الأصل والفصل هل يقف عائقا أمام الزواج ؟؟؟

[...ألم ترى...]

لسلام عليكم والرحمه ..

شحالكم ؟ عساكم الا بخير ..

طبعا هالموضوع حساس جداً .. لكن منو الضحيه ؟ الفتاه ..

الكل يتمنى يزوج بناته والا خواته برياييل خلوقين سمعتهم طيبه .. الخ ..

لكن هل الأصل يمنع هالزواج ؟

الرسول عليه الصلا والسلام قال ..

"إذا أتاكم من ترضون دينه وخلقه فزوجوه"

يعني نبينا حدد أهم شرطين في الزواج .. الي هو الخلق والدين ..

بس هني السؤال الاساسي .. ليش الأهل مصرين على تقديم الأصل كشرط أساسي لتزويج بناتهم ؟

يعني الاصل ما بيوديهم فوق ولا بيردهم فالقاع ..!!!! بس شو سبب هالرفض ؟؟

وشروات ما يقولون الاهل العادات والتقاليد


انتو شو رايكم

منقول

[البرنس]

قال الرسول صلى الله عليه وسلم تنكح المرأه لأربع :

(لمالها ولحسبها ولجمالها ولدينها فاظفر بذات الدين تربت يداك )

في رأيي أن الحسب والنسب لابد منه مع أن الناس فالأيام الأخيره صارت تأخذ من خارج البلاد
من ناس لايعرف حسبهم ولانسبهم.

مشكوره ألم ترى ع الموضوع


البرنس

[رجـاوي]

اختي الفاضله

موضوع جاد وجميل

كما ذكر اخي البرنس وانا معه بالرأي

[قطر الندى]

يعطيج العافية

اختي الم ترى

وبالنسبة للموضوع لازم في المجتمع واول سؤال من ولدها؟ ولا من بنته ؟يعني الدين والاخلاق اخر سؤال الحين

[ولد الذيب]

موضوع مهم جداً
وانا بعكس البرنس ومن ومه وترى معنى الحديث ماله علاقه بالموضوع .....
عندما اسلم بلال بن رباح تزوج بنت من بنات المسلمين والبنت عربيه....
وانا بالعكس والله لو يجيني ايراني بس يعرف ربه عدل وعندي بنت ووافقت مافي مشاكل..

[البرنس]

موضوع مهم جداً
وانا بعكس البرنس ومن ومه وترى معنى الحديث ماله علاقه بالموضوع .....
عندما اسلم بلال بن رباح تزوج بنت من بنات المسلمين والبنت عربيه....
وانا بالعكس والله لو يجيني ايراني بس يعرف ربه عدل وعندي بنت ووافقت مافي مشاكل..

أختلاف الآراء لايفسد للود قضيه

والحديث معناه واضح الرسول ذكر النسب فيه ولكنه حث على الدين
فلماذا ليس له علاقه بل كل العلاقه له.

رأيك وبنتك وأنت حر فيهم

شاكر لك مشاركتك ياغالي

البرنس

[...ألم ترى...]

مشكورين على المرور

[الـولـهـانـه]

حبيت اشارك بهالموضووع واول شي ثانكس خيتوو الم ترى عالمووضووووع
حبيت اقول ان الضحيه هي من الصوبين الفتاه..والفتى..
وانا اشوف الاصل والفصل ماله داعي ان يكون عائقا في الزواج لان اذا الزواج يتم بالاخلاق بالحب التفاهم مو بالاصل يعني انا بنت فلان الفلاني واهلي مايزوجوني واحد مستواه اقل مني او يجيكم واحد نافخ الصدر وترمبه وحركات بلفيت محد قده اانااااااا فلان الفلاني وماقدر اخذ لي وحده اقل مني ومادري شأصلها وفصلها مايشرفنا خير يبه اشفيكك ذي اللي تتكلم عنها تساوي 10 من امثالك واللي يجونكم فوق فوق والله مالهم من الاخلاق ذرة لازم تفهمون اخواني وخواتي ان الزواج مو بالاسم بس يعني انا خذت بنت فلان ولاالبنت تفاشر انا خذاني ولد مادري من..لا الزواج مثل ماقلتلكم يكون بالحب التفاهم الموده لان اخر شي بتكونون أسره بتجيبون الذريه الصالحه ان شاءالله..ولازم تعملون حسااااب لكل شي..افرض الحيين ياخوي انك تزوجت وحده من مستوااك وانت ماتحبها ولاتواطنها بس اسم خذتها عشان تشرف العايله الكريمه وهي نفس الشي اقبلت فيك عشان الاسم بس لا اكثر..اشلون راح تكمل مشوار حياتك معاها؟؟اشلون راح تتفاهم معاها؟؟اشلون بتقنعها بشي وهي رافضه اشلون واشلون واشلون وهالكلام ترى لج بعد انتي اختي انا اقصد فيه الاثنين سواء البنت ولا والولد لازم تفهمون شوي لان اخر شي كلنا بنكون في غرفه مظلمه من كل الزوايا وتحت تراااااااااااااااب....لابنت الاصل بتنفعك ولا ولد الفصل بينفعج لان احسن من الاخلاق مافي....
واتمنى تعطوني ملاحظاتكم اذا في اي ملاحظه....
..الــولــهــانــه..

[الـولـهـانـه]

احـــم انا بصراااااااااااااااااااحه من شاركت بهالموضوع ومحد دخل عليه وماشفت رد ولا شي حتى على الاقل يسلمو عالمروور ماكو انا ماتشره بس ابي ردكم على كلامـي....
ولابعد كاتبتلكم اذا في اي ملاحظه شي ماشيات قولوا لي..
انتظر ردكــم جني انا اللي حاطـهـ الموضووووع....
.. ولــهــانــوهـ..

[الـولـهـانـه]

.. لــــا تــــعــــلــــيــــق ..

[البرنس]

مايزوجوني واحد مستواه اقل مني او يجيكم واحد نافخ الصدر وترمبه وحركات بلفيت محد قده اانااااااا فلان الفلاني وماقدر اخذ لي وحده اقل مني ومادري شأصلها وفصلها مايشرفنا خير يبه اشفيكك ذي اللي تتكلم عنها تساوي 10 من امثالك

رأيج ونحترمه بس هنا كأنج بتهاوشين ههههههههه

صدقت عاشقه انج شرانيه خخخخخخخخ

مشكوره يالولهانه

البرنس

[الـولـهـانـه]

هههههههههههههه
العفوووو..