مـذكـره مـدرسيـه ... دوّنـ/ ــي مـذكـرتك،،،

[رجـاوي]

السلام عليكم ورحمة الله وبركاته

أعزائي الاعضاء ،،

من خلال هذا الموضوع يتسنى لكم تدوين مذكراتكم المدرسيه من مواقف مضحكه محزنه مشاغبه مشاكسه مقالب إلى آخره سواء كانت بين الطلاب او الطالبات او مع مدرسيكم ومدرساتكم ... إلخ

^
^

^
^

^
^

فهيــــا لننطــــلق ونــــدون المذكرات الجميله والمّـره

،،،،،،،،

أنا سأبدأ بتدوين أولى مذكراتي

كانت بمرحلة الثانويه تحديداً كنت بالصف الثاني الثانوي وكنا بداخل حصة فصل الحاسب الآلي وكان درسنا نظري ممل بالمره وسخيف كله هذره وقالت لي رفيجتي خلينا نتسلى قلت لها وش نسوي قالت عطيني يدج ونضيع وقت وكانت عاد انها تقرى الكف >>>> صايره مشعوذه والأبله شافتنا وقالت انتبهوا قلنا زين وماعبرنا لها والمره الثانيه صرخت علينا قالت ثالث انذار بطردكم قلنا ان شاء الله وكذلك ماعبرنا ولا اهتمينا مندمجين مع قراءة الكف هع هع هع ولين آخر انذار قالت انتي وياها برع وطالعنا بعض وضحكنا ورزينا طولنا واحنا طالعين ونضحك ولا واحنا بالدرب نحو باب الفصل نكمل قراية الكف وطلعنا وجلسنا ع الارض وكملنا لعبنا هع هع للعلم كانت حصة الحاسب حصتين ورا بعض وقعدنا برع حصه ونص والنص الثاني رأفت فينا دخلتنا بس فرقتنا عن بعض حده شرق والثانيه غرب وكذا انتهت الحصه وافتكينا

،،،،،،،،،،،،،،،،،،،،،،،،،،،،،،،،،،،،،

هاذي مذكره بسيطه والقادم أجمل وأكشنات أكثر

ويلا نبغي نقرا مذكراتكم

[البرنس]

ههههههههه طلعتي مال شعوذه يارجوووي

أنا بقول لكم من مذكراتي بس بشرط ماتضحكون

كنا بصف أول ثانوي وكانت المدرسه لسى جديده حنا أول صف يدخلونها وأول أسبوع مافيه طاولات ولا كراسي وكانوا حاطين لنا سجاد مال مسجد وجالسين دائره لين مايجيبون الكراسي بعدأسبوع وكان فيه واحد من الشباب خبير في حذف النعال الله يكرمكم على المروحه وقام يحذفها وأي واحد يبيها تضربه تضربه لأنه خبير وبعد ماجلس قلت له يعني ماأحد يعرف الأ أنت ألحين أوريك:D وأنا ماعندي خبره يعني موب مشاغب مثله عاقل مافيه أزين مني لكن نغزني إبليس وأخذ نعله كبيره وثقيله مختارها وأحذفها بأتجاه المروحه على أنها بتضربه وسبحان الله فرتها المروحه وتجي على وجهي وتضرب خشمي هههههههه وينزل الدم على ثيابي وأخذوا ضحك مابقى واحد فالفصل ماضحك وهذي من اللقافه وأحسن مافيها طلعت بدري للبيت عشان أبدل ملابسي خخخخخخخخخ.

أتفقنا ماأحد يضحك ولايعلق خخخخخخخخخخخخخ

البرنس

[قطر الندى]

حلوه رجوي خخخخخخخخخخخخخخخخخخ

تقراون الكف في الحصة <<<<<<< رغم اني اذكر

ويه الابله أكثر وهي معصبة crazy00


*******************************

[قطر الندى]

اخوي البرنس

تحذف نعال <<<<< صج الشباب فيهم دفشه خخخخخخخخخخخخ

بس طمني عسى خشمك زين الحين

[قطر الندى]

والله ذكرياتكم تضحك

أما أنا برجع

للمرحلة الاعدادية

ثاني اعدادي اذكر كان علينا انجليزي وكان صفي فوق قلت حق رفيجتي اشرايج ننزل تحت بين الخمس دقايق قالت انزين نزلنا نروح نمشي في الممر عند الاداره نمشي راحين وردين مرت الخمس دقايق واذا احس أنه في حد يمشي وراءنا و لم التفت اذا المديرة واقفه مع النظاره الشمسية اللي تشبه نظارة أم كلثوم ومعصبة أنا في ذي اللحظة كنت أفكر أشلون اشرد تذكرت خطبة طارق بن زيد
يوم يقول البحر من وراءكم والعدو من أمامكم فأين المفر ؟؟؟؟
جان أشوف رفيجتي تركض وما خذتني معها و أنا لحين أفكر شنو أسوي؟ ولا يوم اروح فوق اسمع حد ينادي
أنتي يا بنت؟؟؟
ولا اركض على الصف بكل سرعة ولم ندخل الصف و الابله لحين ما جاءت أول ما نسكر الباب أنا وفيجتي نطلع بعض ونضحك على اللي صار والبنات يسألون اشفيكم نضحك من بعده قلت توبه أنزل تحت في الخمس دقايق .

والله ذكريات حلوه

وفي المره الجاية راح اقولكم عن مواقف ظريف

[البرنس]

اخوي البرنس

تحذف نعال <<<<< صج الشباب فيهم دفشه خخخخخخخخخخخخ

بس طمني عسى خشمك زين الحين

ههههههههه

لا الدفاشه والزعاطه أيام المراهقه وأبشرج أنتهت عقلنا ألحين جنتل

وأبشرج خشمي مافيه الأ العافيه جات شطف والأ كان كسرت خشمي خخخخخخخخخخ


بس قطووور زين مالحقتكم أم كلثوم طلعت عاقله وثقيله ولا كان وقفتكم ساعه إلين ماتنتهي الحصه ههههههههههه

[حكومه بن دبي]

السلام عليكم ورحمة الله وبركاته
قطور انتوا مديرتكم ام كلثوم نحن ابلة الجفرافيا
البرنس انشاء الله ما ستوى شي في البنكة
رجاوي يبي ربيعتج خلا تقره الكف لي
ومشكووووووووووووريييييييييين

[حكومه بن دبي]

اذكر ايام الاعدادية كنت مسترجلة وكانت ابلة الانجليزي دوم تنازعني
فيوم كان اخر الدوام دق الجرس على البيت وجافتني ظاهرة من المدرسة مو متحجبة جان تنازعني جدام الربع وبعدين راحت الباب الامامي توقف لان كان عندها مناوبة و انا خذتها فرصة فرحت عند الباب الوراني ورحت فشيت تواير سيارتها وانا رايحة اركب السيارة لان الدريول حشريني و للاسف الابلة عرفت و خبرت الاخصائية و علطوووووول عطوني فصل 3ايام بعد احسن اجازة و لين اليوم يوم اشوفها ما اسلم عليها ما تستاهل الكريييييها

[رجـاوي]

ههههههههههههههههههههههههههههههههههههه

البرنس ياشاطر ياخبير مختار أكبر نعال بعد هههههههههههههههههه

أتخيل شكلك بس جيف أنت مع خشمك وهو متورم ههههههههههههههههااااااااي

بخصوص المراوح في ذكريات كثيره في الاعداديه والثانويه بدونها لكم
++++++++++++++++++++

قطور

أم كلثوم ههههههههههههههااااااي عرفتها مع كشتها بس عسى ماضربتج بإيدها المسطره على جتفج خخخخخخخخخخخخخ

اما اذا ماتذكرين يمكن كنتي غايبه هع هع هع هع

++++++++++++++++++++

حكومة 999

يامشاغبه والله وناسه تفشيش تواير أكشنات وإجازه 3 ايام ههههههههههه

لا ربيعتي خلاص اعتزلت الكف خخخخخخخخخ
+++++++++++++++++++

مذكرتي الثانيه

في المرحله الاعداديه في أول اعدادي


كان صفنا قريب من غرفة الوكيله مدري الضابطه ومشاهد باب الصف دريشة غرفة الاداره المهم طبعاً كان عز الصيف والماي اللي بالمدرسه حار يغلي ومايبيعون غراش ماي وفي بنت جابت صحارة فلين ومتروسه ثلج وغراش ماي المهم دغينا الماي وبقت كم غرشه وثلج وكان عندنا عربي بس جاتنا المدرسه قالت ماراح آخذكم معطتكم راحه وكانت الحصه الاخيره وطبعاً قلنا لها لاتجيبين لنا مدرسه تقعدت عندنا قالت انزين لكن اوعدوني ماتشاغبون >>> أشغب صف بالمدرسه قلنا ان شاء الله >>> كذابين ،ماصدقنا يكون إحتياط وأول ماطلعت صكينا الليتات وشغلنا المروحتين على رقم واحد أعلى شي وهوى بااااااااارد وقمنا نحذف مقالم ودفاتر واقلام وفلين وغراش الماي والثلج نثرناه بالارض وقمنا نزلق >>>> ملعب مائي وأنواع الهبال والوناسه وصرااااخ على كيف كيفكم وملابسنا كلها ماي ووصاخه وفوضى كبيره بالصف والطاولات والكراسي محذفه يمين يسار >>> ماننلام أشغب صف هع هع هع
وفجأه تدخل علينا مدرسة العربي وانصدمت من اللي شافته المسكينه جاه تقول لنا وطوا صوتكم واصل لين غرفة المدرسات ومن شافت الصف ودها تدفنا وقالت خيبتوا ظني فيكم وللعلم هي مربية صفنا ماقصرت معنا في شي وكسرت خاطرنا وقلنا لها آآآآآسفين أبله :050103hm_
وهي زعلت منا لين يوم ثاني زعلانه شاله بخاطره المسكينه بس بعدين عادي رضت علينا :050103gig

وتوته توته خلصت الحتوته

[البرنس]

السلام عليكم ورحمة الله وبركاته
قطور انتوا مديرتكم ام كلثوم نحن ابلة الجفرافيا
البرنس انشاء الله ما ستوى شي في البنكة
رجاوي يبي ربيعتج خلا تقره الكف لي
ومشكووووووووووووريييييييييين

الحكومه وش تقصدين فالبنكه مافهمت

[البرنس]

رجوووي طلعتوا مشاغبين من جد

أول أحسب مايشاغب الأ الصبيان

ههههههههههه


البرنس

[حكومه بن دبي]

[align=center]مرحبا ملاااااااااااايين ولايسدن فذمتيه
يقوووووووووولوون في ناس ما يعرفووون شو يعني بنكه
البنكه هي المروحه(باللهجه الاماراتيه) واذا ما عرفتها .. الله لا يهينك ارفع راسك فووووووق (لازم تكون فالبيت >> ما ينفع اي مكان ثاني) و بتشووووف شي نازل من السقف يدووووووووووووووور هذي هي البنكه.. عرفتها بس لا تخبر حد





وسووووووووووووووالم[/align]

[السماوي]

اسمعووووووووني ولا حد يضحك

في المرحله الثانويه في اخر ثنوي كانت عندنا حصه رياضه وانتهت الحصه
وكان الجو غيم وروعه وقالوا الشباب وشرايكم نهرب الحصه الجايه وانتم في الملعب
قلت يالله قدااااااااام قعدنا نريح شوي وبنلعب الى واحد من الشباب جاي يركض يقول
المدير جااااااي رحنا من وراء الا الوكيل والمشرفييين ونرد نركض الصوب الثاني
اول مالفينى من ورى الا المدير والمدرسين خلاص استسلمنا
قال:ماشاء الله ثمان روس هنييييييه مت من الضحك قلت: اشدعوه غنم
قال يالله عطوهم ملفاتهم وخذناها ورحنا نلعب كوره
وبكره ردينا ماكنه صار شئ
هههههههههه
وسلامــــــــــــــتــــــــــــــــــــــــكـــــ ــــــــــــــــم

[قطر الندى]

قطور

أم كلثوم ههههههههههههههااااااي عرفتها مع كشتها بس عسى ماضربتج بإيدها المسطره على جتفج خخخخخخخخخخخخخ

اما اذا ماتذكرين يمكن كنتي غايبه هع هع هع هع

لا اذكر زين واشلون ما ذكر وهي احلى الذكريات


اختي الحكومة 999

قوية فشيتي تواير سيارتها والله حرام ما تستاهل المسكينه خخخخخخخخخخخخ

ماشاء الله ثمان روس هنييييييه مت من الضحك قلت: اشدعوه غنم
قال يالله عطوهم ملفاتهم وخذناها ورحنا نلعب كوره

اخوي السماوي
خخخخخخخخخخخخخخخخخخخخخخخخخ
وشو ذي الألفاظ اللي عند مديرك على الاقل ثمان مشاغبين احسن من ثمان روس
ولا بعد كل ذي تلعبون كروه صج فاضيين هع هع هع
اطلعوا روحوا الكافتيره اللي عند المدرسة ولا روح البيت ارتاح

[رجـاوي]

هههههههههههههههههههههه
ههههههههههههههههه
ههههههههههههههه
هههههههههههه
ههههههههه
هههه
هه
جان قلت له قاعدين بمقصب غنم !!

أما عاد ثمان رووووس الا أنت راس رقم كم ؟؟ هع هع هع هع

والله هالمدراء والمدرسين عليهم ألفاظ غير شكل ويقولون قدووووه ههههههههههههه