تويت
موقف محرج لي .. إبن السلطنة ..
بسم الله الرحمن الرحيم
السلام عليكم
الحمد لله رب العالمن والصلاة والسلام على المبعوث رحمة للعالمين > حشأ مو موضوع هذا محاضرة هع هع
اليوم جبت لكم موضوع وهو موقف حصل لي في مطار الهند > هذا الهنود مشكله هع
الموقف محرج لنا بصراحة وكانا أنا وأختي ..
نبدأ > إبدأ حد منعك هع هع
يوم مسافرين الهند كنا شالين معنا دواء لأختي وهو عبارة عن شراب مقرؤ عليه وفيه زعفران يعني لونه متغير صاير أصفر
وكان في غرشة فيمتو وأيضا زيت الزيتون و حبة البركة في علبة صغيرة ..
نحن كنا شالينه في يدينا يعني ما سويناه في الحقيبة مخافة أن ينكسر فحطيناه في كيسة ..
في مطار عمان عادي ما قالوا شي وعندما وصلنا للهند دخلوه عادي وما قالوا أي حاجه
وعااد يوم بغينا نرجع وخلصنا إجراءات السفر كان باقي مكان واحد وهو التفتيش طبعاص الدواء في الكيس انا عطيت أختي الكيس
طبعاً هيه راحت مكان لتفتيش النساء وأنا عند الرجال ..
هيه خلصت قبلي وشفتها موقفينهاا وماخذين عنها الكيس أنا خلصت التفتيش ورحت لها قالت أخذوه الكيس
خبرتهم أن إلي في الكيس دواء مو حاجه ثانية ..
طبعاً هم ما فهموني لأني لا أنا أفهمهم ولا هم يفهموني ما أعرف أتكلم هندي > هع
حاولت أفهمهم بطريقة وأخرى ما في فايدة ..
المهم كنا قبل عن نوصل نقطة التفتيش الأخيرة هذي حصلت واحد هندي يتكلم عربي لأبأس بهاا
فرحت وخبرته إنه يجي يفهمهم أن إلي بالكيس دواء ..
الرجال ما قصر خبرهم ووضح لهم الأمر بس هم بالأول كانوا ما مقتنعين لأن إلي في غرشة الفيمتو دواء وزيت الزيتون
الجمااعة يفكرووه خمر > حفظنا الله منهااا
شو ها المصيبة !!!
المهم ما قصر الرجال فهمهم وبعدها إقتنعوا أنه دواء بس ما سمحوا لنا نشلة قالوا ممنوع
حاولت وحاول وما في فايدة أبداً ..
عااد وين الإحراج صااااااار
يوم طلعوا غرشة الفيمتو وغرشة زيت الزيتون طبعاً المطار في عالم وااايد
توو الناس تشوف علينا وكان المطار فيه إزدحام وااايد
أنا ألتفت يمن أشوف الناس تشوف علينا إلتفت يسار أشوف الناس تشوف علينا
يعني يفكرونا الناس شالين .................. إفهموهااااا
يعني موقف محرج بصراااحة وااايد لنا
طبعاً ما طاعوا نشله رحنا عنهم وجلسنا في مكان ننتظر موعد الإقلاع
وحسبنا الله ونعم الوكيل
هذا هو الموقف المحرج لنا
والسموحة على الإطاله
والسلام عليكم
خيكم // إبن السلطنة
تعليق