يوميااات طفل

[حاضرين]

السبت

فتحت عيوني..أدور عن نور..أمروني:<غمض>..و...غمضت..بعدها ما شفت لا ابيض ولا اسود!


الأحد


كنت أسمعهم يقولون:<ألعن أبوك!>,<يا حمار>,<يا حيوان>, <يا ثور>,<يا بقرة>
<يا لوح>...فتوقعت اني في حديقة حيوانات..فتحت عيوني ابغى اشوف ها(الحيوانات)..قالوا لي:"ما يصير اتشوف قلة أدب"..سألتهم:طيب..في عصفور؟؟
صرخوا في ويهي:<انطم وغمض>..!!


الاثنين


اسمحولي اشوف التلفزيون..كنت بروحي منسجم ويا أفلام كرتون..دخلت امي..وكان ابو عايلة ادمز(يبوس) أمهم..ركضت امي ..غيرت القناة..وصرخت بأعلى صوتها.."عيب عليك..قاعد تشوف قلة أدب..!!"طالعتها بكل براءه وانا متعجب من اللي صار:"طيب شو صار؟؟أبوهم يبوس أمهم!.."قالت لي وهي معصبه عييييييييب (التبويس..قلة حياء!!)
بعدها بأسبوع..شفت امي تسلم على خالتي و(اتبوووووسها)..قلتلها وانا كلي أسى"يا ماما..التبويس قلة حياء!!.."


الثلاثا


كانوا بنات خالتي عندنا..وكنت الولد الوحيد اللي يلعب معاهم..وأبوي بس يبحلق عيونه فيني وين ما رحت ووين ماييت..بعد ما راحوا..ناداني أبوي وقال:"عيب الولد يقعد ويا البنات ..قلة أدب..!"
بعدها بكم يوم..كان أبوي يالس ويا عماتي..طالعته بطرف عيني(وتبون الصدق نقدت عليه)..وقلت له:"اللي يقعد ويا بنات..قليل أدب!!"


الأربعاء


كنت اسمعهم يقولون(صدام قوي)..وعيبني...بعد الأزمه..قالوا(حرامي ومجرم)..سألتهم:كيف؟؟!!..
قالوا:"حرامي ومجرم..وبس..واسكت..!"
وكنت أسمعهم بعد يقولون (جيم كاري..فاسد)..فكرهته على طول..وكانوا يشوفون أفلامه..ويضحكووووووون..كنت أسألهم"ليش تضحكون؟!..مب اتقولون انه فاسد"...قالوا..ليش
ما تنطم بس.!؟؟


الخميس


أبوي يقول<الزقارا>حرام.. واللي يدخن يدخل النار..وفي يوم شفت ابوي يالس ويا ربيعه أبو حمد..و
بو حمد ماسك الزقارا ف ايده..وقفت وسألت ابوي""طيب اللي يقعد ويا اللي يدخنون..يدخل النار بعد؟!!!"


الجمعة


أسمعهم يقولون..ان اللي يطول في مكالمته ايغازل..واللي يروح للسوق ايغازل..واللي يعرف انترنت ايغازل...وامي تطول على التلفون,,وتروح للسوق,,وتطقطق على الكمبيوتر..رحت لأبوي وانا مصدوووووووووم::"أبووووووووي الحق..................... امي اتغازل؟؟؟؟

[قطر الندى]

[align=center]خخخخخخخخخخخخخخخخخخخخخخخ

صج يوميات غربية

يعطيك العافية

اخوي حاضرين

على الموضوع الرائع [/align]

[راعي عزام]

مشكور اخوي حاضرين

علي هذة اليوميات الذي يعيشها اغلب اطفالنا

[زاير الليل]

والله انك صادق

يوميات ما بعدها يوميات

ولكن هذه هي الحقيقه المره



شكرا للموضوع



زاير الليل

[جـدايـل]

مشكووووووور اخوي على اليوميات الحلووووووه وهذا هو الواقع

[رجـاوي]

مشكور اخوي على اليوميات الحلوه

وننتظر كل جديد منك