اذا كنت تعشق قطر ابصم هنا

**السكرتيره** · 12-08-2010, 07:38 PM

وهذي بصمتي لدار بو مشعل

أنا أشهد أن قطر وآحه ... للناظر اذا ناظر
واللي يرتجي الراحه ... يزور قطـــر باجـــــر

أنا أشهد كلما قلتي ... يا لدوحه تـعال زايــــر
في وقت الندا ألبي ... وأقول أبشـري حاضــر

أنا أشهد في هوا الدوحه ... كم شاعر مع شاعر
تغنى فيك وتغـــزل ... وشاقـه نورك الباهـــــــــر

أنا أشهد أن قطـر جنه ... للسامـر أذا سامـــــر
وأذا ما راد يتهنى ... يزهـم يم الدوحــه سايــر

أنا أشهد أن قطر خضره ... وكل اللي بها ساحر
واللي يطلب النظره ... تسر عيون الناظـــــــــــر

بقلم السكرتيره

**وحيد الدرب** · 12-09-2010, 08:52 AM

❤ الديره اللي على الهامات نكتبها ❤
❤ طير الفرح في سماها جر بألحانه ❤
❤ دار على نهج سيدنا مواكبها ❤
❤ للخير تسعا وتفتح كل بيبانه ❤
❤ دار تجلت على العالم كواكبها ❤
❤ بين البلادين تزها كنها الدانه ❤
❤ من دوحة المجد سيري يا مراكبها ❤
❤ يا مرحبا والكرم بـ دخان عنوانه ❤
❤ خلوا العلم فوق في عالي مراتبها ❤
❤ اما قطر فوق والا ما لنا خانه ❤

**العطــاء المحتــاج ..}** · 12-09-2010, 09:55 AM

آمووووووت عليهآ وربي

آن كآنت السعوديه عيني اليمين .. فـ / قطر عيني اليسآر

http://www.youtube.com/watch?v=Whkh4EAu3Ao

**غلآ قلبي** · 12-09-2010, 11:34 AM

وعنك سولفولي الناس ..
ياعقد من الذهب والماس
يا قصة حب مكتوبة ..
قطر يا تاج فوق الراس
يا شمسن حيرت أقمار ..
يادارن مامثلها دار
خذاك العز لدروبه ..
وصنتي أجمل المشوار
على ترابك ربى إنسان ..
بذل جهدن بقو وإيمان
وصرتي ثامن اعجوبة ..
بها الدنيا حديث أوطان
وسط جوك يرفرف طير ..
ونسماتك هواها غير
دعاك كلن ومطلوبه ..
قطر ياعلك زيادة خير

**السكرتيره** · 12-09-2010, 02:26 PM

فديتكم والله هذي العشم دار بو مشعل

تستاهل كل خير يالله بعد نبي مواهبكم

تطلع ونشوف الوفاء لقطر الموضوع مفتوح

لين العيد الوطني كل التهاني بتكون هني

بنتظاركم فديتكم يا اجمل اعضاء

**اسيرقطر** · 12-09-2010, 02:37 PM

كم أحبك ياوطني

فحبك زهرة نبتت في قاع الفؤاد بقوة الفطرة..

وترعرعت وارتوت من دمي عرقاً في كل شبر من ترابك الغالي..

لم أبال بما كنت أحبك فأنت ريحان حياتي..

بك حاضري ومستقبلي واريج ذكرياتي وسيبقى نورك في الأفق بالرغم من كثرة الغيوم..

فحبي لك باق مابقيت

وسأحن اليك ماحييت

وسأكون معطفك الذي يقيك البرد وتقلبات الطقس ياوطني

فأنت أعطيتني الكثير دون مقابل وها أنا ذا ارد لك ولو بعض ما عليَّ من دين (حق وواجب)

فأتمنى من الله ان يمدنا بالعمر الطويل المديد كي استطيع سداد هذا الدين

يا فكر صف أبيات الاشعـار طابـور
وصـح العيـون ان كـان فالراس نومه

فالـواجب اللـي يلـزمك جالك الدور
ويلحقك منـي كـان ماجـدت لومه

وأن كان مـا ترجمت الأبيـات بشعور
حب الوطـن مــا للقصايد لزومه

حـبٍ يـجـسـد فعل وتضمه اصدور
من عـاد فاطـراف الأظافـر نعومه

والشـعـر لا جنب عن الكذب والزور
تاتـي بيـوته وافيـه وامـخـدومه

تسابـق حـروفه على الدفتر سطـور
لانها بختـم اصـدق شعــور امختومه

والدار في حفـظ الولي منزل الطـور
اللي كتب للعبـد حـجـه وصـومه

وفي حكـم منهـو صايب الهرج والشور
الـدار في عـهـده بـعـز امحكومه

فـي كل يوم امـجـاد وافـراح واسرور
وفــوق الـدول حامت ثمانين حومه

من العديـد للساحـل دخـان للخـــور
تنعـم بأمـانٍ جـعـل ربي يـدومه

سجـل لها التـاريخ بحــروف من نور
وباعـلامها فصـل لجسمـه أهدومه

بافـعال شيـــخٍ فالمواقيف مشـهـور
لا جـاه راعي العلـم ضاعت اعلـومه

وولي عـهـده فالصعيـبات مذكــور
حـتى همـوم الشـعب صارت اهمومه

دولـة قطـر تبنـي على أعلى القمـم دور
مجـدٍ وتاريـخٍ تخـلد ارسومه

بامـر الأمير اصـدر مراسيـم دستـور
كـفٍ بكـف- الشـعب- ويا الحكومه

والشعب كلـه قـال يأميـر مشـكـور
و تسعه وعشرين ‚‚ أربعه‚‚ صــار يـومـه

ينطــق نعـم برضـاه ماهو بمجبور
حريتـه بيـده تقوي اعـــزومه

**= غاده=** · 12-09-2010, 06:58 PM

مرت بي العبــــــرات عـد يطـــرا = وذكرني الديران ما كنت ناســـيـه
جاســــم رثـى حبــــــاً وودّاً وبـرا = والقلب يرحم ناس كانت تواسيـه
واليافعــــــي ثنّـى وجاكـم مقـرا = لأن فيــكـم عـــــز حبـه ويبـــــغيـه
رفعت راية عــــــز وابلــــيـس فـرا = لأن بو مشـــــعل بصـــــاروخ يرميه
على خطى جاسم طريقك تحـرا = على ثوابت دين ترفــض تعــــدّيـه
صارت قطر جنة بها الشـعب سُرا = والحــمد لله فيكـم المجـد نبنيـه
هـذا تمــــــيـم الخــــيـر لؤلـؤ ودرا = يا رب دمّ عـــزّه من الشر تحميـه
رأس الحــــكومة طاف بحــــرا وبرا = رجل سيـاسة من تحــــدّاه يفنيه
ندعو لكم بالخـــير جهـــــرا وسِـرا = فيكم رفعنا الرأس والدين نفديـه
الغرب يحسب لك ويســمع ويقـرا = وهمّش اللي باع أرضه بكــرسيـه
صاح العدو من سهمكم يوم خرا = لمّا الجـــــــزيرة أظهرت مـا يخبّيـه
نقلت صــــــورة شعب غـزة يكـرا = وحــــيد يتحمل وجـع مـا يقاسيـه
خــــيرك لغـــزة غيركم كـان شـرا = حاصــــر ونفذ أمر شيطـان يهديـه

**بوابراهيم** · 12-13-2010, 01:22 PM

فديت
ترابج ياقطر
مشكوره اختي على طرح الموضوع
واشكر زملائي الأعضاء
بوابراهيم

**غلا القلب** · 12-15-2010, 09:08 PM

فدييتج تراابج ياقطر ..

داام عزج ..

بصمه اماراتيه لــأهل قطر الغاليه ..

=)

**ӡтнάβ** · 12-16-2010, 12:39 PM

[youtube]http://www.youtube.com/watch?v=ZspGU8i676g&feature=related[/youtube]

**ღ جـــــــــولــــــــــي ღ** · 12-16-2010, 02:49 PM

اذا كانت السعوديه عشقي فـــ قطر الشقيقه حبي ,,,

كل عام وقطر الغاليه وشيوخها وشعبها بخير وامن وايمان ,,,

دمتم بكل الــــود

جــــــولي

**دنيتي عينه** · 12-17-2010, 11:24 AM

كل عـــــام وقطـــــــر بألف خيــــــر

http://www.youtube.com/watch?v=lxtqcvuLXjg&feature=related

دامن قطر بقلوبنا وعروقنا الحيه ..
وارواحنا ولانفاسنا متكونه فيهاا

دام الوفا والتضحيه في خالص النيه ..
نحيا ونحيا وان بغت بالروح نفديها

يالدوحة مامثلج .. فالكون مملوحه ..
حبج في قلبي غير مفضوح في بوحه

ياحي اسمج ياقطر والله يااحيه ..
يحلى قصيده بـ الغلا شاعري يكفيهاا

ياحي كلج ياامل عمري ومااضياا ..
لا يابعد عشق القلوب الي نسميهااا

يالدوحة مامثلج .. فالكون مملووحه ..

الاول والتالي معك .. بالروحه والجياا

حتى الطفل يقطر قطر ..يوم (ن) يهجيها ..
هاذي قطر ياللي تبي .. علم (ن) سرى فياا

متناغم (ن) يومن سمع .. منشد يأديها ..
يالدوحة مامثلج .. فالكون مملوحه

حبج في قلبي غير مفضوح في بووحه

الله يحفظ لنا دوحتنا

**دانة العبدالله** · 12-17-2010, 10:18 PM

http://www.youtube.com/watch?v=NkiPMiZX5q8&feature=related

داري قطري من قدهاااا

أحببج ياقطر

**السكرتيره** · 12-17-2010, 11:50 PM

فديتكم يا اجمل اعضاء كلكم تحبون قطر

الله لا يغير عليكم دوم الحب يكون بقلوبكم

وكلنا في الخليج بلد واحد واخوان وحبايب

تسلمون اسعدتني مشاركاتكم الحلوه

دمتم بحفظ الرحمن يالغالين

اذا كنت تعشق قطر ابصم هنا

اذا كنت تعشق قطر ابصم هنا

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق