البنات وتدخين الشيشة... موضوع نقاشي..

[رئيس قسم]

صح كلامك رئيس

لكن رقابة الاهل تدخل ضمن الاسباب

لما يعطون بناتهم الحريه وما يسألونهم ولا يسألون شيسوون ومن يرافجوون + قلة الدين والاخلاق = تدهور البنت وضياعها

فالبنت تروح اتسوي الي تبيه لانها مو شايله هم حد وراها ....

ويعطيج العافيه ع الموضوع همس

شرفني ردج / دنيتي

وكلامج صح 100%

ولاكن سؤال : لو كان الاب متدين وذو خلق والام كذالك . هل ستترك البنت للحريه ام لا ؟

ويشرفني بعد مره ثانيه ردج الرائع .... ودمتي

[دنيتي عينه]

شرفني ردج / دنيتي

وكلامج صح 100%

ولاكن سؤال : لو كان الاب متدين وذو خلق والام كذالك . هل ستترك البنت للحريه ام لا ؟

ويشرفني بعد مره ثانيه ردج الرائع .... ودمتي

فالغالب يصكوون ع البنت ويمنعونها من اشياء تعتبر حريه لها لكن ضمن نطاق معين
بمعنى انهم يمنعونها كل شي حتى ابسط حقوقها وهذا غلط ( الضغط يولد الانفجار)

لم اصك عالبنت وكل شي لا لا حرام وهو مو حرام بيي يوم وانفجر أو اسوي هالشي من وراهم

وبعد ( كل ممنوع مرغوب ) يعني انا سمعت عن بنات وااايد أهاليهم ما شاء الله أخلاق ودين لكن صاكين ع البنات شوفوا هالبنات لما يطلعون بعيد أن اهلهم سواء بالمدراس ولا الجامعات لان هالأماكن هي الي مسموح لهم يروحون لها يسووون العجب والعجايب .. الله يهدينا ويهديهم

بإختصار الحريه الكامله والمنع التام = دمار

وخير الامور اوسطها يعني امسك الحبل من النص لا اشده ولا ارخيه .. ولا أعطيها حريه كاااامله ولا أمنعاها من كل شي ..

وهالكلام ما ينطبق ع الكل لان في ناس فاهمه حتى وهي على دين تعرف تتعامل

والدين مو كله حراااااام ...... والإسلام أحسن الأديان والشرائع وهو دين وسطيه ....

[؏ ــيـؤטּ قــطــر [♥] ~]

انا اقووول هذي ظاهررره بشعه وتضر بسمعه البنات

وانا مااحب آي بنت تشيش او ادخن ... << استحقرها


والكل يعرررف التشيش والتدخين لرجال ولا بعد يحاولون يقللون من نسبتهم لان

مضر بالصحه ويسبب آمراااض خطييره ..


وتجي البنت تشيش ... هذا يعتمد غياب مراقبه الاهل للبنات وبعد اصحاب السء لهم دور كبيره

في هالظاهره .. وقله الوازع الديني للبنت نفسها وبعض البنات يتحدون الريايال في هالسالفه ~


[ الله يهديهن من بنااات ]

ويسلمووو هموسسه ع طرحج الروعه ^^

[مجرد احساس]

تدخين الفتيات للشيشة

من وجهة نظري الشخصية انها ظاهرة ودخلية على المجتمع الخليجي بلا استثناء
البنت بنت وحلاتها في انوثتها ونعومتها ورقتها
لما تقعد البنت في كوفي شوب واهي ماسكة الشيشة بصراحه منظر مثير للاشمئزاز
منظر صعب انك تتقبلة خصوصا في مجتمعاتنا واول سؤال راح يطري في بالنا " وين اهلها عنها "
التربية اكيد لها دخل الوازع الديني الاخلاق ولكن العامل الاكبر في رايي الصحبه لانها تأثر على سير حياه اي انسان وتغير حياة الصالح لطالح والطالح لصالح

تسلمين حبوبة

[آجمل إنسانه]

موضوع واقعي ومنتشر بكثره
شكراً ع الطرح المميز واتمنى تنتهي هالظاهره البشعه


هل السبب في ذلك الحريه من الاهل ؟
احياناً يكون انفتاح الاهل عامل رأيسي واحياناً الاهل مايدرون عن خربطة بناتهم,,

ام الثقه القويه من اولياء الأمور ؟
نعم للاسف كثييييييير يعطون بناتهم ثقه مايستحقونها ابداً

ام التهاون في التربيه والانشغال في امور الدنيا ؟
هذا هو نفس السبب غياب الرقابه ومافي خوف من احد يعاقبهم (الاهل) حينها يحلو كل شي فلا حدود لأي شي

ام نابع من الفتاة في تجربة هذه المرحلة ؟
مايحق لأي فتاه تجرب هالشي ؟! قلة ادب والله ؟!
كل شي يبون يجربونه بدون ضوابط ولا حدود تردعهم

ام ارتباط الفتاة بصديقات السؤ ؟
قد يكون للصديقات تأثير ولكن استغرب البنت ماعندها عقل تفكر بالخطأ والصح ؟! لهالدرجه امعه . وهذا موعذر

ام مشاكل عاطفية تمربها الفتاة؟
مهما كان السبب مانعالج الغلط بغلط ,,



وجهة نظري اظن الانفتاح والتحضر وتساهل الامن مع هالبنات هو اللي خلاهم يتمردون ,,
وسالفة ان البنت تطلع من كل شي زي الشعره من العجين هاي هلى البنت تسوب كل شي وتجرب كل شي ومافي عواقب او اضرار ؟!!

[عـآزف]

مـن هـآأإلـمرحـلة تـخـترـب آلبـنـت .. و مسـتقـبلـهـآأإ بيـتدمـرَ

آللـه يحفـظ بـنـآتنـآأغ و بنـآأإت آلمـسلميـن يـآإرب

شكرـآأإ هـمسس آلمـشـآأإعـرَ