][ للنقـاش : هل تؤيد تشـابك أيـدي (( الزوجيـــن )) في الأماكـن العامـه . . ][

[بن درويش]

السـلام عليـكم ورحمـه اللـه وبركاتــه . .

أعـزائي الأعضــاء . .

يمكـن المـوضوع " قديـم " للبعــض . . ولكـن في ظاهــره شدتني مؤخـرا مؤخــرا وهي ظاهــره " تشابك " ايـدي الزوجيــن مثــلا بالستـي سنتـــر أو اللانـــد مارك أو فيـــلاجيـــو . . الــخ

مجتمعنـا القطـري " خـاصه " اشـوفه محافظ جدا و اشــوف هـ الظاهـره جديده نوعــا مـا . . وبدأت تنتشـــر سريعـا بيـن الأزواج . .

هـل أنــت مع أو ضــد . .!!

وهـل تــراهـــا " عـــادي " . .!!

أتمنى من الجنسيــن المشاركه . .




بن درويش

[العنيـــده]

أنا مع و بالقو بعد

أول شي اللي ماسكها زوجته

يعني حلاله

الموضوع من ناحية دينيه يعني حلال مافيها شي غلط

و ثاني شي كلها الا مسكة يد مب ضمة و بوسة و من هالحركات

اللي ايسوونها الاجانب

و ثالث شي لا تقولون عادات و تقاليد لآن مافي شي اصح من الدين

دام المسأله مافيها غلط و لا تعدي على احترام الغيير

يعني تبون الواحد يمشي جدام زوجته و هي وراه عشان العادات و التقاليد

ولا يمشون جنب بعض جنهم مايعرفون بعض عشان محد يقول شي

وانا الصراحه استانس اذا شفت ماسك زوجته خصوصاً اذا كان قطري




تسلم بن درويش ع الموضوع

[!عـشـقـي عـيـونـك!]

عااااااادي ما فيها شيء زوجته...

يعطيك ربي العاافيه ع الموضوع

[ليتني همكـ]

عــــااااااادي


ما فيهــــا شي زوجتـه


و رايي من راي عنيـــدووه



تسلـمـ على الموضـوع و يعطيـــكـ العـافيـــه ..

[miss coc]

ماعـــــرف ليش ؟
بـــــــس يقهرونـــي الـــي جيــــه
يعني كنه ماسكهااا عشــان ماتطـــير

مب سالفه عادات وتقاليــد بس اناا احسهاا مب حلووه جيـــه
واختلااف الرأي لا يفسد بالود قضيه

سلمت يمناك يا بن درويش
ودمت بود

[العنيـــده]

مسوه محتره ^_^

هي مب طايره شي اكيد


و انا ادري ان هاي رايج و احترم رايج الصراحه

بس


الحين انتي مثلاً لو مسكتي يد رفيجتج

تكونين خايفة انها اطير ؟؟؟ ولا عشان شي ثاني

وبعدين قولي لي شنو اللي مب حلو فالموضوع ؟؟؟؟؟

من اي ناحية ؟؟؟

[kly 3'b2]

طبـع ـآً رائي هو الاهم << مادري منو !

والله انا اجوفه شـي ع ـاادي .. لأنه زوج ـته وتح ـل ع ـلـيه << شي طبيع ـي !


ثج في ناس بيقولون ج ـنه مرته بطيـر (( راي مسووه )) بس هو ح ـر ..


تقبـل مروري ح ـبوب ..

[درب الغلا]

^^


عن نفسي


ممم



بصراحه مع وضد


مع << لانها زوجتهـ وحلاله << وشي راجع لهم ^_^


وضد <<< لانه مكان عام << وموحلوة يدام الخلق << وبنف الوقت << ممكن اي حد يحط فباله انها حبيبته او اي شي من هالقبيل <<<يعني تفكيرهم اسود خخ *-*



وبس



يسلموو ع الطرح الفنتكيشن


:)

[السماوي]

بن درويش

موضووع جميل للنقاش



وانا صراااحه ضد وبقوه

لانه مافيه داعي يمسك يدها جدام العالم اشوفها مب حلوه

وانا صراح يطيح من عيني الي اشوفه ماسك يد زوجته في مكان عااام

يااخي زوجتك امسك يدها في البيت مب جداام العالم

ولاهنت ع الطرح المميز

وتقبلوا مروري

[البرنس]

مشكور ياصاحب الموضوع


ولكنه مكرر

[miss coc]

تكونين خايفة انها اطير ؟؟؟ ولا عشان شي ثاني

عنيدووه مب عشان جيه ،، بس انتي قلتيهاا رفيجتي يعني (( بنت ))
لكن مب ريال يعني شبيقولون الناس

وبعدين قولي لي شنو اللي مب حلو فالموضوع ؟؟؟؟؟

السالفه بكبرهااا مب حلوه

من اي ناحية ؟؟؟


من كل النواحي عنيدووه مو عارفه اشرحها لج يعني السلفه مب داشه بالي

[بومحمد007]

انا مع لان احنا عايشين ببلد متطور وحتى اعتقد انه مب حرام او شي

اهو ماسك يدها لو خصرها نفس مايسون ندره من الناس هاي موعدله

اما تشابك الايدي بهذا يدل على الحب الي بينهم وقوة الترابط

(((الي مايبي يشوف يغمض عينه)))

^_^

احترامي لكم

[miss coc]

شكلناااا بنغمض عيننا جيـــه
ههههههههههه
مافيه الا هالحل
تقبلوو مروري المليوون

[العنيـــده]

عنيدووه مب عشان جيه ،، بس انتي قلتيهاا رفيجتي يعني (( بنت ))
لكن مب ريال يعني شبيقولون الناس

هههههههههه

مسوه هالريال زوجها تعرفين شنو يعني زوجها

مب البوي فريند مالها

[miss coc]

انزيـــــن بس النـــاس شعرفهـــم ان هااي زوجهاا ولا البــوي فريند مالهااا
بصراحــــــه السالفه مــــب داشــــه بالـــي