مطبخ عضوات قطرررري الخاص

[السكرتيره]

السلام عليكم ورحمة الله وبركاته

مبارك عليكم الشهر الفضيل

اليوم بنفتح صفحه جديده

نبي نستفيد من بعض

اي وحده من العضوات تطبخ طبخه حلوه

تقوم تكتب لنا هني شنو سوت

وتحط لنا الطريقه علشان الباقي

يسون مثلها ونستفيد من بعض

هذي الصفحه حق طبخات العضوات

او خواتهم او امهاتهم فقط

وليس لنقل الطبخات الجاهزه من مكان ثاني

نبي نشوف العضوات الماهرات في الطبخ

ونحدد مستقبلهم ههههههههههههه

يالله نبتدي من اليوم وانا أول وحده بانزل لكم

طبختي اليوم السكرتيره نشيطه داخله المطبخ

مسويه هريس حق الفطور

يالله بشوف مهاراتكم كل يوم ابيكم تدخلون هذي الصفحه

اوكي يا حلوين عفيه عليكم

كل عام وانتو بالف صحه وعافيه

وتطبخون لنا ههههه

[السكرتيره]

هريس

المقادير

حب هريس كيلوو

لحم بقر كيلووو

ماي حسب الطلب

ملح + ماجي مكعب واحد


الطريقه

يغسل الحب وينقع بالماء

يوضع الماء فوق الغاز ويترك لين يطبخ

يغسل اللحم جيدا وينظف من الشحم

ثم يوضع في الماء الحار فوق الغاز ويترك لين يطبخ

ثم ينظف من اوساخ اللحم جيدا وبعد ذلك نوضع حب الهريس

وتوضع مكعب الماجي ويترك لين يطبخ ثم نوطي النار ع الجدر

ونحط تحته قطعه حديد او نحاس حتى لا يحترق وتكون النار قليله جدا

ويلحف بفوط ويترك لمده 3 ساعات ثم نوضع الملح ونتركهو نص ساعه اضافيه

ثم نسكر النار ونضرب الهريس حتى يتماسك مع اللحم والحب وبالعافيه عليكم

اذا في سؤال او اي شي اكتبو هني لي

[اسيرقطر]

يم يم يم يم

حلووو الهريس تسلم يدج

صديقتي تسلمين على الاكله احب الهريس وااايد

السكرتيره الله يعطيج العافيه يالغاليه

تحياااتي لج صديقج

اسيرقطر

[الفجـر البعـيد]

يا حااافظ عليج السكرتيره >>>مالج حل أحل هريس ^^


تسلم يمينج حبوووبه وفكرته حلوه سهله اذا اتفيجت بحاول اسويه ^^


لي عووده مع الموضوع النااايس

ودي ^^

[السكرتيره]

منورين فديت قلبكم

اليوم سويت كريم كرمل حلوووه

المقادير

علبتين كريم كرمل

علبه دريم ويب

علبه قيمر

حليب بودر كوب ونص

4 اكواب ماي

الطريقه

نحط الماي ونحط فيه لكريم كرمل والحليب

والقيمر ولدريم ويب ونخلطه بالخلاط

وعقب نحطه ع النار ونحركه

ولين طبخ نصبه بالبايركس بس لا تنسون تحطون السكر اللي

بالكريم كرمل في البايركس واللي يحب لفروت يحط تحت بالبايركس علبة فروت صغيره بيدون الماي الي فيها

تهبل طعمها مثل الفنادق بالعافيه ع قلبكم

[رجـاوي]

الله عليج يالسكرتيره هريس مره وحده ماشاء الله عليج

يالله فجوره عطينا شسويتي اليوم

اممممممم

انا اليوم ماسويت شي مادشيت المطبخ

نطروني باجر بادش المطبخ بس باقولكم اول يوم وشو سويت

كريب بالدجاج والمشروم

صحن صدور دجاج
جزر مبشور
فلفل حلو اخضر مبشور
علبة صغيره مشروم
نص قلاص ويبنج كريم ( كريمة خفق )
ليمون
ملح وفلفل اسود وأعشاب مجففه ريحان وغار يكون مجفف وناعم

مقادير الكريب
نص كوب طحين
كوب حليب
5 بيضات

الطريقه
تقطعين الدجاج مربعات متوسطه الحجم وتغسلينه زين وتسخنين المقلاه بالزيت وتحطين الدجاج والفلفل الحلو والجزر وتحطين المشروم وتقلبينه زين مازين لايلصق وتوطين الحراره وتخلينه براحته وتاخذين كاسة الويبنج كريم وتحطين الملح والفلفل الاسود والاعشاب المجففه كله حسب الرغبه بالنسبه للكميه
وتخلطينه مع بعض وهو في الكاس وتصبينه على خلطة الدجاج ووترفعين الحراره وتقلبينه وحطي ليمون حسب الرغبه وتوطين الحراره وتخلينه، وتروحين تسوين الكريب

طريقة عمل الكريب
تحطين الطحين بالوعاء وكاس الحليب والخمس بيضات وتخلطينه بالخلاط وبعدها تدهنين مقلاة تيفال بقطرة زيت ماتكثرين الزيت بس قطره تدهنين المقلاه وتصبين على قد فنجان قهوه وتدورين المقلاه لين تمتلي كلها بأقل من دقيقه تقلبين القرص.

وأخيراً

تحشين الكريب بحشوة الدجاج وتلفينها وتقدمينها

وبالعافيه

[السكرتيره]

رجاوي منوره يالغلا

وتسلم يدج ع الطبخه باجربها وباخبرج


طبختي اليوم







المقادير:

-3 بيضات

-كاسة سكر

-ملعقة صغيرة فانيلا

- كاسة حليب سائل

-2 كاسة دقيق

-2 ملعقة بكنج بودر

-3-4 فليك



طريقة التحضير :



1

-3 بيضات تنخفق جيدا مع كاسة سكر وملعقة صغيرة فانيلا وبعدين نضيف لها1/2 كاس زيت


كاسة حليب سائل ونستمر في الخلط

2-نضيف 2 كاسة دقيق على دفعات ونخلطها جيدا اخر شئ نضيف 2 ملعقة بكنج بودر

3-نضع نص الكمية في قالب الكيك والنص الثاني نضيف اليه من3-4 بسكويت فليك بعد ما نطحنه شويه ونخلط الخليط

مرة ثانية

4-نضع باقي الخليط على الخليط الموجود في القالب نضعها في الفرن حتى تنضج

الصوص :

في قدر نضع علبة قشطة +3 فليك +شوية حليب +شوية زبدة نضع على النار حتى يذوب الفليك وتتجانس الخلطة

لما تطلع الكيكة من الفرن نصب عليها الصوص .. وممكن نرسم عليها خطوط بصوص الشوكلاته الغامقة


وبالعــافيــــه على قلووبكـم

[السكرتيره]

اليوم سويت لكم خنفروش

المقادير

2 كاس طحين جميع الاستعمالات

بيضتين

هيل وزعفران وشوي فنيلها للريحه

حليب نص قوطي سائل

كوب سكر + سمسم للزينه

الطريقه

نخلط البيض مع السكر بالخلاط ونحط فيه الحليب

وباقي الأغراض ونخلط لين يصير سائل بعدين نحط

لطحين شوي شوي ونخلط لين تتماسك العجينه

وتصير ثقيله شوي مو ماي بعدين نبتدي

نصب في الزيت ونخلي النار هاديه حق مايحترق

ونرش ع ويها سمسم ونقلبه لين يحمر وبس

عليكم بالعافيه


بعد سويت صالونه لحم حق الثريد

هذي عاد الكل يعرف يسويها مايحتاج

اقول لكم طريقتها هههه لووووووول

[اسيرقطر]

دخلت عليكم عرض حطين موضوع مطبخ عضوات قطري يعني رجال مايعرف يطبخ

اول طبخه من صنع ايدي مسويها اليوم لي غصدي لكم هههههه

جايب لكم مكرونة بالبشاميل اكلة لذيذة احبها وااايد

مقادير مكرونة بالبشاميل مقادير مكرونة بالبشاميل اللذيذة هي


المقادير

2 ملعقة سمن اوزيت

4 ملاعق دقيق يعني طحين

كوب ونصف لبن

نصف كيلو لحمة مفرومة

بصلة كبيرة اتكون مفرومه

ملح وفلفل

1 كيس مكرونة من نوع جيد تكون على شكل أقلام

الطريقة

1. نحمر البصلة فى ملعقة سمن.

2. بعد أن تحمر البصلة نضع عليها اللحمة المفرومة ونضع عليها الملح والفلفل.

3. بعد ذلك نحضر البشاميل بوضع

2 ملعقة سمن وعندما يغلي السمن نضع

4 ملاعق دقيق ونستمر فى التقليب حتى يصبح لونها ذهبي.

4. بعد ذلك نضع الحليب بتددريج على الطحين عشان مايختر

5. بعد ذلك استمر فى التقليب حتى يمتزج الحليب والطحين مع بعض بحيث يكون لا سائلة كمثل الماء ولا غليظة، تكون متوسطة.

6. نسلق المكرونة جيداً ونضعها تتصفى فى مصفاة.

7. نحضر صنية وندهنها بالسمن جيداً.

8. نضع المكرونة فى وعاء اكيداتعرفونه ونتبلها بالملح والفلفل جيداً ونضع عليه مقدار صغير من البشاميل ونخلطهم جيداً.

9. بعد ذلك نضع نصف مقدار المكرونة فى الصنية المدهونة بالسمن ونضع اللحمة فوقها ثم نضع باقى المكرونة ونضع البشاميل عليها وندخلها الفرن حتى تحمر المكرونة وبالهناء والشفا

هاه ان شاءالله عجبتكم وهم شي

اتقولون لي مع الردود تسلم يدك يااسيرقطر

وان شاءالله اكلتي الجايه اهي والاقولكم مفاجئه

[الفجـر البعـيد]

ما شاء الله عليكم عيني عليكم باارده >>>>شادين حيلكم في المطبخ ما شا ءالله عقبال ^^


تسلم هالايادي وقواكم الله

في انتظار جديدكم

^^

[السكرتيره]

ههههههههههههههه واو اسير قطر شيف ماهرر تبارك الله

زين تسوي وتسلم يدك باجرب طبختك وباقول لك هههه

ربي يعطيك العافيه

[السكرتيره]

كيك التوت اللذيذ
جربو بنات يهبل

المقادير:
- 1/2 كأس ماء.
- 3 ملاعق حليب بودرة.
- كأس ونصف طحين.
- 3 بيضات.
- 3 ملاعق فانيليا.
- ملعقتين بيكنغ بودر.
- كأس سكر.
- كأس صغير من الزيت.
- 3 ملاعق جيلي بالتوت.



للتغطية:

- 12 حبة جبنه كيري.
- كوب سكر بودرة.
- ملعقة صغيرة ونصف فانيليا.
- علبة كريمة خفق صغيرة.

* طريقة التحضير:
- تخلط المواد الجافة مع بعض
- يضاف البيض والزيت وتضرب المكونات جيدا مع كشط الأطراف كي يدخل الدقيق الذي في الحواف و تمزج حتى تتجانس المكونات.
- خذي ثلث الخليط واضيفي له الجيلي وقلبيه.
- حضري صينية مدهونة زيت ورشيها بالدقيق وصبي الخليط الأبيض ثم رشي الخليط الأحمر بشكل عشوائي وحركية بالشوكة.
- تخبز على درجة 180 درجه مئويه في الرف الأوسط حتى تنضج.
- تخفق مقادير التغطية جيدا وممكن إضافة جيلي توت للحصول على اللون الأحمر.
- تزين الكعكة بعد أن تبرد بالتغطية والتوت الطازج.

[السعو بنت دية]

وافشلتاه ،كلكم تعرفون تطبخون
الا انا بس ماعليه بتعلم ان شاءالله
هههههههههههههههههههههه
انتظرونـــــــــــــــــــــــــــــي

[السكرتيره]

اليوم سويت ام علي

المقادير

عجينة الباف باستري وحده
قيمر كويتي علبه
حليب السعوديه طويل الامد علبه او المراعي
مكسرات وزبيب + سكر كوبين

الطريقه

تصف العجينه في الفرن وتخبز لين تحمر وتنتفخ

تقطع قطع صغيره وتوضع في البايركس

يوضع الحليب ع النار ونضع فيه السكر حتى يقلي

نصب الحليب ع العجينه المقطعه ونضع المكسرات والزبيب

ثم نوضع في الاخير القيمر لكويتي من فوق ويدخل الفرن

ونفتح النار من فوق ليحمر الوجه فقط وبس تاكل ساخنه

بالعافيه ع قلبكم اسهل ام علي

[رجـاوي]

وااااااو خوش طبخات من ايدكم

يسلمو اسير يلا عطنا المزيد من الوصفات

===========

حلى النسكافيه

شي خيالي ومو طبيعي واليهال عندنا شطبوا عليه ماخلوا لنا شي ماشاء الله عليهم يغرفون بروحهم ويحطون لهم واحنا الكبار نطالعهم وماحصلنا شي غير 4 قطع تقاسمناها

المقادير
باكيتين بسكوت الشاي ( والكميه تعتمد على حجم قالب التقديم )
كيسين دريم ويب
كيسين كريم كراميل بدون العسل حقه
علبتين قشطه
ملعقتين نسكافيه

الطريقه
تغمسين البسكوت بالحليب وترصينه بالقالب تسوين طبقتين
تخلطين القشطه والكريم كراميل والدريم ويب في الخلاط مهب العصاره
تصبين نصه فوق البسكوت وترصين طبقه ثانيه فوقه هالمره طبقه وحده
وتضيفين ملعقتين نسكافيه على الخليط النتبقي وتخلطينه وتصبينه فوق الطبقه الثانيه
وتزينينه بكيفج انا رشيت فوق كاكاو وتحطينه بالثلاجه يبرد ويتماسك وتقدمينه

وبالعافيه عليكم وابصم لكم راح يعجبكم