الـزواج من قـطــري!

[الـولـهـانـه]

السلام عليكم ورحمة الله وبركاته

سوف اطرح هذا الموضوع الخطير .. واتمني ان تصل الرسالة .. لمن يهمة الامر .. جلست مع صاحب قديم لم اشاهدة من فترة طويلة .. في احد المجالس ..

وهو يعمل في المحكمة .. واخبرني بموضوع ابصراحة استغربت كثيرا .. ان يكون هذا الموضوع منتشر والجهات الحكومية لم تحرك ساكنا ..

القضية التي فجرها صاحبنا .. تتخلص في موضوع زواج القطريين من البحرينيات ...

واليكم الموضوع .. يقول صاحبنا ..

ان شباب قطريين يأتون البحرين .. ويكون هدفهم هو التعرف على فتاة من الشارع .. وبعد ان يكلمها يبن لها انة يريد الارتباط بها .. وانة يريد الزواج .. واعتقد ان البنت سوف تفرح وتوافق المسكينة ..

ولكن يأتي الشاب القطري مع احد من ربعة او فتاة يعرفها .. ويوهم اهل الفتاة ان هؤلاء اهلة ..

فتقوم الامور طبيعية ويدفع مبلغ من المال كمهر .. ويؤجل الباقي . لبعد الملجة .. وبعد ان يخطب البنت .. ويأخذ العقد .. يسافر الي قطر .. ولا يرجع ابداااا .. فيتضح ان اسمة وهمي وكل عناوينة وهمية . فقط هو يريد شي واحد ... وهو عقد الزواج ..

لان هناك في قطر يحصل كل شخص يأتي بعقد زواج بمنحة من الحكومة ربما تصل لي 7000 دينار .. فربما يكون قد دفع 1000 دينار مقدر للمهر وكسب 6000 دينار .. ..

فيقول صاحبنا .. والله كل يوم يأتون الي المحكمة بنات صغاار .. يطلبون الطلاق .. لان ازواجهم القطريين سافروا الي قطر ولا يعرفون عنهم شيئا من شهور طويلة .. واصبحوا معلقين ..

سبحان الله الي اين وصل حال البنت البحرينية .. من يومين شفت سيارة قطرية على الكورنيش واقفة مع سيارة بحرينية وفيها بنت ولما جربت منهم .. شاهدت الشاب القطري يعطيها الرقم .. فقلت في نفسي ربما نشاهدك بالمحكمة .. تنتظرين دورك .. ولا حول ولا قوة الا بالله

نحن في النهاية لا نعمم ولكن نحذر

منقووووووووول

احـم اونا جاوبت ع هـ الموضوع بمنتدى ثانـي خليجي بس حبيت اشوف وجهة نظركـم..

[رجـاوي]

موضوع غريب

لم انكر اني لم اسمع بهذا الشأن ولكن ليس بهذه الطريقه انما الزواج يكون على سنة الله ورسوله وليس بالوهم الذي ذكر كل شي وهمي بهدف عقد الزواج لربما يكون هناك فئه شبابيه من هذا النوع لربما فئه قليله وليس الحكم على جميع ابناء البلد الذي أعرفه شباب قطر يتزوجون البحرينيات ورخص المهور لآن المهر بقطر غالي فالشاب لايستطيع ان يدبر هذا المهر للفتاه القطريه فيلجأ للفتاه البحرينيه ويتزوجها ويعدها وحده من بنات البلد مش امعلقه ببلادها

وشي اخير بنات البلد كثير يبالغون بالمهور والشاب على قد حاله مايقدر يدبر المبلغ يعني مثلاً المهر 100.000 ريال فهذا ممكن للشاب غالي يعني لو البنات شوي يخففون المهر الغالي اللي فوق الميه ماراح يتزوج من أجنبيه وهذا احد الاسباب للجوء الشباب القطري بالزواج من الخارج وبنات اللحين للأسف يطالعون الرجال المتزوجين


مشكوره اختي ع الموضوع والسموحه اذا طلعت من الموضوع شوي ببعض النقاط

[البرنس]

والله مصيبه

بس شلون بأسم موب صحيح

إذا كان يملج بجوازه

الله يستر عليهم

البرنس

[الـولـهـانـه]

رجووووووووووي تسلمينلي ع الــرد الطيـب..ولافديتوج اخذي راحتج..

ووووووووووبرنـس ماعطيتنا الرد اللي يستحق الموضوع..وتسلملي

[miss coc]

يسلموووو ولهاااانوه على الموضوووع
ولي رجعة ثااانية للرد
اختج مسووووه

[الـولـهـانـه]

انتي يسلموووووووو..وانطرج

[راضـ نمله ـخ]

((( فيتضح ان اسمة وهمي وكل عناوينة وهمية . فقط هو يريد شي واحد ... وهو عقد الزواج ..)))


اول شي مثل ما قال اخوي برنس يملج بجوازه ,, و بعدين ,,

الزواج من بحرينيه ,, اول شي بعد الملجه


1_ تصديق من المحكمه العليا ف البحرين

2_تصديق من الخارجيه البحرينيه

3_ تصديق من السفاره القطريه ف البحرين

4_تصديق من الخارجيه القطريه ف قطر انه الاختوم كلها صحيحه

5_بعدين المحكمه الابتدائيه ف قطر


يعني بيمر على المحاكم و السفارات و الخارجيه وبيعطيهم عنوان غلط ,, الله عرفناه بالعقل ,,

يعطيج الف الف عافيه على هالموضوع ,, واسمحولنى على هالمداخله

[رجـاوي]

مداااخله طيبه ياخوي

قصه ماتدخل العقل

[الـولـهـانـه]

تسلملي يالغالــي..تقولون شي مايدخــل العقـل اوكي..

بس هالشي صاير فـ البحرين من فتــره..

[راضـ نمله ـخ]

للحين مصممه انه الكلام صح


شوفي اختي الولهانه ,, ترى الكلام واايد و الاشاعات تطلع من قريب و بعيد

انا مب اني اكذبج ,, انتي ناقلته من منتدى ثاني وماتدرين ان كان صح او غلط

واهل قطر حمدالله ف خير و نعمه ,, واهل البحرين ماعليهم قصور ,,


يروح يسوي هالسوالف كلها عشان كم الف ,, انتي فكري فيها




بس بسئلج سؤال ف ذمتج انتي توقعين ان اهل قطر ايسونها ؟

[البرنس]

رجووووووووووي تسلمينلي ع الــرد الطيـب..ولافديتوج اخذي راحتج..

ووووووووووبرنـس ماعطيتنا الرد اللي يستحق الموضوع..وتسلملي

[align=center]بما أنج ياأخت الولهانه تبين الحقيقه

وتبين أقول مايستحق

اللي أعرفه أن العوائل البحرينيه اللي تزوج الشباب تكون على أتفاق وعلم مسبق من الشاب نفسه بأنه لايريد الزواج بل يريد العقد فقط
لتقديمه للجهات المختصه في قطر مقابل 1000 دينار

وبعد كم شهر يذهبون للمحاكم ويطلبون فسخ الملجه بأدعاء أن الزوج ذهب لقطر ولم يعد

عذراً هذه الحقيقه اللي متأكد منها

أرجوا من الله بأني قد أعطيت الموضوع حقه

تحياتي لكم


البرنس[/align]

[راضـ نمله ـخ]

(((لان هناك في قطر يحصل كل شخص يأتي بعقد زواج بمنحة من الحكومة ربما تصل لي 7000 دينار .. فربما يكون قد دفع 1000 دينار مقدر للمهر وكسب 6000 دينار .. ..)))


للعلم فقط ,,




المنحه الي من الحكومه هي 20000 عشرين الف ريال فقط ,, وما تاخذها الى بعد مرور سنه من عقد الزواج و في ناس اقل من سنه بكم شهر ,, الزبده ان السالفه فيها تنقيعه ,, المهم هو بيروح بيدفع 10000 ريال مهر ,, راح نص المبلغ ويبيله مصاريف حق السفرات المتكرره لين ايخلص اجرائاته بتكلفه اكثر من عشرة الاف ريال ,, شالفايده ؟

[الـولـهـانـه]

خيوو اونا ماقلت اني مصممه..ويوم اني نقلته لأن هالخبر صاير صج فـ البحرين..

واشكرك ع الكلام والتفاعل الطيــب .. واظن اي راح يسوونها عيال قطر بس مب الكل طبعا..ولاتنسى الحين بهالايام كلـ(ن) همه المصالح..ونفسي نفسي..

البرنس اشكرك يالغلا ع الـرد الطيب وفيت وكفيت..وفعلا كلامك صح

[غـــــــلا]

تسلمين على الموضوع بس ليش البنت ادخل نفسها في المعمعه وفي مشاكل مالها اول ولا تالي وبعدين مايصير الوحده اتزوج الا لما تسال عن الريال وعن اهله يعني شنو زواج خبط لزق لا لا صار فلم عادل امام هذا هههههههههههههه
واذا عن طاري الماده ترا وايد شباب عايشين على أفا البنات لا وخصوصا اذا صادها كبيره ومتينه ههههههههه راح يكون عايش في نغنغه
انصح المفلسين يدورون العيايز ويشببونهم ولا بس صباح الشحروره اتدلع ترااااااا اغااااااااااار منها هههههههههههههههههههههههههههه

[الـولـهـانـه]

ههههههههههههههههههه

ثانكس ع الرد الطيــب