماتجذبين
حلوة وقمر : من اولها جذابه
اقوووووووول باي
أسير القلوب : مساء الفل
حلوة وقمر : مساء النور
أسير القلوب : شسمج
حلوة وقمر : اسمي شوق
أسير القلوب : ادري جذب بس اوكي
حلوة وقمر : وانت شسمك ؟؟
أسير القلوب : عبدالله
حلوة وقمر : كم عمرك ؟؟
أسير القلوب : 18 وانتي ؟؟
حلوة وقمر : 17
أسير القلوب: ثالث ثانوي
حلوة وقمر : اي صح
أسير القلوب : شنو هواياتج ؟؟
حلوة وقمر : << شقوله الحين امممممم (الرسم والتنس والسباحة)
أسير القلوب : ماشاءالله رياضيه
حلوة وقمر : اي عبالك
أسير القلوب :كم طولج او وزنج
حلوة وقمر : ليش
أسير القلوب : حتى لو متينه عادي
حلوة وقمر : شدعوة اقولك طولي او وزني ليش انت بتخطبني ؟؟
أسير القلوب : ليش لا كل شئ جايز !!!
حلوة وقمر : شايفني هبله
أسير القلوب : لا محشومة .. اقول انا الحين بطلع ممكن ايميلك
حلوة وقمر : >>> ماعندي ايميل شقوله
ايميلي ماعطيه حد .. اذا بغيتني تلقاني موجوده
أسير القلوب : اوكي
وتدخل شيخه غرفة بنتها ساره ..
شيخه : شتسوين ؟؟
ساره : يما داخله الشات
شيخه : لايقصون عليج يابنتي
ساره : لا افا عليج انا الي اقص عليهم كلشئ اقوله لهم عني غلط لاتخافين .. بس استهبل عليهم عن الملل
شيخه : انزين انا بروح بيت خالتج نوره بتجين معاي
ساره: لا يما مابروح عيالها يهال شاسوي اروح
شيخه : خلاص عيل
وتمل ساره وتسكر الكمبيوتر وراحت تدرس ..
بعد ساعه .. خلاص تعبت بروح اريح وقت البريك الحين بشرب عصير عشان انتعش شوي
وتنزل المطبخ وتشرب عصير مانجا بااااارد ياسلام بعد لو احصل لي كافي او جلكسي يااااااي خل ادور في الكبت
اخيرا لقيتك تعال باكلك هم هم
خل ادخل الشات شوي وقت البريك
الغالي : السلام عليكم ورحمة الله وبركاته
حلوة وقمر : وعليكم السلام ورحمة الله وبركاته
الغالي : ليش يعني مسمية نفسج هذا الاسم
حلوة وقمر : اسمي مو معناته جمالي الخارجي .. معناه جمال الروح
الغالي : اقنعتيني
الغالي : كم عمرج
حلوة وقمر : 18 وانت ؟؟
الغالي : 26
الغالي : انتي في اي صف
حلوة وقمر: كبرنا بابا .. انا في الجامعة
الغالي : اووووووو مادرينا
عيل انا بالنسبة لج شيبه
حلوة وقمر : ههههههههههههههههه مو مشكله يالشيبه
حلوة وقمر : شسمك ؟؟
الغالي : سعود
حلوة وقمر : عاشت الاسامي ياسعود
تصدق عاد انا احب هالاسم
الغالي : شكرا
حلوة وقمر : انت كل يوم تدخل
الغالي : اي كل يوم موجود
حلوة وقمر : وين بيتكم ؟؟
الغالي : بيتنا قريب من الستي
وانتي وين بيتكم
حلوة وقمر : بيتنا مادله هههههههه
الغالي : بعد دمج خفيف
الغالي : شنو هواياتج
حلوة وقمر : الرسم والتنس .. أنت متزوج ؟؟
الغالي : اي وانتي
حلوة وقمر : لا
الغالي : حلوة الصراحه من البداية
حلوة وقمر : اكيد
الغالي : شخبار الدراسة
حلوة وقمر : تمام
الغالي : شدي حيلج ولاتضيعين وقتج كله عالنت
حلوة وقمر : افا عليك بس ادخل وقت البريك
الغالي : وانتبهي من الشباب الي في الشات ترا كلهم ذيابه يبون يصيدن البنات
حلوة وقمر : شكرا على النصيحه بس لاتخاف علي اعرف اوقفهم عند حدهم مب غبيه عشان اصدق كلامهم
الغالي : ماشاءالله عليج .. يبين عليج فاهمه وعقلج كبير على الرغم من صغر سنج
حلوة وقمر : شكرا هذا من ذوقك
حتى انا ارحت في الكلام معاك احسك كبير وعاقل مب مثل الباقي اذا مارديت عليهم قعدوا يسبون
الغالي : تدرين الغالبية هني اعمارهم صغيره وهذا السبب في تصرفاتهم
حلوة وقمر : معاك حق
الغالي : اوكي انا اخليج الحين لازم اطلع اشوفج بكره متى تدخلين
حلوة وقمر : الساعة 5
الغالي : اوكي 5 مع السلامة
حلوة وقمر : مع السلامة
انتظروا الجزء الثاني .. ياترا منهو الغالي ؟؟ وشنو التغير الي بيصير في حياة ساره ؟؟
تعليق