خــبز الرقـــاق ،، معلومات + صـور

[رجـاوي]

السلام عليكم ورحمة الله وبركاته

ماتبقى الا ايام معدودات ع قدوم الشهر الفضيل

قبل رمضان يتم تحضير خبز الرقاق وهذا شي اساسي للثريد

البعض يبتدي يخبز بداية شعبان والبعض نص شعبان واما الوالده " الله يحفظها " تبدا تخبز نص شعبان

أتركم مع الصور تحكي عن نفسها

أول شي حياكم ع الكيك



عجينة خبز الرقاق





على التاوه









ننطرها تحمر شوي



وبعدها نشل العجين الزايد




وبعدها نشلها بهالملاس المسطح ماعرف شيسمونه او سجين كبيره المهم شي امسطح






واللحين دور الجبن






وعواشه تسلم عليكم وتقول لكم يمي يمي






فاصل ونواصل ،،، يتبع


لحد يرد خل اكمل

[رجـاوي]

ورجعنا لكم




اللحين دور الاهم

للعلم المعلومات من عند الوالده الله يحفظها ويخليها ،،



المهياوه : عباره عن سمج يسمى سمج المتوت
وطريقة اعداده : يمعصونه ويشفشفونه يعني يجففونه في صينيه ويحطون معاه جلجلان جاف ولومي اسود وخردل حبوب جاف وبهارات ويحمصونه شوي ويدقونه لين ينعم ويحطونه في ليحال < غراش كبار > ويصبون فوقه ماي ويخلونه في الشمس لين يستوي يمكن حول شهر الى شهرين .

وهالاكله معروفه عند العيم " العجم " والخليج كله يقدر يسويها لتواجد سمج المتوت في الخليج .

أخليكم مع الصور





وعاد جدووول اختي لازم تقلب فيه يعني تخلط المهياوه مع الدهن خخخخ




واللحين نجي للبيض >>> احبه

بيض + سكر + هيل حسب الرغبه وخلط بلط وامسح ع الرقاقه وهي ع التاوه ونخليها تحمر ونشلها ونرشها دهينه شوي ونغلها بالجبد والجبد تعرف شغلها

سألت الوالده المهياوه حق العيم والبيض حق من قالت لي قبايل العرب










وهذا اللي عندي وانتظروني راح انزل باقي الصور

باقي رقاق بالطريح + رقاق جبن بالزعتر + رقاق بالبيتزا !!!

+ طريقة تيبيس الرقاق للثريد


بإمكانكم الرد لين انزل باجي الصور اليوم الثاني ولا اللي عقبه

[لـ ع ـيونـہـآ..}~]

امششششششششش

عيل بتفطر عندكم في رمضان

ههههههههههههههههه

تسلمين يالغاليه والله يعت

[سكر نبآت]

الله واللهّ آحب خبز الرقآآق لذيذ~

=) يعطيج الع ـآفيه .,

[lady of thin]

احسه ماهو حلو هع هع

بس يعطيك العافيه

[تسوى عيوني]

تسلمين يآلغآليه على هآلطرح آلروعه ..

ومآقصرت آلوآلده على آلمعلومآت آلحلوه ..

ربي يطول بعمرهآآ ويخليهآ لكم ^^

[المجرمه]

الله يطول بعمر الوالده ويحفظها

سلمت يمناها وماقصرت على هالخبز الزين

[يشرفني أخونك]

تسلم يدج يالغاليه شغل فله