تويت
بنـــــااااات قـطــــر ليـــــــش؟؟!!!
ليــــش يا بنات قطر؟
دام إنج ماتبين تستقبلين بلوتوث ليش مخليته شغال فالأماكن العامه؟ وبعدين تتحلطمون إن الشباب مسندرينكم!
بخصوص المكياج و العبايات و الشناط الملونه اللي تلمع فالعزا؟ ليش تكشخين و انتي رايحه عزا؟ و ليش الصبح عبايه و العصر عبايه غير و باجر الصبح غير و العصر غير...مانخلص! فوق هاي..كريم الأساس و حبة الخال اللي لاطعتها على ويهج!!
بخصوص أسنمة البخت المائله (الراس المنفوخ تحت الشيله( و الله عجبني كاريكتير جريدةالراية يوم يقول جنهم بايقين قبعات حرس قصر بكنغهام و حاطينها تحت الشيله!
ليش الإسراف و المبالغه في الأعراس؟ الوحده مستعده تحط كل مهرها و فوقه سلف في ليلة وحده بس؟ لازم يكون العرس كبير و فخم؟ ليش ماترضون بالبسيط الصغير اللي على قد فلوسكم؟
البنات اللي صارو يكشخون برقص المعلايه 'دقني' في الحفلات و الأعراس! ايش هالرقص الهابط اللي فيه قلة احترام للموجودين؟ و السؤال اللي يطرح نفسه..لين لعبت أم أحمد عالساحه...وين كل أم عن بنتها؟ إذا البنات ماعرفو السنع..وين الأهل عنهم؟
ظاهرة صداقة البنات الغير طبيعيه..وحده مسترجله و الثانيه بنوته..الصداقه حصريه بينهم.. ياويلها اللي ترافج طرف ثالث..و لو صارت اخذوا عاد من الصياح والنواح و أنواع الخيانه..لا بعد لين اطلعوا مع بعض..ممنوع وحده منهم ترد على تليفونها خصوصا إذا الاتصال من بنت..فوق هاي الكلام و الحركات الغريبه اللي بينهم..منها إن لازم كل ليلة ينامون و هم على خط التليفون مع بعض..و طبعا أنا مادخلت فالعميق احتراما للقراء..و فالأخير مايرضون نسميهم لزبيانز! شسالفه عيل؟
بخصوص منتجات PlayBoy ..من قال ان لبس أي شي يحمل هالإشاره يدل على إنج كول و صيّه؟؟ إذا ماتعرفين الانطباع اللي يعطيه لبس PlayBoy ..أنا اقول تروحين تتثقفين شوي أحسن..
ليش الخدامه تشيل شنطة يدج..و لين رن التليفون هي اطلعه و تعطيج؟ و لين عطشتي..تعطيج غرشة الماي تشربين منها و ترجعينها لها تمسكها؟ و أهم شي كوب ستار بكس..الخدامه شالته و تمشي و راج...تشربين شوي و تردينه لها.. شنو الخدامه تمثال الحريه؟
فالأعراس..تسوين لج فستان ذيله 10 أمتار يسحب وراج..و طبعا لأنه ثقيل و يعيق حركتج..قررتي تحطين خدامه تمسك لج ذيل الفستان طول العرس..تمشين..تمشي وراج..توقفين تسولفين..توقف معاج..اتقي الله في هالمسكينه! 'ترى جد في ناس في قطر سووها'
في أمهات و آباء معاطين بناتهم الحرية يروحون أي مكان و في أي وقت..شرط معاهم الخدامه..ليش الخدامه حامي الديار؟ و الا يعني الخدامه دليل على شرف البنت؟ و بعدين ايش لزمة الخدامه في السينما؟ وعليه قاعده و فاتحه عينها و حلجها ماتدري شسالفه!
طبــعا هل الكــلااام مب عن كل بنــأأت قطــر
الاغلبيــــه الغالبة طبــعا...^^
تعليق