●•.¸ღ●¦¦[ ْ..ليلهـ القرنقعوهـ..ْ ]¦¦●ღ¸.•●

[ं Ms.CanoЙ]

بسم الله الرحمن الرحيم ٌ



.....



●•.¸ღ●¦¦[ ْ..ليلهـ القرنقعوهـ..ْ ]¦¦●ღ¸.•●



نحتفل بمناسبة تراثية جميلة وهي من اجمل الليالي القطريه ليلة القرنقعوه تعتبر ليلة القرنقعوه من عبق تراثنا الرمضاني الأصيل
وهي مناسبة من التراث الخليجي الممتد على ساحل الخليج

طبعا عندنا نسميه قرنقعوه وبالبحريني قرقاعون وبالكويتي قرقيعان والمملكه العربيه السعوديه (( المنطقه الشرقيه)) القرنقشوه في سلطنة عمان



][ في قطـر ][

قرنقعوه قرقاعوه
عطونا الله يعطيكم
بيت مكة يوديكم
يا مكة يالمعمورة
يا ام السلاسل والذهب يا نورة

يالله ياسالم اطلع
بنروح شرق انقرقع

يابنية يالحبابه
ابوج امشرع بابه
باب الكرم ما صكه
ولا حط له بوابه

بانقرقع الليله
صوب البدع والرميلة

عطونا يا اهل الريان
يسلم لكم عليان

الليلة ليلة قمرة
خلونا نروح الوكرة

عطونا يا اهل الخور
يسلم ولدكم منصور



ويحتفل بها في الخآمس عشر من شهر رمضان المبارك
ويبدأ الأهالي قبلها بفترة بتجهيز المكسرات والحلويات لتوزيعها على الأطفال


........


ولهذه المناسبة زي خليجي مميز يكتسية الأطفال في هذه الليلة يسمى البخنق و يطرز بخيوط الزري الذهبية



ولاننسى الحلي الجميلة كالمضاعد والهلالي وطاسة السعد والمرتعشة والكف


.....

.....


وتقوم الأمهات بخياطة أكياس من القماش حتى يجمع الأطفال فيها المكسرات
حيث يتنافس الأطفال في جمع أكبر كمية من الحلويات والمكسرات وهم يرددون أغنية القرنقعوه المشهورة



قرنقعوه قرقاعوه ..
عطونـا الله يعطيكم بيت مكه يوديكم يا المكه يا المعموره ..
يا أم السلاسل و الذهب يا نوره ..
إلى اخر الأغنية ..


.....

والفرح يرتسم على وجوههم البريئة

أجواء تراثية جميلة عاشها آباءنا وعشناها نحن ويعيشها الجيل الحاضر

اتمنى أن لاينقطع عبير وعبق هذه الليلة التراثية الجميلة ..


الحين اسمعوا


أغنية


اضغط هنآ

صور :

http://www.gulfup.com/do.php?id=68366

....



...

This image has been resized. Click this bar to view the full image. The original image is sized 512x396 and weights 76KB.

توزيعات القرنقعوه



جلابيات أم خماس مع الكيس

توزيعات على أشكال علب ..ٌ



الفوانيس



فإذا قـدم أصحاب المنزل لهم هذا الحق ، فإنهم يقولون :



سلم ولدهم يا الله وتخليه لامه يا الله جـدام بيتكم وادي والخير كله ينـادي



أما إذا أقفل الباب في وجوههم ، ولم يحصلوا على الحق ، فإنهم يرددون بغضب :
جـدام بيتكم طاسـه ووجوهكم محتاسـه



اخيرا:


القرنقعوه ( مطور)

http://www.dohasoul.com/krnk3oh.ram



القرنقعوه

http://www.shamsqatar.com/audioListe...s=qaranq3oh.rm





نبي نعرف كل واحد وذكرياته بالقرنقعو ه

مع تحيات ღ¸.•●مس دوحه ●•.¸ღ

م.نٌ

[سماء لاتعني العلو]

واو تحمست اجي قطر واعيش ليله القرنقعوه هههههههه شي صراحه مشكوراخوي ع الموضوع تقبل مروري

[lady of thin]

روووعه وناسه خلاص سما بروح انا وانتي تحتفل بقرنقعو قطر

يعطيك العافيه مس دووحه على النقل

[سكر نبآت]

=) ذكرتيّ قبلّ آيآم مآ كنـآ روحّ نقرقع .. آحلىّ آبآم


ونــآسه ليتّ آيآم قبلّ ترجّع واللهّ كنآ مآنخليّ بنت بآلفريج آله آندشه

ونقررقعّ بسّ آنآ كنت كلهّ آنخشّ وره اليهآل كنت آستحيّ من النـآس الحريم وجي يعني ..

كنت الصغيره بينهم .. آحلى آيآآم هآلآيآم .. ثنكس الغـآليه..

[ं Ms.CanoЙ]

ربي يسلمكم حبايب قلبي ..ٌ

سمـآ فديتووج- .. آنآ بنـت ^ــ^

[رجـاوي]

تسلمين حبوبه ع التقرير الحلو

وبالنسبه لذكريات القرنقعوه

اممم اذكر كان اخوي ياخذني يوديني نادي الجسره يمكن

مااذكر وين بالضبط بس اذكر كنا نركب باص ويودونا فريج وننزل نقرقع على

ع البيوت الموجوده كم بيت 3 او 4 بيوت ونروح فريج ثاني وهكذا

وبعد كنت آروح مع عيال الفريج من الاهل ونروح نلف

أخبر نترس خريطه ونرد البيت ونقطها وافضيها ونرجع مره ثانيه نكمل

مشوارنا خخخخخخخخ

وربي ايام حلوه أيام زمان >>> اللي يسمعج يقول عمرج 50 سنه

والفرق بين قرنقعوه اول واللحين

اول مافي مشاكل الاطفال يلفون الفرجان من غير خوف عكس اللحين الناس تخاف على عيالها

السيارات اكثرت والناس زادوا والتطور العمراني له دور

اول القرنقعوه كانت مكسرات ومنها

اليوز والبيضان والنخي الابيض والنخي الاخضر والحلاوه الملونه والنقل والسنبل

واللحين زادت الماجله حلويات وكوافي وعلوج وهالبهنسه شكثرها وصوايات والعاب صغيره

واللبس تغير بعد اول البنات جلابيه وبخنق والجف والطاسه للي ماتلبس البخنق وثوب النشل والولد الثوب والقحفيه واللحين البنات قفاطين وجلابيات شك ولبس هندي وسوالف وايده والولد الثوب والسديري ولا الدقله التطورات وايده

إضافه صغيره على ما أظن الامارات تحتفل بالقرنقعوه في النص من شعبان اللي هو يوم النافله عندنا

ويقولون بأغنيتهم للقرنقعوه

يازينه النص من شعبان
الكل سعيد وفرحان
انهني كل اهلنا
ونقرب من وصلنا
يلا نسير نشارك
من بيتكم لبيت مبارك
عطونا الله يعطيكم
ولبيت مكه يوديكم
عطونا من مال الله
يجزيكم ان شاء الله
عطونا من صحنكم
الله يخلي ولدكم
يامرحبا من يانا
من ييته هنانا
علينا مارده
من الحلو نمده

بس اعتقد انقرضت هالعاده عندهم

والسموحه اختي ع الاطاله بس لازم اطول اذا عندي معلومات


كانت معكم عيوزتكم رجوووي خخخخخخ

[ं Ms.CanoЙ]

عآدي حبوبه آخذي راحتج في الكلام ..ٌ

منوره ..ٌ ^ــ^